2. Subāhuttheragāthā

52. “Vassati devo yathā sugītaṃ, channā me kuṭikā sukhā nivātā;

cittaṃ susamāhitañca kāye, atha ce patthayasi pavassa devā”ti.

… Subāhutthero….

3. Valliyattheragāthā

53. “Vassati devo yathā sugītaṃ, channā me kuṭikā sukhā nivātā;

tassaṃ viharāmi appamatto, atha ce patthayasi pavassa devā”ti.

… Valliyo thero….

4. Uttiyattheragāthā

54. “Vassati devo yathā sugītaṃ, channā me kuṭikā sukhā nivātā;

tassaṃ viharāmi adutiyo, atha ce patthayasi pavassa devā”ti.

… Uttiyo thero….