9. Tissattheragāthā

39. [Saṃ. ni. 1.21, 97]“sattiyā viya omaṭṭho, ḍayhamānova [ḍayhamāneva (sabbattha)] matthake;

kāmarāgappahānāya, sato bhikkhu paribbaje”ti.

… Tisso thero….

10. Vaḍḍhamānattheragāthā

40. “Sattiyā viya omaṭṭho, ḍayhamānova matthake;

bhavarāgappahānāya, sato bhikkhu paribbaje”ti.

… Vaḍḍhamāno thero….

Vaggo catuttho niṭṭhito.

Tassuddānaṃ–

Gahvaratīriyo suppiyo, sopāko ceva posiyo;
sāmaññakāni kumāputto, kumāputtasahāyako;
gavampati tissatthero, vaḍḍhamāno mahāyasoti.