Dharmasamuccaya
Based on the edition by Vijayasankar Caube:
Dharmasamuccaya.
Varanasi : Sampurnanda Sanskrit University, 1993, pp.
1-278.
Input by members of the Sanskrit Buddhist Input Project.
With
kind permission of the Digital Sanskrit Buddhist Canon Project
of Nagarjuna
Institute, Nepal
and University of the West, Rosemead, California,
USA
(www.uwest.edu/sanskritcanon)
Sastra section, text no.
52
The transliteration emulates the conventions of Nagari
script.
Therefore, many word boundaries are not marked by blanks.
THIS GRETIL TEXT FILE IS FOR REFERENCE PURPOSES ONLY!
COPYRIGHT
AND TERMS OF USAGE AS FOR SOURCE FILE.
Text converted to Unicode
(UTF-8).
(This file is to be used with a UTF-8 font and your browser's VIEW
configuration
set to UTF-8.)
| description: |
multibyte sequence: |
| long a |
ā |
| long A |
Ā |
| long i |
ī |
| long I |
Ī |
| long u |
ū |
| long U |
Ū |
| vocalic r |
ṛ |
| vocalic R |
Ṛ |
| long vocalic r |
ṝ |
| vocalic l |
ḷ |
| long vocalic l |
ḹ |
| velar n |
ṅ |
| velar N |
Ṅ |
| palatal n |
ñ |
| palatal N |
Ñ |
| retroflex t |
ṭ |
| retroflex T |
Ṭ |
| retroflex d |
ḍ |
| retroflex D |
Ḍ |
| retroflex n |
ṇ |
| retroflex N |
Ṇ |
| palatal s |
ś |
| palatal S |
Ś |
| retroflex s |
ṣ |
| retroflex S |
Ṣ |
| anusvara |
ṃ |
| visarga |
ḥ |
| long e |
ē |
| long o |
ō |
| l underbar |
ḻ |
| r underbar |
ṟ |
| n underbar |
ṉ |
| k underbar |
ḵ |
| t underbar |
ṯ |
Unless indicated
otherwise, accents have been dropped in order
to facilitate word
search.
For a comprehensive list of GRETIL encodings and formats
see:
www.sub.uni-goettingen.de/ebene_1/fiindolo/gretil/gretdiac.pdf
and
www.sub.uni-goettingen.de/ebene_1/fiindolo/gretil/gretdias.pdf
Bhikṣuṇā
avalokitasiṃhena samudbhāvitaḥ
Dharmasamuccayaḥ
prathamam
udānam
(jitadharmakāyavargāḥ parivarto hyanityatā /
apramādaḥ
kāmatṛṣṇe strī ca madyena te daśa // ) //
(1)
jitavargaḥ
maṅgalācaraṇam
// om namo buddhāya
//
prahīṇasarvāsrava nirmalaśrīryaḥ kleśajambālanimagnalokam
/
kṛpāguṇenodaharatsamena praṇamyate 'smai tribhavottamāya // Dhs_1.1
//
granthakārapratijñā
saddharma
smṛtyupasthānasūtravaipulyasāgarāt /
gāthāḥ samuddhariṣyāmi
lokalocanatatparāḥ // Dhs_1.2 //
mokṣasyāyatanāni
ṣaṭ
apramādastathā śraddhā vīryārambhastathā dhṛtiḥ /
jñānābhyāsaḥ
saṃtāśleṣo mokṣasyāyatanāni ṣaṭ // Dhs_1.3 //
nava
śāntisamprāptihetavaḥ
dānaṃ śīlaṃ damaḥ kṣāntirmaitrībhūteṣvahiṃsatā
/
karuṇāmuditopekṣā śāntisamprāptihetavaḥ // Dhs_1.4
//
narakasyāgrahetavaḥ
cāpalyaṃ pāpasaṃśleṣaḥ krūratā vitathaṃ
vacaḥ /
mithyādṛṣṭiḥ pramādaśca narakasyāgrahetavaḥ // Dhs_1.5
//
preteṣu ṣaṭ udbhavakāraṇāni
mātsaryamīrṣyā kaṭuvākyatā hi
pramādasevā viratiḥ śubhācca /
tattveṣvabhidroharataṃ manaśca preteṣu
panthāna ihodbhavanti // Dhs_1.6 //
tiryagyonau
udbhavasādhanāni
ajñānasevā jaḍa (tā) ca buddheḥ saddharmanāśaḥ
priyamaithunatvam /
āhāraśaktiḥ prabalā ca nidrā tiryaggatau ca pravadanti
hetum // Dhs_1.7 //
karmaphalam
aśubhaṃ trividhaṃ kṛtvā
kāyavāṅmanasāṃ mahat /
uttarottarasambaddhaṃ karmaṇā sampradṛśyate // Dhs_1.8
//
bālānāmapi sambaddhamuttarottarameva tat /
śubhañca trividhaṃ kṛtvā
sādhavo yānti nirvṛtim // Dhs_1.9 //
tasmāt karmaphalaṃ matvā pramādasya ca
varjanam /
śreyase kriyate buddheretat sukhamanuttamam // Dhs_1.10
//
dānaśīlavato nityaṃ sarvasattvānukampinaḥ /
siddhayanti
sarvaśastulyāstasmācchīlaparo bhavet // Dhs_1.11 //
kasya kāryasiddhiḥ
bhavati?
maitrīkaruṇāyuktasya gatākāṃkṣasya dehinaḥ
/
parānugrahayuktasya kāryasiddhirdhruvaṃ sthitā // Dhs_1.12
//
santuṣṭasyāpramattasya sarvasattvahitaiṣiṇaḥ /
rāgadveṣavimuktasya
kāryasiddhirdhruvaṃ sthitā // Dhs_1.13 //
mitrāmitraprahīṇasya samacittasya
dehinaḥ /
apāyagatibhinnasya kāryasiddhirdhruvaṃ sthitā // Dhs_1.14
//
evaṃ ca tasya dhīrasya dharmadānaratasya ca /
mātsaryerṣyāpramuktasya
kāryasiddhirdhruvaṃ sthitā // Dhs_1.15 //
saṃvarasthasya śāntasya
gurupūjāratasya ca /
kāryākāryavidhijñasya kāryasiddhirdhruvaṃ sthitā //
Dhs_1.16 //
aśaṭhasyātidakṣasya priyavākyasya nityaśaḥ
/
dhyānādhyayanaśaktasya kāryasiddhirdhruvaṃ sthitā // Dhs_1.17
//
deśakālavidhijñasya sādhyāsādhyaṃ vijānataḥ /
śakyopāyavidhijñasya
kāryasiddhirdhruvaṃ sthitā // Dhs_1.18 //
krodhādivijayasādhanamukhena
dharmatāsvarūpanirūpaṇam
akrodhena hataḥ krodhaḥ kṣamayā krūratā jitā
/
dharmeṇa nirjito 'dharmaḥ prabhayā vijitaṃ tamaḥ // Dhs_1.19
//
satyādeḥ praśaṃsā
mṛṣāvākyaṃ satyahataṃ paiśunyaṃ ca samādhinā
/
pārūṣyaṃ mārdava jitaṃ abaddhaṃ bandhanā jitam // Dhs_1.20
//
prāṇātipāto maitryā ca steyaṃ dānaiḥ sadā jitam /
ayoniśomanaskāro
yonijena sadā jitaḥ // Dhs_1.21 //
avidyā vidyayā jitā divasena tathā kṣapā
/
śuklapakṣeṇa ca kṛṣṇapakṣo (hi) sarvaśo jitaḥ // Dhs_1.22
//
mithyākāmeṣvavijito buddhayā tattvavicārayā /
āryāṣṭāṅgena mārgeṇa
yonijena sadā jitaḥ // Dhs_1.23 //
vaiśāradyaiścaturbhiśca kadarya jitameva
tat /
vismṛtiśca hatā smṛtyā kṣaṇenātmānameva ca // Dhs_1.24
//
araṇyavāsaniyatairjitā rāgavaśā narāḥ /
meruṇā parvatā jitā (vṛkṣeṇa)
vanamālikā // Dhs_1.25 //
samudreṇa jitā sarve tīrthā (hi) jalasambhavāḥ
/
ādityatejovijitā sarve ca grahatārakāḥ // Dhs_1.26 //
nityā jitā
anityena dāridrayaṃ dānasampadā /
śāṭhyaṃ na mārdava jitaṃ satyenānṛtiko
hataḥ // Dhs_1.27 //
bhūtena nirjito 'bhūto vahninā tarusampadaḥ /
pipāsā
vijitā toyairjighitsā bhojanaistathā // Dhs_1.28
//
vīryapraśaṃsā
siṃhena vijitāḥ sarve mṛgāḥ sattvādhikāśca ye
/
santāpena mahecchā ca jitā nityaṃ prakīrtyate // Dhs_1.29 //
dayā
praśasyate nityamadayā naiva śasyate /
vīryeṇa nirjitaṃ sarva kausīdyaṃ
mohavardhanam // Dhs_1.30 //
tattvadarśipuruṣapraśaṃsā jñānādhikaiḥ sadā
dāntaiḥ puruṣaistattvada(rśi)bhiḥ /
vijitāḥ krūrakarmāṇo mithyāvādādhikā
narāḥ // Dhs_1.31 //
buddhena nirjitāḥ sarve tīrthyāḥ kuṭilavādinaḥ
/
asurā vijitā devairdharmateyaṃ vyavasthitā // Dhs_1.32 //
// iti
jitavargaḥ prathamaḥ //
(2) dharmopadeśavargaḥ
guruḥ
kīdṛgbhavet?
yo hi deśayate dharma kṣemaṃ nirvāṇagāminam /
sa
sarvabandhanacchettā gururbhavati dehinām // Dhs_2.1 //
chittvā mohamayaṃ
pāśaṃ yo hi deśayate śivam /
sanmārgadeśakaḥ prokto durmārgavinivārakaḥ //
Dhs_2.2 //
dharmasya pravaratvam yena dharmeṇa manujāstaranti bhavasāgaram
/
saddharmaprabaraḥ prokto na dharmo laukiko hi saḥ // Dhs_2.3
//
kṣetrāṇīmāni catvāri vidyante yasya dehinaḥ /
tasyedaṃ saphalaṃ janma
kathitaṃ mārgadeśakaiḥ // Dhs_2.4 //
sakalendriyatāṃ prāpya labdhvā buddhasya
śāsanam /
yo na dharmarato martyaḥ sa paścādanutapyate // Dhs_2.5
//
yamasāyujyam vyāsaktamanasāṃ nityaṃ nityaṃ kāmagaveṣiṇām
/
putradāraprasaktānāmantako 'bhyeti dehinām // Dhs_2.6 //
cittasya
vaśīkaraṇam saṅkalpadoṣamanasaṃ taistairdoṣaiḥ samākulam /
cittaṃ
nayatyupāyena cittabaddhā hi dehinaḥ // Dhs_2.7 //
durdamasyāticaṇḍasya
siddhiprepsorviśeṣataḥ /
na cittasya vaśaṃ gacchet śatrubhūtaṃ hi tannṛṇām //
Dhs_2.8 //
saśrutena sudiṣṭena bhāvitenāpyanekaśaḥ /
dharmeṇa śāmyate
cittaṃ jālineva yathā hayaḥ // Dhs_2.9 //
saddharmaśravaṇaphalam
saddharmaśravaṇaṃ kṛtvā pāpād viramate pumān /
śreyase pratipattiṃ ca
nityamevopapadyate // Dhs_2.10 //
saddharmaśravaṇaṃ kṛtvā manaḥ
prahalādamṛcchati /
kuśalaṃ cāsya sumahat sandhāne sampratīkṣate // Dhs_2.11
//
śrutvā bhavati dharmātmā śrutvā pāpaṃ na kurvate /
śrutvā karmaphalaṃ
jñātvā nirvāṇamadhigacchati // Dhs_2.12 //
śrutvā vedayate dharma śrutvā
buddhaḥ prasīdati /
śrutvā dharmaṃ vimokṣāya yatate paṇḍito naraḥ // Dhs_2.13
//
dharmalakṣaṇatattvajñaḥ śrutvā bhavati mānavaḥ /
tasmācchrutvā
prayatnena buddhiḥ kāryā prayatnataḥ // Dhs_2.14 //
śrutvā saṃsāravimukhāṃ
kathāṃ sugatadeśitām /
prahāya tṛṣṇāṃ vividhāṃ prayāti padamavyayam //
Dhs_2.15 //
caturvidhāṃ pratyayitāṃ dharmāṇāṃ codamavyayau /
śrutvā tāṃ
jñāyate sarvā pumān śraddhāvibhāvitaḥ // Dhs_2.16 //
skandhāyatanadhātūnāṃ
yadetallakṣaṇadvayam /
śrutvā tajjñāyate sarva tasmāt dharmaparo bhavet //
Dhs_2.17 //
prabalā ye trayo doṣāḥ sarvasaṃsārabandhanāḥ /
te
praṇaśyantyaśeṣeṇa saddharmaśravaṇena vai // Dhs_2.18 //
pravṛtterlakṣaṇaṃ
kṛtsnaṃ nivṛtteścāpyaśeṣataḥ /
śrutimāṃstat prajānāti tasmācchrutamanuttamam
// Dhs_2.19 //
mṛtyukālopapannasya vedanārtasya dehinaḥ /
na vyathā
śrutamālambya svalpāpi hṛdi jāyate // Dhs_2.20 //
samyagjñānena ye dagdhāḥ
kleśavṛkṣāḥ samantataḥ /
na teṣāmudbhavo bhūyaḥ kadācidupalabhyate //
Dhs_2.21 //
apramādavidagdhaṃ hi śrutaṃ sarva sukhodayam /
śreyasaśva
śrutaṃ mūlaṃ tasmācchrutaparo bhavet // Dhs_2.22 //
saddharmaśravaṇaṃ śrutvā
vṛddhāṃścopāsya paṇḍitaḥ /
prayātyanuttamaṃ sthānaṃ jarāmaraṇavarjitam //
Dhs_2.23 //
dharmeṇa vartate śrutvā duḥkhānmucyeta vai yathā /
śrutvā
bhavati maitryātmā tasmācchreyaḥ paraṃ śrutam // Dhs_2.24 //
kāyavāṅmanasāṃ
buddhiḥ śrutvā bhavati dehinām /
tasmāt sadbuddhikāmo yastena śrotavyamādarāt
// Dhs_2.25 //
śrutvā bhāvaṃ samāśritya dṛḍhavīryaparākramam /
taranti
puruṣāstūrṇa tribhava vipulaṃ mahat // Dhs_2.26 //
śrutvā yaḥ puruṣaḥ
sarvairdhanavānabhijāyate /
aśrutārthadhanairyuktaṃ daridraṃ prāhustaṃ budhāḥ
// Dhs_2.27 //
saddharmanāśaphalam
saddharmadhananaṣṭasya guruṇā
varjitasya ca /
viphalaṃ jīvitaṃ ceṣṭaṃ pāpairupahatasya ca // Dhs_2.28
//
pramādādīnāmaniṣṭaphalasādhanatvam
pramādinaḥ kusīdastha
pāpamitrasya dehinaḥ /
jīvitaṃ niṣphalaṃ dṛṣṭaṃ bījamuptaṃ yathosare //
Dhs_2.29
//
śāstraprāmāṇyam
śrutadṛṣṭivinirmuktamarthamāhurvicakṣaṇāḥ
/
na cakṣurbhyāṃ vinirmuktamarthamityabhidhīyate // Dhs_2.30
//
dharmasevanāgrahaḥ yo hi dharma parityajya adharmamanutiṣṭhati /
sa
bhaiṣajyaṃ parityajya vyādhimevopasevate // Dhs_2.31 //
sevatāṃ sevatāṃ
puṃsāṃ dharmo bhavatyanekaśaḥ /
varṣāṇāṃ samavāyena yathodyānaṃ pravardhate
// Dhs_2.32 //
iha vajrāsane bhūmirna saṃsāre 'nyathā bhavet
/
bodhicittasamutthānaṃ bodhiprāptistathottamā // Dhs_2.33 //
dharmacārī
praśāntātmā kāyotthāyī samāhitaḥ /
avaśyaṃ śubhabhāgīsyāt sa pramādena
vañcitaḥ // Dhs_2.34 //
jñānasevanāgrahaḥ tasmājjñānaguṇānmatvā jñānaṃ seveta
paṇḍitaḥ /
nahyajñānena saṃyuktaṃ pumān kaścit pratibhavet // Dhs_2.35
//
dharmānusāriṇī śraddhā dharmānusāriṇī śraddhā yathā yāti sukhāvahā
/
sātidurgatisanyaktā vyasaneṣu mahad balam // Dhs_2.36 //
pradīpakalpā
tamasi vyādhitānāmivauṣadham /
arthānāṃ netra bhūtā sā daridrāṇāṃ mahadbalam
// Dhs_2.37 //
bhavādyairhriyamāṇānāṃ pūrvabhūtā sukhāvahā
/
pramādamadamattānāṃ sā pramādavighātikā // Dhs_2.38 //
śāntapadaprāpteḥ
phalam sa hi yattatpadaṃ śāntaṃ nirvāṇamunibhirvṛtam /
tat prāpayatyakhedena
samyagjñānapuraḥsaram // Dhs_2.39 //
// iti dharmopadeśavargaḥ dvitīyaḥ
//
(3) kāyajugutsāvargaḥ
kāyasya
svarūpanirūpaṇam
satkārairvṛhaṇairmāsairapi śayyāsanādibhiḥ /
na
svīkartumayaṃ kāyaḥ kadācit kenacit kṛtaḥ // Dhs_3.1 //
kāyasya
riputvam
kṛtaghnasyāvidakṣasya nityaṃ randhraprahāriṇaḥ /
kaḥ kāyasya
riporartha pāpaṃ kuryād vicakṣaṇaḥ // Dhs_3.2 //
rogānī tamanarthānāṃ bahūnā
bhājanaṃ tathā /
aśucyaṅgasya nikaraṃ kāyamityabhidhīyate // Dhs_3.3
//
avijñeyaṃ maraṇaṃ jīvitañca kṣaṇikam
upasthitamavijñeyaṃ
maraṇaṃ tattvacintakaiḥ /
jīvitaṃ ca kṣaṇādūrdhvaṃ na gacchati nirūpyate //
Dhs_3.4 //
kāyasya heyatvam
āyuṣkarmārthanirmāṇametaṃ kāyaṃ
tyajyayam /
api viddhastathā śete kāṣṭhaloṣṭhasamo bhuvi // Dhs_3.5
//
kṣaṇe kṣaṇe 'pi kāyo 'yaṃ jīryate na nivartate /
tathā
yauvanamadairbālā muhayante (mugdhacetasaḥ) // Dhs_3.6
//
dhanadhānyamadairmattāḥ kurvantyahitamātmanaḥ /
tannāśamupayātyevaṃ sa
ca pāpena dahayate // Dhs_3.7 //
adhārmikanindā
na manuṣyā
manuṣyāste yebhyo dharmo na rocate /
na mārge ca sthitāstattve
nirvāṇapuragāmike // Dhs_3.8 //
manuṣyayoneḥ
bhavasāgarataraṇopāyaḥ
kathaṃ prāpya hi mānuṣyaṃ śreyasāmālayaṃ mahat
/
na jñānaplavamārūhaya taranti bhavasāgarāt // Dhs_3.9 //
jīvanasya
kṣaṇikatā
vidyudālātasadṛśaṃ gandharvanagaropamam /
sadā tad yāti
rabhasaṃ jīvitaṃ sarvadehinām // Dhs_3.10 //
śarīre na madaṃ kuryāt kṣaṇike
bhaṅgure sadā /
itvare capale 'sāre jarāmaraṇabhīruke // Dhs_3.11
//
dhyāyinānnagataṃ hyetat śokānāmālayo mahān /
śubhāśubhānāṃ kṣetraṃ ca
śarīramavadhīyate // Dhs_3.12
//
saphalajīvanarahasyam
jñānaśīladayādānairyasya gātraṃ
vibhūṣitam /
tasya sattvaikasārasya śarīraṃ saphalaṃ matam // Dhs_3.13
//
dhātujñānāt mokṣaḥ
dhātūnāṃ mārakāt sarvamidaṃ muktaṃ kalevaram
/
śarīradhātu vicayāt sākṣād bhavati netarāt // Dhs_3.14 //
śarīradhātuṃ
yo muktvā dhātuṣvanyeṣu rajyate /
sa dhātukatvaśikṣāto duḥkhenaiva pramucyate
// Dhs_3.15 //
hiraṇyadhāturna tathā duḥkhaśāntyai hi vartate
/
śarīradhātutattvajño yathā duḥkhāt pramucyate // Dhs_3.16 //
duḥkhād
duḥkhodayastena duḥkhī na parirakṣyate /
pravīṇo rājacaurādibhayaiḥ
sarvairūpadrutam // Dhs_3.17 //
tasmādanarthakaṃ nityaṃ dūratastaṃ vivarjayet
/
varjanāt sukhito duṣṭasaṅgrahād duḥkhitaḥ pumān // Dhs_3.18
//
śarīradhātutattvajño dhātulakṣaṇatattvavit /
dhyānādhyayanasaṃsakto
dahati kleśaparvatān // Dhs_3.19 //
tasmāccharīrajān dhātūn paṇḍitaḥ
pratyavekṣate /
teṣāṃ svalakṣaṇaṃ jñātvā mokṣo bhavati dehinām // Dhs_3.20
//
// iti kāyajugupsāvargastṛtīyaḥ //
(4)
parivartavargaḥ
kasya kālaḥ parivartate
kāmairevāvitṛṣṇasya
tṛṣṇayā tṛṣitasya ca /
cañcalendriyacittasya kālo 'yaṃ parivartate // Dhs_4.1
//
anityadhyeyatā yasya sukhasaktasya dehinaḥ /
strīdarśanena mattasya
kālo 'yaṃ parivartate // Dhs_4.2 //
jātimaraṇavaśyasya mohitasya ca tṛṣṇayā
/
bālasya tu janasyāsya kālo 'yaṃ parivartate // Dhs_4.3
//
gaticārakabaddhasya udvegavaśagasya ca /
pramādaviṣamūḍhasya kālo 'yaṃ
parivartate // Dhs_4.4 //
auddhatyādiprasaktasya gātraśobhāratasya ca
/
lābhairatṛptamanasaḥ kālo 'yaṃ parivartate // Dhs_4.5
//
pañcabandhanabaddhasya ṣaḍbhirvyāmohitasya ca /
trailokyavidhimūḍhasya
kālo 'yaṃ parivartate // Dhs_4.6 //
vinipātānabhijñasya vitarkopahatasya ca
/
janasya saktamanasaḥ kālo 'yaṃ parivartate // Dhs_4.7
//
tatkālaramaṇīyeṣu pariṇāmahiteṣu ca /
kāmeṣu saktamanasaḥ kālo 'yaṃ
parivartate // Dhs_4.8 //
pūrvaduḥkhānabhijñasya divyasaukhyaratasya ca
/
viprayogānabhijñasya kālo 'yaṃ parivartate // Dhs_4.9 //
karmajālena
baddhasya manasyeva viceṣṭinaḥ /
satpathāt paribhraṣṭasya kālo 'yaṃ
parivartate // Dhs_4.10 //
bhavadoṣānabhijñasya tṛṣṇayā mūḍhacetasaḥ
/
mohāndhakāramagnasya kālo 'yaṃ parivartate // Dhs_4.11
//
kāmaikapāśabaddhasya niḥsahāyasya dehinaḥ /
devīgaṇavimūḍhasyaṃ kālo
'yaṃ parivartate // Dhs_4.12 //
indriyād vyapakṛṣṭasya satpathabhrāmitasya ca
/
traidhātukarasajñasya kālo 'yaṃ parivartate // Dhs_4.13
//
saṃvarāsaṃvarajñasya vyāpādabahulasya ca /
naṣṭasambuddhamārgasya kālo
'yaṃ parivartate // Dhs_4.14 //
hitāhitavahirgasya kāryākāryajaḍasya ca
/
krīḍābāla sadṛśasya kālo 'yaṃ parivartate // Dhs_4.15
//
nadīprastravaṇocceṣu vanopavanabhūmiṣu /
(saṃ)krīḍātatparasyāsya kālo
'yaṃ parivartate // Dhs_4.16 //
vimānagiripṛṣṭheṣu dharmākaravaneṣu ca
/
ramataḥ kāmabhogeṣu kālo 'yaṃ parivartate // Dhs_4.17 //
karmadharma
vipākeṣu nirāsaktasya dehinaḥ /
kevalāhārasaktasya kālo 'yaṃ parivartate //
Dhs_4.18 //
śarīrasthitasyāpi śarīrānabhijñatā
karmaṇāyuḥ
pariśrāntaṃ traidhātukamidaṃ sadā /
bhramanti cakravannityaṃ na ca vindanti
bāliśāḥ // Dhs_4.19 //
jagataḥ doṣānabhijñatā
vinipātocchru
yamayaṃ yo nāmārohate jagat /
na ca doṣāvadheyatvaṃ prakurvanti vimohitāḥ //
Dhs_4.20 //
dhīrasya kāmaparivarjanaṃ saukhyahetuḥ
etat (tu)
paramaṃ saukhyaṃ yat kāmaparivarjanam /
vītakāṃkṣasya dhīrasya gataśokasya
tāpinaḥ // Dhs_4.21 //
munīnāṃ
caramapadaprāptiphalam
tadādimadhyanidhane kalyāṇaṃ kṣemamuttamam
/
yad prāpyamunayaḥ śrāntāścaranti vigatajvarāḥ // Dhs_4.22
//
duḥkhahetavaḥ kāmāḥ
satkāmajaṃ bhavet saukhyaṃ vinipātagataṃ tu
tat /
na hi kāmaviśeṣaṃ ca kiñcid duḥkhavipākajam // Dhs_4.23 //
tasmāt
kāmeṣu matimān na lubhyet kathañcana /
te hi saṃsāraduḥkhānāṃ hetubhūtāḥ
sudāruṇāḥ // Dhs_4.24 //
vanopavanaśaileṣu padmākaravaneṣu ca
/
vibhrāntāstṛṣṇayā bālāḥ patanti saha daivataiḥ // Dhs_4.25
//
śubhakarmāsakteḥ upadeśaḥ
kāñcaneṣu (ca) śaileṣu
vaidūryaśikhareṣu ca /
kṣīyate hi śubhaṃ karma yatasva saha daivataiḥ //
Dhs_4.26 //
kalpavṛkṣeṣu ramyeṣu nadīprastravaṇeṣu ca /
caratastaiḥ śubhaṃ
kṣīṇaṃ yatasva saha daivataiḥ // Dhs_4.27 //
bhūmibhāgeṣu ramyeṣu
ratnākaravaneṣu ca /
na śubhaṃ te sadā cīrṇa yatasva saha daivataiḥ //
Dhs_4.28 //
pañcātmakena vīryeṇa manaḥprahalādakāriṇā /
hatasya
gatakālasya yatasva saha daivataiḥ // Dhs_4.29 //
devānāṃ
hitānabhijñatā
kāmaṃ saṃsakta manasairnityaṃ viṣayatatparaiḥ /
na
jñāyate hitaṃ devairyadamantrāhitaṃ bhavet // Dhs_4.30
//
devanindā
alpaśiṣṭamidaṃ puṇyaṃ cyavanaṃ samupasthitam
/
gantavyamanyatra suraiḥ sukarmaphalabhojibhiḥ // Dhs_4.31 //
ye nityaṃ
śubhasaṃsaktāḥ kurvanti vā śubhaṃ sadā /
teṣāṃ visadṛśo heturmūrkhāṇāṃ hi
vivartate // Dhs_4.32 //
ke mṛtyuṃ pratīkṣante
bhuktvā mṛtyuṃ
pratīkṣante te janāḥ kāmamohitāḥ /
śubhaśīlatamo 'jñānāḥ sarvadā na parāyaṇāḥ
// Dhs_4.33 //
bhuktvā mṛtyuṃ pratīkṣante te janāḥ kāmamohitāḥ /
ye na
karmavipākasya jñānaṃ roṣavadhe ratāḥ // Dhs_4.34 //
bhuktvā mṛtyuṃ
pratīkṣante te janāḥ kāmamohitāḥ /
prajñāpayanti na samā stṛṣṇāgniparivāritāḥ
// Dhs_4.35 //
bhuktvā mṛtyuṃ pratīkṣante te janāḥ kāmamohitāḥ
/
viprayogakṛtaṃ duḥkhaṃ ye na paśyanti dāruṇam // Dhs_4.36 //
bhuktvā
mṛtyuṃ pratīkṣante te janāḥ kāmamohitāḥ /
strījanāsaktahṛdayā na vindanti
punarbhavam // Dhs_4.37 //
bhuktvā mṛtyuṃ pratīkṣante te janāḥ kāmamohitāḥ
/
vipattivyādhiśokebhyo nodvijanti kathañcana // Dhs_4.38 //
bhuktvā
mṛtyuṃ pratīkṣante te janāḥ kāmamohitāḥ /
ye pāpamitrasaṃsarga prakurvanti
mahārūṣam // Dhs_4.39 //
bhuktvā mṛtyuṃ pratīkṣante te janāḥ kāmamohitāḥ
/
bhāvitaṃ cetasā yairna na ca tattvapraveśitā // Dhs_4.40 //
bhuktvā
mṛtyuṃ pratīkṣante te janāḥ kāmamohitāḥ /
yena sarvāsvavasthāsu
saṃsārabhayabhīravaḥ // Dhs_4.41 //
bhuktvā mṛtyuṃ pratīkṣante te janāḥ
kāmamohitāḥ /
kāryākāryeṣu ye nityaṃ na subhāṣitacetasaḥ // Dhs_4.42
//
bhuktvā mṛtyuṃ pratīkṣante te janāḥ kāmamohitāḥ /
ye na tattvadhiyo
nityaṃ sarvabhūtahite ratāḥ // Dhs_4.43 //
bhuktvā mṛtyuṃ pratīkṣante te
janāḥ kāmamohitāḥ /
ye śarīra sukhārthena dharma hiṃsanti mohitāḥ // Dhs_4.44
//
paṇḍitalakṣaṇam
ekāntamanasā nityaṃ śubhaṃ kāryaṃ prayatnataḥ
/
aśubhaṃ ca sadā varjyametat paṇḍitalakṣaṇam // Dhs_4.45
//
vinipātasādhanāni
kṣayaṃ yātaṃ ca yat śīlaṃ spṛṣṭvā yaḥ
samupāgataḥ /
pramādāvañcito 'vaśyaṃ vinipāto bhaviṣyati // Dhs_4.46
//
viṣayiṇaḥ parivartanaśīlatā na tu viṣayāṇām
gatā gacchanti
yāsyanti deveśāścaiva sarvataḥ /
tiṣṭhanti śikhare ramye nānāratnavibhūṣite
// Dhs_4.47 //
vaidūryaśikharā ramyāstathānye vanamālinaḥ /
viṣayāstādṛśā
eva janastu parivartate // Dhs_4.48 //
vanopavanaramyāṇi bhūmibhāgāni
sarvaśaḥ /
tiṣṭhantyavikalānyeva janastu parivartate // Dhs_4.49
//
vaidūryamayanālāni kāñcanāni viśeṣataḥ /
padmākarāṇi tānyeva janastu
parivartate // Dhs_4.50 //
sarāṃsi sarito ramyāḥ pakṣisaṅghairnirantaram
/
tathaivāvikalā hyete janastu parivartate // Dhs_4.51 //
vimānāni
rathāścaiva harmyāṇi ca tathaiva ca /
tiṣṭhantyavikalā hyete janastu
parivartate // Dhs_4.52 //
parivartanaṃ lokasya viṣayairvañcitasya ca
/
tathāpi nāmalokasya nodvego hṛdi jāyate // Dhs_4.53 //
abhyāsena kharī
bhūtaṃ cittaṃ saṃsāracāriṇam /
yena manye mahad duḥkhaṃ hṛdaye naiva vartate
// Dhs_4.54 //
śūlikena yathā baddhāḥ paśavo gṛhapañjare /
ekaikaśo
vinaśyanti śeṣāṇāṃ nāsti sambhramaḥ // Dhs_4.55 //
sukhāya kāmināmeva iyaṃ
bhūmiravasthitā /
cyutāścaivopapannāśca tathāmī bāliśāḥ surāḥ // Dhs_4.56
//
viṣayonmukhānāṃ maraṇānabhijñatvam
pramādāya hatāḥ sattvā
mṛtyuḥ kṣaṇikaduḥkhadaḥ /
nāvabuddhayanti maraṇaṃ paśuvad vītasambhramāḥ //
Dhs_4.57 //
te paścād dīrghamanasaḥ kālasya vaśamāgatāḥ /
paścāttāpamayo
vahnirdhakṣyate niṣpratikṣayaḥ // Dhs_4.58 //
dāruṇaṃ niṣpratīkāramavaśyaṃ
rūpadehinām /
maraṇaṃ kālavaśagaṃ tad viditvāgamaṃ caret // Dhs_4.59
//
viprayogāntāḥ sarve saṃyogāḥ
samāgamāḥ priyāloke
viyogāścāpriyāḥ sadā /
saṃyogo viprayogānto dharmateyaṃ sanātanā // Dhs_4.60
//
kṣaṇe lave muhūrte ca divārātrau tathādhvani /
maraṇaṃ cintayed
dhīrastasya nāsti pratikriyā // Dhs_4.61 //
gatakalmaṣā eva
śāntimadhigacchanti
smṛtimagnyāṃ praśaṃsanti yeṣāṃ maraṇasaṃbhavā
/
śreyasaikaparāṃ śānti prayāntiṃ gatakalmaṣāḥ // Dhs_4.62
//
mṛtyorarthamanusmṛtya doṣo 'yaṃ kasya sammataḥ /
nirdoṣaṃ hi manaḥ
sarvaṃ śāntaṃ bhavati nityaśaḥ // Dhs_4.63 //
tathāgataiḥ apramādaparaṃ
śreṣṭhamuktam
apramādaparaṃ śreṣṭhamidamuktaṃ tathāgataiḥ /
yanmṛtyoḥ
smaraṇaṃ nityamaśubhānāṃ ca varjanam // Dhs_4.64 //
// iti
parivartavargaścaturthaḥ //
(5) anityatāvargaḥ
sukhaṃ
kṣayāntam
kṣayāntaṃ hi sukhaṃ sarva na sukhaṃ vidyate dhruvam
/
saṃsṛjenna sukhaṃ tasmāt yadīcchet sukhamātmanaḥ // Dhs_5.1
//
mṛtyuḥ sarvānapi ākarṣati
gacchatāṃ tiṣṭhatāṃ caiva hasatāṃ
krīḍatāmapi /
avisahyo mahāvego mṛtyurnaśyati dāruṇaḥ // Dhs_5.2 //
na
tatstha mihāmutra yatrāsau pratipadyate /
tathāpi nāma saṃmūḍhā janayitvā
vaśaṃgataḥ // Dhs_5.3 //
(na bālaṃ na yuvānaṃ vā) na sthavirameva vā
/
gṛhasthamagṛhasthaṃ vā yadāsau nāpakarṣati // Dhs_5.4 //
sukhitaṃ
duḥkhitaṃ vāpi guṇavantaṃ tathaiva ca /
vratasthamavratasthaṃ vā yadāsau
nāpakarṣati // Dhs_5.5 //
duḥśīlaṃ śīlavantaṃ ca (dāninaṃ ca tathottamam)
/
rājānaṃ cottamaṃ cāpi yadāsau nāpakarṣati // Dhs_5.6 //
daivaṃ vā
nārakaṃ vāpi tiryañca pratajaṃ tathā /
pramattamapramattaṃ vā yadāsau
nāpakarṣati // Dhs_5.7 //
kāmadhātūpapannaṃ vā rūpadhātau sthitañca yaḥ
/
ārupyadhātūpapannaṃ vā yadāsau nāpakarṣati // Dhs_5.8 //
karmapāśo
jarādaṇḍo vyādhidaṇḍo mahāvanam /
raktopamo mṛtyurayaṃ sattvānādāya gacchati
// Dhs_5.9 //
evaṃvidhe pratibhaye mṛtyau paramadāruṇe /
(upasthite
pravartante) surāḥ kāmavimohitāḥ // Dhs_5.10 //
patanāntaṃ sarvasukhaṃ
santyajet
yad duḥkhaṃ cyavamānasya devalokāt surasya ca /
narake
yadbhavaṃ duḥkhaṃ viprayogapuraḥsaram // Dhs_5.11 //
viṣamākṣikasaṃyuktaṃ
yathānnaṃ cāpi (śobhanam) /
(tato) devagataṃ saukhyaṃ patanāntaṃ visarjayet
// Dhs_5.12 //
kṣīṇapuṇyasya dīnasya svadārairvarjitasya ca /
yad duḥkhaṃ
cyavamānasya tasyaupamyaṃ na vidyate // Dhs_5.13 //
sukṛtakṣīṇamandasya
dvipasyeva gatattviṣaḥ /
śāmyati devasya yadduḥkhaṃ mahadduḥkhaṃ prajāyate //
Dhs_5.14 //
devasyāpi cyavanam
tṛṣṇāviṣayavṛddhasya
śokopahatacetasaḥ /
mandavāgdehaceṣṭasya devasya cyavanād bhayam // Dhs_5.15
//
duḥkhasya viṣayataratvam
yathā yathā sukhāsvādāḥ kāmā
paramavañcakāḥ /
(tathā) tathā bhavatyeva teṣāṃ duḥkhaṃ mahattaram //
Dhs_5.16 //
yatamānasya yad duḥkhaṃ devalokān prajāyate /
tasyāntareṇa
narakaṃ kalāṃ nārhati ṣoḍaśīm // Dhs_5.17 //
cyavanāntaṃ devalokaṃ maraṇāntaṃ
tadā bhuvi /
dṛṣṭvā duḥkhaṃ (bhavatyeva śreyase kriyatāṃ manaḥ) // Dhs_5.18
//
saukhyaṃ patanāntam
patanāntaṃ sadā saukhyaṃ nāsti lokasya
nityajāḥ /
tad buddhvā kāraṇaṃ sarva śreyase kriyatāṃ manaḥ // Dhs_5.19
//
sarva duḥkhāntam
sarve kṣayāntā nicayā patanāntā samucchrayāḥ
/
saṃyogā viprayogāntā maraṇāntaṃ hi jīvitam // Dhs_5.20 //
jātasya
maraṇaṃ nityaṃ na tasyāstīti nityatā /
na bhūtārāvitānena triṣu dhātuṣu
dṛśyate // Dhs_5.21 //
garbhameke vinaśyanti tathaike sūtikāgṛhe
/
parisarpaṇakāścaike tathaiva (ca vinaśvarāḥ) // Dhs_5.22 //
maraṇaṃ
dhruvam
udayāstaṃ ca gamanaṃ bhāskarasya pradṛśyate /
tathā jātasya
sarvasya sthitaṃ maraṇamagrataḥ // Dhs_5.23 //
sarva sukhaṃ
kṣayāntam
kṣayāntaṃ hi sukhaṃ sarva yo na vindati mohadhīḥ /
sa
paścānmaraṇe prāpte (duḥkhāya janibhāgbhavet) // Dhs_5.24 //
kuśalaṃ
kārya(karaṇaṃ kuśalī ca) priyaḥ sadā /
sukhaṃ hi dharmācaraṇaṃ kathayanti
manīṣiṇaḥ // Dhs_5.25 //
anityamadhruvaṃ sarva pariṇāme kaṭuḥ sadā
/
saṃsāraḥ kathito buddherhetustattvavicāraṇe // Dhs_5.26 //
devāḥ
sukhapramattā ye teṣāṃ sukhamaśāśvatam /
cyavamānasya ca yadduḥkhaṃ devalokāt
surasya hi // Dhs_5.27 //
tasyopamānaṃ naivāsti narakānnarakaṃ hi tat
/
kimete nāvabudhyante patanāntaṃ sadā sukham // Dhs_5.28
//
ajarāmaravallokaṃ paśyanti sukhamohitāḥ /
cyutyupapattimallokaḥ
saṃkhyā tasya na vidyate /
na codvijanti puruṣāstṛṣṇayā parivañcitāḥ //
Dhs_5.29 //
abhiyāti sadā janma tvaritaṃ yāti yauvanam /
saṃyogo
viprayogaśca sahajaḥ paridṛśyate /
vimūḍhā nānupaśyanti viṣayaiḥ parivañcitāḥ
// Dhs_5.30 //
tṛṣṇāvivaśā devāḥ cyavanti
cyavanti devāḥ
vivaśāstṛṣṇayā parimohitāḥ /
sā bhūmistāni padmāni vanāni vividhāni ca //
Dhs_5.31 //
sarvapadārthānāmāpātaramaṇīyatvam
śikharāgrāṇi ramyāṇi
ratnavanti mahānti ca /
sarāṃsi nadyo vividhā ratnapāṣāṇabhūṣitāḥ // Dhs_5.32
//
vṛkṣā vicitrakusumāḥ paṅktibhirvividhaiḥ sthitāḥ /
harmyāgrāṇi ca
ramyāṇi ratnavanti mahānti ca // Dhs_5.33 //
kalpavṛkṣā hemamayā
kecidvaidūrya nirmalāḥ /
rājatāstapanīyāśca vimiśrā vararohiṇaḥ // Dhs_5.34
//
bhramarairūpagītāśca vibhānti kamalākarāḥ /
vibhūṣaṇāni ramyāṇi
devārhāṇi ca sarvataḥ // Dhs_5.35 //
sarva kṣaṇikam
sarvametat
tathaivāsti janastu parivartate /
māyābudbudaphenābhaṃ gandharvanagaropamam
// Dhs_5.36 //
sukhaṃ sarvasya devasya tṛṣṇayā vañcitasya hi /
sa vināśya
janaṃ sarva bhrāmayitvā bhavārṇave // Dhs_5.37 //
tṛṣṇaiva
duḥkhamūlam
tṛṣṇā viṣāgnisadṛśā lokānāmatra tiṣṭhati /
avitṛptā
kāmabhogairapi taptā sukhodbhavā // Dhs_5.38 //
kālānalena nirdagdhā kva te
devagaṇāḥ gatāḥ /
sarvathādhigatā yeyaṃ tṛṣṇā lokavitanvinī // Dhs_5.39
//
yayā vimohitā devāḥ kālasya vaśamāgatāḥ /
devāsurā narā yakṣā narake
yānti jaṅgamāḥ // Dhs_5.40 //
kālapāśayojitaṃ
traidhātukamidam
gacchanti vivaśāḥ sarve kālapāśaṃ durāsadam
/
traidhātukamidaṃ sarva kālapāśena yojitam // Dhs_5.41
//
tṛṣṇāvimohitāḥ maraṇaṃ na paśyanti
na ca paśyanti
vivaśāstṛṣṇāmohena mohitāḥ /
anena hi yathā devāḥ śataśo 'tha sahastraśaḥ //
Dhs_5.42 //
gatāḥ kālāgninirdagdhā viṣayairdhanasaṃbhavaiḥ /
parasya
dṛśyate maraṇamātmano naiva dṛśyate // Dhs_5.43 //
paścātte vyasane prāpte
vindante duḥkhamātmanaḥ /
pramādakaluṣaṃ ceto viṣayābhirataṃ sadā // Dhs_5.44
//
na vindanti dhruvaṃ mṛtyuṃ dehināṃ sahajasthitam /
sukhottaramanāśasya
pramādābhiratasya ca // Dhs_5.45 //
mṛtyusainyamupaitīdaṃ pramāthi
viṣasannibham /
na mantrauṣadhakarmāṇi na devā nāsurāstathā // Dhs_5.46
//
kālapāśabaddhasya na ko 'pi trātā
kālapāśena baddhasya trātāro
na bhavanti te /
rajasā guṇṭhitaṃ vaktraṃ ātmano naiva vindati // Dhs_5.47
//
tṛṣṇāyā heyatve hetuḥ
prāpteścyavanabhūto 'yaṃ mṛtyuḥ paścād
bhaviṣyati /
lolupasya sadā yatnairavitṛptasya tṛṣṇayā // Dhs_5.48
//
sahasābhyeti maraṇaṃ yannadṛṣṭaṃ sukhārthinām /
ayaṃ tavāgraho duḥkhaṃ
mṛtyunā preṣito mahān // Dhs_5.49 //
asmādanantaraṃ mṛtyurbhaviṣyati
sudāruṇaḥ /
mahāgirivarādasmāt vanopavanabhūṣitāt // Dhs_5.50
//
baddhānarā viṣayagā svakarmaphalabhoginaḥ /
krīḍāvihāriṇastāvat
kvacit tṛṣṇāsukhaṃ na hi /
tarṣyayā tṛṣṇayā mūḍhāḥ patanti vivaśā bhuvi //
Dhs_5.51 //
dhūmasyānantaraṃ vahniryathā bhavati nityaśaḥ /
tathā
cyavanaliṅgasya pṛṣṭhataścyavanaṃ sthitam // Dhs_5.52 //
jātyā jātyā dhruvaṃ
mṛtyuścārogye sati ruk sthitā /
sampattau vyasanaprāptiyauvane sahajā jarā
/
sarvaiḥ priyairviyogaśca na saṃyogo dhruvaṃ sthitaḥ // Dhs_5.53
//
dharmatāyāḥ mahattvam
dharmateyaṃ sadāloke samyagbuddhena
deśitā /
ubhayasya kṣayo nāśo janasyo parivartate // Dhs_5.54 //
jātau
satyāṃ yathā mṛtyuravaśyaṃ sthita eva hi /
kṣīyate sukṛtaṃ karma āyūṃṣi
kṣaṇikāni hi // Dhs_5.55 //
saṃvarādikaṃ bhajadhvam
saṃvara
dharmavinaye bhajadhvaṃ puruṣottamāḥ /
abhyeti yauvanaṃ sarvaṃ jīvitaṃ
cānugacchati // Dhs_5.56 //
sarvasya nāśaśālitvam
naśyanti sarvadā
sarvā mā pramāde manaḥkṛthā /
na nityaṃ labhyate svargo na nityaṃ
kṣaṇasampadā // Dhs_5.57 //
yasya yāvannābhipatanaṃ tāvat kṣipraṃ
(pra)yujyatām /
(tasya jāte hi patane tat prayogo vṛthā bhavet) // Dhs_5.58
//
ayaṃ sa hi drumavano nānāratnavibhūṣitaḥ /
latāgahvarasaṃcchannaḥ
padmākaravibhūṣitaḥ // Dhs_5.59 //
jāmbūnadamayaiśśuddhaiḥ prāsādaiḥ
ratnacitritaiḥ /
nānāvidhaiḥ prastravaṇairlatābhirupaśobhitaḥ // Dhs_5.60
//
karmasākṣījanasyāsya bhitvā gaganamucchritaḥ /
kalpāgnivirato meruḥ
sarvathā na bhaviṣyati // Dhs_5.61 //
kiṃ punarye surāstatra
phenabudbudasannibhāḥ /
utpadyante vinaśyanti pramādamadamohitāḥ // Dhs_5.62
//
sukhaduḥkhamanantaṃ ca svecchākāmaphalodbhavam /
devalokād yathā devāḥ
patanti narake punaḥ // Dhs_5.63 //
tad duḥkhaṃ paramaṃ
kaṭu
śarīramānasaiduḥkhairvidyamāneṣu sarvataḥ /
na tacchakyaṃ
pramatte syāt tadduḥkhaṃ paramaṃ kaṭu // Dhs_5.64 //
viyogaduḥkhaṃ
duḥkhanāmagrataḥ paripaṭhyate /
taccadevagatau nityamagrataḥ sampravartate //
Dhs_5.65 //
sarvapriyairmanāpaiśca viprayogo bhaviṣyati /
na ca devāḥ
prapaśyadhvaṃ maraṇāntaṃ hi jīvitam // Dhs_5.66 //
cyutikāle tu samprāpte
vihvalendriyacetasā /
jānīdhvaṃ tatparaṃ duḥkhaṃ yadavaśyaṃ bhaviṣyati //
Dhs_5.67 //
sarvaṃ kṣaṇikam
akālacakrapratimaṃ
gandharvanagaropamam /
tribhave saṃbhavaṃ sarva phenabudbudasannibham //
Dhs_5.68 //
yaḥ phenarāśau saṃmūḍhaḥ kuryācchādanasaṃstaram /
sa mūḍhaḥ
saṃskṛte kuryādabhisvādaṃ bhramātmakam // Dhs_5.69
//
mṛtyumahimā
na devā na narā yakṣā nāsurā garuḍāstathā
/
trāyante mṛtyusamaye karmaṇā paritapyatām // Dhs_5.70 //
yāvannāyāti
samaye mṛtyurājaḥ sudāruṇaḥ /
tāvattu sukṛtaṃ kārya mā paścāt paritapyatha //
Dhs_5.71 //
yadbhūtakāmajaṃ saukhyaṃ prākṛtaṃ viṣayodbhavam /
mṛtyukāle
samutpanne tiṣṭhanti na budharṣamā // Dhs_5.72 //
kiṃ kariṣyanti saukhyāni
kiṃ striyaḥ kiñcabāndhavāḥ /
mṛtyunā hriyamāṇasya devalokāt samantataḥ //
Dhs_5.73 //
sthirāstā bhūmayaḥ sarvā vanopavanabhūṣitāḥ /
mṛtyurajjvā
vibaddhaśca tvantu kālena nīyase // Dhs_5.74 //
ākāśe jaladā yadvada vāyunā
samudīritāḥ /
saṃśliṣṭāśca viyujyante saṃsāre prāṇinastathā // Dhs_5.75
//
ṛtau ṛtau yathā puṣpamāgatairdṛśyate naraiḥ /
vyatīte tu ṛtau sarve
pratiyānti yathāgatāḥ // Dhs_5.76 //
yathā kāle samutpanne modante sukṛtaiḥ
surāḥ /
vyatīte tu śubhe kāle pratiyānti yathāgatāḥ // Dhs_5.77 //
ṛtau
ṛtau yathā vṛkṣe parṇajāyate 'nekaśaḥ /
vyatīte tu śubhe kāle śīryate tat
samantataḥ // Dhs_5.78 //
yathā parṇopamādetanna saukhyamabhayaṃ bhave
/
śīryate satataṃ saukhyaṃ nāsaukhyaṃ vidyate dhruvam // Dhs_5.79
//
prābṛṭkāle yathā varṣamākāśe na nivartate /
tathā saukhyamidaṃ sarva
gacchati na nivartate // Dhs_5.80 //
barhiṇāṃ ca yathā nādo vāyunā
samudīritaḥ /
śrūyate tatpraṇāśāya tathā saukhyamidaṃ smṛtam // Dhs_5.81
//
yathā hi jvalane kṣiptaṃ dhruvaṃ kālaṃ pradahayate /
tathā vahanyupamaḥ
kālaḥ kāṣṭhavaccaratāṃ smṛtaḥ // Dhs_5.82 //
āgatāśca gatāścaike śataśo 'tha
sahastraśaḥ /
saṃvego na bhavatyeṣā tṛṣṇayā mohitāstathā // Dhs_5.83
//
yathā yathā mahāsaukhyaṃ svayaṃ bhogo yathā yathā /
tathā tathā mahad
duḥkhaṃ patanāntodbhavaṃ dhruvam // Dhs_5.84 //
jātyādi
duḥkhaparamparā
jātirduḥkhā jarā duḥkhā maraṇaṃ duḥkhameva ca
/
priyaiśca saha viśleṣo duḥkhasyaiṣā paramparā // Dhs_5.85 //
mṛtyunā
na bibhet
ekasya patanaṃ dṛṣṭvā kathaṃ nodvijate janaḥ /
mamāpi
patanaṃ hyetat sarvapāpairbhaviṣyati // Dhs_5.86 //
yaḥ paśyati bhayaṃ dūrāt
pratipattau ca vartate /
(sa)mprāpte mṛtyusamaye na vibheti gatavyathaḥ //
Dhs_5.87 //
vibhujyamāno daunaiśca mṛtyuḥ svajanabāndhavaiḥ /
yadduḥkhaṃ
mṛtyusamaye tanna śakyaṃ prabhāṣitum // Dhs_5.88 //
patanāntaṃ hi maraṇaṃ
patamāno yathā giriḥ /
niṣpratyanīkaṃ balavat puruṣānapakarṣati
/
saṃśliṣyate mahāvegaḥ samprahārī ca sarvadā // Dhs_5.89 //
taṃ jñātvā mā
pramādeṣu stubadhvaṃ devasattamāḥ /
saṃśleṣayati viśleṣaṃ yauvane ca sadā
jarā // Dhs_5.90 //
jīvite ca sadā mṛtyuḥ padametat sadā sthitam
/
anityenāgnināvaśyaṃ dagdhabyo yatra gocaraḥ // Dhs_5.91 //
kalpānte kiṃ
punardevā ye phenakadalīsamāḥ /
na tadasti bhavet kiñcid yad jñānaṃ saṃskṛtaṃ
calam // Dhs_5.92 //
yannityaṃ (ca) sukhaṃ vā syādetatsthānaṃ na vidyate
/
upasthitamiva jñeyaṃ maraṇaṃ sarvajantubhiḥ // Dhs_5.93 //
yasmāt tasya
pratīkāraḥ sarvopāyairna śakyate /
rūpaṃ kṣaṇikameteṣāṃ vayo 'pi kṣaṇikaṃ
tathā // Dhs_5.94 //
kṣīyate ca tathā saukhyaṃ na ca buddhayantyamedhasaḥ
/
yadā tat sarvameteṣāmanekaṃ śubhalakṣaṇam // Dhs_5.95 //
janmataḥ
kālacakreṇa paripāṭayā vināśitam /
tathaivaitat purā naṣṭamanekaśatalakṣaṇam
// Dhs_5.96 //
tathaitadapi janmaiṣāṃ mṛtyurājo hariṣyati /
pramādamanasāṃ
hyeṣāṃ nityaṃ sukhavihāriṇām // Dhs_5.97 //
nidhanāya kālapāśo 'yamabhyeti
sukhanāśakaḥ /
sukhārogyabalaprāṇapriyaviśleṣakārakaḥ // Dhs_5.98
//
balavanmṛtyurājo 'sau samīpamupasarpati /
yaḥ samīpagato hyeṣāṃ
pramattānāmanekaśaḥ // Dhs_5.99 //
sukhanāśaḥ suniścitaḥ
jīvitaṃ
saha saukhyena tvaritaṃ nāśayiṣyati /
dīrghakālamidaṃ dhvastaṃ pramādāpahatāḥ
surāḥ // Dhs_5.100 //
nāvabuddhayanti mohāndhāḥ saukhyena pratibodhitāḥ
/
yadā hīnaprabhāhyete vihvalendriyacetasaḥ // Dhs_5.101 //
yamalokaṃ
patiṣyanti tadā jñānasya tatphalam /
jīyate bata kālo 'yaṃ kṣaṇikaṃ ca yathā
sukham // Dhs_5.102 //
tathāpi raktamanaso nāvabuddhayantyacakṣuṣaḥ
/
ramyād ramyataraṃ yānti nityaṃ sukhavihāriṇaḥ // Dhs_5.103
//
prayāsyanti yathā hayete mṛtyurājo hariṣyati /
jarā jātivipattīnāṃ yo
na mūḍho viṣīdati // Dhs_5.104 //
sa paścāt mṛtyusamaye tapyate (hīnacetasā)
/
sukhaṃ deveṣu samprāpya (tadetad) guṇasammatam // Dhs_5.105 //
kṛtahutaṃ
vināśāntaṃ kṣaṇikaṃ jīvitaṃ calam /
yathā hi yad vināśāntaṃ tathaiṣāmapi
jīvitam // Dhs_5.106 //
acireṇāpi kālena bhaviṣyati na saṃśayaḥ
/
yāvannāyāti maraṇaṃ yāvad buddhiranāvilā // Dhs_5.107 //
manasā
dharmaratiḥ kāryā
tāvaddharmarataṃ dhārya manobalena dhīmatā
/
sarvajīvitanāśāya sarvasaukhyakṣayāya ca // Dhs_5.108
//
priyaviyogaḥ niścitaḥ
sarvapriyaviyogāya mṛtyurāśrayameti ca
/
tasminnāpte mahādhyāne mṛtyuḥ paramadāruṇaḥ // Dhs_5.109 //
nānyat
trāṇamṛte dharmāt tasmād dharmarato bhavet /
upapannasya devasya yā
prītirupapadyate // Dhs_5.110 //
nāsau cyavanaduḥkhasya kalāmarhati ṣoḍaśīm
/
mṛtyukāle samutpanne na kaścit kasyacit tathā // Dhs_5.111
//
sarvasya nāśatvam
na ca gacchantimapyekaṃ padamekaṃ hi gacchati
/
yadā jātaṃ tadāramya naro mṛtyuparāyaṇaḥ // Dhs_5.112
//
nānāmohaparītastu bhayametanna vidyate /
yadā te cyavanaṃ prāpte
bhavabhogakaraṃ param // Dhs_5.113 //
tadā vindati mūḍhātmā yad bhayaṃ
mṛtyujaṃ mahat /
viṣayoragasandaṣṭā tṛṣṇā viṣavimohitā // Dhs_5.114 //
na
vindanti sadā devāścyavanānte mahad bhayam /
cyavanti ca tathā
duḥkhamutpādayanti dehinām // Dhs_5.115 //
yathopapattiścyavanaṃ devānāṃ
samprajāyate /
karmavāyusamudbhrāntaṃ prayogeṇa ca duḥkhitam // Dhs_5.116
//
puruṣaṃ nayate mṛtyuravaśaṃ (sukhavañcitam) /
na mātaro na pitaro na
mitrāṇi na bāndhavāḥ // Dhs_5.117 //
sahāyatāṃ vrajantīyaṃ puruṣaṃ
kālacoditam /
asahāyo janaścāyaṃ janaḥ prakṛtivañcitaḥ // Dhs_5.118
//
mana eva pāśabandhanam
kevalaṃ tu manaḥpāśairbandhanairbadhyate
janaḥ /
na janaḥ svajanaśceha trātā bhavati kasyacita // Dhs_5.119
//
gṛhīta iva keśeṣu mṛtyunā dharmamācaret
mṛtyukāle samutpanne svajano
'pi yathā janaḥ /
yastvaṃ paśyasi devānāṃ sukhametanmahodayam // Dhs_5.120
//
tat prasahyamahādevo mṛtyurājo hariṣyati /
tvaritaṃ yāti janmedaṃ na ca
vindati bāliśaḥ // Dhs_5.121 //
paścāttu vyasane prāpte prativindanti
duḥkhinaḥ /
yadi duḥkhādbhayaṃ tvaritaṃ yadi mṛtyubhayaśca yaḥ // Dhs_5.122
//
dharme hi kriyatāṃ buddhirevaṃ sukhamavāpsyatha /
vināśāntaṃ sadā
saukhyamanityaṃ sarvataścalam // Dhs_5.123 //
devatvaṃ
patanāntam
sarvadevakṛtaṃ saukhyaṃ na ca vindanti mohitāḥ /
abhūtvā ca
cyavantyete bhūtvāvaśyaṃ hi cañcalāḥ // Dhs_5.124 //
devāḥ patanabhāvāya
dharmateyaṃ vyavasthitā /
pramattāḥ kāmabhogeṣu ye devāścalamānasāḥ //
Dhs_5.125 //
na paśyanti surāstīvraṃ vyasanāntaṃ hi jīvitam /
yadaiva
jāyate devastadaiva maraṇāya saḥ // Dhs_5.126 //
śreyase matiḥ
karttavyā
divasānte yathā rātriravaśyaṃ pratipadyate /
divasaṃ jīvitaṃ
proktaṃ rātriḥ sthānmaraṇopamā // Dhs_5.127 //
tasmāt tadubhayaṃ jñātvā
śreyase kriyatāṃ manaḥ /
tadetadartha nṛṇāṃ hi strīrāgavaśavartinām //
Dhs_5.128 //
tadiṣṭaṃ mṛtyusainyena prasahayamavamarditam
/
bhāvābhāvādibhirmūḍhān vañcayitvā striyo narān // Dhs_5.129 //
prayānti
mṛtyusamaye svakarmaphalabhoginaḥ /
padmopavanaśaileṣu nadīnāṃ nirjhareṣu ca
// Dhs_5.130 //
bahuśaḥ krīḍanaṃ kṛtvā kūpāyābhigatāḥ priyāḥ
/
avaśyambhāvi maraṇamavaśyaṃ ca viyogitā // Dhs_5.131 //
tathāpi nāma
puruṣā nityaṃ rāgavaśānugāḥ /
sukhitaṃ duḥkhitaṃ vā(pi) jīrṇamanyatra
yauvanam // Dhs_5.132 //
mṛtyurājo 'vamardati
duṣkulīnaṃ kulīnaṃ
vā mṛtyurājo 'vamardati /
surūpaṃ vā virūpaṃ vā balavantaṃ tathābalam //
Dhs_5.133 //
sanāthaṃ naṣṭanāthaṃ vā mṛtyurājo 'vamardati /
rājānaṃ vā
tathā mṛtyuḥ gṛhiṇaṃ vā tathā yatim // Dhs_5.134 //
krūraṃ vā mṛdukaṃ vāpi
mṛtyurājo 'vamardati /
nirdhanaṃ vā daridraṃ vā saguṇaṃ nirguṇaṃ tathā //
Dhs_5.135 //
striyaṃ vā puruṣaṃ vāpi mṛtyurājo 'vamardati /
pravāsinaṃ
gṛhasthaṃ vā jale vāpi sthalesthitam // Dhs_5.136 //
sthitaṃ vā giriśṛṅgeṣu
mṛtyurājo 'vamardati /
jāgarantaṃ tathā suptaṃ bhuñjānaṃ vā tathā sthitam //
Dhs_5.137 //
pramāthī sarvalokasya mṛtyurājo 'vamardati /
bhūmisthaṃ (vā)
vimānasthaṃ videśasthaṃ tathā gṛhe // Dhs_5.138 //
krakacaḥ kālacakro 'yaṃ
mṛtyurājo 'vamardati /
bhāgyavantaṃ tathā dhanya nistriśaṃ (caiva) dharmikam
// Dhs_5.139 //
rogiṇaṃ svasthadehaṃ vā mṛtyurājo 'vamardati /
caṇḍaṃ
suśīlinaṃ cāpi kadarya dhaninaṃ tathā // Dhs_5.140 //
pramattamapramattaṃ vā
mṛtyurājo 'vamardati /
nārakeyaṃ tathā pretaṃ tiryañco manujaṃ tathā //
Dhs_5.141 //
anivṛttabalotsāho mṛtyurājo 'vamardati /
kāmadhātau ca ye
devā rūpadhātau ca ye sthitāḥ // Dhs_5.142 //
tān sarvān hi pratibalān
mṛtyurājo 'vamardati /
ārūpyeṣu ca ye devāḥ samāpattiniveśakāḥ /
tān
sarvānapi vai devān mṛtyurājo 'vamardati // Dhs_5.143 //
sarva
vināśāntam
yad jātaṃ saṃskṛtaṃ kiñcid tad vināśāntameva hi /
tannāsti
saṃskṛtaṃ kiñcid yasya nāśo ca vidyate /
mṛtyorbalamidaṃ jñātvā kāmadoṣaṃ ca
sarvataḥ // Dhs_5.144 //
tṛṣṇayā vañcanaṃ cāpi viramadhvaṃ bhavārṇavāt
/
tadaitad vyasanaṃ matvā mṛtyorapi calācalam // Dhs_5.145 //
sudāntaṃ
kriyatāṃ cittam
sudāntaṃ kriyatāṃ cittaṃ yenedaṃ bhrāmyate jagat
/
vanopavanaśailebhyo vimānebhyaśca sarvataḥ // Dhs_5.146 //
sarvadevāḥ
paciṣyanti kālāgnivinipātitāḥ /
pramādamanaso mūḍhā bhūyo viṣayajihimatāḥ //
Dhs_5.147 //
tṛṣṇāpāśena sambaddhā devāḥ yāsyanti durgatim /
rabhasaṃ
jīvitaṃ saukhyaṃ prayāti khalu dehinām // Dhs_5.148 //
na ca vindanti vibudhā
jātyandhā iva satpatham /
jalabudbudasaṃkāśaṃ jīvitaṃ sarvadehinām //
Dhs_5.149 //
nadītaraṅgacapalaṃ yauvanaṃ vyativartate /
anityā
(hi)kaṭākṣekṣāpraduḥkhāstuṣitāḥ surāḥ // Dhs_5.150 //
rāgasya
heyatvam
nirvāyatyavaśo dīno dīpaḥ snehakṣayādiva
/
karmakṣayaparikṣipto dvādaśāro mahābalaḥ // Dhs_5.151 //
dharmacakro
bhavatyeṣa nipātī syānna cañcalaḥ /
vicitraviṣayāramyā anekasukhamaṇḍitāḥ //
Dhs_5.152 //
kālagrāsāḥ sarve bhavanti
tuṣitāḥ patanti vivaśāḥ
kālasya vaśamāgatāḥ /
kālasya vaśamāpannā yathā rohanti pādapāḥ // Dhs_5.153
//
te punaḥ kālamāsādya bhavanti vigatatviṣaḥ /
yathā kālaṃ samāpadya
bhavanti sukhitāḥ surāḥ // Dhs_5.154 //
punastamaiva saṃsṛtya patanti vivaśā
hi te /
karmakālaṃ samāsādya loko 'yaṃ parivartate // Dhs_5.155 //
sukhaṃ
vrajati duḥkhaṃ hi kālasya vaśamāgataḥ /
yadvṛttaṃ prākśubhaṃ karma tacca
duṣṭamahodayam // Dhs_5.156 //
tadidaṃ bhuñjate svargaṃ kṣīyate ca tataḥ
punaḥ /
sahetukasya sarvasya kṣaṇikasya viśeṣataḥ // Dhs_5.157
//
anityatāparāmarśo nāsau bhavati sarvataḥ /
ye bhāvāḥ saṃskṛtā nityāḥ
sarve te vipralobhinaḥ // Dhs_5.158 //
vipralobhya janaṃ yāti dharmateyaṃ
vyavasthitā /
śīghrasrotā yathā nadyastathā saukhyaṃ śarīriṇām // Dhs_5.159
//
kṣaṇikaṃ jīvitaṃ sarva na ca vindanti bāliśāḥ /
jarā vyādhiśca mṛtyuśca
vipattiḥ karmasaṃkṣaye // Dhs_5.160 //
bhavantyetāni devānāṃ nityānāṃ
kāmacāriṇām /
nāyurdhruvaṃ bhavatyeva na saukhyaṃ triṣu dhātuṣu // Dhs_5.161
//
na (ca) vindanti vivaśā devāḥ kāmena mohitāḥ /
varṣadhārā yathākāśe
duḥsthā bhavati sarvataḥ // Dhs_5.162 //
tathā saukhyamidaṃ sarva
varṣadhāropamaṃ sadā /
vāyunā pāṃsavo yānti anyonya parighaṭṭitāḥ //
Dhs_5.163 //
bhrāmyate gagane 'vaśyastathā śleṣaḥ śarīriṇām /
suciramapi
saṃramyaṃ nityatā nāsti dehinām // Dhs_5.164 //
acintyārthe saukhyamidaṃ na
ca vindanti bāliśāḥ /
vāteritaṃ tu yat saukhyaṃ vināśāntaṃ bhaviṣyati //
Dhs_5.165 //
sukhasya duḥkhamiśritatvam
vināśaṃ naiva budhyanti
kāminaścittavañcitāḥ /
duḥkhamiśraṃ sukhamidaṃ pracchannamiva vidyate //
Dhs_5.166 //
padmamālāparicchinno viṣapūrṇo yathā ghaṭaḥ /
odanaṃ
viṣasammiśraṃ maraṇāntaṃ (hi) tat tathā // Dhs_5.167 //
tathā saukhyamidaṃ
sarva tasmāt tat parivarjayet /
ādau madhye tathā cānte narakāya bhaviṣyati
// Dhs_5.168 //
utpādasthitibhaṅgāni sarvāṇi
vastūni
utpādasthitabhṅgāntaṃ sarva saṃskṛtamucyate /
sarva ca
saṃskṛtaṃ saukhyaṃ nanu bhaṭṭārameva tat // Dhs_5.169 //
bhaṭṭārañca
vilāsaśca (su)vyayakṣaṇikaṃ tathā /
sukhaṃ ca jīvitaṃ sarva tasmāt tat
parivarjayet // Dhs_5.170 //
ādau madhye tathā cānte śreyasyeva manaḥ sadā
/
sudāntaḥ śuddhacitasya mṛtyukāle na sīdati // Dhs_5.171
//
maraṇasyāvaśyambhāvitvam
avaśyambhāvi maraṇaṃ priyasya ca
viyogatā /
na ca cintayataḥ kāle viṣaye vipralobhinaḥ // Dhs_5.172
//
jarāmaraṇacakraṃ tamaviṣahyaṃ sudāruṇam /
pādapān devagān sattvān na ca
buddhayantyacakṣuṣaḥ // Dhs_5.173 //
sarvasya jātasya cyavanaṃ
bhavati
cyavamānasya devasya vikalendriyacetasaḥ /
yad duḥkhaṃ sukaraṃ
tasya naupamyamiha vidyate // Dhs_5.174 //
yathā yathā mahat saukhyaṃ
tṛṣṇopahatacetasaḥ /
tathā tathā mahad duḥkhaṃ cyavamānasya duḥsaham //
Dhs_5.175 //
kṛtvā hi saṃskṛtaṃ karma na jñātvā karmaṇaḥ sthitiḥ
/
mṛtyukāle samutpanne paścāttāpena dahayate // Dhs_5.176 //
mṛtyoḥ
pūrvameva svahitamādheyam
yāvannāpyeti maraṇaṃ yāvacca kṣaṇasampadaḥ
/
tāvat svahitamādheyameṣa mārgaḥ sukhāvahaḥ // Dhs_5.177 //
cyavanaṃ
devalokeṣu maraṇaṃ narabhūmiṣu /
viditvā kaḥ pumān āsthāṃ kuryātsopadrave
bhave // Dhs_5.178 //
sarva vināśi
tailavartipraṇāśena dīpanāśo
yathā dhruvam /
karmakriyā tathā kasya vinipātaḥ surālayāt /
bhittināśo
yathāvaśyaṃ cittanāśo dhruvaṃsthitaḥ // Dhs_5.179 //
karmanāśāttathā
saukhyamavaśyaṃ vinipadyate /
kṣīṇapuṇyāḥ nipatyante devāḥ sarve surālayāt //
Dhs_5.180 //
anityataiṣāṃ sarveṣāṃ sattvānāṃ vinipātikā /
mṛtyuḥ pivati
bhūtāni jarā pivati yauvanam // Dhs_5.181 //
vyādhiḥ pivati cārogyaṃ na ca
loko 'vabudhyate /
upapannāḥ subahuśaḥ pratītāścāpyanekaśaḥ // Dhs_5.182
//
jāyate jīryate cāyaṃ cyavane copapadyate /
na kṣaṇo 'sti muhūrto vā
parivartastathāpi vā // Dhs_5.183 //
yatra mṛtyurvilambena na ca loko
'vabudhyate /
upapannāstu bahuśaḥ pratītāścāpyanekaśaḥ // Dhs_5.184
//
yanna mṛtyuvilambaḥ syānna ca loko 'vabudhyate /
anityaṃ jīvitaṃ sarva
na vilambi ca yauvanam // Dhs_5.185 //
sarvabhūtānyanityāni na ca loko
'vabudhyate /
ante krameṇa naśyanti bhāvāḥ kṣaṇavilamvinaḥ // Dhs_5.186
//
sambaddhāḥ karmasūtreṇa na ca loko 'vabudhyate /
devakoṭisahastrāṇi
vanopavanasevinām // Dhs_5.187 //
nimīlitāni kālena na ca loko 'vabudhyate
/
paṅkābhāvacarā devāḥ pramattā bhogatṛṣṇayā // Dhs_5.188 //
yāsyanti
vilayaṃ sarve na ca loko 'vabudhyate /
phenabudbudasaṅkāśaṃ svapnadravyopamaṃ
sukham // Dhs_5.189 //
kṣayaṃ prayāti śīghraṃ ca na ca loko 'vabudhyate
/
sarvasya sarvathā sarvo vināśo niyato bhave // Dhs_5.190 //
na ca
bālasya saṃsārānnirvedamupapadyate /
na sarvaḥ sarvathā sarva sarvopāyaiḥ
prayatnaśaḥ /
saṃtrātā bhavane prāpte mṛtyukāle sudāruṇe // Dhs_5.191
//
mṛtyurityabhidhīyate
vyucchettā sarvasaukhyānāṃ duḥkhanāmākaro
mahān /
viśleṣaḥ sarvabandhānāṃ mṛtyurityabhidhīyate // Dhs_5.192
//
bhayopanetā bhūtānāṃ duḥkhānāmudadhiḥ samaḥ /
vyāmohakarttā buddhīnāṃ
mṛtyurityabhidhīyate // Dhs_5.193 //
sañchettā jīvitānāmindriyāṇāṃ ca nāśakaḥ
/
amṛśyaḥ sarvabhūtānāṃ mṛtyurityabhidhīyate // Dhs_5.194 //
adhṛṣyaḥ
sarvabhūtānāmajeyaḥ sarvakarmaṇām /
vināśaḥ sarvasattvānāṃ
mṛtyurityabhidhīyate // Dhs_5.195 //
avaśyambhāvi tattvānāmantakaṃ
sarvadehinām /
nikāyabhāganāśo 'yaṃ mṛtyurityabhidhīyate // Dhs_5.196
//
sadeva yakṣagandharvapiśācoragarakṣasām /
kālacakravināśī (ca)
mṛtyurityabhidhīyate // Dhs_5.197 //
asaṃyamī pramāthī ca bahnivat
sarvadehinām /
krūraścāvinivarttyaśca mṛtyurityabhidhīyate // Dhs_5.198
//
skandhāyatananāśaśca ārupyasyātha cetasaḥ /
kāladharmo mahāveśo
mṛtyurityabhidhīyate // Dhs_5.199 //
śreyase matiḥ karaṇīyā na tu
pramāde
sa eva dhā(ta)ve śīghraṃ vinipātāya dehinām /
śreyase kriyatāṃ
yatno mā pramādeḥ manaḥ kṛthāḥ // Dhs_5.200 //
gataṃ jīvanaṃ
nāyāti
yathā (hi śīghra) gamanaṃ pakṣiṇāṃ pavanasya vā /
tathā
śīghrataraṃ yāti jīvitaṃ sarvadehinām // Dhs_5.201 //
gato nivartate
vāyurnivartante ca pakṣiṇaḥ /
jīvitaṃ yanniruddhaṃ tu tasya nāgamanaṃ punaḥ
// Dhs_5.202 //
drutaṃ kṣīyanti karmāṇi drutamabhyeti cāntakaḥ
/
avaśyambhāvi viśleṣaṃ na ca vindanti devatāḥ // Dhs_5.203 //
anirvāyo
mahāvegaścatuḥsatyanivarhaṇaḥ /
avaśyambhāvi balavāneṣa mṛtyurupaiti ca //
Dhs_5.204 //
śruti pramādino devāḥ sukhena parivañcitāḥ /
na vindanti
mahad duḥkhaṃ yadavaśyaṃ bhaviṣyati // Dhs_5.205 //
saṃskṛtasya hi sarvasya
samayasya viśeṣataḥ /
vināśo bhavati (cā)sau dharmateyaṃ bhave bhave //
Dhs_5.206 //
jarāyauvananāśāya prāṇanāśāya cāntakaḥ /
vipattibhūtanāśāya
sthitā (vai) nāśahetavaḥ // Dhs_5.207 //
evaṃvidhe mahāghore vyasane (vai)
mahad bhaye /
pramādino hi yad devāḥ nūnamete ca cetanāḥ // Dhs_5.208
//
anāgatabhayaṃ yo hi paśyati jñānacakṣuṣā /
sa paṇḍita iti jñeyo
viparītastu bāliśaḥ // Dhs_5.209 //
karmakṣaye sukhasya
nāśaḥ
vimūḍhamanasaḥ sarve vañcitāḥ svena cetasā /
karmakṣaye tu
naśyanti dīpā snehavaśādiva // Dhs_5.210 //
anekaviṣayāṇāṃ ca idaṃ
saukhyamanuttamam /
bhuktvā karmakṣayo bhūta vinipāto bhaviṣyati // Dhs_5.211
//
anityatvānavagamādadharmaratiḥ
jalataraṅgacapalaṃ jīvitaṃ yāti
dehinām /
na ca budbudaniḥsāramavagacchanti bāliśāḥ // Dhs_5.212
//
phenarāśiściraṃ tiṣṭhed upāyaiḥ katibhirnanu /
na tu devāściraṃ
tiṣṭhantyanityo bhāvanamiti // Dhs_5.213 //
lobhavaśādeva
mṛtyorupekṣā
kṛṣyate bhūriyaṃ sarvā manujaiḥ phalakāṃkṣibhiḥ /
na ca
saṃdṛśyate mṛtyurlābhasaktairapaṇḍitaiḥ // Dhs_5.214 //
kṣaṇe kṣaṇe
vivardhante lobhāśā mohite jane /
na ca vindanti saṃsārāḥ kṣīyamāṇāḥ kṣaṇe
kṣaṇe // Dhs_5.215 //
daṇḍatrayamupasaṃharati
jarādaṇḍo
'yamabhyeti yauvanāntakaro nṛṇām /
ārogyaśaktināśāya vyādhidaṇḍo 'yamāgataḥ
/
daṇḍatrayamidaṃ ghoraṃ sasurāsuranāśakam // Dhs_5.216 //
abhyeti na ca
mūḍho 'yaṃ lokaṃ paśyati bāliśaḥ /
parasparaṃ pralobhācca svajanaṃ
snehacañcalam // Dhs_5.217 //
mohabaddhāḥ mṛtyuṃ viyogaṃ ca
nāvagacchanti
gacchatyanyonyasaṃśliṣṭo mohabaddhe jane janaḥ
/
putrapautraprapautrāṇāṃ vaśagāścāpi ye narāḥ // Dhs_5.218
//
karmaskandhasya duḥkhāvahatvam
sarve tena bhaviṣyanti tvaṃ tu
saṅgena bādhyase /
jīvitāntakaraḥ śatrurna viśaṅko mahābalaḥ // Dhs_5.219
//
so 'vilambī mahāvego mṛtyureṣo 'bhyupaiti ca /
calācalavidhirjñeyaḥ
karmaskandhairnidarśitaḥ // Dhs_5.220 //
devādīnāṃ kṣayo
bhavati
devanāgāḥ (sa)gandharvā piśācoragarākṣasāḥ /
na śaktāścyavane
kṣāntaṃ balaṃ tasya tathāgatam // Dhs_5.221 //
tattvadarśako durgatiṃ
nādhigacchati
calācalavidhirjñeyaḥ karmaṇā tattvadarśakaḥ /
aliptaḥ
pāpakairdharmairna sa gacchati durgatim // Dhs_5.222 //
iti
anityatāvargaḥ pañcamaḥ
(6) apramādavargaḥ
pramādaratasya na
mokṣaḥ
yaḥ pramādarato janturnāsau mokṣāya kalpate
/
pramādaviṣamūḍhasya nirvāṇaṃ dūrameva tat // Dhs_6.1 //
na pramāde
manaḥ kāryam
na pramādeṣu badhyet pramādaḥ śatruruttamaḥ
/
pramādaparamā devāḥ patanti narake punaḥ // Dhs_6.2 //
svabhāvatāmimāṃ
jñātvā dharmāṇāmudayavyayam /
na pramāde manaḥ kārya pramādaviṣamuttamam //
Dhs_6.3 //
pramādāpramādayoḥ parasparavirodhitvam
apramādo 'mṛtapadaṃ
pramādo mṛtyunaḥ padam /
apramattā na bhriyante pramattāstu sadātmṛtāḥ //
Dhs_6.4 //
yathā viṣaṃ tathā vahniḥ pramādaḥ prāṇināṃ tathā
/
pramādonmāditāḥ satvāḥ duḥkhād duḥkhaṃ prayānti te // Dhs_6.5
//
apramattāḥ sadāmartyāḥ sarva prakramasaṃskṛtāḥ /
prayānti paramāṃ śānti
pramādo yatra nāsti hi // Dhs_6.6 //
yaḥ pramāde rato janturna
śubhānyanuceṣṭate /
tasya dharmavimūḍhasya kutaḥ svargo bhaviṣyati? //
Dhs_6.7 //
pramādaṃ varjayed yasmāt pramādaṃ viṣamuttamam /
apramattā na
bhriyante pramattāstu sadātmṛtāḥ // Dhs_6.8 //
saubhāgyaṃ prāpya yo martyaḥ
pramādeṣu ca vartate /
na paṇḍita itikhyāto viparītastu nānyathā // Dhs_6.9
//
na pramādasya kālo hi harṣasya na kathañcana /
vyāmohajananācceto
mṛtyukāle mahābale // Dhs_6.10 //
pramādamukhena
pramādavarṇanam
harṣo dhūmaḥ pramādo 'gnirdevān dahati naikaśaḥ
/
viṣayairmohitā mūḍhā na ca vindantyacakṣuṣaḥ // Dhs_6.11
//
avyucchinnāni paśyanti saṃskārāṇi ca dehinām /
yathā hi viṣayairmūḍhā
nāvagacchanti yaddviṣaḥ // Dhs_6.12 //
tasmāt pramādaṃ viṣavat kathayanti
manīṣiṇaḥ /
sukhaṃ na dṛśyate pūrva pramādomandabuddhibhiḥ // Dhs_6.13
//
(yathā) pramādopakṛtāḥ prayānti narakaṃ punaḥ /
phale prāpte pramādo
'yaṃ paścāt santapyate vyathā // Dhs_6.14 //
pramādo
'narthakaraḥ
sarvānarthakaro dṛṣṭaḥ pramādaḥ paṇḍitaiḥ naraiḥ /
tathā
ca kuśalaṃ prāyo yaḥ pramādaṃ na sevate // Dhs_6.15 //
duḥkhaṃ yasya
bhavediṣṭaṃ sa pramādaṃ niṣevatām /
na pramādaparaḥ kaścit kadācit
sukhamāpnuyāt // Dhs_6.16
//
pramādaśūnyānāmacyutapadaprāptiḥ
pramādaviratāḥ santo gacchanti
padamacyutam /
nā pramādaparaḥ kaścinnarake duḥkhitānnayet // Dhs_6.17
//
yadi devāḥ sahantīmaṃ ramante mandamedhasaḥ /
tiraścāṃ hi surāṇāṃ ca
viśeṣo naiva vidyate // Dhs_6.18 //
pramādavaśāt devalokād
patanti
pratyekaṃ karmavaicitryaṃ pramādaparamāḥ surāḥ /
nāvagacchanti
patanaṃ devalokād bhaviṣyati // Dhs_6.19 //
sannikṛṣṭaṃ sadā duḥkhaṃ patanaṃ
vā bhaviṣyati /
devalokottarā devā yathā syāt sukhamātmanaḥ // Dhs_6.20
//
devalokaṃ samāsādya yaḥ pramādeṣu rakṣate /
sa kṣīṇaśubhakarmāntaṃ
cyavanānte vibudhyate // Dhs_6.21 //
mā pramādaparobhūyāḥ pramādo nocitaḥ
suraiḥ /
pramādairdoṣavihatāścyavanti tridaśālayāt // Dhs_6.22
//
pramādavaśagaḥ puruṣaḥ nāśameti
dahyate puruṣaḥ sarvaḥ
pramādena vimohitaḥ /
sa paścād vigate tasmin pratyādeśena rakṣyate //
Dhs_6.23 //
doṣodbhavāmimāṃ bhūmiṃ pramādāvṛttaśādvalam /
vicaranti sadā
mūḍhāḥ surāḥ satkṛtamohitāḥ // Dhs_6.24 //
cañcalā viṣamāstīvrā pramādāḥ
kāmahetavaḥ /
na teṣāṃ viśvased vīro yasmāt svapnopamā hi te // Dhs_6.25
//
kāmaḥ nārakasya heturiti
na svapno narake hetuḥ kāmāḥ svapnasya
hetukāḥ /
tasmāt kāmamimaṃ muktvā nityaṃ sucaritaṃ caret // Dhs_6.26
//
apramādātsarva prāptuṃ śaknoti
yatrāvāptaṃ padaṃ kṛtsnaṃ suraiḥ
kāmavimohitaiḥ /
tat prāpyate padaṃ vīrairapramādaparairnaraiḥ // Dhs_6.27
//
pramādamūlasaṃsāraḥ
pramādamūlasaṃsāro devānāmālayastathā
/
ye pramādaviṣairmattāste magnā bhavasaṅkaṭe // Dhs_6.28 //
tamaḥ
pramādamūlañca avidyā hayapakārikā /
andhakāreṇa ye mūḍhāsteṣāṃ cakṣurna
vidyate // Dhs_6.29 //
pramādaḥ mohātmakaḥ
tejasā hi tathā
mūlairagninā na ca kathyate /
mohānāṃ pravarastadvat pramādaḥ
parikīrtyate // Dhs_6.30 //
pramādānalataptena manasā tad viceṣṭate
/
muhayante yena te bālāḥ prayānti narakaṃ punaḥ // Dhs_6.31
//
pramādonmāditaḥ sukhamevānubhavati
pramādonmāditā devāstrividhā
ye calātmakāḥ /
viyogaduḥkhaṃ vismṛtya saṃyoge sukhakāṃkṣiṇaḥ // Dhs_6.32
//
patanāntameva jīvanam
upasthite mahāduḥkhe patanānte hi jīvite
/
paścād vahanti virasaṃ patanāntaṃ sukhaṃ calam // Dhs_6.33 //
saṃyogo
viprayogāntaḥ patanāntaḥ sukhaṃ sadā /
jarāntaṃ yauvanaṃ sarva karmāntaḥ
sarvadehinām // Dhs_6.34 //
saṃsāraḥ
karmanāṭakasambaddhaḥ
śubhāśubhena baddhā hi karmaṇā sarvadehinaḥ
/
naṭavannaṭayantyete gatyāṃ gatyāṃ pṛthak pṛthak // Dhs_6.35
//
karmanāṭakasambaddhaḥ saṃsāro bhramate sadā /
na tatra
viśvaseddhīmānanityā karmaṇāṃ gatiḥ // Dhs_6.36 //
pramādaḥ
paramodoṣaḥ
sarvapāpāni viṣavat pramādaḥ paribarjyatām /
pramādena tu
ye muktā (ste) tīrṇāsti bhavārṇavāt // Dhs_6.37 //
prapātapatito doṣī
kadācidapi jīvati /
na pramādaprapatitaḥ kadāpi sukhavān bhavet // Dhs_6.38
//
pramādaḥ paramo doṣaḥ kadācit sarvakarmasu /
na rātrau na divā tasya
śubhaṃ bhavati karhicit // Dhs_6.39 //
yat sukhaṃ laukikaṃ kiñcid yacca
lokottaraṃ matam /
naśyate tat pramādena tasmāt tat parivarjayet // Dhs_6.40
//
apramādo 'mṛtapadam
apramādo 'mṛtapadaṃ pramādo mṛtyunaḥ padam
/
apramādena te devāḥ devānāṃ śreṣṭhatāṃ gatāḥ // Dhs_6.41 //
pramādamūlaḥ
saṃsāraḥ apramādaśca (sad) gatiḥ /
tasmād pramādavirataḥ sukhī bhavati
sarvadā // Dhs_6.42 //
duḥkhād vibheti cet pramādaṃ
parityajet
icchate yatsukhaṃ nityaṃ yaśca duḥkhād vibheti (vai) /
sa
(hi) pramādād viramet pramādo viṣavannṛṇām // Dhs_6.43 //
pramādanidrāvihatā
pramādaviṣamohitāḥ /
prapātaṃ hi prapadyante janāḥ śukla kṛtātmakāḥ //
Dhs_6.44 //
apramādaḥ paraṃ śreyaḥ
apramādaḥ paraṃ śreyo na
pramādaḥ kathañcanaḥ /
apramādena sukhinaḥ pramādena (su)duḥkhitāḥ //
Dhs_6.45 //
pramādamūḍhāḥ narakaṃ vrajanti
pramādamūḍhā hi narā
bhūyo madyena mohitā /
dhik pramādavimūḍhāste caranti narakaṃ punaḥ //
Dhs_6.46 //
pramādavāgurābaddhā viṣayārṇavasaṃsthitāḥ
/
tṛṣṇāviṣayasambaddho devaḥ krīḍatyanekaśaḥ // Dhs_6.47 //
jātamātrasya
devasya tat kṣaṇaṃ kṣīyate sukham /
na vindanti vivaśāḥ pramādāvṛttacetasaḥ
// Dhs_6.48 //
pramādavaśaḥ kāmavaśago 'tṛpta eva tiṣṭhati
pramādod
bhrāntamanaso nityaṃ viṣayatatparāḥ /
atṛptāḥ kāmabhogeṣu sukhena sukhitā hi
ca // Dhs_6.49 //
kāmānalena sandagdhāḥ vipramādena mohitāḥ /
na vindanti
balaṃ sarva vināśāntaṃ hi jīvitam // Dhs_6.50 //
anekāni sahastrāṇi surāṇāṃ
niyutāni ca /
kāmānalena sandagdhāḥ pramādena vimohitāḥ // Dhs_6.51
//
pramādayutāḥ patanti
hriyate puruṣaḥ sarvaḥ pramādena vimohitaḥ
/
sa paścād vyasane prāpte budhyate tasya tatphalam // Dhs_6.52 //
viṣavat
prāṇahṛd dṛṣṭaḥ pramādastattvadarśibhiḥ /
agnivad dahyate nityaṃ śastravacca
nikṛntatiḥ // Dhs_6.53 //
mitravad dṛśyate pūrva paścād bhavati śatruvat
/
vahiśaḥ sarvadevānāṃ pramādaḥ sampravartate // Dhs_6.54
//
devāsuramanuṣyāṇāṃ nāgānāṃ ca viśeṣataḥ /
pramādaḥ kāraṇaṃ dṛṣṭaṃ
sarvānnarthān karoti saḥ // Dhs_6.55 //
yaḥ pramādahato nityaṃ nāsau
kalyāṇamarhati /
kalyāṇavarjitaḥ puruṣo narakānupakarṣati // Dhs_6.56
//
vividhā kṛtayastiryag pramādaparivañcitāḥ /
maithune bhojane caiva
yeṣāṃ buddhiḥ sadāratāḥ // Dhs_6.57 //
yadā sucaritaṃ karma cāntībhūtaṃ
divaukasām /
bhaviṣyati tadābhūyaḥ kva yāsyanti pramādinaḥ // Dhs_6.58
//
pramādavāriṇāṃ duḥṣṭāḥ karmavāyubhirāhatāḥ /
patanti vṛkṣavad devā
gatyāṃ gatyāṃ pṛthak pṛthak // Dhs_6.59 //
surāṇāmapi saṃvegajanitaḥ śoko
jāyate
śataśo na hutaścaiva divi jātā divaukasaḥ /
na ca saṃvegajanito
hṛdi śokaḥ prajāyate // Dhs_6.60 //
pramādakaluṣaṃ pītvā mohātpānaṃ
divaukasaḥ /
patanti narakaṃ tīvraṃ vahninā parivāritam // Dhs_6.61
//
sudurlabhasya mānuṣasya janmanaḥ sāphalyavaiphalye
sulabdhaṃ
mānuṣaṃ janma ye labdhvā apramādinaḥ /
kurvanti sukṛtaṃ karma
devalokopagāminaḥ // Dhs_6.62 //
durlabhaṃ mānuṣaṃ karma labdhvāpi ye
pramādinaḥ /
te pramādāt paribhrāntāḥ patanti narake narāḥ // Dhs_6.63
//
mṛtyusamaye pramādī tapatyeva
pramādaratasattvo yaḥ kṛpayā
parivartate /
sa paścānmṛtyusamaye tapyate svenacetasā // Dhs_6.64
//
pramādasya dāhakatvam
na tathā dahyate vahnirna ca śastraṃ
vikṛntati /
pañcendriyasamudbhūtaṃ pramādo dahyate tathā // Dhs_6.65
//
sukharūpaṃ tathā duḥkhaṃ mitrarūpaṃ tathā ripuḥ /
pramādināṃ hi
tannityaṃ tasmāttaṃ parivarjayet // Dhs_6.66 //
pramādatṛṣṇayā miśro
rāgastadanuvardhakaḥ /
trayaste ripavaḥ kruṣṭāḥ nāśayanti sukhaṃ nṛṇām //
Dhs_6.67 //
ye pramādaratā nityaṃ na ca dharmaratā budhāḥ /
te mṛtyusamaye
prāpte yamadūtaiḥ parākṛtāḥ // Dhs_6.68 //
viṣavatpramādaṃ matvā
tatparityāginaḥdhanyā
pramādaṃ viṣavad ye tu parirakṣanti paṇḍitāḥ
/
te mṛtyusamaye prāpte bhavanti sukhabhāginaḥ // Dhs_6.69 //
pramādaḥ
paramo mṛtyurapramādaḥ paraṃ sukham /
tasmāt sukhārthināḥ nityaṃ mā pramāde
matiṃ kṛthāḥ // Dhs_6.70 //
dhātvāyatana sammohaḥ śreyasāṃ
vidhna
dhātvāyatanasammohaḥ śreyasāṃ vighnakārakaḥ /
sanyāsaḥ
sarvakarmāṇāṃ pramādaḥ sampravartate // Dhs_6.71 //
doṣayantravilagnāya
māyādvārasya dūtakaḥ /
sammohasyāgraṇī pāpaḥ pramādaḥ sampravartate //
Dhs_6.72 //
pramādaratāḥ mṛtyumukhaṃ prati gacchanti
ye
pramādaratā bālāste mṛtyorhastamāsthitāḥ /
pramādasevakā ye tu te sarve
nidhanaṃgatā // Dhs_6.73 //
pramādino devā api kṣīṇapuṇyāḥ
bhavanti
puṇyakṣayāya devānāṃ pramādena vihiṃsitāḥ /
patanti
sukhasaṃmūḍhāstrāṇaṃ teṣāṃ tadā kutaḥ // Dhs_6.74 //
saddharmācaraṇaṃ
bhūtadayaiva
eko dharmastathāśreyaḥ kṛpayā saṃyataḥ pṛthuḥ
/
kṣāntiścāpi sadā yuktā dayā bhūteṣu sarvadā // Dhs_6.75 //
balabhūtā
bhavantyete mṛtyukāle mahābhaye /
tasmāt pramādarahitaiḥ sevanīyāḥ
prayatnataḥ // Dhs_6.76 //
vidyāvidhijñasyaiva prāṇinaḥ
śāntirjāyate
avidyāvartanaṃ śreyo vidyāyā rakṣaṇaṃ sadā
/
vidyāvidhijño yaḥ (satvaḥ) pramādastasya śāmyati /
puruṣārtho niyato
(hyatra) yat pramādasya varjanam // Dhs_6.77 //
apramādaratasyaiva
puruṣārthasiddhirbhavati
apramādaratasyaiva puruṣārthaḥ satāṃ mataḥ
/
pramādo bandhanaṃ prāyo muktistasyāpramādataḥ // Dhs_6.78
//
pramādasevanād bandhanam
mokṣabandhanayoretallakṣaṇaṃ syāt
satāṃ matam
evaṃ matvā sadā devo yaḥ pramādena rakṣati /
sa
paścānmṛtyusamaye jñāsyate tasya tatphalam // Dhs_6.79 //
santoṣa eva
nirvāṇasādhanam
yathā yathā hi santoṣaḥ sevyate yatibhiḥ sadā /
tathā
tathā hi nirvāṇamanike tasya vartate // Dhs_6.80 //
virāgaḥ sarvakāmeṣu
nirvāṇe ca pravartatām /
nāsau mārasya viṣayaḥ kadācit sampravartate //
Dhs_6.81 //
jñānenaiva duḥkhaprahāṇam
narāṇāṃ paśya manaso nityaṃ
vyāpārameva ca /
udyogaśca sadājñānaṃ sa kathaṃ duḥkhameṣyati // Dhs_6.82
//
kaḥ bandhanamukto bhavati?
atītabhayasampannaḥ pratyutpanne ca
buddhimān /
anāgatavidhijño yaḥ sa muktaḥ kleśabandhanāt // Dhs_6.83
//
apramādarato nityamaviśvāse ca kātaraḥ /
saṃjñānasevī vimalo
nirvāṇasyāntike sthitaḥ // Dhs_6.84 //
mahatsukhaṃ pramādena
naśyati
pramādenāpi naśyanti devāḥ prāpyamahatsukham /
kiṃ punaryena
vā mūḍhāḥ pramādavaśasevinaḥ // Dhs_6.85 //
mṛtaḥ sa naro bhavati yaḥ
pramādavihāravān /
jīvite ca pramatto 'yaṃ satataṃ jñānadhāraṇe // Dhs_6.86
//
pramādāpramādayorantaram
apramādapramādābhyāmidamantaramiṣyate
/
mṛtyuṃ ca varjayed doṣaṃ pramādaṃ duḥkhamūlakam // Dhs_6.87 //
nityaṃ
pramuditā devāḥ nityaṃ pramuditā vayam /
pakṣiṇāṃ ca surāṇāṃ ca viśeṣo
nopalabhyate // Dhs_6.88 //
na dharmācaraṇaṃ dṛṣṭaṃ mokṣacaryā na yātyasau
/
tathaiva yadi devānāṃ te gatāḥ pakṣibhiḥ samā // Dhs_6.89 //
ye
pramādavinirmuktā ye ca dharmaratāḥ sadā /
te devāḥ satpathā loke na
pramādavihāriṇaḥ // Dhs_6.90 //
yadi krīḍāratā devāḥ pramādacaritāḥ sadā
/
devānāṃ ca khagānāṃ ca viśeṣo nopalabhyate // Dhs_6.91
//
dharmapatitaḥ jātyā na śobhate
karmaṇāṃ tu viśeṣeṇa
jātirdharmairviśiṣyate /
na dharmapatitaḥ kaścid jātyā bhavati śobhanaḥ //
Dhs_6.92 //
yena nindanti saṃsāramimaṃ sarvakṣayātmakam /
te surāpisamā
nityaṃ pakṣibhirmūḍhabuddhibhiḥ // Dhs_6.93 //
yeṣāmevasthitā buddhiramatā
dharmagocare /
te devāḥ sammattā loke na pramādavicāriṇaḥ // Dhs_6.94
//
ye janmahetuprabhavaṃ duḥkhaṃ budhyanti śobhanam /
te devā na tu ye
saktāḥ kāmeṣu hitakāriṣu // Dhs_6.95 //
viyujyamānā bahuśo
bhṛtyasvajanabāndhavaiḥ /
ye nodvijanti saṃsāre te devāḥ pakṣibhiḥ samāḥ //
Dhs_6.96 //
madyapānādhikaḥ pramādaḥ
madyapānādhiko dṛṣṭaḥ
pramādastattvadarśibhiḥ /
jīryate madyapānaṃ hi pramādo naiva jīryate //
Dhs_6.97 //
pramādamatto gatipañcake bhramate
pramādopahatoloko
bhramate gatipañcake /
tasmāt pramādamatto hi sarvopāyairviśiṣyate //
Dhs_6.98 //
pramādaḥ madyādapi hīnataraḥ
ekāhaṃ paramaṃ madyaṃ
pramādayati dehinaḥ /
pramādaḥ kalpakoṭibhirbhramato 'pi na jīryate //
Dhs_6.99 //
ye pramādairvirahitāste gatāḥ padamavyayam /
ye tu
pramādavaśagāste bhavanti khagā narāḥ // Dhs_6.100 //
hitārthinā manuṣyeṇa
pramādovarjya eva hi /
yasmāt pramādavaśagāḥ kleśā buddhena deśitāḥ //
Dhs_6.101 //
devānāṃ kṛte 'pi pramādo heya eva
khagā yadi
pramādena kurvanti laghucetasaḥ /
kasmāddevāḥ pramādaṃ(taṃ) na jahaṃti
viśeṣataḥ // Dhs_6.102 //
yastu dūrāt pramādena bhayaṃ nāvaiti durmatiḥ
/
so 'vaśyaṃ vyasane prāpte paścāttāpena dahyate // Dhs_6.103 //
patanaṃ
devalokāt te dānai rakṣanti dāruṇam /
tad vicintya pramādaste na saṃsevyaḥ
kathañcana // Dhs_6.104 //
ye pramādaratā nityaṃ na te saukhyasya bhāginaḥ
/
pramādo duḥkhamūlaśca mūlamekaṃ sudāruṇam // Dhs_6.105
//
padmakoṭisahastrāṇi niyutānyarbudāni ca /
asaṃkhyāni ca devānāṃ
pramādena vitanvitāḥ // Dhs_6.106 //
apramādaḥ paraṃ mitraṃ pramādaśca
śatruḥ
apramādaḥ paraṃ(mitraṃ) nityaṃ hitakaraṃ nṛṇām /
pramādastu
paraṃ śatrustasyanmitraparo bhavet // Dhs_6.107 //
śubhasyāntakaro hayeṣa
viṣavad dāruṇaṃ param /
durgatīnāṃ paraṃ mārgaḥ pramāda iti kathyate //
Dhs_6.108 //
pramādena pramattā ye viṣayaiścāpi rañjitāḥ /
narāste
mūḍhamanaso nityaṃ duḥkhasya bhoginaḥ // Dhs_6.109 //
jñānaśūnyāḥ
bhayaduḥkhamavigaṇya paśubhiḥ samāḥ bhavanti
yeṣāṃ bhayaṃ na duḥkhaṃ (ca)
na ca jñānāvalokanam /
paśubhiste samāviṣṭā na purā sukhakāṃkṣiṇaḥ //
Dhs_6.110 //
āhāramaithunaratiḥ paśūnāṃ hṛdi vartate /
sā ratiryadi
devānāṃ te gatāḥ paśubhiḥ samāḥ // Dhs_6.111 //
pramādaḥ mṛtyoḥ paryāya
eva
krīḍantyatiśayaṃ hyete mṛtyorgamye puraḥsthitā /
samprāpte
mṛtyusamaye phalaṃ dāsyanti (dāruṇam) // Dhs_6.112 //
viṣavat pariheyo('yaṃ)
sarvairapi (suduḥsahaḥ) /
mṛtyoḥ paryāyanāmaiṣa pramādo hṛdi dehinām //
Dhs_6.113 //
pramādena hatān pūrvaṃ paścānmṛtyuḥ pramardati
/
dharmajīvitasaukhyānāṃ tamekāṃśaṃ prakathyate // Dhs_6.114
//
apramāda eva svargamārgaḥ
apramāda iti khyātaḥ svargamārga
pradeśakaḥ /
arthānathau samāvetau paścānmokṣastathaiva (ca) // Dhs_6.115
//
apramādaḥ guṇaḥ pramāda eva doṣaḥ
apramādaḥ pramādaśca
guṇadoṣasamāvibhau /
tatraiva mūḍhamanaso vijānanti ca dehinaḥ // Dhs_6.116
//
śatruṇā saha rakṣanti jñāne pariharanti ca /
pramādaviṣavṛkṣasya
śākhāstistraḥ pratiṣṭhitāḥ // Dhs_6.117 //
jarā vyādhiśca mṛtyuñca nityaṃ
tasyoparisthitāḥ /
jarādayo na bādhyante puruṣaṃ satkriyānvitam // Dhs_6.118
//
apramādī sadā bhayanirmuktaḥ san sukhītiṣṭhati
saṃsāre tiṣṭhate
dhīmānapramādarataḥ sadā /
nikṛntanti sadā doṣā na pramādaṃ pariṣvajet //
Dhs_6.119 //
sadā bhayavinirmuktaḥ sukhaṃ prāpnotyanuttamam /
(a)
pramādācca yat saukhyaṃ śāśvataṃ sa bhayaṃ hi tat // Dhs_6.120 //
yattu
tasmād vinirmuktaṃ tat saukhyaṃ dhruvamacyutam /
śataśo manujā (hayatra)
pramādena vimohitāḥ // Dhs_6.121 //
tathāpi nāma vaśagāste pramāde
pratiṣṭhitāḥ /
catvāro hi viparyāsāḥ pramādasyoparisthitāḥ // Dhs_6.122
//
pramādavirahāttepi naśyanti lokaśatravaḥ /
yadanekavikalpo
'yamanekabhayasaṅkaṭaḥ // Dhs_6.123 //
pramādarahitāḥ devāḥ santo 'cyutaṃ
sukhamaśnute
saṃsāro bhramate duḥkhe tat pramādasya ceṣṭitam /
ekaḥ
pramādavirahāt prāpyate sukhamacyutam // Dhs_6.124 //
pramādena vinaśyanti
sarvadharmā hatāstravāḥ /
devānāṃ ca pramādo 'yamuparyupari vartate //
Dhs_6.125 //
kathaṃ pramādasammūḍhāḥ devā yāsyanti nirvṛtim /
tade(ta)t
saumyamanasā cintayitvā vikalpayet // Dhs_6.126 //
tathā me hita māstheyaṃ
yathā yat syāt (sukhāvaham) /
ye devā yacca tatsaukhyaṃ paśyan yadapikiñcana
// Dhs_6.127 //
saṃskṛtasyaiva dhruvapadaprāptirbhavati
tat sarva
(hi) dhruvaṃ gatvā saṃskṛtasyaiṣa sambhavaḥ /
avaśyaṃ te vinaśyanti ye bhāvāḥ
saṃskṛtāścalāḥ // Dhs_6.128 //
pramādavaśād devā api duḥkhabhāginaḥ
bhavanti
pramādaniratā (devā)nityaṃ duḥkhasya bhāginaḥ
/
pramādāpahatajano yasteṣāṃ kurute matiḥ // Dhs_6.129 //
saṃviyoge
samutpanne duḥkhena paritapyate /
viṣayeṣu sakāmeṣu tṛṣṇāvanagateṣu ca //
Dhs_6.130 //
tena te vañcitā devāḥ pramādavaśavartinaḥ
/
mūlametadanarthānāṃ yatpramādānusevanam // Dhs_6.131
//
pramādavarjanaṃ kṣemakaram
tasyaitad varjanaṃ dhanyaṃ
sarvakṣemakaraṃ mahat /
satvā naivāpannasukhā duḥkhaiścāpi samanvitāḥ //
Dhs_6.132 //
tathā buddhiranuṣṭheyā yathā matsyā jalānugāḥ /
svarge
pramādavaśagā strīvidheyāśca te surāḥ // Dhs_6.133 //
pramādino
duḥkhabhāgino bhavanti
te strīvahnivinirdagdhā nityaṃ duḥkhasya bhāginaḥ
/
tasmāt prayatnaśo devairaṅganā parivarjanam // Dhs_6.134 //
karttavyaṃ
kāmalolasya manasā dhṛtivardhanam /
kāryākāryevimūḍhasya dharmādharme
tathaiva ca // Dhs_6.135 //
puruṣasyātmabhaṅgasya nirvāṇaṃ dūrameva tat
/
gurutābhāvatattvajño nipuṇo dharmagocaraḥ // Dhs_6.136 //
dharmiṇa
eva sukhamāpnuvanti
dharmākāṃkṣī phalākāṃkṣī tādṛśaṃ labhate sukham
/
nidhautamaghakalmāṣāḥ nityaṃ dharmānuvartinaḥ // Dhs_6.137
//
pramādavimohitā eva duḥkhamāpnuvanti
sukhinaste sadā dṛṣṭā na
pramādavihāriṇaḥ /
pramādāpahataḥ pūrva pramādena vimohitaḥ // Dhs_6.138
//
madyena devo 'pi pramādameti
devo vā puruṣaścāpi na
sukhasyāntike hi saḥ /
mṛtaḥ sa puruṣo nityaṃ yo madyena pramādyati //
Dhs_6.139 //
madyadoṣādhṛtāḥ sarve bhavanti narake narāḥ /
asaṃsargacaro
doṣo madyamityabhidhīyate // Dhs_6.140 //
madyena mohitā nityaṃ devāḥ
narakagāminaḥ /
asambhūteṣu rakṣante na sambhūte kathañcanaḥ // Dhs_6.141
//
madātsvākāramalinā devāḥ kāmairvimohitāḥ /
kāmena mohitā devā madyenāpi
tathaiva ca // Dhs_6.142 //
pramādī tattvaṃ na paśyati
na
tattvamatra paśyanti jātyandhā iva satpatham /
pramādākulitaṃ cittaṃ na
tattvamanupaśyati // Dhs_6.143 //
pramādaścāgnivattasmāt parivarjyaḥ
samantataḥ /
pramādena vinaśyanti kuśalā dharmayonayaḥ // Dhs_6.144
//
pramādaviṣasevanaṃ nāśāyaiva jāyate
mārga ca viṣasaṃspṛṣṭaṃ
sarvathā naiva paśyati /
daśadharmā vinaśyanti pramādaviṣasevinām //
Dhs_6.145 //
dhyānāni caiva catvāri praṇaśyanti pramādinaḥ /
apramādaṃ
praśaṃsanti buddhāḥ kāmavivarjitāḥ // Dhs_6.146 //
apramattā jarāmuktā
bhavanti
pramādañca jugupsanti jarāmaraṇapañjaram /
apramattā
jarāmuktā pramattā duḥkhabhoginaḥ // Dhs_6.147 //
pramāda eva bandhanam
/
pramādo bandhanaṃ hayetad duḥkhitaṃ mandabuddhinām /
apramādena
kuśalā devānāṃ samitiṅgatāḥ // Dhs_6.148 //
tasmāt te patitā bhūyo ye
pramādānusevinaḥ /
pramattapuruṣaḥ sarva saṃsārānnaiva mucyate // Dhs_6.149
//
pramādapāśapāśena yena baddhā hi dehinaḥ /
akārya kāryasadṛśaṃ kārya
kurvanti sarvadā // Dhs_6.150 //
apramādinaḥ
kalyāṇaparamparāmāpnuvanti
apramādānnaraḥ sarva viparītaṃ (hi) paśyati
/
na laukikeṣu kāryeṣu kuto na śraiyaseṣu ca // Dhs_6.151 //
pramādaṃ na
praśaṃsanti paṇḍitā buddhipāragāḥ /
yathā śubhaṃ parikṣīṇaṃ bhaviṣyati
divaukasām // Dhs_6.152 //
pramādaphalaṃ hānikaram
tadā pramādasya
phalaṃ jñāsyanti kaṭukaṃ hi tat /
kāmasaṃsaktamanasāṃ tasyānte sukhasevinām
// Dhs_6.153 //
bhaviṣyati sukhaṃ tasmād vinipātodayo mahān
/
viṣayābhimukhepsūnāṃ nityamāśāgatātmanām // Dhs_6.154
//
strīdarśanasumattānāṃ vinipāto bhaviṣyati /
(nityaṃ kāmān) niṣevante
pramādarāgasevinaḥ // Dhs_6.155 //
tāḥ sarvā mṛtyusamaye parityakṣyanti
yoṣitaḥ /
cyavamānaṃ suraṃ sarve na kaścidanugacchati // Dhs_6.156
//
mokṣābhilāṣiṇaḥ duṣkṛtaṃ tyajanti
karmaṇā pṛṣṭhataḥ sarva
gacchantamanuyāti ca /
yuktaṃ ca (hi) sadā sevyaṃ varjanīyaṃ ca duṣkṛtam //
Dhs_6.157 //
pramādaṃ ca madaṃ jahayāt pramāda (vi)rato bhavet
/
pramādo bhavamūlo 'yaṃ pramādastu na śāntaye // Dhs_6.158
//
pramādāpramādau vicintya dhīraḥ
sukhamedhate
apramādapramādābhyāmidamuktaṃ svalakṣaṇam /
tad vicintya
sadā dhīraḥ sukhaṃ sucaritaṃ caret // Dhs_6.159 //
dharmacārī kadāpi
duḥkhaṃ nāpnoti
na dharmacārī puruṣaḥ kadācid duḥkhamṛcchaiti
/
saṃsarantyatha saṃsāre prāṇinaḥ svena karmaṇā // Dhs_6.160
//
pramādo vinipātāya
kimarthamihaloko 'yaṃ pramādena vihanyate
/
pramādaḥ śreyasāṃ nāśaḥ pramādo bandhanaṃ param // Dhs_6.161 //
pramādo
vinipātāya pramādo narakāya ca /
duḥkhasya heturevaikaḥ pramādaḥ parikīrtitaḥ
// Dhs_6.162 //
apramādarato nirvāṇamadhigacchati
tasmāt sukhārthī
puruṣaḥ pramādaṃ parivarjayet /
yaiḥ pramādaḥ parityaktaḥ prāptaṃ taiḥ
padamacyutam // Dhs_6.163 //
apramādarato yo hi nirvāṇasyaiva so 'ntike
/
apramādapadaṃ hayetannirvāṇasyāgrataḥ padam // Dhs_6.164
//
pramattaḥ sadaiva duḥkhito bhavati
pramādo vinipātāya hetureṣaḥ
prakīrtitaḥ /
pramattaḥ puruṣaḥ sarvaḥ sonmāda iva lakṣyate // Dhs_6.165
//
laghutvaṃ yāti loke 'smin pratyavāyeṣu pacyate /
pramattaḥ puruṣaḥ
śakto viparīteṣu vartate // Dhs_6.166 //
hetau karmavipāke ca mṛtyūtpattau
tathaiva ca /
pramādāgniśca yaṃ tīkṣṇo narakānupakarṣati
/
tasmānnarakamokṣārtha pramādaṃ vinivarjayet // Dhs_6.167 //
ye pramādaṃ
vinirjitya nityaṃ jñānaratā narāḥ /
te kleśabandhanaṃ chitvā padaṃ yātāḥ
sukhodayam // Dhs_6.168 //
karmasūtrairnibaddhāśca cittadolāṃ samāśritāḥ
/
bhramanti vibhave sattvā mā pramādeṣu rakṣathaḥ // Dhs_6.169 //
sukhī
bhavati duḥkhī vai duḥkhitaścāpi sukhitaḥ /
bhartāpi tṛpto bhavati mā
pramādeṣu rakṣathaḥ // Dhs_6.170 //
mātā pitā vā bhavati bhāryā mātṛtvameva
ca /
parivarto mahāneṣu mā pramādeṣu rakṣathaḥ // Dhs_6.171
//
pramādājjāyate rāgo rāgād dveṣaḥ prapadyate /
sa doṣapathamāpanno
narakānupadhāvati // Dhs_6.172 //
prajñāruḍhaḥ pramādaśūnyaḥ san śivaṃ
panthānamāpnoti
prajñāprāsādamāroha yogakṣemamanuttamam /
eṣa panthāḥ
śivaḥ śreṣṭho yaḥ pramādavivarjitaḥ /
tena mārgeṇa satataṃ nirvāṇaṃ yānti
paṇḍitāḥ // Dhs_6.173 //
virodho mārgasampattau cittasantānadūṣakaḥ
/
āchettā dharmasetūnāṃ pramādaḥ parikīrtitaḥ // Dhs_6.174
//
pramādopahatāḥ nāśaṃ yānti
smṛti sandūṣakaṃ dṛṣṭaṃ mokṣāya
vṛttināśakaḥ /
durgatīnāṃ paraṃ netā pramādaḥ sampravartate // Dhs_6.175
//
aneka puruṣaḥ kṣipto nātmano vindate hitam /
nāvācyaṃ na ca kāryāṇāṃ
vindate 'mṛtakopamaḥ // Dhs_6.176 //
ta ete paśubhistulyā devavigrahadhāriṇaḥ
/
pramādopahatā mūḍhā nṛtyanti ca hasanti ca // Dhs_6.177
//
utpannāvicyutāḥ mārgāt kṣāntiṃ ye nāśayanti ca /
nṛbhavārṇavabhūtā ye
te pramādānudhāvinaḥ // Dhs_6.178 //
janakaḥ sarvadoṣāṇāṃ bandhanaṃ
pāpakarmaṇām /
pramoṣaḥ sarvadharmāṇāṃ pramādāriḥ pravartate // Dhs_6.179
//
sarveṣāṃ śubhakarmāṇāṃ pramādaḥ śatrureva
nādhyātmikāni karmāṇi
na bāhayāni kathañcana /
pramādopahato janturjānīte naṣṭamāsanaḥ // Dhs_6.180
//
krīḍāyāṃ vyagramanaso nṛtyagāndharvalālasāḥ
/
atṛṣṇārviṣayairdivyairnakṣyanti vibudhālayāḥ // Dhs_6.181 //
bhayasthāne
hasantyete pramādena vimohitāḥ /
mārgāmārga na vindanti jātyandhena surāḥ
samāḥ // Dhs_6.182 //
kāmadhātāveva pramattāḥ bhramanti
kāmadhātau
bhramanyete cakravadgati pañcake /
dhyānebhyo yaddhi patanaṃ tat pramādasya
ceṣṭitam // Dhs_6.183 //
pramādaceṣṭitaṃ karmapatanāya
jāyate
ārūpyebhyaśca yatsthānaṃ caturthaṃ prāpyalaukikāt /
bhramanti
bhramadolāyāṃ tat pramādasya ceṣṭitam // Dhs_6.184
//
pramādabandhanairbaddhaṃ tṛṣṇāpāśaiśca yantritam /
traidhātukamidaṃ
kṛtsnaṃ na ca buddhayantya cetasaḥ // Dhs_6.185 //
yat prayānti dharmasthānaṃ
tṛṣṇābhayadarśitāḥ /
na bhūyaḥ khedamāyāti tat pramādasya ceṣṭitam //
Dhs_6.186 //
pramādavaśāt duḥkhamevāpnoti janaḥ
priyaviśleṣajaṃ
nṛṇāṃ yadduḥkhaṃ hṛdi jāyate /
sevanād yat pramādasya kathayanti tathāgatā //
Dhs_6.187 //
anarthā hi trayo loke yairidaṃ naśyate jagat /
vyādhirjarā ca
mṛtyuśca pramādālasya sambhavāḥ // Dhs_6.188 //
prarohanti yathā bhūmau
savauṣadhitṛṇādayaḥ /
tathā pramādināṃ kleṣāḥ pravartante pṛthagvidhāḥ //
Dhs_6.189 //
pramādasya viṣāṅkuraḥ
strīśleṣo madyapānaṃ ca krīḍā
ca viṣayaiḥ saha /
cāpalyamayakausīdyaṃ pramādasya viṣāṅkuraḥ // Dhs_6.190
//
pramādāpramādayorlakṣaṇam
pramādaḥ paramaṃ duḥkhapramādaḥ paraṃ
sukham /
samāsāllakṣaṇaṃ proktamapramādapramādayoḥ // Dhs_6.191
//
ataḥ pramādo na sevyaḥ
tasmāt pramādo na nareṇa sevyaḥ, sa
durgatīnāṃ prathamāgrameva /
vihāya taṃ duḥkhasahastrayoniṃ, prayānti buddhā
bhavapāragrayam // Dhs_6.192 //
// iti apramādavargaḥ ṣaṣṭhaḥ
//
(7) kāmajugupsāvargaḥ
kāmasya narakahetutvam
na
kāmeṣu ratiṃ kuryāt kāmāḥ paramavañcakāḥ /
saṃsārabandhanā ghorāḥ sarve
narakahetavaḥ // Dhs_7.1 //
yaḥ saṃrakṣati kāmeṣu tasya duḥkhamanantakam
/
na kāmoragadaṣṭasya sukhamasti kathañcana // Dhs_7.2
//
rāgādivaśagānāṃ ceṣṭitam
varaṃ niśitadhāreṇa kṣureṇa
svayamātmanaḥ /
saṃkṣoditā bhavejjihvā na coktaṃ kāmagaṃva(caḥ) // Dhs_7.3
//
rāgeṇa vañcitāḥ sattvā dveṣeṇa paripīḍitāḥ /
mohasya vaśamāpannā
bhāṣante 'madhuraṃ vacaḥ // Dhs_7.4 //
rāgavaśagaḥ sadā
duḥkhatamamanubhavati
alparāgānniruddho yaḥ kurute duṣkṛtaṃ bahu /
sa
rāgavaśago mūḍho duḥkhād duḥkhamavāpnuyāt // Dhs_7.5
//
kāmapariṇatimāha
atṛptirasmāt kāmāste na sukhā nāpi śāśvatāḥ
/
pariṇāme mahātīvrāstasmāt tān parivarjayet // Dhs_7.6 //
rāgābhibhūtāḥ
puruṣā narakālayavartinaḥ /
na rāgavaśagā ye tu na teṣāṃ narakād bhayam //
Dhs_7.7 //
kāmaviṣaṃ parityājyam
caṇḍācaṇḍisamutthāśca caṇḍāśca
pariṇāmataḥ /
kāmā viṣāgnipratimāḥ parivarjyāḥ prayatnataḥ // Dhs_7.8
//
parivarjitakāmasya nityaṃ mokṣaratasya ca /
naśyantyakuśalā
dharmāstamaḥ sūryodaye tathā // Dhs_7.9 //
kāmānalaḥ narake
pātayati
indriyāṇīndriyārthajño mohayitvā pṛthagvidhāḥ /
narake
pātayantyete kāmāḥ bālamanoharāḥ // Dhs_7.10 //
rāgāgneḥ
mahimā
pañcendriyaprasaktasya viṣayaiḥ pañcabhistathā /
muhūrtamapi
rāgāgnirviṣayairnaiva tṛpyati // Dhs_7.11 //
saṃśleṣājjāyate
vahnirviśleṣānnaiva jāyate /
saṃśleṣādapi viśleṣo (rāgā) gnirjīryate nṛṇām //
Dhs_7.12 //
dūrānna dāhako vahnirviṣayastasya nāsti saḥ /
dūrāntikasamo
ghoro rāgāgniratidāhakaḥ // Dhs_7.13 //
saṅkalpakāṣṭhaprabhavaḥ
spṛhākuṭilavegavān /
tṛṣṇā ghṛtaprasakto 'yaṃ rāgāgnirapi dāhakaḥ // Dhs_7.14
//
dagdhvā śarīrametaddhi jvalanaḥ sampraśāmyate /
nāmarūpavinirmukto
rāgāgnirnaiva śāmyate // Dhs_7.15 //
udvejayati bhūtāni vahniḥ paramadāhakaḥ
/
rāgāgniratitīkṣṇo 'pi nodvegaṃ kurute nṛṇām // Dhs_7.16
//
pañcendriyasamuttho 'yaṃ viṣayaiḥ pañcabhirvṛtaḥ /
tṛṣṇāsamīraṇabalād
rāgāgni(rdahati) prajāḥ // Dhs_7.17 //
vitarkāraṇisambhūto viṣayaiḥ
parivardhitaḥ /
kāṣṭhavad dahyate tena na ca dṛśyo janasya saḥ // Dhs_7.18
//
yathā yathā hi prabalo rāgāgnistapyate mahān /
tathā tathā (ca)
rāgāndhaiḥ svasukhaṃ parisevyate // Dhs_7.19 //
agniḥ prakāśako bhavati
rāgāgnistamasāvṛtaḥ /
tasmācchiśiravad dhīmān rāgāgniṃ parivarjayet //
Dhs_7.20 //
viṣayapariṇāmamāha
viṣayābhirato janturna sukhī syāt
kathañcana /
viṣayāḥ viṣayairdaṣṭāḥ pariṇāme ca dāruṇāḥ // Dhs_7.21
//
nādye nānte na madhye ca nāsmiṃlloke na cāpare /
sukhadā viṣayā kāmaṃ
bhavantīha kathañcana // Dhs_7.22 //
bāliśasya hi sarvasya
tṛṣṇākrīḍanasaṃbhavaiḥ /
na tṛpto viṣayairagnirjvalanasya yathendhanaiḥ //
Dhs_7.23 //
atṛptoḥ viṣayaiḥ sarvo jano 'yaṃ parivañcitaḥ
/
mṛtyunābhyāsanirata etairdoṣairvidahyate // Dhs_7.24
//
kāmamohāndhānāṃ sthitimāha
sukhānāṃ kāmacārāṇāṃ mohasya khalu
ceṣṭitam /
tadeva yadi devānāṃ khagaiḥ syuste samāḥ surāḥ // Dhs_7.25
//
kalpānteṣvabhisantaptaḥ śasyate saritāṃ patiḥ /
na dṛṣṭistṛpyate rūpaiḥ
kalpakoṭiśatairapi // Dhs_7.26 //
syāt samudrasya caryāptiḥ
salilairvaśagādibhiḥ /
na tu dṛṣṭiḥ samudrasya rūpārthaistṛptirasti hi //
Dhs_7.27 //
avitṛptasya kāmebhyaḥ kiṃ sukhaṃ parikalpyate /
tṛptiryāsti
vitṛṣṇasya gataśokasya dehinaḥ // Dhs_7.28 //
mādyante bahumohāndhā na ca
buddhayanti bāliśāḥ /
mandena kṣaṇikā yadvat malayendhanapādapāḥ // Dhs_7.29
//
kāmā asārāḥ vañcakāśca bhavanti
svapnapramoṣadharmāṇo
gandharvanagaropamāḥ /
riktāstucchā asārāśca kāmāḥ paramavañcakāḥ // Dhs_7.30
//
(kā) mā mohena (ca) samāḥ kiṃ pākasadṛśopamāḥ /
kāmā lokahitakarā
vahnivat parikīrtitāḥ // Dhs_7.31 //
kāmasyādīnavaṃ jñātvā yena
tatphalamohitāḥ /
tena taddarśakāḥ prītā gatakāṃkṣasya (dehinaḥ) // Dhs_7.32
//
(a)nyathā cintyamānānāṃ yathā prāptā punastathā /
sarvataḥ pāpakartāraḥ
kāmā loke viṣopamāḥ // Dhs_7.33 //
kāmairatṛptamanasaste te devāścyutāḥ punaḥ
/
patanti narake mūḍhāḥ kāmena parivañcitāḥ // Dhs_7.34 //
nārīṃ
nindayati
nadītaraṅgacapalā vidyullekhasamāśca te /
mīnāvartabalā
nāryaḥ kāmalokaviṣāspadāḥ // Dhs_7.35 //
vicintitā vivardhante varddhitā
vahnisannibhāḥ /
ādau cānte tathā kāmāstasmāt kāmān vivarjayet // Dhs_7.36
//
kāmasevanaphalam
yathā yathā hi sevyante vivardhante tathā
tathā /
vahnijvālāsamāsṛṣṭāḥ kāmāḥ kaṭuvipākinaḥ // Dhs_7.37
//
kāmavarjanaphalam āha
evaṃ doṣaṃ sadā jñātvā dhīraḥ kāmān
vivarjayet /
parivartitakāmasya sukhaṃ bhavati naiṣṭhikam // Dhs_7.38
//
kāmāgniḥ devānnapi pātayati
asaṅkhyāni sahasrāṇi devānāṃ
niyutāni ca /
patanti kāmadahanaṃ narakaṃ vahnibhairavam // Dhs_7.39
//
yathāgniviṣaśastrāṇi varjayanti sukhārthinaḥ /
tathā kāmāḥ sadā varjyā
hetavo narakasya te // Dhs_7.40 //
na dṛṣṭo na śrutaḥ kaścid yaḥ kāmavaśagaḥ
pumān /
na kāmairvipralabdhaḥ syānna ca duḥkhena pīḍitaḥ // Dhs_7.41
//
tasmādalamalaṃ kāmairmā caiteṣu manaḥ kṛthāḥ /
sarve sarvāsvavasthāsu
kāmā vahniviṣopamāḥ // Dhs_7.42 //
anādirmati saṃsāre śatravaścittasambhavāḥ
/
ahantvāttu bhavet prītirna sā kāmaiḥ kathañcana // Dhs_7.43 //
sakalmaṣā
kaṭuphalā duḥkhāt kāmodbhavā ratiḥ /
yā tu kāmavinirmuktā sā ratiḥ
pari(bhāṣitā) // Dhs_7.44 //
yoginaḥ paramā gatiḥ
tāṃ samāśritya
gacchanti yoginaḥ paramāṃ gatim /
na tu kāmakṛtā prītirnayate padamacyutam //
Dhs_7.45 //
kāmajaratiṃ nindati
āpātamadhurā ramyā vipāke
jvalanopamā /
ratirbhavati kāmāgnijanyā narakagāminī // Dhs_7.46
//
āpātaramyā madhurā madhye ramyā ca sarvadā /
śāntamante ca vimalaṃ
nayate padamacyutam // Dhs_7.47 //
ādyantamadhyakalyāṇī nityaṃ māteva śobhanā
/
tāṃ vyudasya kathaṃ bālā rakṣante (kāmajāṃ ratim) // Dhs_7.48
//
kāmakṛtā ratiḥ nirataṃ tapati
madhyādinidhane duḥkhā nityaṃ
doṣādibhirvṛtā /
kathaṃ sā sevyate bālairyā na dṛṣṭā sukhāvahā // Dhs_7.49
//
viṣamañjarivad ramyā sparśe jvalanasambhavā /
tathā kāmakṛtā prītiḥ
pariṇāme viṣopamā // Dhs_7.50 //
hūyamāno yathā vahnirjvalanena praśāmyati
/
dāhena ca prarohaḥ syāt tadvat kāmakṛtā ratiḥ // Dhs_7.51 //
pataṅgaḥ
paśyati hyagni dāhadoṣaṃ na paśyati /
tathā kāmakṛtāṃ prītiṃ
paśyantyakṛtabuddhayaḥ // Dhs_7.52 //
yastu rāgakṛto dāhaḥ pacyate kāmināṃ
sadā /
pataṅgasadṛśaṃ dāhaṃ sarvathā nai(va) paśyati // Dhs_7.53
//
kāmapramādāt patanaṃ dhruvameva
tasmāt kāma(viṣaṃ) tyaktvā
nityaṃ jīvatha he surāḥ /
bhavantu mā vṛthā janmapramādena prapātanam //
Dhs_7.54 //
saṃkṣīṇaśubhakarmāṇo nityaṃ kāmairvimohitāḥ /
taṃ hitvā
narakaṃ yānti kāmamohena vañcitāḥ // Dhs_7.55 //
kāmamohitaḥ
viṣavṛkṣamayaṃ puṣpaṃ pibati
viṣavṛkṣamayaṃ puṣpaṃ pīyate bhramarairyathā
/
tathā viṣātmakamidaṃ sukhaṃ bhuṅkte hi mohitaḥ // Dhs_7.56 //
jīveyuḥ
pāmarāḥ kecit viṣaṃ pītvāpi durbhagāḥ /
na kāmaviṣapītasya jīvitaṃ durlabhaṃ
bhavet // Dhs_7.57 //
yathā hi narake vahnirjvalayatya vicāriṇam /
tathā
kāmamayo vahnirdahatīha divaukasaḥ // Dhs_7.58 //
kāmāgniḥ hiṃsaka
eva
śrutipāśamayo vahniḥ pretāneṣa dahatyati /
dahane hiṃsako
vahnirnṛṇāṃ paryeṣaṇātmakaḥ // Dhs_7.59 //
evamagnisamaṃ tāvat parihārya
samantataḥ /
sarvalokamaśeṣeṇa dahyate kāmamohitaḥ // Dhs_7.60
//
viṣayāsaktaṃ manaḥ vyasane pātayati
viṣayeṣu sadācittaṃ
dhāvantaṃ cañcalaṃ mahat /
na tyājyaṃ vyasane mūḍha yad paśyasi bhaviṣyati //
Dhs_7.61 //
kāmeṣu rakṣa te cittaṃ vyasanenāvabudhyate /
vyasanaughe
samutpanne tat paścāt paritapyate // Dhs_7.62 //
kāmamohitāḥ
mahadbhayamapi na paśyanti
vṛthā kāmamadairmattā devāḥ prakṛtidurbalāḥ
/
bhramanti bhramitāḥ kāmairna paśyanti mahad bhayam // Dhs_7.63
//
viśvasanti hi ye devāḥ kāmeṣvahitakāriṣu /
vyatirekeṣu te paścāt
pratibudhyantyamedhasaḥ // Dhs_7.64 //
kāmāḥ paramavañcakā
bhavanti
na ca paśyanti (vi)budhāścittena parivañcitāḥ /
kṣaṇikā
madhurā jātāḥ kāmāḥ paramavañcakāḥ // Dhs_7.65 //
kāma prati na
viśvaset
śataśaśca sahastraiśca koṭiśaḥ padmaśastathā /
labdhā naṣṭā
punaḥ kāmā na teṣāṃ viścaset pumān // Dhs_7.66 //
kāmairmohitaḥ
pataṅgasamo narakāgninā dahyate
viṣayād bandhanaṃ tīvraṃ sarve
narakahetavaḥ /
tasmādatyantatastyaktvā śreyase kriyatāṃ manaḥ // Dhs_7.67
//
rāgeṇa rañjitāḥ pūrvaṃ dveṣeṇa ca tiraskṛtāḥ /
mohena mohitāścaiva te
'śrutākṛtakāriṇaḥ // Dhs_7.68 //
kāmārthaireṣyate bālaḥ punaḥ kāmairvimohitaḥ
/
sa pataṅgasamo mūḍhaḥ dahyate narakāgninā // Dhs_7.69 //
kāmavaśagāḥ
suralokādapi patanti
avaśyambhāvi patanaṃ suralokāt samantataḥ /
na
jñātvā kāmavaśago syādiha kathañcana // Dhs_7.70 //
kāmena vañcitāḥ sattvāḥ
kāmena ca vimohitāḥ /
kāmapāśāpakṛṣṭāste patanti narake sadā // Dhs_7.71
//
kāmaṃ tyaktva svahite manaḥ karttavyam
tadetad vyasanaṃ sattvāḥ
svahite kriyatāṃ manaḥ /
manasāpi svadāntena nānutapyanti dehinaḥ // Dhs_7.72
//
manoviṣeṇa ye daṣṭāḥ kāmavegena sarvadā /
te mūḍhā mṛtyuvaśagāḥ
kāmānalahatā narāḥ // Dhs_7.73 //
na tṛptirasti kāmānāṃ tṛṣṇayā hitakāriṇām
/
tṛṣṇāpi tṛptijanikā mano naiva hi tṛpyati // Dhs_7.74
//
jñānadīpenaijendriyāṇāṃ viṣayebhyastṛptirjāyate
na jātu
viṣayaistṛptirindriyāṇāṃ bhaviṣyati /
yadi na jñānadīpena kṣapayiṣyanti (te
narāḥ) // Dhs_7.75 //
nārīsevanena nāśaḥ suniścitaḥ
yoṣitaḥ
sevyamānā hi vitarkaśatamālikāḥ /
pravardhati yathā vahnirvāyunā samudīritaḥ
// Dhs_7.76 //
kāmāgnidīptāḥ kadāpi śāntiṃ nāpnuvanti
taṃ matvā
vegarabhasā nityaṃ kāmo 'gnidīpitaḥ /
kāmān hāpayati jñānī
buddhatattvavicintakaḥ // Dhs_7.77 //
ye nityaṃ bhrāntamanaso nityaṃ
viṣayatatparāḥ /
ramante vibudhāḥ sarve tat sarvaṃ mohaceṣṭitam // Dhs_7.78
//
sevyamāno hi vibudhairviṣayāgnirvivardhate /
pāśenānena saṃyukto
vahnirvāyusamīritaḥ // Dhs_7.79 //
rāgavivaśā amarā api
patanti
amarāḥ rāgavivaśā nityaṃ viṣayatatparāḥ /
devalokāt patantyete
moharāgeṇa vañcitāḥ // Dhs_7.80 //
ramante viṣayairete tatra tallīnamānasāḥ
/
na ca vindanti yad duḥkhaṃ viprayogo bhaviṣyati // Dhs_7.81
//
viyogajaṃ duḥkhaṃ kaṣṭapradameva
yadetat sukhamevādau divyaṃ
pañcaguṇānvitam /
viyogajasya duḥkhasya kalāṃ nārhatiṣoḍaśīm // Dhs_7.82
//
kāmānāṃ tadvighāto hi janenaivopayujyate /
satṛṣṇasya tathā tṛptiḥ
kāmebhyo naiva jāyate // Dhs_7.83 //
kāmānusevinaḥ duḥkhaṃ kadāpi śāntiṃ
nādhigacchati
anapekṣitacittasya nityaṃ kāmānusevinaḥ
/
dīrgharātrānuśayikaṃ duḥkhaṃ naiva praśāmyate // Dhs_7.84 //
tvaritaṃ
rakṣyate mūḍho vyasanenaiva budhyate /
paścāttu vyasane prāpte jānīte yasya
tat phalam // Dhs_7.85 //
āsvādabhadrakā hyete kāmāḥ paramadāruṇāḥ
/
dūtakān narakasyaitān carantyahitakāriṇaḥ // Dhs_7.86
//
viṣayāgnidagdhāḥ narakaṃ yānti
yasteṣāṃ viśvaset martyo
jñānacakṣurvigarhitaḥ /
viṣayāgnirabhratulyaḥ sa yāti narakaṃ naraḥ //
Dhs_7.87 //
alpāsvādālpahṛdayā nityaṃ puruṣavañcakāḥ
/
gandharvanagaraprakhyāḥ kāmā āsvādabhadrakāḥ // Dhs_7.88
//
viṣayamohitāḥ devā api durgati yānti
(yathā) dīpaprabhā(bhasma)
sañchanneva punaḥ punaḥ /
na ca bindatyamanaso devā viṣayamohitāḥ // Dhs_7.89
//
viṣayeṇātirabhasā nityaṃ kāmavaśānugāḥ /
na vidanti mahad duḥkhaṃ
yadavaśyaṃ bhaviṣyati // Dhs_7.90 //
ramaṇīyāni kāmāni yasyaivaṃ jāyate matiḥ
/
sa paścād vyasane prāpte mūḍho 'sau vipralapyate // Dhs_7.91 //
na
kāmena madāndhasya viṣayairmohitasya ca /
naityikaṃ bhavati śarmma
yatsukhānāmanuttamam // Dhs_7.92 //
ādhyātmikasukhāpekṣayā kāmasukhaṃ
hīnatamam
yacca kāmasukhaṃ loke yacca tṛṣṇodbhavaṃ sukham
/
ekasyādhyātmikasyedaṃ kalāṃ nārhatiṣoḍaśīm // Dhs_7.93 //
kāmī
kadāpi sukhaṃ nāśnute
na sukhī vartate tāvadya yasya kāmo hṛdi sthitaḥ
/
sa sarvaduḥkhabhāgārho narakānupadhāvati // Dhs_7.94 //
na tṛptirvidyate
kāmairapi (bhogaḥ) śataṃ nṛṇām /
yatra saukhyaṃ na tatrāsti
tṛptirviṣayasevinām // Dhs_7.95 //
sevyamānāḥ sadā kāmā vardhante ca
muhurmuhuḥ /
te vardhitā viṣasamā bhavanti vinipātinaḥ // Dhs_7.96
//
vipattikuśalā ghorā nityaṃ patanahetavaḥ /
na ca teṣāṃ parityāgaṃ
kurvanti viṣayotsavāḥ // Dhs_7.97 //
yasya dṛṣṭisamudrasya rūpaistṛptirna
vidyate /
tathā śarmamanojñaiśca rasatṛptirna vidyate // Dhs_7.98
//
gandhairapi sadā ghrāṇaṃ na tṛptimadhigacchati /
sparśāḥ
sammukhasaṃsparśāḥ sevyante naiva tṛpyate // Dhs_7.99 //
śabdaiḥ kāntaiḥ
sumadhuraiḥ śrotrameti na tarpaṇam /
mano 'pi tṛptiviśvastaṃ vardhamānaṃ na
tṛpyati // Dhs_7.100 //
indriyāṇi kāmabhūmiṣu
pātayanti
ṣaḍendriyāṇi capalānyādhṛtāni ratau punaḥ /
bhramanti muṣitā
nityaṃ kāmabhūmiṣvanekaśaḥ // Dhs_7.101 //
na tṛptirasti devānāṃ gajānāṃ vai
tṛṇairyathā /
analasya svabhāvo 'yaṃ tasya tṛptirna vidyate // Dhs_7.102
//
ṣaḍete vahnayastīvrā vitarkānilamūrchitāḥ /
bhramanti muṣitā nityaṃ
kāmabhūmiṣvanekaśaḥ // Dhs_7.103 //
indriyadagdhā narakaṃ
yānti
tairayaṃ dahyate loko na ca vindatyabuddhimān /
āsvādabhadrakā
hayete narakasya ca hetavaḥ // Dhs_7.104 //
kāmamohitaḥ sukhavañcito
bhavati
kāmā viṣayalobhāste lelihānā yathoragāḥ /
vilocanavaro hayeṣa
na ca kāmairvimohitaḥ // Dhs_7.105 //
kāmavaśīnaraḥ netrahīnā
mūḍhataraḥ
sukhānusāriṇaḥ kāmo narakānupadhāvati /
na netrahīno narake
pātyate satkriyānvitaḥ // Dhs_7.106 //
tasmād varaṃ vicakṣuḥ syānna tu
kāmavaśo naraḥ /
aśakyavañcitā mūḍhāḥ kāmairahitakāribhiḥ // Dhs_7.107
//
kāmacāriṇāṃ jñānādikaṃ durlabham
anirvidyanti kāmebhyo mohitāḥ
svena cetasā /
na jñānaṃ nāpi vijñānaṃ vidyate kāmacāriṇām // Dhs_7.108
//
kāmaḥ mṛtyubhavanaṃ nayati
yad duḥkhakāmajaṃ hatvā punaḥ
kāmavaśānugāḥ /
mitrarūpā ca ye kāmāḥ kimpākaphalasannibhāḥ /
nayanti
mṛtyubhavanaṃ durgatīśca punaḥ punaḥ // Dhs_7.109 //
anivarttya yathā
toyamāpagānāmanekaśaḥ /
tathā saukhyagataṃ nṛṇāṃ sarvathā na vivartate //
Dhs_7.110 //
vanopavanabhogeṣu sukhaprāpteṣvanekaśaḥ /
yo na tṛpyati
kāmeṣu sa naro 'dhamagāmikaḥ // Dhs_7.111 //
pramādo pahato jantuḥ
kāmāsvādeṣu tatparaḥ /
rūpeṣu rakṣyate nityaṃ pariṇāme ca vidyate //
Dhs_7.112 //
ghanacchāyāsvarūpāṇi karmamiśrāṇi yāni vai /
tāni caiva
kathaṃ devāḥ śakṣyante kāmagocare // Dhs_7.113 //
kāmāḥ kadāpi na
sevyāḥ
yadi nityā bhaveyurna kāmāste syurviṣopamāḥ // Dhs_7.114
//
kāmatṛṣṇāduḥkhakarī
tathāpi kāmatṛṣṇā yā na sā jāti vilakṣaṇā
/
prāgeva nityaṃ duḥkhāya śūnyamātmānameva ca // Dhs_7.115 //
teṣu
duḥkhavipākeṣu kathaṃ rakṣantyabuddhayaḥ /
kāmāsvādeṣu rakṣyante bāliśāḥ
mandabuddhayaḥ /
ādīnavaṃ na buddhayante kimpākaphalasannibham // Dhs_7.116
//
rūpaśabdādibaddho 'yaṃ tṛṣṇāviprakṛto janaḥ /
dīpyate vivaśo nityaṃ,
kukarmaphalamohitam // Dhs_7.117 //
āsvādayitvā puruṣāḥ kāmān viṣaphalopamān
/
tṛṣṇayā tṛptamanasaḥ patanti narake punaḥ // Dhs_7.118
//
yathābhivarṣate toyaṃ vardhante sarito yathā /
tathā kāmābhivarṣeṇa
devānāṃ vardhate 'nalaḥ // Dhs_7.119 //
kāmasukhasya nānto
vidyate
jalasambhavamīno 'pi dṛśyate tṛṣṇayāturaḥ /
evaṃ
sukhābhivṛddhā ca na vitṛpyati devatā // Dhs_7.120 //
ākāśasya yathā nānto
vidyate nāpi saṃśayaḥ /
evaṃ kāmeṣu nāstyantaḥ kāmināṃ nāsti saṃkṣayaḥ //
Dhs_7.121 //
salilādibhiratṛptasya sāgarasyormimālinaḥ /
na tu
kāmairatṛptasya tṛptirasti kathañcana // Dhs_7.122 //
aprāptairviṣayairdevā
na vitṛpyanti bāliśāḥ /
viṣayairnaiva tṛpyanti sukhalālasatatparāḥ //
Dhs_7.123 //
kāmastāpāya, na tu śāntyai
saṃprāpte vyasane tīvre
cyavamānepyanekaśaḥ /
tapyate viṣaye tasmāt paraṃ kāmo na śakyate //
Dhs_7.124 //
vilokya puruṣānete kāmaviśvāsaghātinaḥ /
tyajanti vyasane
prāptā vipadyante hi te narāḥ // Dhs_7.125 //
atṛptasya sukhaṃ nāsti
viṣayaiścāpi tṛpyate /
ye vā tṛiptikarā dṛṣṭāstān buddhvā (tu) vivarjayet //
Dhs_7.126 //
viṣayānparityajya śāntiḥ sevyā
sukhamūlā sadā
śāntirasukhā viṣayā matāḥ /
tasmācchāntisukhā devā varjayitvā viṣayoragān //
Dhs_7.127 //
badhabandhanarogādi viṣayebhyo mahadbhayam /
sambhrāntiriha
saṃsāre viṣayaireva jāyate // Dhs_7.128 //
saṃyogā viprayogāntāḥ śataśo 'tha
sahastraśaḥ /
jātau jātau sadā dṛṣṭāḥ saugataistattvadarśibhiḥ // Dhs_7.129
//
aneka sukhasaṃsāraḥ viṣayātmaka eva
anekasukhasaṃsāro viṣayeṣu
hi vidyate /
viṣayaiśca bhavet sarva jātau jātau prajāyate // Dhs_7.130
//
kaṣṭairyairanakāmairna śakyate 'mūḍhacetasā /
punastāneva mohāndhāḥ
sevante 'kṛtabuddhayaḥ // Dhs_7.131 //
viṣayaśatrusevinaḥ bāliśāḥ
bhavanti
varjate hi sadā śatruvañcanāśaṅkayā naraḥ /
viṣayāḥ
śatrubhūtā hi na vaśyante kathañcana // Dhs_7.132 //
kāmabaddhāḥ sadā
mohabāliśā vā bhavanti te /
na tyajanti kathaṃ mūḍhā mohitāḥ svena karmaṇā //
Dhs_7.133 //
yathā bahnibhayāt kaścid vahnimevopasevate /
tathā
viṣayasaṃmūḍho viṣayānupasevate // Dhs_7.134 //
snāyusaṅgrathitaḥ pāśo
dṛṣṭiramyo yathā bhavet /
tathā viṣayaramyo 'yaṃ pāśaḥ paramadāruṇaḥ //
Dhs_7.135 //
kāmasukhaṃ nāśāya bhavati
kiṃpākasya yathāsvādo
madhurāgro mahodayaḥ /
paścād bhavati nāśāya sukhaṃ tadvadidaṃ nṛṇām //
Dhs_7.136 //
pradīpasya śikhāṃ yāvat pataṅgo mohamūrchitaḥ /
patate
dahyate caiva tathedaṃ sukhamiṣyate // Dhs_7.137 //
ajñātvā hi tathā bālā
ramyadehasukhecchayā /
spṛśanti jvalanaṃ tadvat sukhametad bhaviṣyati //
Dhs_7.138 //
tṛṣṇāvighāta eva sukhāya jāyate
yathā ramyo
vanamṛgastṛṣṇārta upadhāvati /
na ca tṛṣṇāvighāto 'sya tadidaṃ sukhamiṣyate
// Dhs_7.139 //
na tṛptā na ca tṛpyanti na ca tṛptirbhaviṣyati /
viṣayaiḥ
sarvadevānāṃ tasmāt kāmo na śāntaye // Dhs_7.140 //
viṣayaiḥ pramattāḥ
duḥkhamanubhavanti
pratyutpannasukhāḥ kāmā nāntakalyāṇakārakāḥ
/
rañjitā viṣayairdevā vikṣiptamanasaḥ sadā // Dhs_7.141
//
nānāsaukhyapramattasya viṣayairvañcitasya ca /
samprāpte mṛtyukāle ca
na śamāyāsya vidyate // Dhs_7.142 //
anukrameṇa maraṇamabhyeti tacca vidyate
/
viṣayāpahatairdevaiḥ kāmavyāsaktabuddhibhiḥ // Dhs_7.143 //
kāmā
ahitakāriṇo bhavanti
jānīyādadya me devā yad duḥkhaṃ viprayogajam
/
muhūrtamapi kāmeṣu na kuryāt tatra saṃsthitim // Dhs_7.144
//
rāgāgninā dagdho vimohito jāyate
anityātmabhayāḥ kāmā nityaṃ
cāhitakāriṇaḥ /
tathā vimohitān kālaḥ punastānanusevate // Dhs_7.145
//
rāgāgninā pradahayante nityaṃ devāḥ pramohitāḥ /
dahyamānāḥ
punastattvaṃ praśaṃsanti punaḥ punaḥ // Dhs_7.146 //
rathacakravatsadā
bhrāntā viṣayavimohitāḥ bhavanti
viṣayeṣu na rakṣyante teṣāṃ duḥkhamiva
sthitam /
traidhātukamidaṃ sarva bhrāmyate rathacakravat // Dhs_7.147
//
gandharvanagarasadṛśāḥ kāmāḥ bhavanti
sattvā avidyayā mugdhā
nityaṃ duḥkhasya bhoginaḥ /
vidyudālātacakreṇa samāḥ kāmāḥ prakīrtitāḥ
/
svapne gandharvanagarasadṛśā vipralambhinaḥ // Dhs_7.148
//
pañcaskandhamatirduḥkhitastiṣṭhati
anityaduḥkhaśūnyeṣu na
kuryānmatimātmavān /
pañcaskandhāsuraiḥ proktaḥ śubhai riktaḥ svabhāvataḥ //
Dhs_7.149 //
anyathā viṣavad vijñaḥ kāmeṣu ca prasahyate /
sa budhaḥ
pāragaḥ śāntaḥ sattvānāmanukampakaḥ // Dhs_7.150 //
nirvāṇonmukha eva
doṣācchāntimadhigacchati
hitvā kleśamayaṃ pāśaṃ nirvāṇasyāntike sthitaḥ //
Dhs_7.151 //
kāmavibhrāntasya śāntikathā vṛthā
prabhavenna ca
doṣeṣu kāmacaryāratasya ca /
vibhrāntamanasastasya kutaḥ śāntirbhaviṣyati? //
Dhs_7.152 //
vibhrāntaṃ paśyatu mano viṣayeṣu pradhāvati
/
saddharmapathavibhrānto narakeṣūpapadyate // Dhs_7.153
//
aśaktaprāptavibhraṣṭe kiṃ kāmairvidyutopamaiḥ
/
kiṃpākaviṣaśastrāgnisannibhairduḥkhahetubhiḥ? // Dhs_7.154
//
kāmāgniḥ viṣayasevanena vardhate
yathā yathā hi sevyante
vardhante te tathā tathā /
avitṛptikarā hyete vahnidāhasya hetavaḥ //
Dhs_7.155 //
kāmān varjayitvaiva sukhamaśnuvate janāḥ
dāhadoṣeṇa
sambhrāntāḥ ye surāḥ sukhakāṅkṣiṇaḥ /
varjayitvāśivān kāmāstataḥ saukhyaṃ
bhaviṣyati // Dhs_7.156 //
kāmāḥ vidyud guṇopamāḥ
cañcalāḥ
vañcayitvā janaṃ mūḍhaṃ śāṭī kṛtyeva bandhanam /
pratyayo
netracapalaḥ kāmā vidyud guṇopamāḥ // Dhs_7.157 //
uparyupari kāmā yaiḥ
sevyante kāmatṛṣṇayā /
te rāgavahninā dagdhā dāhād dāhamavāpnuyāt //
Dhs_7.158 //
atimūḍhatamā hyete ye surāḥ kāmamohitāḥ /
athavā ye na
gacchanti yatsukhāt sukhamuttamam // Dhs_7.159 //
nirvāṇagāmino nāsti vinā
muktyā kutaḥ sukham? /
tasmāt kāmānna seveta kaṣṭaḥ kāmasamāgamaḥ //
Dhs_7.160 //
indriyāṇi na tṛpyante viṣayai rāgasevinaḥ /
atṛptau ca kutaḥ
śarma sarvathā sampraveśate // Dhs_7.161 //
tasyāgramubhayād vetti saṃsārād
duḥkhasāgarāt /
kāmān tṛṣṇāviṣayagān parityajati pāpakān // Dhs_7.162
//
kāmodayavyayau samyagavadheyau
etāni girikūṭāni ramyāṇi
vividhairdrumaiḥ /
dhyāyante tāni saṃśritya kāmānāmudayavyayau // Dhs_7.163
//
śīlena śraddhayā ca iṣṭasādhanaṃ karttavyam
na
kāmabandhanestṛptāḥ kāmajaṃ nidhanaṃ hi tat /
na śīlaśraddhe yeneṣṭe labhyate
'śivakāraṇam /
kāmajaṃ nidhanaṃ hyetat saṃsārāṭavideśakam // Dhs_7.164
//
pāpāni parityajya sukhāvahaḥ śāntimārgaḥ sevanīyaḥ
yatra
kāmavisaṃyuktaṃ bandhanaṃ vanamucyate /
yatra bhāsayate pāpād yatra śāntiḥ
sukhāvahā /
tat kevalaṃ mahājñānaṃ kathyate nidhanaṃ dhanam // Dhs_7.165
//
kāmatṛṣṇābhyāṃ vimuktaḥ śivamāpnoti
ye prasaktā na kāmeṣu
tṛṣṇayā na pralobhitāḥ /
te śivaṃ sthānamāpannā na kāmāgnipraveśakāḥ //
Dhs_7.166 //
avitṛptāḥ narāḥ naśyantyeva
tṛptirnāsti sadā kāmairna
kāmāḥ śāntaye smṛtāḥ /
tṛṣṇāsahāyasaṃyuktā jvalanti jvalanopamāḥ // Dhs_7.167
//
avitṛptā vinaśyanti narā devāstathoragāḥ /
te kevalaṃ praṇaṣṭā hi
narakāgni pradarśakāḥ // Dhs_7.168 //
tṛṣṇāmohitasya
mṛtyuradhipatiḥ
vitarkāpahatasyāsya viṣayairvañcitasya ca /
tṛṣṇayā
mohitasyaiṣa mṛtyū rājā bhaviṣyati // Dhs_7.169 //
kāmāsaktāḥ
pathyāpathyaṃ na vijānanti
saṃsaktakāmabhogeṣu pathyāpathyaṃ na vidyate
/
janā vimohitāḥ sarvaiviṣayaiḥ kāmasaṃjñakaiḥ // Dhs_7.170
//
kāmavaśānugāḥ viṣayaireva badhyante
viṣayaireva kṛṣyante ye
surā mūḍhacetasaḥ /
ye (tu) buddhaguṇairyuktā na te kāmavaśānugāḥ //
Dhs_7.171 //
'dhīra' paribhāṣā
pratyutpanneṣu kāmeṣu sadoṣeṣu
viśeṣataḥ /
yo na muhyati saukhyeṣu sa 'dhīra' iti kathyate // Dhs_7.172
//
kāmapatitānāṃ surāṇāṃ sthitimāha
svapnakāyavicitreṣu
jvālāmālopameṣu ca /
gandharvapuratulyeṣu kāmeṣu patitāḥ surāḥ // Dhs_7.173
//
tṛṣṇājanakabhūteṣu vināśāntakareṣu ca /
kāntāreṣu viśāleṣu kāmeṣu
patitāḥ surāḥ // Dhs_7.174 //
ittvareṣu trichidreṣu nadīvegopameṣu ca
/
cañcaleṣvatidurgeṣu (kāmeṣu) patitāḥ surāḥ // Dhs_7.175
//
pavanoddhṛtavegormijalacandre caleṣu ca /
atātacakralokeṣu kāmeṣu
patitāḥ surāḥ // Dhs_7.176 //
samaṃ vidyullatācakramṛgatṛṣṇopameṣu ca
/
phenavaccāpyasāreṣu kāmeṣu patitāḥ surāḥ // Dhs_7.177
//
kadalīgarbhatulyeṣu gajakarṇopameṣu ca /
nadītaraṅgavegeṣu kāmeṣu
patitāḥ surāḥ // Dhs_7.178 //
kiṃpākaphalatulyeṣu vahnisannibhajātiṣu
/
māyāraśminibheṣveṣu kāmeṣu patitāḥ surāḥ // Dhs_7.179
//
jñānāṅkuśena kāmo varjanīyaḥ
jñānāṅkuśena vāryante
viṣayāstattvadarśibhiḥ /
ye 'muktāścapalāstīvrāḥ sarvānarthakarā matāḥ //
Dhs_7.180 //
viṣayā eva narakapātahetavaḥ
viṣayāśā ca mūḍhānāṃ
saṅkalpahṛtacetasām /
mṛtyupāśo 'yamabhyeti jīvitāśā(vi)bandhakaḥ //
Dhs_7.181 //
pacanti niraye kāmāḥ prāṇinaṃ laghucetasam /
na ca vindanti
mūḍhā ye mohena parivañcitāḥ // Dhs_7.182 //
viṣayāścapalāḥ sarve
gandharvanagaropamāḥ /
duḥkhasaṃvartakā hyete narakāḥ pañcahetavaḥ //
Dhs_7.183 //
saṅkalpajo rāgaḥ narakaṃ pātayati
saṅkalpājjāyate
rāgaḥ rāgāt krodhaḥ pravartate /
krodhābhibhūtaḥ puruṣo narakānupasevate //
Dhs_7.184 //
kāmaparityāgapūrvakaṃ nirvāṇaprāptaye yateta
tasmāt
kāmaṃ parityajya krodhaṃ nirvāsya paṇḍitaḥ /
mohaṃ cāpi parityajya
nirvāṇābhimukho bhavet // Dhs_7.185 //
nirvāṇapathikānāṃ kṛte śatruvadeva
kāmaḥ parivarjanīyaḥ
śatruvad viṣayā jñeyā nirvāṇaṃ caiva mitravat
/
pumān viśrāntaviṣayo nirvāṇamadhigacchati // Dhs_7.186
//
kāmamalairalipta eva vimalaprakāśamāpnoti
alolupaḥ
kāmamalairaliptaḥ prahīṇadoṣo hatavāṇatṛṣṇaḥ /
saṃkṣīṇadoṣo vimalaprakāśaḥ
prayāti śāntiṃ svaphalopabhogī // Dhs_7.187 //
sukhārthī kāmaṃ
parityajyaiva śāntimadhigacchati
yaḥ kāmapaṅkoddhṛtavānadoṣaḥ
sarveṣu
sattveṣu sadā sukhārthī /
sa nirmalo 'śāntamanovimuktaḥ
prāpnoti
nirvāṇasukhaṃ prasahya // Dhs_7.188 //
iti kāmajugupsāvargaḥ saptamaḥ
/
(8) tṛṣṇāvargaḥ
tṛṣṇāgnireva narakabhūtaḥ
bhavotārāya
tṛṣṇāgnirjvalanaḥ śīta ucyate /
narake nārake yo 'gnistṛṣṇāgnistriṣu dhātuṣu
// Dhs_8.1 //
kalpabhūto hyayaṃ vahniḥ yo 'yaṃ narakasambhavaḥ
/
bahujvālākulo vahniḥ tṛṣṇāhetusamudbhavaḥ // Dhs_8.2 //
karmakṣayād
vimucyante narakāt pāpakāriṇaḥ /
triṣu dhātuṣu dahyante narāstṛṣṇāvaśānugāḥ
// Dhs_8.3 //
anādimati saṃsāre tṛṣṇāgniratibandhakaḥ /
tṛṣṇāgnirnarakaṃ
tasmānnāgnirnarakasambhavaḥ // Dhs_8.4 //
tṛṣṇāgniḥ śarīraṃ manaśca
dahati
gātradāhaṃ paraṃ kuryānnārakeyo hutāśanaḥ /
śārīraṃ mānasaṃ
dāhaṃ tṛṣṇāgniḥ kurute nṛṇām // Dhs_8.5 //
tṛṣṇāgniḥ sāmānyāgninā
viśiṣyate
tasmād viśiṣyate vahniḥ tṛṣṇāhetusamudbhavaḥ /
nārakeyo
'samaścaiva tṛṣṇāgnirnitarāṃ smṛtaḥ // Dhs_8.6 //
ayamagniḥ
trikālasambhavaḥ
tristhānagaḥ trihetuśca trikarmaparidīpakaḥ
/
trikālasambhavo jñeyastṛṣṇāgniparakastathā // Dhs_8.7 //
tṛṣṇāgniḥ
sadaiva sarvatra dāhakaḥ
rāgāgnirdahyate svarge dveṣāgnistiryage tathā
/
mohāgnirdahyate pāpe tṛṣṇāgniḥ sarvadā sthitaḥ // Dhs_8.8
//
tṛṣṇāgneḥ svarūpanirūpaṇam
mānerṣyādhūmaviśikhaḥ saṅkalpe
dhanasambhavaḥ /
lobhāgnirdahate lokaṃ nāgniḥ kāmasamudbhavaḥ // Dhs_8.9
//
tṛṣṇāgnirviṣayasevanenaiva vardhate
lobhāśīviṣadaṣṭā ye teṣāṃ śarma
na vidyate /
sevito bhāvito lobho bhūya evābhivardhate // Dhs_8.10
//
lobhasamo ripurbhuvi nāsti
yathā yathendhanaṃ prāpyānalo
vardhatyanekaśaḥ /
śakyaḥ pālayituṃ(vahni) rlobhavahnirna(śakyate) //
Dhs_8.11 //
cakravad bhramate loko lobhena parivañcitaḥ /
anādinidhane
loke nāsti lobhasamo ripuḥ // Dhs_8.12 //
viśanti sāgarajale lobhena
parivañcitāḥ /
śastrasaṅghātagahanaṃ yuddhaṃ saṃpraviśanti ca // Dhs_8.13
//
lobhahetorhi bhūpālā nāśayanti parasparam /
śastrāsibhairavaprotā
yuddhayante dhanatṛṣṇayā // Dhs_8.14 //
tṛṣṇāviṣavinirmuktā
lobhāṅgāravivarjitā /
samaloṣṭakāñcanā ye nirvāṇasyāntike hi te // Dhs_8.15
//
lobhāgniḥ sarvāpekṣayā viṣamaḥ
atīvānupapannasya dhanalobhena
dahyate /
na vahnirviṣamastatra lobhāgniryatra vartate // Dhs_8.16
//
lobhaśāntiṃ vinā nirvāṇakathā vṛthā
lobhādhāraprayatnena hanyāt
tān rabhasā budhaḥ /
anirvāpitalobhasya nirvāṇaṃ dūrataḥ sthitam // Dhs_8.17
//
bhavasukhaparityāgī bhavajaṃ duḥkhaṃ nāpnoti
bhavābhilāṣiṇīṃ
nāndīṃ nābhinandanti ye narāḥ /
na teṣāṃ bhavajaṃ duḥkhaṃ svapne
samupavidyate // Dhs_8.18 //
tṛṣṇābaddhān janān mṛtyuḥ śambūka iva
karṣati
matsyān yathā jālabaddhān śambūkaḥ parikarṣati
/
tṛṣṇābaddhāṃstathā sattvānmṛtyuḥ samupakarṣati // Dhs_8.19
//
tṛṣṇāviṣaṃ kutrāpi na muñcati
saviṣaiḥ sāyakairviddho mṛgo
yatra (pra)dhāvati /
tatra tatra viṣaṃ yāti tathā tṛṣṇāviṣaṃ nṛṇām //
Dhs_8.20 //
pravāhapravahannadyā gatirgatya'nudhāvinī /
yathā nirdahate
bālān śuṣkendhanamivānalaḥ // Dhs_8.21 //
āpātaramyā(viṣayā)
vipākajvalanopamāḥ /
tasmāt tṛṣṇā vimoktavyā yadi saukhyaṃ hi rocate //
Dhs_8.22 //
yathā hi vaḍiśagrastā mīnā mṛtyuvaśānugāḥ /
tathā prataptā
viṣayān paridhāvanti duḥkhitāḥ // Dhs_8.23 //
tṛṣṇāgniḥ narakādapi
mahān
narakaṃ nārakeyaṃ ca tṛṣṇānihitaṃ mahat /
patanti nidhanā
martyāḥ paradāropajīvinaḥ // Dhs_8.24 //
tṛṣṇāprerito munirapi
duḥkhamanubhavati
na ceṣṭitamanopāpatṛṣṇayā prerito muniḥ
/
ṣaḍindriyasamudbhūto viṣayendhanadāhakaḥ // Dhs_8.25 //
devānapi
tṛṣṇāgnirdahatyeva
tṛṣṇāgnirdahate devaṃ kāyāgnirna kathañcana
/
sukhāvṛtāḥ sukharatāḥ sukhe(na) parivañcitāḥ // Dhs_8.26
//
tṛṣṇāparivañcitaḥ patanamapi nāvagacchati
patanaṃ nāvagacchanti tṛṣṇayā
parivañcitāḥ /
jvālāmālākulaḥ sarvaḥ saṃsārastṛṣṇayāvṛtaḥ // Dhs_8.27
//
tṛṣṇāgninā vaśībhūtā janā gacchanti durgatim /
tṛṣṇāgnibhiḥ parivṛtaḥ
suralokaḥ samantataḥ // Dhs_8.28 //
tṛṣṇāgniḥ sadaiva
vardhate
dahyate vivaśo raktaḥ kāmabhogavaśīkṛtaḥ /
yathā yathendhanaṃ
prāpya jvalanaṃ saṃpravardhate // Dhs_8.29 //
tathā tathā sukhaṃ prāpya
tṛṣṇāgnirvardhate nṛṇām /
parivartayate puṃsaḥ kāṣṭhāgnirdāhadīpakaḥ //
Dhs_8.30 //
tṛṣṇāgnirdahate lokaṃ parihātuṃ na śakyate /
ye viśālāṃ nadīṃ
tīrṇā saṅkalpakṛtabhairavīm // Dhs_8.31 //
tṛṣṇāpāśaśūnyaḥ paramāṃ
śāntimāpnoti
te gatāḥ paramāṃ śāntiṃ yān hi tṛṣṇā na bādhate
/
tṛṣṇāpāśavimuktā ye saṅgadoṣavivarjitāḥ // Dhs_8.32
//
nirmuktapāpakalmāṣā vītaśokā hi te budhāḥ /
kalpakoṭisahasrāṇi tṛṣṇayā
vañcitā narāḥ // Dhs_8.33 //
tṛṣṇayā vañcito
lokastṛṣṇāmevopāste
(na)te tyajanti(viṣayān) māyāmohavaśaṃgatāḥ
/
tṛṣṇayā vañcito lokastṛṣṇāmevopasevate // Dhs_8.34 //
lavaṇodaṃ
tṛṣātoyaṃ yathā pibati nārikaḥ /
na tena (tuṣyati) janturmuhuśca pariśuṣyati
// Dhs_8.35 //
duḥkhakarīṃ tṛṣṇāṃ na seveta
viṣayeṣveva
tṛṣṇārtaśceṣṭate puruṣo 'dhamaḥ /
tasmāt tṛṣṇāṃ na seveta sā hi tṛṣṇā
durāsadā // Dhs_8.36 //
tṛṣṇāvaśo naiva pramucyate
tṛṣṇāvaśo hi
puruṣaḥ saṃsārānnaiva mucyate /
anuttamāni saukhyāni bhuktvā deveṣu jantavaḥ
// Dhs_8.37 //
tṛṣṇāpāśavikṛṣṭāḥ narakaṃ
patanti
tṛṣṇāpāśavikṛṣṭāste patanti narakaṃ punaḥ
/
asvatantrādikalyāṇaṃ nityaduḥkhamayaṃ kaṭu // Dhs_8.38 //
tṛṣṇayā
kadāpi tuṣṭirna bhavati
tṛṣṇāyāḥ sevanānmuktaḥ sanmārgamadhigacchati
/
satṛṣṇasya kutastuṣṭirviṣayeṣu bhaviṣyati // Dhs_8.39 //
sā tṛptiryā
vitṛṣṇasya vītaśokasya dehinaḥ /
evaṃ vitarkavihitāḥ pramādena ca vañcitāḥ //
Dhs_8.40 //
tṛṣṇayā devānapi narakaṃ yānti
tṛṣṇayāḥ toṣitā devāḥ
patanti narakaṃ punaḥ /
viḍambaneyaṃ paramā yatsurā narakaṃ gatāḥ // Dhs_8.41
//
krīḍakāḥ paramā bhūtvā kāmasya vaśamāgatāḥ /
na codvijanti saṃsārān
prāṇinaścittamohitāḥ // Dhs_8.42 //
tṛṣṇayā duḥkhataraṃ
padamāpnoti
duḥkhād duḥkhataraṃ yānti tṛṣṇayā parivañcitāḥ /
yathā
yathā sukhasyāptirvardhate jālinī tathā // Dhs_8.43 //
jālinīvahnidagdhasya
narakānupakarṣati /
satṛṣṇasya vitarkā ye teṣāṃ saṃkhyā na vidyate //
Dhs_8.44 //
viṣayagāminaḥ tṛṣṇayā mṛtyumukhameva
praviśanti
avitarkavitarkantu mṛtyurājo vikarṣati
/
vitarkakāmavaśagāstṛṣṇāviṣayagāminaḥ // Dhs_8.45
//
kāmāsvādapramattāḥ viṣayiṇo duḥkhinastiṣṭhanti
sukhasya
bhoginaṃ dṛṣṭvā na vidvadbhistatheṣyate /
kāmāsvādapramattānāṃ prāṇināṃ
viṣayārthinām // Dhs_8.46 //
dehinaḥ tṛṣṇayā dahayante
jālinī
bādhate nityaṃ yathā badhnanti dehinaḥ /
pañcālambanametattu tṛṣṇayā naiva
dahayate // Dhs_8.47 //
tṛṣṇāvimuktā vimalā
bhavanti
tṛṣṇāvimuktavimalā na pāpapuragāminaḥ /
saṅkalpadoṣā kuṭilā
tridoṣarajasodbhavāḥ // Dhs_8.48 //
tṛṣṇayā saṃsārasāgare parivarte
patanti janāḥ
pramādajalagambhīrāḥ strīrāgakṛtasevanāḥ
/
gītatūryasvarāḥ śīghraṃ surāpānācca cañcalāḥ // Dhs_8.49
//
sañchannaviṣayā sarve manaḥ kṣiptataraṅgiṇaḥ /
tṛṣṇānadīṣu viṣame
vahanti na ca gocare // Dhs_8.50 //
gāhante te ca sammūḍhāḥ surā rāgeṇa
vañcitāḥ /
tridoṣakāṣṭhasaṃbhūtāḥ pramādānilavegataḥ // Dhs_8.51
//
tṛṣṇānalaḥ suragaṇān dahate na ca te viduḥ /
na kṣaṇo nāpi hi lavo na
muhūrta kathañcana // Dhs_8.52 //
yā na tṛṣṇāvaśagataiḥ suraiḥ samupabhujyate
/
tṛṣṇābhūmiriyaṃ kāṣṭhā vitarkajalasambhṛtā // Dhs_8.53
//
tṛṣṇāsarpadagdhaḥ kālavaśīkṛto bhavati
yasmin krīḍanti vivaśāḥ
devāḥ kāmavaśānugāḥ /
cittādinā pracaṇḍena tṛṣṇāviṣavisarpiṇā // Dhs_8.54
//
daṣṭānupañcaśīrṣeṇa kiṃ vṛthā vilapasyatha /
tṛṣṇānadī viśāleyaṃ
pañcatīrthasamudbhavā // Dhs_8.55 //
tṛṣṇāmohendrajālena viprakīrṇena sarvadā
/
tathā prapañcitā devā yathā na śubhabhāginaḥ // Dhs_8.56
//
tṛṣṇāviṣayaghṛtasikto vardhata eva
nendriyāṇi sadā
kāmaistṛpyanti hi kathañcana /
saṃvardhate tathā tṛṣṇā ghṛtasikto yathānalaḥ
// Dhs_8.57 //
tṛṣṇayā vividhāsu yoniṣu janāḥ
bhramanti
nānāvidhaiḥ sukhaireṣā jālinī lokanāśinī
/
narakapretatiryakṣu bhrāmayantī narān sadā // Dhs_8.58 //
vītatṛṣṇaḥ
nirmuktabandhanaḥ paramāṃ gatimāpnoti
mṛtyūpapattidolāyāṃ śliṣyante
bāliśāḥ janāḥ /
suśīlāvītatṛṣṇāśca gatāste paramāṃ gatim // Dhs_8.59
//
nirmuktabandhanā dhīrā gataśokā gatavyathāḥ /
sukhaṃ prāpnuvanti nityaṃ
ye na tṛṣṇāvaśānugāḥ /
janmaduḥkhamayaiḥ pāśairna te vidhyanti sūrayaḥ //
Dhs_8.60 //
tṛṣṇāvisṛṣṭiḥ jñānāya pravartayati
yeṣāṃ
sarvāsvavasthāsu jñāneṣu vihitaṃ manaḥ /
animitte mano yeṣāṃ visṛṣṭā ye ca
tṛṣṇayā /
te vītamalakāntārāḥ pāraṃ prāptāḥ sukhodayam // Dhs_8.61
//
tṛṣṇāmohapramattāḥ bhave bhave bhramanti
tṛṣṇāmohapramattā ye
ratisaukhyāstathaiva ca /
mohitāste devagaṇā bhramiṣyanti bhave bhave //
Dhs_8.62 //
aharniśaṃ tṛṣṇā tāpayati
kuṭṭanavyavahārā ye
paricittāpahāriṇaḥ /
avidyābahulā ye vā nityaṃ dāhābhikāṅkṣiṇaḥ /
na
rātrau na divā teṣāṃ hṛdayaṃ suprasīdati // Dhs_8.63 //
lobhābhibhūtāḥ
tuṣāgnikalpā bhavanti
lobhābhibhūtamanasāṃ parivittābhikāṅkṣiṇām
/
teṣāṃ tuṣāgnikalpānāṃ viśvasenna svabhāvataḥ // Dhs_8.64
//
viṣayendhana sarpād bhayamevocitam
bibheti hi naraḥ sarvaḥ
sarpādiva viṣendhanāt /
lobhena viṣayeṇaivābhibhūtāste narā bhṛśam //
Dhs_8.65 //
tṛṣṇāvaśagāḥ vividhāṃ yoniṃ labhante
te mṛtā narakaṃ
yānti pretayoniṃ tathaiva ca /
tasmādapi vinirmuktā narakād vahnisammukhāt //
Dhs_8.66 //
ākāṅkṣiṇaḥ nityaṃ duḥkhabhāgino
bhavanti
pañcajanmaśatānyete bhavanti parikāṅkṣiṇaḥ /
vivarṇā
dīnavadanā nityaṃ duḥkhasya bhāginaḥ /
bhavanti manujāḥ sarve
lobhopahatacetasaḥ // Dhs_8.67 //
vivekasampannāḥ paramāṃ gatiṃ
labhante
prahīṇalobhā ye santi nityaṃ jñānābhikāṅkṣiṇaḥ /
buddhimantaḥ
sadā santaḥ te gatāḥ paramāṃ gatim /
nirvāṇahṛdayā vītalobhamohāḥ sadā narāḥ
// Dhs_8.68 //
lobhākṛṣṭasya vinipātaḥ
lobhāśīviṣadaṣṭasya
vinipāto dhruvaṃ sthitaḥ /
kriyamāṇo dhruvaṃ loko vardhate sa muhurmuhuḥ //
Dhs_8.69 //
śuṣkendhanaṃ samādāya yathā vahniḥ pravardhate
/
dhanatṛṣṇāratāḥ sattvāḥ dhanopārjanatatparāḥ // Dhs_8.70 //
mṛtyukāle
samutpanne tyajanti vivaśā dhanam /
yacca tatsambhavaṃ yogāt tat sarva na
vinaśyati // Dhs_8.71 //
lobhātmā ghoraṃ narakaṃ yāti
tena vittena
lobhātmā nīyate narakaṃ bhṛśam /
anyaistadbhujyate vittaṃ sa tu pāpena
lipyate // Dhs_8.72 //
prayānti narakaṃ ghoraṃ paścāttāpena dahyate
/
anartho hyartharūpeṇa sukharūpeṇa vā sukham // Dhs_8.73
//
lobhatyāgaṃ prājñaḥ kuryāt
amitraṃ mitrarūpeṇa lobho 'yaṃ hṛdi
vartate /
na lobhaṃ saṃśrayet prājño lobhāgnirdahyate sadā // Dhs_8.74
//
lobhadagdhāḥ narakagāmino bhavanti
tena dagdhā bhṛśaṃ sattvāḥ
paścānnarakagāminaḥ /
lokasādhāraṇā hyete vibhavāḥ sukhavarjitāḥ // Dhs_8.75
//
tṛṣṇābhayavimuktireva śreyaskarī
teṣāmarthe kathaṃ pāpa kriyate
mandabuddhibhiḥ /
tṛṣṇābhayavimuktasya nirāśasya hi sarvataḥ // Dhs_8.76
//
vītakāṅkṣasya dhīrasya nityaṃ padamavasthitam /
sampattau dhābate loko
vipattau nāvabudhyate // Dhs_8.77 //
sampattiḥ kṣayāntā
vipadantā
hi sampattiḥ kṣayāntaṃ divasaṃ yathā /
yathā tiṣṭhati sampattiḥ vipattiḥ
pāpikā tathā // Dhs_8.78 //
kāmabhogairdevā api narakaṃ
yānti
avitṛptasya kāmebhyastṛṣṇayā paridahyate /
yasyeṣṭāḥ sampado
nityaṃ sukhaṃ cābhimataṃ sadā // Dhs_8.79 //
jani nāśayate tāsāṃ tṛṣṇā naṣṭā
sukhāvahā /
te devā narakaṃ yānti kāmabhogaistathārpitāḥ // Dhs_8.80
//
analāceṣṭitaṃ sarva tad vadanti tathāgatāḥ /
manuṣyā yacca narakaṃ
prayā(nti) śataśastathā // Dhs_8.81 //
vimugdhāḥ yati jīvanaṃ
nāvagacchanti
ceṣṭitaṃ tad viśālāyāḥ yoṣikāyā vidurbudhāḥ /
vimohitā
na vindanti tvaritaṃ svalpajīvitam // Dhs_8.82 //
tṛṣṇayā sukṛtāni
vinaśyanti
sukṛtāni ca naśyanti tṛṣṇā naiva vinaśyati /
bhave bhave
gatā satvāḥ na vindanti śubhāśubham // Dhs_8.83 //
śubhasya phalameveṣṭaṃ yat
surāḥ paribhuñjate /
aśubhasya tathā dṛṣṭamasukhaṃ vinipātajam // Dhs_8.84
//
śubhāśubhaprahīṇā eva jarāmaraṇarahitā
bhavanti
śubhāśubhaprahīṇā ye saṅgadoṣavivarjitāḥ /
te gatāḥ paramaṃ
sthānaṃ jarāmaraṇavarjitam // Dhs_8.85 //
tṛṣṇānadīparikṣiptaḥ janaḥ
kimapi nāvagacchati
pañcāraṃ bhavacakraṃ tat tṛṣṇānābhipuraḥsaram
/
nadīrāgaparikṣiptaṃ na ca loko 'vabudhyate // Dhs_8.86 //
doṣāvartatarā
jñeyā saṅkalpamakarākulāḥ /
tṛṣṇānadī viśāleyaṃ na ca loko 'vabudhyate //
Dhs_8.87 //
tṛṣṇā triṣu kāleṣu vañcikā
trikāle vañcanī tṛṣṇā
nityamajñānakāriṇī /
na tasyāṃ viśvased dhīmān saṃsārabandhanā hi sā //
Dhs_8.88 //
tṛṣṇā lokabandhanabhūtā
mitravad dṛśyate kāle
śatruvacca nikṛntati /
na tasyāṃ viśvaset prājñaḥ sā hi lokasya bandhanam //
Dhs_8.89 //
śakyaṃ hi bandhanaṃ chettumāyasaṃ dāruvattathā /
na
tṛṣṇābandhanaṃ chettuṃ nityaṃ kāmagaveṣibhiḥ // Dhs_8.90 //
yasyeṣṭo
bandhabhedo 'yaṃ yasyeṣṭaṃ sukhamavyayam /
sa tṛṣṇayā vimuktaḥ (syāt)prajñāśo
(dhanakṛd) bhavet // Dhs_8.91 //
jñānena tṛṣṇāvṛkṣasya chedanaṃ
karttavyam
jñānālokaḥ sukhāloko duḥkhaṃ tṛṣṇātamaḥsmṛtam
/
tasmādālokamāsthāya tamo nudati paṇḍitaḥ // Dhs_8.92 //
jñānakhaḍgena
tīkṣṇena tṛṣṇāvṛkṣaṃ nikṛntati /
nikṛttavṛkṣaḥ (sa) naraḥ sukhaṃ
prāpnotyanuttamam // Dhs_8.93 //
doṣeṇa bahulā hyeṣā nadī prasravaṇākulā
/
doṣā netānahitvā (na) bhavānmuñcati paṇḍitaḥ // Dhs_8.94
//
prajñānāvamāśritya tṛṣṇānadyāḥ pāraṃ gacchati
tṛṣṇānadīṃ
tripathagāṃ pramādāvartadustarām /
prajñānāvaṃ samāśritya pāraṃ
gacchantyanāmayam // Dhs_8.95 //
mahecchatāmahacchatraṃ yena cāyānti bāliśāḥ
/
tasmānmahecchatā badhyā tvayeyaṃ jñānacakṣuṣā // Dhs_8.96
//
mahecchaiva hṛdayavraṇabhūtā
mahecchatāvraṇastīvro hṛdaye yasya
jāyate /
na rātrau na divā tasya sukhaṃ bhavati lobhinaḥ // Dhs_8.97
//
saṅkalpe tu na sambhūtaḥ tṛṣṇāvāyusamīritaḥ /
mahecchatāmayo
vahnirdahate hṛdayaṃ nṛṇām // Dhs_8.98 //
lobhenātmano 'hitaṃ kurvanti
janāḥ
lobhenāveṣṭitamanāḥ puruṣo laghucetasā /
jīvitānyapi sārāṇi
jahāti dhanatṛṣṇayā // Dhs_8.99 //
pāpāni hi ca karmāṇi kurvanti puruṣāḥ
kṣitau /
dhanalābhena tat sarva pravadanti manīṣiṇaḥ // Dhs_8.100 //
ye
sāhasaṃ na kurvanti viśanti jvalanaṃ ca yat /
tat sarva lobhadoṣeṇa
kurvantyahitamātmanaḥ // Dhs_8.101 //
śastrānilāni duḥkhāni vividhāni ca
(sarvataḥ) /
viśanti (vai) narā mūḍhā lobhastatra hi kāraṇam // Dhs_8.102
//
hṛdayastho manovahnirnityaṃ bahvicchatāṃ nṛṇām /
alpecchatayā (hi)
hṛcchāntirbhavatilābhinaḥ // Dhs_8.103 //
yathāgnirindhanenaiva
praśāntimadhigacchati /
tathā vahvicchatāṃ nṛṇāṃ dhanairvṛddhiḥ prajāyate //
Dhs_8.104 //
alpecchataiva sukham
bhūpālā (hi) dhanaistṛptāḥ
koṭiśo nidhanaṃ gatāḥ /
yāsyanti cānye nidhanaṃ tasmādalpecchatā sukham //
Dhs_8.105 //
tṛṣṇāvihīna eva sukhamāpnoti
duḥkhaṃ vahvicchatā
nṛṇāṃ lakṣaṇaṃ sukhaduḥkhayoḥ /
(heyā sarvaprayatnena) idamuktaṃ parīkṣakaiḥ
/
eṣa panthāḥ śivaḥ śreṣṭho yena tṛṣṇā vaśīkṛtā // Dhs_8.106 //
// iti
tṛṣṇāvargo 'ṣṭamaḥ //
(9) strījugupsāvargaḥ
striya
evānarthamūlam
striyo mūlaṃ (hi) pāpasya dhananāśasya sarvathā
/
svahite ye na niratāḥ kutasteṣāṃ bhavet sukham // Dhs_9.1
//
anarthakarmaratayaḥ śāṭhyerṣyābahulāstriyaḥ /
lokadvayavināśāya
puruṣāṇāmavasthitāḥ // Dhs_9.2 //
nityaṃ sarāgakuśalā nityaṃ tadvacanāḥ parāḥ
/
anyacca hṛdaye tāsāṃ kathayantyanyadeva vā // Dhs_9.3 //
āpātamadhurāḥ
sūkṣmāḥ vipāke vajracetasaḥ /
nopakāreṇa satkāraṃ smaranti laghucetasaḥ //
Dhs_9.4 //
striyo vidyutsvabhāvahṛdayā aticañcalāḥ
nāśayitvā
priyaśataṃ smarantyekaṃ hi vipriyam /
vidyutsvabhāvahṛdayāḥ striyaḥ pāpasya
bhūmayaḥ // Dhs_9.5 //
strīṇāṃ
nāśasādhakatvapradarśanam
strīhetunāśamicchanti puruṣā vakracetasaḥ
/
strīvināśo vināśo drāgiha loke paratra ca // Dhs_9.6
//
strīdarśanamevāgnivaddahati
evaṃ tu sarvaviṣayāḥ
strīdarśanamihaikajam /
abhibhūya sarvaviṣayān nāryagnijvalanaṃ mahat //
Dhs_9.7 //
strīdoṣapradarśanapūrvakaṃ
nārījugupsāsamīkṣaṇam
saṃśleṣādapi viśleṣaḥ smaraṇāt kathanādapi
/
strīṇāṃ dāhasamuttho 'yaṃ vahnirantarjahāsakaḥ // Dhs_9.8 //
rāgeṇa saha
jāyante nityaṃ vai dāruṇāḥ striyaḥ /
dānena saha jāyante yathā loke hutāśanāḥ
// Dhs_9.9 //
na bhavet tādṛśo dāho yo 'yaṃ vahnisamudbhavaḥ /
yādṛśaḥ
strīmado hyasti dehināṃ hṛdayodbhavaḥ // Dhs_9.10 //
sarvalokavināśāya
sarvadharmakṣayāya ca /
hetavo narakasyaitāḥ striyaḥ proktā maharṣibhiḥ //
Dhs_9.11 //
mukhato madhurāmarṣā hṛdayena viṣopamāḥ /
anavasthitasauhārdā
nāsāṃ kaścit priyo naraḥ // Dhs_9.12 //
muhūrtena priyastāsāṃ muhūrtena
tathāpriyaḥ /
anavasthitasauhārdāścañcalā kṣaṇikopamāḥ // Dhs_9.13
//
vañcanāhetukuśalā nityaṃ kāryaparāyaṇāḥ /
nityaṃ saṃyogamanaso nityaṃ
mānaparāyaṇāḥ // Dhs_9.14 //
devānāṃ ca manuṣyāṇāṃ piśācoragarākṣasāḥ /
na
bandhabhūtā yādṛśyaḥ striyaḥ kālaviṣopamāḥ // Dhs_9.15 //
nopakāraṃ
smarantyetā na kuśalaṃ nāpi vikramam /
anavasthitacittāśca vāyuvegasamāḥ
striyaḥ // Dhs_9.16 //
bhavanti sampado yatra rakṣyante yatra yoṣitaḥ
/
vyasaneṣu viraktāstu tyajanti puruṣaṃ dhruvam // Dhs_9.17 //
yaṃ yaṃ
gacchanti puruṣaṃ rakṣyante tatra yoṣitaḥ /
śīghraṃ śīghraṃ naraṃ
hyetāstyajanti puruṣaṃ sthitam // Dhs_9.18 //
yathā hi bhramarī puṣpaṃ śuṣkaṃ
tyajati sarvadā /
tathā vittena rahitaṃ puruṣaṃ tyajati priyā // Dhs_9.19
//
nistriṃśahṛdayāḥ krūrāścañcalāstamasāvṛtāḥ /
striyaḥ puruṣanāśāya jātāḥ
kenāpi hetunā // Dhs_9.20 //
devānāṃ bandhanaṃ nāma yathā strībandhanaṃ matam
/
strībandhananibaddhāstu patanti narakaṃ punaḥ // Dhs_9.21 //
etadagraṃ
hi rāgāṇāṃ yo rāgaḥ strīsamudbhavaḥ /
strīrāgadagdhamanasaṃ paścād dahati
pāvakaḥ // Dhs_9.22 //
pratyakṣāṇyapi karmāṇi rāgaiścāpahataḥ pumān /
na
vetti mūḍhahṛdayaḥ strīrāgeṇa vimohitaḥ // Dhs_9.23 //
viśvāsya viṣaye
puruṣaṃ bad dhvā priyamanekaśaḥ /
tyajanti vittanāśena tvacaṃ
yadvadbhujaṅgamāḥ // Dhs_9.24 //
sarvopāyabhṛtā nāryaḥ sarvaśaḥ paripālitāḥ
/
na śakyāḥ svavaśīkarttuṃ striyaḥ paramadāruṇāḥ // Dhs_9.25 //
āsāṃ
sarvasvabhāvānāṃ nārīṇāṃ calacetasām /
na yāyājjātu viśvāsaṃ pumān dhīreṇa
cetasā // Dhs_9.26 //
strīvidheyāstu ye martyā nityaṃ kāmagaveṣiṇaḥ
/
paścimadarśanaṃ teṣāṃ suraloke bhaviṣyati // Dhs_9.27 //
pañcāṅgikena
tūryeṇa vipralubdhāḥ samantataḥ /
vindanti vyasane duḥkhaṃ yadavaśyaṃ
bhaviṣyati // Dhs_9.28 //
imāstāścañcalā nāryo yāsāṃ rāgaḥ kṛtastvayā /
tā
bhavantaṃ parityajya punaranyaṃ tato gatāḥ // Dhs_9.29 //
dvidhā hi
prakṛtiryāsāṃ (yoṣitāṃ) sahacāriṇī /
bhūyo 'bhiyanti puruṣaṃ vyasaneṣu
tyajanti ca // Dhs_9.30 //
mṛgavanmohayantyetāḥ puruṣaṃ rāgamohitam
/
paścāt (tu) vyasane prāpte tyajanti laghucetasaḥ // Dhs_9.31
//
nopakāraṃ na satkāraṃ na priyāṇi na santatim /
smaranti yoṣitastīvrā
vyasane samupasthite // Dhs_9.32 //
mlānaṃ puṣpaṃ yathā tyaktvā bhramaro
'nyatra dhāvati /
tathā hi vyasane prāpte tyajanti khalu yoṣitaḥ // Dhs_9.33
//
anapekṣitasauhārdāścañcalāśca raṇapriyāḥ /
bhavanti yoṣitaḥ sarvā
viṣamiśraṃ yathā madhu // Dhs_9.34 //
mohayanti narān kāmairvākyaiścāpi
viśeṣataḥ /
na teṣāṃ viśvaseddhīmān puruṣo dhīramānasaḥ // Dhs_9.35
//
ābhirvimohitāḥ kiṃ vā raṃjitāḥ puruṣāḥ svataḥ /
na kurvanti hitaṃ
vākyaṃ yathā muṣṇikagāmikam // Dhs_9.36 //
devāsuranarān yakṣān
piśācoragarākṣasān /
indrajālamayā nāryo vañcayanti viśeṣataḥ // Dhs_9.37
//
etadagrañca pāśānāṃ yadidaṃ strīmayaṃ dṛḍham /
anena baddhāḥ puruṣā
bhramanti bhavacārake // Dhs_9.38 //
na kaścit pāśapāśo 'yaṃ hṛtpāśo yoṣitaḥ
param /
hṛtpāśabandhanairbaddhāḥ puruṣā duḥkhamohitāḥ // Dhs_9.39
//
dahayate chidyate pāśasstrīmayastu na dahayate /
narakapretatiryakṣu
gacchantamanugacchati // Dhs_9.40 //
mūrtimān badhyate kāyaḥ pāśena mahatā
tathā /
amūrtigaṃ cittamidaṃ strīpāśena tu badhyate // Dhs_9.41 //
(na)
dṛśyate pāśamanyaṃ yena badhnanti yoṣitaḥ /
abhijñeyamapramāṇaṃ strīmayaṃ
bandhanaṃ mahat // Dhs_9.42 //
anenāpātaramyeṇa (duḥkha) mokṣeṇa sarvadā
/
pāśena baddhāḥ puruṣā na mucyante bhavārṇavāt // Dhs_9.43
//
ṣaḍindriyāṇi badhnāti pāśo yaḥ strīmayo mahān /
pāśastu kāyamevaikaṃ
kaścit badhnāti vā na vā // Dhs_9.44 //
bandhanaṃ na dṛḍhaṃ hīdaṃ mokṣavārya
ṣaḍāyasam /
saṃraktacittabhoge hi mandabuddhernarasya ca // Dhs_9.45
//
snāyuyantreṇa baddhāsu vistṛtakarmabhūmiṣu /
tīkṣṇaraktāsinā yukto
maraṇārthamihāgataḥ // Dhs_9.46 //
strīṇāṃ
daurguṇyam
vañcanācchalakūṭāsu rabhasā nu viśeṣataḥ /
cañcalo
bhrāntacittāsu bhrāntastvaṅgakṣaṇāriṣu // Dhs_9.47 //
vibhrānto
bhrāntakathitairbhūṣaṇānāṃ tathā svanaiḥ /
haranti puruṣaṃ kṣipraṃ
vañcanākuśalāḥ striyaḥ // Dhs_9.48 //
nānāvidheṣu puṣpeṣu yathā carati ṣaṭ
padaḥ /
nānāvidheṣu martyeṣu tathemāścañcalāḥ striyaḥ // Dhs_9.49 //
yathā
madhurikā pītvā puṣpamanyatra gacchati /
tathā puruṣamāpīyaḥ prayānti
rabhasaṃ striyaḥ // Dhs_9.50 //
arthādāneṣu kuśalāḥ kruddhā nityaṃ durāsadāḥ
/
vañcayitvā naraṃ śīghramanyatra saṃprayānti tāḥ // Dhs_9.51
//
sādhyamāyāpraharaṇāḥ kālakūṭaviṣopamāḥ /
striyaḥ
puruṣaghātinyaścāturyeṣu vyavasthitāḥ // Dhs_9.52 //
vāyvākāśānalā yadvan na
śaktā grathituṃ naraiḥ /
tathopāyaśatairnāryo (na) śaktā rakṣituṃ naraiḥ //
Dhs_9.53 //
anarthavyādhimṛtyūnāṃ duṣkṛtānāñca karmaṇām /
hetubhūtāḥ paraṃ
nāryo mokṣacaryābadhasya ca // Dhs_9.54 //
yadanekaprakāreṣu śaṭheṣu
pāpakarmasu /
(patanti) manujā loke tatra hetuḥ parastriyaḥ // Dhs_9.55
//
na bālayauvanenaiva vārdhakyenaiva śāmyati /
cāpalyaṃ sahajaṃ strīṇāṃ
bhāskarasya yathā prabhā // Dhs_9.56 //
anityaṃ sauhṛdaṃ tāsāṃ
dīptānāmarciṣāṃ kaṇaiḥ /
vairañca śāśvataṃ tāsāmaśmanāṃ ca yathā vraṇaiḥ //
Dhs_9.57 //
dhanahīne virajyante dhanayuktā bhavanti ca /
yāvadartha
striyastāvadarthahīne kutaḥ striyaḥ? // Dhs_9.58 //
na sevābhiścadānena
nopakāraiḥ pṛthagvidhaiḥ /
svīkarttuṃ na striyaḥ śakyāḥ jvalanopamacetasaḥ //
Dhs_9.59 //
yathā naro 'nukūlaśca chandakarttā yathā yathā /
tathā tathā
striyastasya vañcanākuśalāḥ param // Dhs_9.60 //
puṣpacchatro yathā sarpo
bhasmacchatro yathā nalaḥ /
rūpacchannaṃ tathā cittamāsāṃ bhavati yoṣitām //
Dhs_9.61 //
viṣavṛkṣe yathā puṣpaṃ dṛṣṭiramyaṃ na śāntaye /
viṣavṛkṣa
(samā) nāryaḥ parivarjyāḥ samantataḥ // Dhs_9.62 //
nārīṇāṃ darśanākāṃkṣī
viṣayesu ca tatparaḥ /
naro na sukhabhogāya (haya) smilloke na cāpare //
Dhs_9.63 //
nāgninā na ca śastreṇa na balena na jantubhiḥ /
strīmayaṃ
bandhanaṃ hetuḥ śakyate na durāsadam // Dhs_9.64 //
doṣajālamidaṃ
(sūtraṃ)strīmayaṃ carate bhuvi /
yastrīvivarjito dhīmān asmilloke mahīyate //
Dhs_9.65 //
yathā bhūtairmanuṣyāṇāṃ svakarmotthāpane na ca /
tathā striyo
hi rakṣanti viṣamārtha tyajanti ca // Dhs_9.66 //
gatārthavibhavaṃ bhūyo
varjitaṃ svena karmaṇā /
devaṃ samīkṣya capalāḥ striyo naiva prabhāvikāḥ //
Dhs_9.67 //
strīsukhaṃ kṣaṇabhaṅguram
kṣaṇabhaṅgamidaṃ
saukhyamadhigatamavasthitam /
catvāryetāni duḥkhāni sevitāni nṛbhiḥ sadā //
Dhs_9.68 //
strī viṣāgnisadṛśā
tasmāt tāni vivarjyāni
viṣāgnisadṛśāni hi /
yaḥ kaściccapalo janturyaśca doṣodbhavaḥ sadā //
Dhs_9.69 //
tasmāt parisamāviṣṭāḥ striyaḥ kāraṇavatsalāḥ /
na sūryastamaso
heturnāgniḥ śītasya kāraṇam // Dhs_9.70 //
na strīṇāṃ sauhṛdaṃ citte
svalpamapyavatiṣṭhate /
yathā sthirā bhūmiriyaṃ yathā vāyuḥ sadā calaḥ //
Dhs_9.71 //
striyaḥ doṣameva smaranti
tathā strīṇāṃ kṛtaṃ nāsti
doṣamayyaḥ sadā smṛtāḥ /
ciraprayatnāḥ puruṣaiḥ lobhitā bahuśaḥ striyaḥ //
Dhs_9.72 //
tyajanti vyasane prāpte śuṣkaṃ sara ivāśugāḥ /
nordhvagāḥ
sarito dṛṣṭā nāśmano gatiriṣyate // Dhs_9.73 //
girīṇāṃ gamanaṃ nāsti strīṇāṃ
naivāsti sauhṛdam /
vapukarti sadā nṛṇāṃ dharmārthayaśasāṃ tathā // Dhs_9.74
//
yoniścānarthajālasya doṣāṇāmudbhavasya ca /
bhaved vajramayī mṛdvī
tyajed (rātrau yathā) ravim // Dhs_9.75 //
na strī tyajedasādhyāni janmāpekṣā
viśeṣataḥ /
nopacārakriyā dānapriyavākyāpalāpanaiḥ // Dhs_9.76
//
svīkartuṃ na striyaḥ śakyā jvalanopamacetasaḥ /
sukheṣu samatāṃ yānti
vyasaneṣu tyajanti ca // Dhs_9.77 //
upakārāṃśca vismṛtya doṣamekaṃ smaranti
tāḥ /
vanopavanaśaileṣu bhuktvā sukhamanekaśaḥ // Dhs_9.78 //
strī
lokasya bandhanam
saṃprāpte vyasane tīvre striya paribhavanti hi
/
lokasya bandhanaṃ nāryo vañcanākṛtivardhikāḥ // Dhs_9.79 //
adhamāḥ
vinipātānāṃ doṣāṇāṃ cāspadaṃ (bahu) /
sarvalokavināśāya vaśīkurvanti tṛṣṇayā
// Dhs_9.80 //
yathā strībandhanamidaṃ durviṣahyaṃ kṛtaṃ mahat /
yadidaṃ
bandhanaṃ loke kāmarāgamayaṃ mahat // Dhs_9.81 //
strīvarjanameva
śreyaṣkaram
tathā cānyaprayatnena vicārya upalabhyate /
vaśīkurvanti
tā (nāryaḥ) kāmavāṇairanekaśaḥ // Dhs_9.82 //
svalpaiḥ parājitaṃ kṛtvā
kāmasya vaśagāḥ striyaḥ /
rāgerṣyāśāṭhyabhūmīnāṃ vidyuccañcalacetasām //
Dhs_9.83 //
lobhāhaṅkārayonīnāṃ na viśvāsyāḥ kathañcana
/
śastrāgnisadṛśāstīkṣṇāḥ kāmapāśaparātmanaḥ // Dhs_9.84
//
svabhraprapātaviṣamaṃ gaṃbhīrasamacetasām
/
parābhidrohamāyendrajālatadgatamānasān // Dhs_9.85
//
akālamṛtyuvajrāgnikālakūṭasamātmanām
/
anekadoṣasambhārananditānāmanekaśaḥ // Dhs_9.86 //
yadi śīlalavaḥ kaścit
strīṇāṃ manasi vartate /
cireṇa dahate vahniḥ sa spṛṣṭāḥ pavaneritaḥ //
Dhs_9.87 //
strīdarśanasamucchreyamātraṃ dahati pāvakaḥ /
tasmāt striyo
vivarjyāḥ syuḥ yadicchet sukhamuttamam // Dhs_9.88 //
etat sarva paraṃ loke
nārīṇāṃ varjanaṃ sadā /
yadṛcchājālinīhetuṃ yaḥ icched bhūtimātmanaḥ //
Dhs_9.89 //
ya icchati nivṛttiṃ tu sa naraḥ strīṃ vivarjayet
/
sukhāsaktastathārtho (ca) kusīdaścañcalaḥ śaṭhaḥ // Dhs_9.90 //
pāpasevī
sumṛṣṭāśī naro bhadraṃ na paśyati /
udyukto vīryavān dhīro dhārmikaḥ strīṃ
vivarjayet /
dakṣo hetuphalaśraddho naraḥ kalyāṇavān bhavet // Dhs_9.91
//
// iti strījugupsāvargo navamaḥ //
(10)
madyajugupsāvargaḥ
madyapānavarṇanasādhanapradarśanam
madyapānaṃ
na seveta madyaṃ hi viṣamuttamam /
naśyanti kuśalā dharmā madyapānaniṣevaṇāt
// Dhs_10.1 //
yaḥ sevate sadā madyaṃ tasya buddhirasaṃsthitā /
balabuddhī
na dharmo 'sti tasmānmadyaṃ vivarjayet // Dhs_10.2 //
nāśānāmuttamaṃ nāśaṃ
madyamuktaṃ manīṣibhiḥ /
tasmānmadyaṃ na seveta (madyaṃ) nāśayate naram //
Dhs_10.3 //
aniṣṭāḥ pāpakā dharmā madyapānaniṣevaṇāt /
bhavanti tasmād
viṣavanmadyapānaṃ vivarjayet // Dhs_10.4 //
dhanakṣayaṃ pāpakaraṃ
kausīdyakaramuttamam /
madyapānasthitā doṣāḥ tasmāt tat parivarjayet //
Dhs_10.5 //
rāgasyoddīpanaṃ madyaṃ krodhasyāpi tathaiva ca
/
mohasyoddīpakaṃ bhūyastasmānmadyaṃ vivarjayet // Dhs_10.6
//
madyamūlamanarthasya hāsasya narakasya ca /
sarvendriyavināśānāṃ
hetubhūtaṃ hyanarthakam // Dhs_10.7 //
atiharṣābhidhānasya śokasya ca
bhayasya ca /
vāgdoṣasyātidamyasya pāruṣyasyāspadaṃ hi tat // Dhs_10.8
//
madyenākṣiptamanasaḥ puruṣāḥ paśubhiḥ samāḥ /
kāryākārya na vindanti
tasmānmadyaṃ vivarjayet // Dhs_10.9 //
madyakṣipto hi puruṣo jīvannapi mṛto
mataḥ /
ya icchejjīvitaṃ saukhyaṃ sa madyaṃ varjayet sadā // Dhs_10.10
//
madyaṃ sarvadoṣāspadam
sarvadoṣāspadaṃ madyaṃ sarvānarthakaraṃ
sadā /
sarvapāpeṣu sopānaṃ tamasāmālayo mahān // Dhs_10.11 //
madyena
pretaloke narake vā patanam
madyena narakaṃ yānti pretalokaṃ tathaiva ca
/
tiryakṣu yānti puruṣā madyadoṣeṇa vañcitāḥ // Dhs_10.12 //
viṣādapi
viṣaṃ madyaṃ narakānnarakaṃ tathā /
vyādhīnāṃ ca paraṃ vyādhirmadyamuktaṃ
manīṣibhiḥ // Dhs_10.13 //
madyena
hānipradarśanam
buddhīndriyavināśāya dharmaratnaṃ kṣayāya ca /
yo
'tirekaparaṃ madyaṃ brahmacaryabadhāya ca // Dhs_10.14 //
madyena laghutāṃ
yānti pārthivā śāstracakṣuṣaḥ /
kiṃ punaḥ prākṛtā martyā madyapānavilambitāḥ
// Dhs_10.15 //
madyasya vināśakaratvam
kuṭhāraḥ sarvadharmāṇāṃ
hrīvināśakaraṃ param /
madyaṃ niṣevitaṃ martyairvināśāyopakalpyate //
Dhs_10.16 //
madyena jñānājñānavivekaśūnyapradarśanam
na jñānaṃ
nāpi vijñānaṃ na kāryāṇi na ca kriyām /
jānīte puruṣaḥ sarva madyena
hṛtacetasā // Dhs_10.17 //
madyasevanasya paritāpasādhanam
akasmāt
tapyate janturakasmāt paritapyate /
bhavatyakasmāt pāpī (ca) yo
madyamanusevate // Dhs_10.18 //
madyasya
buddhisammohajanakatvam
buddhisammohajanakaṃ lokadvayavināśakam
/
vahniśca mokṣadharmāṇāṃ madyamekaṃ vyavasthitam // Dhs_10.19
//
madyasya kimpākatvam
abhyāse madhuraṃ madyaṃ vipāke paramaṃ
kaṭu /
kimpākādapi kimpākaṃ madyamuktaṃ parīkṣakaiḥ // Dhs_10.20
//
narakasya sādhanaṃ madyam
na madye viśvaseddhīmān naraṃ
vakṣyati māmiti /
śītasparśa vipākoṣṇaṃ madyaṃ narakagāmikam // Dhs_10.21
//
sampattau vyasanaṃ madyaṃ devānāṃ tu viśeṣataḥ /
yathā yathā sukhā
prītistannāśe vyasanaṃ tathā // Dhs_10.22 //
madyapānamadonmattāḥ sattvā
mohavaśānugāḥ /
sākṣyamohamayaṃ pānaṃ pibanti rasatṛṣṇayā // Dhs_10.23
//
madyaṃ mohamayaṃ pāna pītvā kālena coditāḥ /
nākāt pratyakṣanarakaṃ
tasmāt madyaṃ na saṃspṛśet // Dhs_10.24 //
darśanātpānācca madyapānaṃ
mohajanakam
darśanāt sparśanāt pānāta madyaṃ mohayate naram /
tasmāt
sa madyapānaṃ ca dūrataḥ parivarjayet // Dhs_10.25 //
darśanājjāyate lobhaḥ
sparśanād gandhasambhavaḥ /
gandhād rasābhilāṣaśca rasanādadhamā matiḥ //
Dhs_10.26 //
manīṣiṇaḥ madyasevanātpatanti
naikasarvādhamaṃ nyāsaṃ
kathayanti manīṣiṇaḥ /
nāmarūpaniṣedhāya yathā madyaṃ niṣevitam // Dhs_10.27
//
madyapānaphalasūcanam
vāgbhrāmayati mastiṣkaṃ cakṣuṣīdhvanireva
ca /
sambhrāntivimatirmūḍho na kiñcit pratipadyate // Dhs_10.28
//
striyo 'pi madyapāyinamupahasanti
striyo 'pyupahasantīmaṃ
puruṣaṃ patitaṃ bhuvi /
niśceṣṭaṃ kāṣṭhasadṛśaṃ niścalaṃ patitaṃ bhuvi //
Dhs_10.29 //
madyapānaṃ maraṇādapi nikṛṣṭataram
sambhāvitasya
maraṇaṃ madyapānaṃ prakīrtyate /
hālāhalādabhyadhikaṃ kārāvāsādhikaṃ ca tat
// Dhs_10.30 //
madyapānavarjanaṃ śreyaskaram
ādīnavāśca ṣaṭ
triṃśanmadyapānādavasthitāḥ /
tasmādādīnavo jñeyaḥ sa hi tad varjayet sadā //
Dhs_10.31 //
madyapānaṃ viduṣo 'pi jantoḥ malinīkaraṇāya
bhavati
atijātasya viduṣo malinīkaraṇaṃ mahat /
kāśapuṣpasamaṃ jantuṃ
kurute laghusattvaram // Dhs_10.32 //
viṣayānaladagdhaḥ kāryākāryaśūnyo
bhavati
pramādauhyati magnānāṃ viṣayairapahṛṣyate /
madyapānena
bhūyaśca manovyāmohakāriṇā // Dhs_10.33 //
viṣayānaladagdhasya
kāryākāryamajānataḥ /
vanopavanalabdhasya madyapānasya kiṃ punaḥ // Dhs_10.34
//
madyapānaṃ mohāya pāpāya jāyate
rasena śobhanaṃ madyaṃ
pariṇāmena dāruṇam /
pariṇāmaphalaṃ pāpaṃ narakeṣūpapadyate // Dhs_10.35
//
pītaṃ janayate mohaṃ mohāt pāpeṣu rakṣyate /
saṃraktahṛdayo bālo
narakānupadhāvati // Dhs_10.36
//
madyapānamadhamatvasādhanam
prakarṣa janayatyādau vipāke
dainyamuttamam /
tṛṭ chedaṃ kurute cāsau paścāddāhaṃ sudāruṇam // Dhs_10.37
//
tad buddhiṃ nāśayatyādau paścānnāśayate sukham /
tasmāt sa puruṣo dhīro
yo madyaṃ nānusevate // Dhs_10.38 //
madyaniṣeviṇo vihagasadṛśā
bhavanti
vihagaiḥ sadṛśaṃ yānti puruṣā madyasevinaḥ /
tulyaṃ
vyāmohajanakaṃ madyaṃ mohamahāviṣam // Dhs_10.39 //
vimohitā
durgatimadhigacchanti
yairmadyaṃ viṣavad dṛṣṭaṃ tairdṛṣṭaṃ padamuttamam
/
yaistu tad virasaṃ pītaṃ pītaṃ tāmra (ka) lohitam // Dhs_10.40
//
niṣpratīkārakarmāṇi yaḥ karoti vimohitaḥ /
madyapānasamāviṣṭaḥ so 'nte
gacchati durgatim // Dhs_10.41 //
madyapānasevināṃ nāśo
bhavati
ekatra sarvapāpāni madyapāna (niṣevaṇam) /
yasmānnāśayate
(madyaṃ) cittamūlaśca saṃvaraḥ // Dhs_10.42 //
madyapāyī naṣṭadharmo
bhavati
naikāṅgitā hi cittasya na dharmāṇāṃ vicāraṇā /
yaḥ
pā(pa)nirato bhikṣurbhavenmadyaniṣevaṇāt // Dhs_10.43 //
madyenākṣiptamanaso
kuśalasya ca ghātakaḥ /
naṣṭadharmasya sattvasya nāyaṃ loko na cāparaḥ //
Dhs_10.44 //
īryyāpathaṃ na jānāti na kālaṃ nāpi deśanām /
saddharmato
viruddhaśca tucchaṃ kimapi bhāṣate // Dhs_10.45 //
svayaṃ tāvanna jānāti
kimidaṃ kathyate mayā /
vākpāruṣyaṃ kathaṃ cānyaṃ parijñāsyatyaśobhanam //
Dhs_10.46 //
lāghavaṃ yāti lokasya dharmācca parihīyate /
nidhana
puruṣairdṛṣṭaṃ madyajvalanasevanāt // Dhs_10.47 //
madyapānaṃ kutsāṃ
sampādayati
nāśo bhavatyatīte hi vartamāne suhṛjjane /
anāgate
kutsitānāṃ madyaṃ traikālyanāśakam // Dhs_10.48 //
madyaṃ
dharmapradūṣakameva
nāmarūpavināśāya cittanāśāya dehinām
/
utpannadoṣajanakaṃ madyaṃ dharmapradūṣakam // Dhs_10.49
//
madyavarjanaṃ dharmāya pānañca mṛtyurna bhavati
samāhitā
dharmaśīlāḥ puruṣā madyavarjakāḥ /
te yānti paramaṃ sthānaṃ yatra mṛtyurna
vidyate // Dhs_10.50 //
// iti madyajugupsāvargo daśamaḥ //
atha
dvitīyam udānam
(cittañca vāk tathā karma saṃyojanantu pāpakam
/
narakapretatiryakkṣutkausīdyāni vidurdaśa // )
(11)
cittavargaḥ
cittaṃ rājavat pravartate
agādhaṃ viṣamaṃ tīvraṃ
sarvasattvagataṃ mahat /
cittaṃ sarvasya jagato rājavat sampravartate //
Dhs_11.1 //
cittadhāriṇastajjñāḥ paramāṃ gatiṃ prāpnuvanti
adṛśyaṃ
samprati bhayaṃ karma nārakacañcalāḥ /
ye cittadhāriṇastajjñāste gatāḥ
paramāṃ gatim // Dhs_11.2 //
etannayati vyutthānametannayati durgatim
/
tadevādyantamamalaṃ nirvāṇamadhigacchati // Dhs_11.3 //
manaḥ
pūrvamaṅgamā dharmā manaḥ śreṣṭhā manomayāḥ /
manasā suprasannena bhāṣate vā
karoti vā // Dhs_11.4 //
cittavaśagasya cittamanudhāvati
yo na
cittasya vaśagaścittaṃ tasyāntagaṃ sadā /
sa nirṇāśayati kleśān tamaḥ
sūryodayo yathā // Dhs_11.5 //
cittadagdhāḥ nāśaṃ yānti
cittaṃ
śatruḥ paraṃ śatrurna śatruraparaḥ smṛtaḥ /
cittadagdhāḥ sadā sattvāḥ
kāladagdhā yathā jaḍāḥ // Dhs_11.6 //
yaścittavaśamāpanno bālo mūḍho
'jitendriyaḥ /
tena duḥkhe samo nāsti nirvāṇaṃ tasya dūrataḥ // Dhs_11.7
//
cittavaśagaḥ naraḥ narakamadhigacchati
āvarjyaḥ śatruraparo na
cittāni (nigūhate) /
eṣa badhnāti puruṣo nṛpateryamaśāsane // Dhs_11.8
//
viṣayeṣu ratā nityaṃ na sa dharmaḥ kathañcana /
saddharmapathasammūḍho
narakaṃ nayate mahat // Dhs_11.9 //
durdamānāṃ paraṃ cittamanīnāmagniruttamaḥ
/
durdāntaṃ śīghragantṛ ca narakaṃ nayate dhruvam // Dhs_11.10 //
ye
cittasya vaśaṃ yātā yātāste narakaṃ purā /
yaistu tad vāryate śīghraṃ na te
duḥkhānugāminaḥ // Dhs_11.11 //
cittānurūpaṃ sukhaṃ duḥkhañca
bhavati
yathā yathā (nṛṇāṃ) cittaṃ pariṇāmastathā tathā /
kalpānāṃ
śubhakarttuśca pāpakarttuśca pāpakam // Dhs_11.12 //
cittāyattaṃ bhavet karma
karmāyattaṃ mano bhavet /
cittakarma samutthāya saṃsāraḥ parikīrtitaḥ //
Dhs_11.13 //
duṣṭena cetasā karma yaḥ karoti pumāniha /
pacyate narake
tena jālinyā sa viḍambitaḥ // Dhs_11.14 //
cittakarma evaṃ
saṃsāraḥ
cittādhīnaṃ bhavet pāpaṃ saṃsāraḥ parikīrtitaḥ
/
cittapratyayajaṃ hyetat hetupratyayasambhavam // Dhs_11.15 //
cittena
vañcitāḥ sattvā pāpasya vaśamāgatāḥ /
gacchanti narakaṃ pāpāt
kāraṇāgramahābhayā(t) // Dhs_11.16 //
na bhavet cittavaśago 'pi tu dharmavaśo
bhavet
na gacchet cittavaśatāṃ gacched dharmavaśe sadā /
dharmacārī sukhī
nityaṃ pāpacārī na śarmabhāk // Dhs_11.17 //
cittāyattaṃ sarva
phalam
cittāyattā kriyā sarvā cittāyattaṃ phalaṃ smṛtam /
vicittaṃ hi
phalaṃ cittaṃ tathā phalamadhismṛtam // Dhs_11.18 //
cittena cintitaṃ sarva
lokaścittabhavānugaḥ /
na hi tad vidyate sthānaṃ yanna cittavaśānugam //
Dhs_11.19 //
śubhasya nirvāṇasādhanatvam
mokṣa bandhanayormūlaṃ
hetubhūtaṃ paraṃ matam /
śubhena mucyate janturaśubhenāśu badhyate //
Dhs_11.20 //
cittavaśagāḥ kadāpi nirvāṇaṃ nādhigacchanti
jālinyā mohitāḥ
sattvāścittasya vaśamāgatāḥ /
nirvāṇaṃ nāpi gacchanti jātyandhā iva satpatham
// Dhs_11.21 //
pañcendriyāṇi jitavān pāpaṃ bhuṅkte na karhicit
/
ekacittaṃ tathā karma kurute vividhe bhave // Dhs_11.22
//
pañcaraṅgojjvalaṃ cittaṃ yathā dṛśyaṃ praśasyate /
pañcendriyavicitraṃ
hi tathā karma bhave bhavet // Dhs_11.23 //
cittakarttānekadhā
bhavati
cittakartā hi puruṣo dṛśyairbhavati naikadhā /
cittaṃ
cittakaraṃ śūnyaṃ sarvathā naiva dṛśyate // Dhs_11.24 //
cittaṃ
śobhanamaśobhanaṃ ca karma karoti
śobhanāśobhanaṃ citraṃ yathā bhittiḥ
kṛtistathā /
śobhanāśobhanaṃ karma tathā cittaṃ karoti hi // Dhs_11.25
//
cittānugaṃ karma
divārātrau yathā cittaṃ sthitaṃ bhavati
citragam /
divārātrau tathā karma bhave samanuvartate // Dhs_11.26
//
akṛtvā sukṛtaṃ karma cittavṛttyanugā narāḥ /
patanti vivaśāḥ pāpe
cittāriparivañcitāḥ // Dhs_11.27 //
karmacittakaro hyeṣa yatra yatra
niyujyate /
caracittena mahatā taccittaṃ ca karotyayam // Dhs_11.28
//
pariṇāmaviśeṣeṇa yatra yatra niyokṣyate /
preṣyante tatra cittena
tridhā tu gaticāriṇaḥ // Dhs_11.29 //
cittasya damanaṃ
sukhāvaham
cittādhināni vartante sarvakarmāṇi dehinām /
tasmāccittaṃ
sadā dāntaṃ nayate padamacyutam // Dhs_11.30 //
durviṣahyasya laghunā yatra
yatra nipātinaḥ /
cittasya damanaṃ sādhu cittaṃ dāntaṃ sukhāvaham //
Dhs_11.31 //
yena cittaṃ sadā dāntaṃ tena doṣāḥ sadā jitāḥ /
jitadoṣasya
dhīrasya duḥkhaṃ naiva prapadyate // Dhs_11.32 //
cittasya
laghuceṣṭitameva duḥkham
yacca svakaṃ bhaved duḥkhaṃ yacca duḥkhaṃ
paratra ca /
tat sarvamaviṣahyasya cittasya laghuceṣṭitam // Dhs_11.33
//
cittameva sarveṣāṃ prabhuḥ
sasurāsuranāgānāṃ piśācoragarakṣasām
/
prabhurekaḥ paraṃ cittaṃ rājā(hi)tribhavasya tat // Dhs_11.34
//
cittabhrāntaduḥkhamaśnute
cittaṃ nayati deveṣu cittañca
narabhūmiṣu /
cittaṃ nayatyapāye(ṣu) cittaṃ bhrāmayati prajāḥ // Dhs_11.35
//
cittād bhrāntasya naṣṭasya viṣayairmohitasya ca /
tṛṣṇayā dahyamānasya
sthitaṃ duḥkhamanuttamam // Dhs_11.36 //
cittasya damanāt
sukhānubhūtirbhavati
ekacāri sadāmūḍhaṃ durviṣahyaṃ mahābalam
/
sampradāri sadādṛśyaṃ capalaṃ śīghragāminam // Dhs_11.37 //
evaṃ vidhaṃ
hi ye cittaṃ damayanti manīṣiṇaḥ /
te mārabandhanātītāḥ pāraṃ prāptāḥ
sukhodayam // Dhs_11.38 //
capalaṃ cittaṃ
narakāyopakalpyate
saṅkalpakuṭilaṃ tīvramagādhaṃ capalaṃ hi tat
/
cittaṃ tamaḥśritaṃ śubhraṃ narakāyopakalpyate // Dhs_11.39
//
doṣanirmukto 'cyutaṃ padaṃ prāpnoti
tadevaṃ doṣanirmuktaṃ
nendriyārthavaśānugam /
aliptaṃ pāpakairdharmairnayate padamacyutam //
Dhs_11.40 //
śuddhaṃ cittaṃ śuddhe karmaṇi
pravartate
hetupratyayajaṃ cittaṃ yogavāhi paraṃ ca tat
/
pariṇāmavaśācchīghraṃ tathā tat sampravartate // Dhs_11.41
//
cittānadhīnatve karma cañcalaṃ bhavati
ekaṃ karoti karmāṇi
vividhāni calaṃ ca tat /
ekānekaṃ caraṃ sūkṣmaṃ kṣaṇādūrdhva na tiṣṭhati //
Dhs_11.42 //
saṃsārasya māyopamatvapratipādanam
durvijñeyaḥ sadā
tasya niḥśarīrasya sarvadā /
ko 'sau nayati lokāntamatha kena ca gacchati //
Dhs_11.43 //
gataśca tiṣṭhati kutra śarīrakarmakārakam /
dṛśyāni tasya
karmāṇi sañcayo na ca dṛśyate // Dhs_11.44 //
damanaṃ duṣkaraṃ tasya yasya
bhūtirna vidyate /
sarvasattvagataṃ ghoraṃ laghukāri ca cākṣuṣam // Dhs_11.45
//
pāpāt pāpataraṃ dṛṣṭaṃ māyopamamidaṃ bhavet /
puṇyāt puṇyataraṃ dṛṣṭaṃ
samyagmārgasamāśritam // Dhs_11.46 //
māyopamatvasamarthanam
na
gatirjñāyate tasya gamanaṃ naiva dṛśyate /
nīyate ca kṣataṃ sarva
jātyuttarasamāni ca // Dhs_11.47 //
śastreṇa chidyate nedaṃ jvalanena ca
dahayate /
chidyate dahyate caiva janaḥ sarvamacakṣuṣā // Dhs_11.48
//
dṛḍhaṃ yat karmarajjvādi naraṃ badhnāti duḥkhitam
/
jātyantarasahastrāṇi nayate na ca dṛśyate // Dhs_11.49 //
dāntameva
cittaṃ sukhāvaham
muhūrtena śubhaṃ bhūtaṃ muhūrtenāśubhaṃ ca tat
/
śubhāśubhābhyāṃ racitaṃ(cittaṃ) dāntaṃ sukhāvaham // Dhs_11.50 //
ṣaḍ
bhirdvāraiḥ prasūteṣu viṣayeṣvatilolupam /
cittaṃ nayati lokāntaṃ vyasanaṃ na
ca budhyate // Dhs_11.51 //
viprasannacittasya śreyaskaratve 'nuttamaṃ
sukhaṃ bhavati
viprasannaṃ yathā toyaṃ viprasannaṃ yathā nabhaḥ
/
viprasannaṃ tathā cittaṃ nīyate sukhamuttamam // Dhs_11.52 //
janāḥ
sātiśayā (dṛṣṭā) vitarkaviṣayodbhavāt /
pauravāścittarājñaste bhavanti
sahacāriṇaḥ // Dhs_11.53 //
cañcalaṃ manaḥ saṃsāre gatiṃ
kārayati
dhāvati yatra ca manastatra dhāvantyajñāninaḥ
/
parasparabalānnī (tā) bhramanti tribhavārṇa(va)m // Dhs_11.54
//
viśeṣacittenottamā gatirbhavati
cittavaiśadya bhāvānāṃ viśeṣaḥ
karmaṇāstathā /
na karmaguṇahīnasya viśeṣa upalabhyate // Dhs_11.55
//
susamāhitacittasya praśaṃsā
susamāhitacittaḥ sa nityaṃ
dharmānudarśakaḥ /
na doṣavaśamāyāti yathā divyastamonudaḥ // Dhs_11.56
//
gṛhasthasya samyagdṛṣṭitve
nirvāṇaprāptirbhavati
samyagdṛṣṭeścādhimātrā yasya cetasi vartate
/
gṛhastho 'pi sa me jñeyo muktaḥ saṃsārabandhanāt // Dhs_11.57
//
vijñā devalokaṃ gacchanti
kalyāṇanirmalaṃ yacca tato doṣeṇa
bādhyate /
vijño (na) malamāpnoti devaloke sa jāyate // Dhs_11.58
//
vinītacittāḥ sukhagāmino bhavanti
viṣayadvāracapalaṃ
nadīkuṭilagāminam /
yairvinītamidaṃ cittaṃ te surāḥ śubhabhāginaḥ //
Dhs_11.59 //
adharmamārgaḥ kalyāṇāya na
bhavati
adharmapathamāśritya janāḥ pāpavaśānugāḥ /
ciraṃ bhramanti
saṃsāre cittena parikheditāḥ // Dhs_11.60 //
cittaṃ kṣaṇe kṣaṇe
parivartate
kṣaṇe kṣaṇe cittamidaṃ naikaśaḥ parivartate
/
laghusvabhāvacapalaṃ māyāgandharvasannibham // Dhs_11.61
//
cañcalacitto baddho bhavati
tasya bandhanameveṣṭaṃ
jñānavijñānasammatam /
dūravṛttirmahāvegaḥ paridhāvatyanekadhā // Dhs_11.62
//
dhṛtyā cittadhāriṇaḥ sukhamaśnute
hriyamāṇaṃ sadā
cittamindriyārthe durāsadam /
sandhārayati yo dhṛtyā sa dhīraḥ pāragāmikaḥ //
Dhs_11.63 //
dhṛtimajñānamohaṃ ca viṣayottānamānasam /
sandhārayati yo
dhīmān sa loke paṇḍito naraḥ // Dhs_11.64 //
śubhacittaṃ kāmāvarodhakaṃ
bhavati
yo yathā kurute cittaṃ tathā kāmān sa paśyati /
śubhena
kāmaśamanaṃ nāśubhena pravardhanam // Dhs_11.65
//
apraśāntamatirduḥkhamāpnoti
śāntacittaṃmanāḥ kāmānasyatīha
viṣāstravat /
apraśāntamatiḥ sarpamaṇivat tān sa paśyati // Dhs_11.66
//
cittavaśago na śubhāṃ gatimāpnoti
indriyāṇīndriyārthāśca
cittādhīnā bhavantyamī /
citta saṃśleṣayogena pariṇāmaḥ pravartate //
Dhs_11.67 //
dhīrapraśaṃsā
tasyaiva vyavadhānena dhīraśca
pratibudhyate /
rūpasāmānyato dṛṣṭaṃ pariṇāmaḥ kathaṃ pṛthak // Dhs_11.68
//
cittasvarūpanirūpaṇam
yathā rūpaṃ tathā sarva
viṣayāścittahetavaḥ /
cittaṃ dāntaṃ sadā śāntaṃ doṣamiśravigarhitam //
Dhs_11.69 //
ekamekaṃ yathā śāli gandharūpe pṛthagvidhe /
saṃśleṣo
yāti nānātvaṃ tathācittaṃ pravartate // Dhs_11.70 //
kriyāṃ hi tatra kurute
yatra (cittaṃ) pradhāvati /
cittasaṃvāhanaṃ tadvākyaṃ loko 'yaṃ sampravartate
// Dhs_11.71 //
viṣayād bhrāntamanasaś(cā)tivego mahābalaḥ
/
cittaṃ(śānta)karaṃ dāntaṃ śivaṃ bhavati dehinām // Dhs_11.72
//
dāntena cetasā tattvadarśanaṃ bhavati
tenādāntena śīghreṇa
sarvapāpavihāriṇā /
bhrāmyate tribhavaḥ sarvaḥ na ca tattvaṃ sa paśyati //
Dhs_11.73 //
samīraṇaraṇodbhrānto lokaḥ saṃsāre
bhramati
samīraṇaraṇodbhrānto yathā bhramati sāgaraḥ
/
citteśvarasamāyukto loko 'yaṃ bhrāmyate sadā // Dhs_11.74 //
cittaṃ
śubhaṃ sukhamedhīta
śubhopanītaṃ cittaṃ(hi) śubheṣvevāpanīyate /
tathā
śubhānucaritamaśnute teṣu dhāvati // Dhs_11.75 //
yogavāhicittaṃ
pratyayaṃ labhate
yogavāhi nṛṇāṃ cittaṃ vāyvambusamameva ca
/
pratyayaśca yathā labhyastathā tat paridhāvati // Dhs_11.76 //
cittaṃ
pradhāvati parivartate ca
śīghraṃ pradhāvate cittaṃ śīghrañca parivartate
/
śīghraṃ nayati deveśa (bhuvane) dāyabhūmiṣu // Dhs_11.77 //
cittasya
karttṛtvam
karttṛtvaṃ sarvadharmāṇāṃ bharttṛtvaṃ sarvakarmaṇām
/
netṛtvaṃ sarvakarmāṇāṃ cittatvamiti lakṣyate // Dhs_11.78 //
cittaṃ
na viśvaset
na viśvaseddhi cittasya nityaṃ chidraprahāriṇaḥ
/
durlabhasyāpi vaśyasya capalasya viśeṣataḥ // Dhs_11.79
//
cittagativarṇanam
muhūrtena śubhaṃ yāti muhūrtena tathāśubham
/
bhavatyavyākṛtaṃ śīghraṃ gatirasya na vidyate // Dhs_11.80
//
nāyatirjñāyate tasya gamanaṃ naiva vidyate /
abhūtaḥ sambhavastasya
bhūtvā ca pratigacchati // Dhs_11.81 //
rūparahitaṃ cittam
nākāro
vidyate tasya sañcayo 'pi na vidyate /
grahaṇaṃ tasya naivāsti niḥśarīrasya
sarvataḥ // Dhs_11.82
//
pratyayasādhanavarṇanam
hetupratyayasāmagrayā prāptaḥ sañjāyate
punaḥ /
maṇisomapratyayo (hi) pratyayo jñāyate 'nalaḥ // Dhs_11.83
//
cittamindriyarūpādīn prati dhāvati
tathaivendriyarūpādīn
prativijñānasambhavaḥ /
naikasya jñāyate cittaṃ samavāyyanulakṣyate //
Dhs_11.84 //
cittaṃ durnivāryam
tadevaṃ viṣayaṃ matvā durnivārya
ca sarvataḥ /
saddharmamatirāstheyā na kāmeṣu kathañcana // Dhs_11.85
//
cittamati capalam
caṇḍāticapalaṃ tīvramaviṣahyaṃ mahāvalam
/
cittaṃ karoti karmāṇi yanna paśyanti bāliśāḥ // Dhs_11.86
//
duḥkhapravartakaṃ cittam
sarvasya karmaṇaścittaṃ hetubhūtaṃ
bhave bhave /
bhavet pravartakaṃ duḥkhaṃ yena dhāvati bāliśaḥ // Dhs_11.87
//
cittadoṣo mahādoṣa eva
vātādayo na doṣāḥ syurdoṣā rāgādayo
matāḥ /
vātādibhirapāyeṣu mānavo nopapadyate // Dhs_11.88 //
cittadoṣo
mahādoṣo nityaṃ(pāpa) vidarśakaḥ /
tasmātteṣāṃ samāśreyo na vātādigamādiha //
Dhs_11.89 //
rāgānugaṃ cittaṃ duṣṭaṃ bhavati
vātādayaḥ praṇaśyanti
dehanāśāccharīriṇām /
(rāgādayo) na tasya syurjanmāntaraśatairapi //
Dhs_11.90 //
tasmād rāgasya vaśagaṃ na vidheyaṃ kadācana /
ābhyantikaṃ
paraṃ śreyaḥ prāpyate rāgasaṅkramāt // Dhs_11.91 //
mana eva cikitsako
bhavati
yaścittavaidyaḥ sa bhiṣag na śarīrabhiṣag bhṛśam
/
manaścikitsako jñeyo na tathā laukiko mataḥ // Dhs_11.92
//
svacittakarmaṇā dagdho narake patati
karmacintyaṃ samaṃ cintyaṃ
na cittena prapadyate /
svacittakarmaṇā dagdho narakānupadhāvati // Dhs_11.93
//
dhyānādeva cittaṃ śuddhaṃ bhavati
yacchreyaḥ samacittasya na
tat (kvāpyupa)padyate /
saṃrakṣyaṃ hṛdayaṃ mūḍhaḥ prayātamanudhāvati //
Dhs_11.94 //
cittavaśago duḥkhamāpnoti
dhyānād dhyeyena kūṭena yaḥ
pumān vanamāśritaḥ /
taṃ muktvā cittakaḥ so 'yaṃ saṃprahṛṣyati bāliśaḥ //
Dhs_11.95 //
ye bālāścittapāśena cittakarmavicāriṇaḥ /
nīyante hyavaśā
ghoraṃ narakaṃ karmamohitā // Dhs_11.96
//
cittavaividhyanirūpaṇam
sucittamapi yaccitaṃ na taccittaṃ satāṃ
matam /
karmacittaṃ mahācittaṃ tridhātugatacitritam // Dhs_11.97 //
sattvā
citrairupāyairhi bhramanti gatipañcake /
tat sarva karmasācivyaṃ citrakartṛ
vicitritam // Dhs_11.98 //
cittavaśago baddho
bhavati
cittacitrakareṇedaṃ karmajātaṃ vicitritam /
yena sarvamidaṃ
baddhaṃ jagad bhramati mohitam // Dhs_11.99 //
varṣātaparajodhūmaiścittaṃ
naśyati bhūbhujaiḥ /
kalpakoṭisahastreṇa citraṃ cittaṃ vinaśyati //
Dhs_11.100 //
nāśaṃ prayāti basudhā sāgaraścāpi śuṣyati /
cittenāpi kṛtaṃ
citraṃ tasyānubhavane sthite // Dhs_11.101 //
pramatte citte
nānāgatirbhavati
nānāgatisamāvṛttā nānākarmasamānugāḥ /
nānācittavaśāḥ
sattvā bhramanti gatipañcake // Dhs_11.102 //
bāliśā (nāṃ)nṛṇāṃ cittaṃ
viṣayaṃ(prati)dhāvati /
na cinotyaśubhaṃ karma yena dhāvati durgatim //
Dhs_11.103 //
cañcalaṃ cittaṃ sadā viṣamaṃ bhavati
tasmāccittaṃ
sadā rakṣyaṃ cañcalaṃ viṣamaṃ kharam /
nityaṃ viṣayasaṃsaktaṃ
tṛṣṇāviṣasamāvṛttam // Dhs_11.104 //
viṣayānuraktaṃ cittaṃ vyasane
pātayati
dhāvate viṣayaṃ caitad vyasanaṃ nāvabudhyate /
paścāttu
vyasane prāpte phalaṃ vindati karmaṇaḥ // Dhs_11.105 //
samāhitacittaḥ
sukhamaśnute
apāyabhīrutā tasya tasya cittaṃ samāhitam /
samāhitena
cittena sukhāt sukhamavāpnute // Dhs_11.106 //
nirjitacittaḥ
sukhamāpnoti
viṣamaṃ capalaṃ tīvramaviṣahyaṃ mahābalam /
yaiścittaṃ
nirjitaṃ dhīraiste loke sukhino matāḥ // Dhs_11.107 //
// iti cittavarga
ekādaśaḥ //
(12) vāgvargaḥ
nirvāṇābhilāṣukaḥ pāruṣyaṃ
varjayet
pāruṣyaṃ varjayet dhīmān samyagvāg bhīrato bhavet
/
mādhuryābhirato jarntunirvāṇasyāntike sthitaḥ // Dhs_12.1 //
vācaṃ
paśyan sadābhāṣenmalināṃ ca vivarjayet /
vāṅmanenābhibhūtā ye te yānti
narakaṃ narāḥ // Dhs_12.2 //
ekadharmavyatītasya mṛṣāvādasya dehinaḥ
/
pratīrṇapratilokasya nākārya pāpamastiha // Dhs_12.3 //
mṛṣāvāg na
prayoktavyā
mṛṣāvācaṃ na bhāṣeta sarvā pratyayakārikām /
yathā
badhyati saṃsāre sugatiṃ naiva paśyati // Dhs_12.4 //
sādhupratyayatenīhā
sarvavidveṣakārikā /
kāntāraḥ sarvādharmāṇāṃ mṛṣāvāca pravartate // Dhs_12.5
//
jātamātrasya martyasya kaṭhārī jāyate mukhe /
paścāt chinattyātmānaṃ
vācā durbhāṣitaṃ vadan // Dhs_12.6 //
sarvā kāryapatākā sā sarvapāpaprasūtikā
/
tamasāṃ yonirekā sā yāṃ vācaṃ bhāṣate mṛṣā // Dhs_12.7 //
satyena hīnāḥ
puruṣāḥ sarvasādhuvivarjitāḥ /
tṛṇavad yānti loke 'smin pratyapāyeṣu
duḥkhitāḥ // Dhs_12.8 //
na vadedanṛtaṃ dhīraḥ kaṣṭā hyanṛtavāditā
/
pūtigandhyasukhī cāpi paścāttāpena tapyate // Dhs_12.9
//
satyamahimā
satyaṃ ca na vivarjeta tasya dharmo na vidyate
/
vinivartitadharmasya sthitaṃ duḥkhamanekajam // Dhs_12.10 //
satyaṃ
sarvadharmāṇāṃ pradīpabhūtam
pradīpaḥ sarvadharmāṇāṃ sādhūnāṃ ratnavat
priyam /
svargasya ca paraṃ vartma satyamuktaṃ gatajvaraiḥ // Dhs_12.11
//
satyaṃ na hi divaṃ yāti mokṣasyāsatyavādinaḥ /
satyahīnā hi puruṣāḥ
paśutulyāḥ prakīrtitāḥ // Dhs_12.12 //
jaghanyānāṃ jaghānyāste yeṣāṃ na
vidyate /
satyaṃ dharmasya sopānaṃ jyotiṣāmākaro mahān // Dhs_12.13
//
panthāśca mokṣadharmāṇāṃ dhanānāṃ dhanamuttamam /
pāpakaiśca
(pari)trāṇāṃ satyamuktaṃ manīṣibhiḥ // Dhs_12.14 //
satyabhūṣitaṃ vāg
bhūṣaṇasyāpi bhūṣaṇam
jyotiṣāṃ paramaṃ jyotiścakṣuścakṣuṣmatāmapi
/
draviṇena vinā satyaṃ bhūṣaṇasyāpi bhūṣaṇam // Dhs_12.15
//
nidhānamatulaṃ satyamahārya (sarvasādhakam) /
gacchanti (satyā yiṇaḥ)
puruṣāḥ paramāṃ gatim // Dhs_12.16 //
na tathā bhāsate rājā
nānālaṅkārabhūṣitaḥ /
satyena bhūṣito dhīmān śobhate devavad yathā //
Dhs_12.17 //
na mātā na pitā cātha mitrāṇi na ca bāndhavāḥ /
trāṇamevaṃ
yathā śrutvā tasmāt satyaparo bhavet // Dhs_12.18
//
anṛtanindā
vahnīnāṃ paramo vahnirviṣāṇāṃ paramaṃ viṣam
/
durgatīnāṃ ca sopānamanṛtaṃ parikīrtitam // Dhs_12.19
//
viṣāgnitulyasaṃsparśa vartayedanṛtaṃ pumān /
anṛtena hi yo deva
dagdhaityabhidhīyate // Dhs_12.20 //
satyāsatyayoḥ
parasparavirodhitvam
tasmāt sarvābhisāreṇa (na vadeda) nṛtaṃ pumān
/
sarva bhayādikaṃ kaṣṭamanṛtaṃ kīrtitaṃ budhaiḥ // Dhs_12.21 //
vahnīnāṃ
paramo vahnirnirdahedapi sāgaram /
kiṃ punaryo mṛṣāvādī kāṣṭhaloṣṭhasamākṛtiḥ
// Dhs_12.22 //
satyaṃ tyaktvā mṛṣāvādaṃ yo naraḥ pratipadyate /
ratnaṃ
tyaktvā sa pāpātmā pāṣāṇaṃ pratipadyate // Dhs_12.23 //
yasyātmā na bhavet
dviṣṭo yasya vā narakaṃ priyam /
mṛṣāvādaṃ svadehāgnim abuddhiḥ sa niṣevate
// Dhs_12.24 //
sadedaṃ satyavacanaṃ bhūṣaṇaṃ sarvadehinām
/
satyaṃ tyaktvā mṛṣāvāde kasmād yānti kubuddhayaḥ // Dhs_12.25
//
satyaṃ guṇānāmagryaṃ vai doṣāṇāmanṛtaṃ smṛtam /
guṇāṃstyaktvā kathaṃ
mūḍho doṣeṣu paridhāvati // Dhs_12.26 //
bījaṃ sarvasya duḥkhasya mṛṣāvādaḥ
prakīrtitaḥ /
tathā satyaṃ sukhasyaiva tasmānnānṛtako bhavet // Dhs_12.27
//
satyavādī hi puruṣaḥ priyaḥ sarvasya dehinaḥ /
cakṣurdoṣaimṛṣāvādī
tasmānnānṛtako bhavet // Dhs_12.28 //
devakalpāḥ sadā kṛṣṭāḥ puruṣāḥ
satyavādinaḥ /
nārakeyāstathā mūḍhā janā hyanṛtacetasaḥ // Dhs_12.29
//
kalyāṇānāṃ paraṃ satyaṃ doṣāṇāmanṛtaṃ tathā /
doṣavarjī guṇadveṣī
puruṣaḥ puruṣottamaḥ // Dhs_12.30 //
sukhodayaṃ sukhodarkaṃ sukhena
paripacyate /
sukhena labhate satyaṃ(satyaṃ) nirvāṇagāmikam // Dhs_12.31
//
duḥkhodayaṃ kaṭuphalaṃ duḥkhena saha pacyate /
anṛtaṃ sarvaduḥkhāntaṃ
kaḥ pumān na vivarjayet // Dhs_12.32 //
nānyadeśāgataṃ satyaṃ nānyasmāt
prārthyate hi tat /
sarvatīrthottamaṃ satyaṃ na tīrthasalilāvṛtam //
Dhs_12.33 //
dīpānāṃ ca paro dīpaḥ satyaṃ buddhena deśitam /
auṣadhānāṃ
paraṃ tacca sadā duḥkhaniṣūdanam // Dhs_12.34 //
amṛtañca viṣañcaiva
jihvāpāśe sthitaṃ nṛṇām /
amṛtaṃ satyamityuktaṃ viṣaṃ tūktaṃ mṛṣāvacaḥ //
Dhs_12.35 //
yasyānṛtamabhipretaṃ tasya satyaṃ dhruvaṃ sthitam /
viṣantu
yasyābhimataṃ tasyeṣṭaṃ syānmṛṣāvacaḥ // Dhs_12.36 //
viṣeṇa niścitaṃ nāśo
mṛṣāvādena niścitaḥ /
mṛtavat sa pumānasti yo mithyātvabhibhāṣate //
Dhs_12.37 //
nātmano hi hitaṃ pathyaṃ (para)sya na kathañcana /
paścāttu
paraduḥkhāya tat kathaṃ sevyate nṛbhiḥ // Dhs_12.38 //
deśe deśe mayā dṛṣṭaṃ
janmamṛtyusahasrakam /
paraḥ sahastraṃ janayennāśayedanṛtaṃ vacaḥ //
Dhs_12.39 //
abhijātasa niṣkarṣo dvijātīnāṃ ca bhūṣaṇam /
darśanaṃ
mokṣamārgasya satyamityabhidhīyate // Dhs_12.40 //
tṛṣṇānadī hayamārāṇāṃ
satāṃ satyena karmaṇām /
pūrvavat satyamityuktaṃ paraṃ sugatadeśikam //
Dhs_12.41 //
anādinidhane loke tṛṣṇāpāraṅgatā (narāḥ) /
nāstyatrāṇaṃ yathā
satyamiti dharmavido viduḥ // Dhs_12.42 //
abhidhyāpāśo na
sevanīyaḥ
satyavadhyā sadā kleśā vajravadhyā yathā nagāḥ /
hatā(ste)
puruṣā (jñeyā ye ') bhidhyā parivañcitāḥ // Dhs_12.43 //
paracittasamenedaṃ
rūpādyaiḥ parivañcyate /
abhidhyāmānasaṃ pāśaṃ sevitaṃ na vicakṣaṇaiḥ //
Dhs_12.44 //
dahyate 'vikṛta ātmā tailadīptirivānalaḥ
/
abhidhyādagdhamanasaḥ kāraṇaṃ nopalabhyate // Dhs_12.45 //
vyāpādaḥ
sattvān mohayatyeva
yasmāt tat sarvadā varjyaṃ kaṭukāśāviṣodayam
/
vyāpādamohitāḥ sattvā nityaṃ tadgatamānasāḥ // Dhs_12.46 //
na
śāntimadhigacchanti sarpā iva bileśayāḥ /
atha kūrasvabhāvā ye vyāpādaparamā
narāḥ // Dhs_12.47 //
na teṣāṃ vidyate saukhyamādityena yathā tamaḥ /
na
dharme nārthanikaro na dharmā na ca bāndhavāḥ // Dhs_12.48 //
rakṣanti
puruṣān sarvān vyāpādāhatacetasaḥ /
tamasāmākaro hyeṣa vyāpāda iha kathyate
// Dhs_12.49 //
vyāpādayati janakaṃ vyāpādaḥ parikīrtitaḥ /
avyāpādaḥ
paraṃ śreyo na vyāpādaḥ kathañcana // Dhs_12.50 //
avyāpādaparā ye tu te
yānti padamacyutam /
niyatātathavādī yo 'dharmavādī na dhārmikaḥ // Dhs_12.51
//
sa cauraḥ sarvalokasya na cauraḥ prākṛtaḥ smṛtaḥ /
dharmavādī naro
yastu carate dharmameva yaḥ // Dhs_12.52 //
sa yāti śāśvataṃ sthānaṃ yatra
gatvā na śocyate /
mithyāvacohata (pumān) laukikaḥ samprakīrtyate //
Dhs_12.53 //
lokottaraiḥ kalpaśataiḥ kadācit kathyate na vā /
tasmāt
lokottaraṃ vākyaṃ laukikaṃ na kathañcana // Dhs_12.54 //
saṃsārabandhanaṃ
dṛṣṭaṃ laukikaṃ viṣavad vacaḥ /
tṛṣṇārataḥ sadā puṇyānmucyateti suniścitam //
Dhs_12.55 //
lokottaro (naro) dhanyo vidvadbhiḥ samudāhṛtaḥ /
hitaṃ
tattvaṃ ca yo mūḍho na gṛhṇāti gurorvacaḥ // Dhs_12.56 //
satyavādī sadā
devatābhiḥ puraskṛtaḥ
sa paścād vyasane prāpte tapyate svena cetasā
/
satyavādī sadā dānto devatābhiḥ puraskṛtaḥ // Dhs_12.57 //
priyo bhavati
lokasya paścād deveṣu modati /
priyo bhavati lokasya paścād
svāntena(vardhate) /
darśanīyaṃ mukhaṃ cāsya devalokeṣu jāyate // Dhs_12.58
//
abhūtavādī puruṣaḥ sarvasattvopapātakaḥ /
tamonicayasaṅkāśo jīvannapi
mṛtaḥ samaḥ // Dhs_12.59 //
kathaṃ na jihvā patitā vākyasaṃstutikattṛkā
/
mṛṣā vadati yo vācaṃ sadbhūtaguṇanāśikām // Dhs_12.60 //
mukhe sannihito
byālo mukhe sannihito 'phalaḥ /
(mukhe)sañjvalito vahniryo vācā bhāṣate mṛṣā
// Dhs_12.61 //
jihvā saṅgrathitaiḥ pāśaiḥ narakasyāgrahetukaiḥ /
chettā
ca dharmahetūnāṃ mṛṣāvādaḥ pravartate // Dhs_12.62 //
na tasya mātā na pitā
buddho nāpi samvaraḥ /
yaḥ pāpabuddhiḥ patito mṛṣāvādaṃ prabhāṣateḥ //
Dhs_12.63 //
akasmāllaghutāṃ yāti ṣaḍbhiśca parivartate /
mucyate
devatābhiśca yo vācaṃ bhāṣate mṛṣā // Dhs_12.64 //
asaṅgṛhītavākyasyāvicārya
krodhanasya ca /
capalasyālpabhāgyasya sthitaṃ duḥkhamanantakam // Dhs_12.65
//
parasya duḥkhaṃ dṛṣṭvāpi sattvaḥ sattvopapātakaḥ /
paravyasanavat
tajjñaḥ pumān narakagāmikaḥ // Dhs_12.66 //
ye yathāvādino marttyā na ca
tatkāriṇaḥ sadā // Dhs_12.67 //
satyameva svargasya nirvāṇasya ca
sopānam
satyaṃ svargasya sopānaṃ nirvāṇadvārameva tat /
tasmāt
satyaparo nityaṃ nityaṃ dharmagatiḥ smṛtiḥ // Dhs_12.68 //
anṛtaṃ na
vadet
aśokamajaraṃ sthānaṃ prayāti puruṣottamaḥ /
varjayedanṛtaṃ
dhīmān ninditaṃ tattvadarśibhiḥ // Dhs_12.69 //
// iti vāgvargo dvādaśaḥ
//
(13) karmavargaḥ
śubhāśubhakarmaṇāṃ
phalabhogaḥ
śubhānāmaśubhānāṃ ca karmaṇāṃ phalaniścayaḥ /
bhujyate
sukṛtaṃ sarva karmabaddhā hi dehinaḥ // Dhs_13.1 //
(yadaṅgī)kriyate karma
tatkṛdbhiranubhūyate /
cittamānena mūḍhena tṛṣṇānagaravāsinā // Dhs_13.2
//
svayameva phalaṃ bhuṅkte
sahāyairbahubhiḥ sārdha kurute karma
duṣkṛtam /
ekākī karmaṇastasya phalaṃ bhuṅkte bhave bhave // Dhs_13.3
//
karmaṇāmavisaṃyogaḥ sarvaiḥ svajanabāndhavaiḥ /
śubhāśubhaṃ paraṃ loke
gacchantamanugacchati // Dhs_13.4 //
yatra prayānti puṇyāni
gandhastatrānudhāvati /
tathā śubhāśubhaṃ karma gacchantamanugacchati
/
svakarmaphaladāyādā prāṇena karmayojinaḥ // Dhs_13.5 //
sukṛtaiḥ
suralokaṃ gacchanti
sukṛtaiḥ suralokeṣu duṣkṛtaiśca tathāpyadhaḥ
/
yadduḥkhaṃ karmaphalajaṃ jāyate kaṭukodayam // Dhs_13.6
//
tasyopamānamasuraṃ triṣu dhātuṣu jāyate /
tridoṣajaṃ tricittotthaṃ
triṣu dhātuṣu pacyate // Dhs_13.7 //
tasya karmavipākasya triṣu dhātuṣu
lakṣyate /
hetupratyayasāmagrīsamutthaṃ ca prameva tat // Dhs_13.8
//
anyakṛtakarmaṇaḥ phalaṃ nānyo bhuṅkte
na hyanyena kṛtaṃ
pāpamanyena paripacyate /
sukarmaphaladāyādaḥ prāṇināṃ sarva eva hi //
Dhs_13.9 //
pūrvoktānāṃ trividhānāṃ svasya kṛta eva vipāko
bhavati
karmaṇastrividhasyāsya na cāpyanyasya pacyate
/
catvāriṃśadvipākasya ghoraṃ bhavati ceṣṭitam // Dhs_13.10
//
karmaphalavarṇanam
ekaḥ karoti karmāṇi ekaśca phalamaśnute
/
ekastarati durgāṇi sahāyo jāyate 'paraḥ // Dhs_13.11 //
jalāpekṣī jano
yastu kurute karma duṣkṛtam /
na jano janaśatānāṃ bhuṅkte hi vyañjanaṃ
(kvacit) // Dhs_13.12 //
na hyanyena kṛtaṃ karma saṅkrāmatyaparasya tat
/
na manye 'nādinidhanamasmiṃlloke na cāparaiḥ // Dhs_13.13
//
duḥkhāsvādaṃ sukhodbhūtaṃ yena duścaritaṃ kṛtam /
tena carati saṃsāre
prerite karmavāyunā // Dhs_13.14 //
kasya dharmo
vardhate?
anapekṣitatattvasya vyākulīkṛtacetasaḥ /
vardhate sakalo
(dharmaḥ) dharmāvṛtamanoharaḥ // Dhs_13.15 //
ke narakaṃ
gacchanti?
manasā vañcitāḥ sattvā manasā vipramohitāḥ /
gacchanti
narakaṃ pāpāstamastamaparāyaṇāḥ // Dhs_13.16 //
tamovṛte hi saṃsāre durlabhaṃ
buddhaśāsanam /
duḥkhād duḥkhataraṃ yānti yebhyaḥ dharmo na rocate //
Dhs_13.17 //
anādimati saṃsāre karmajālāvṛtā prajā /
jāyate bhriyate
cai(va) svakarmaphalahetunā // Dhs_13.18 //
jāyante narake devā
nārakeyāstathāvidhāḥ /
manuṣyāḥ pretaviṣaye narakaṃ vā prayānti hi //
Dhs_13.19 //
sukarmaṇaiva sukham
anyonyaprabhavaṃ dṛṣṭaṃ duḥkhaṃ
vā yadi vā sukham /
kleśadharmodbhave janmanyaparādikṛtaṃ ca tat // Dhs_13.20
//
asaṅkhyeyakṛtaṃ karma saṃsāre prāṇibhiḥ sadā /
tatra śakyaṃ
budhairgantuṃ varjayitvā tathāgataiḥ // Dhs_13.21 //
nādharmasya phalaṃ sādhu
viparītaṃ na pacyate /
hetoḥ sadṛśatā dṛṣṭā jalasya vividhasya vai //
Dhs_13.22 //
sādṛśyasya hetuphalaṃ viparītaṃ na jātu hi
/
saṃskṛtānāmarūpāṇāṃ hetuḥ pratyayasambhavaḥ // Dhs_13.23
//
sahetukaṃ sarva karmaphalam
nāhetukaṃ phalaṃ dṛṣṭaṃ narake tu
viśeṣataḥ /
hetusaṅghātasaṃsaktaṃ narakeṣu vipacyate // Dhs_13.24
//
kṛtoparatagāḍhānāṃ niyataṃ pāpagāminām /
karmaṇā phalasambandho
narakeṣu vipacyate // Dhs_13.25 //
deśānāṃ prati kālaṃ tu yat karma
(vi)nivartate /
tasya neṣṭaṃ phalaṃ dṛṣṭaṃ tattvamārgavidarśakaiḥ //
Dhs_13.26 //
udāharaṇapradarśanapūrvakaṃ phalasya
karmādhīnatvameveti
dīpādhīnā prabhā yadvat karmādhīnaṃ phalaṃ tathā
/
anyo 'nyaphalasambhūtaḥ saṃskṛtaḥ sarva eva hi // Dhs_13.27
//
pratītyasamutpādasamarthanam
anyonyahetukā dṛṣṭā
hyanyonyavaśavartinaḥ /
sādṛśyasyānubandhena dṛśyante tattvadarśakaiḥ //
Dhs_13.28 //
nāhetuphalasandhānamīśvarādibhirāsthitam /
bhavanti saṃskṛtā
dharmā deśitāstattvadarśibhiḥ // Dhs_13.29 //
anādimatisaṃsāre
hetupratyayasambhave /
sādṛśyaṃ karmaṇā dṛṣṭaṃ viparītaṃ na kalpyate //
Dhs_13.30 //
buddhasya svarūpam
tatstheṣu karmavaśagāḥ prāṇinaḥ
karmahetujāḥ /
sa karmaphalatattvajño (buddha) ityabhidhīyate // Dhs_13.31
//
keṣāṃ śāntiḥ na vidyate?
mārgāmārgaviruddhā ye mūḍhā buddhasya
śāsane /
(na) teṣāṃ vidyate śāntirādityasya tamo yathā // Dhs_13.32
//
karmāyattaṃ sukham
karmāyattaṃ sukhaṃ dṛṣṭaṃ sukhāyattaṃ
manastathā /
mano 'vaboddhayā(ste)dharmā ye vyutpattivicāriṇaḥ // Dhs_13.33
//
sucaritasya karmaṇaḥ phalam
anityāḥ sarvasaṃskārā jalabud
budasannibhāḥ /
tasmāt sucaritaṃ karma loke martya paratra ca // Dhs_13.34
//
dṛṣṭaṃ karmaphalaṃ loke dṛṣṭā eva vicitratā /
yaḥ pramādaparaḥ
puṃsāstasyātmā dhruvamapriyaḥ // Dhs_13.35 //
karmarajjvātidṛḍhayā
duṣpramokṣasugāḍhayā /
baddhā bālā na gacchanti nirvāṇapuramuttamam //
Dhs_13.36 //
// iti karmavargastrayodaśaḥ //
(14)
saṃyojanavargaḥ
jñānena nirvāṇādhigamaḥ
jñānaśastre(ṇa)tāṃ chitvā
nirmuktā vigatajvarā /
prayānti nirvṛttiṃ dhanyā yatra jñānyeva vidyate //
Dhs_14.1 //
sadṛśaṃ hi phalaṃ hetoḥ kathayanti manīṣiṇaḥ /
hetorasadṛśaṃ
naiva phalaṃ pacati dehinām // Dhs_14.2
//
hetupratyayasambaddhajanmapratyayasaṅgatāḥ /
yathā baddhā hi saṃsāre
pramucyante (na)dehinaḥ // Dhs_14.3 //
paramaśānterūpāyaḥ
tāṃ
viśliṣya susambaddhāṃ gāḍhāṃ durviṣehāṃ parām /
gacchanti paramāṃ śānti yatra
duḥkhaṃ na vidyate // Dhs_14.4 //
karmaṇā niyataṃ jantuḥ karmaṇā paripacyate
/
sūpagaṃ (nanu) saṃsāre sukhaṃ naivopalabhyate // Dhs_14.5 //
duḥkhe
duḥkhābhiṣaktānāṃ jantūnāṃ mūḍhacetasām /
sanmārgadeśiko nāsti yo 'smād
duḥkhāt pramocayet // Dhs_14.6 //
ye na dharmaparā nityaṃ ye na satyaparāḥ
sadā /
ye ca yoniratā nityaṃ teṣāṃ duḥkhaṃ na hīyate // Dhs_14.7
//
dharma iha paratra ca sukhāvahaḥ
mātṛvat pitṛvaccaiva
(mitravad) bandhuvat sadā /
dharmo vai deśito buddhairiha loke paratra ca //
Dhs_14.8 //
trigatyavasthitāḥ sattvāstridoṣavaśamāgatāḥ /
tridhātugatikā
nityaṃ trilokyāṃ patitāḥ (janāḥ) // Dhs_14.9 //
trikarmopāntavaśagāḥ
strīpānādiparāśca ye /
na bhavānmuktigatikāḥ syurbhūmau vicaranti te //
Dhs_14.10 //
keṣāṃ duḥkhaṃ na vidyate?
triratne (na) pramādyanti
tribodhivaśagāśca ye /
tridṛṣṭivarjakā ye tu teṣāṃ duḥkhaṃ na vidyate //
Dhs_14.11 //
trikālasthitisaṃlagnā vijvarāstattvadarśinaḥ
/
tribhāgakṛtisantuṣṭā vītaśokā nivṛttigāḥ // Dhs_14.12 //
trirāśisamavetā
ye trikarmapravicāriṇaḥ /
na te vatsyanti saṃsāre vītadoṣā gatajvarāḥ //
Dhs_14.13 //
mārgāmārgavidhijñā ye bhāvābhāvavicintakāḥ
/
maitrībhāvaviviktā ye te yānti paramāṃ gatim // Dhs_14.14 //
naraḥ
kān bhajet?
anāvilena(manasā) viprasannena (cetasā) /
sarvadā
dharmavaśagān dhīrān viprān bhajennaraḥ // Dhs_14.15 //
satyameva prapannā ye
smṛtyā (hitvā) manomalam /
bhāvābhilāṣād viratā muktā niḥsaṃśayaṃ hi te //
Dhs_14.16 //
nityaṃ duḥkhasukhairbaddhā vipralabdhā hyanekaśaḥ /
narā
nidhanatāṃ yānti prāṇino mohavañcitāḥ // Dhs_14.17 //
kairdurguṇaiḥ
svargo na labhyate?
nāhrīkyamanapatrāpyaṃ kausīdyaṃ pāpamitratā
/
naitāni nākabījāni tebhyo rajyenna paṇḍitaḥ // Dhs_14.18
//
āhrīkyamanapatrāpyaṃ nityaṃ pāpānucāriṇaḥ /
naraḥ prapātāt patati sa
paścāt pratibudhyate // Dhs_14.19 //
krodherṣyādibhayagrastāḥ svarga na
gacchanti
krodherṣyāstyānamiddhaṃ hi tvaśraddhaṃ yanmanastathā
/
mohaśokabhayagrastā na svarga prabhavanti te // Dhs_14.20 //
amṛtaṃ
madyapānaṃ ca mithyādṛṣṭiśca lubdhatā /
kāraṇāni karaṇasya
vyāpādakrūrakarmatā // Dhs_14.21 //
kudṛṣṭeḥ kuphalam
adarśanaṃ
paraṃ śreyo na kudṛṣṭiḥ kathañcana /
kudarśanena saṃmūḍhāḥ prayānti narakaṃ
narāḥ // Dhs_14.22 //
ahetuṃ hetumāpaśyantya (nityaṃ) nityavannarāḥ
/
prayānti narakaṃ tīvraṃ mithyāvādena vañcitāḥ // Dhs_14.23 //
kaṣṭena
tejasā teṣāṃ mithyādarśanatatparāḥ /
prajñābhimānino bhūtā mohayantyaparān
janān // Dhs_14.24 //
mohāndhakāragahane patantyeva mahārṇave /
loke
prakṛtiduḥkhe 'smin hetubhūtā hi te janāḥ // Dhs_14.25 //
śarāṇāṃ tāpanaṃ
kṣepaṃ kathayanti manīṣiṇaḥ /
cittatā yā tudatyante sarvataḥ kleśaparvataḥ //
Dhs_14.26 //
kleśanāgād vimokṣo yo yasya jñānapuraḥ saraḥ /
prāpyate
vītakai rūpaiḥ puruṣaistattvadarśibhiḥ // Dhs_14.27 //
anyo 'nyamatibhiḥ
sarvā loko 'yaṃ vipralobhitaḥ /
na yāti paramāṃ śāntiṃ yatra mithyā na
kathyate // Dhs_14.28 //
narakahetavaḥ
auddhatyapāpasaṃsargaḥ
kausīdyaṃ lubdhatā tathā /
hetavo narakasyaite śīlasya hi vivarjanam //
Dhs_14.29 //
madyapānaṃ sadā hiṃsā paradārābhidarśanam /
lobhaḥ kūrā
matiścaiva hetavo narakasya te // Dhs_14.30
//
nāśahetavaḥ
paiśunyaṃ pāpasaṃsargo mithyādṛṣṭirasaṃyamaḥ
/
cāpalyaṃ manasaścaiva nāśayanti naraṃ sadā // Dhs_14.31 //
avidyayā saha
pāruṣyaiḥ mithyāvāgabhimānitā /
na sukhāya bhavantyete asmiṃlloke na cāpare
// Dhs_14.32 //
ke parivarjanīyāḥ?
yadyasau bhramati prāyo
lokesmin kinna cāpare /
yadyasambhrāmite loke ye ca duḥkhe nimajjati //
Dhs_14.33 //
tacceṣṭitamavidyāyāḥ kathayanti tathāgatāḥ /
mithyāmāno
'timānī ca sarvathā (parivarjyatām) /
parivarjyāḥ sadā hyete duḥkhavṛkṣasya
hetavaḥ // Dhs_14.34 //
jñāninaḥ paramodārā nityaṃ kleśavadhe ratāḥ
/
chitvā (tad) bandhanaṃ sarva gacchanti padamacyutam
/
ādimadhyāntakalyāṇamasmiṃlloke na cāpare // Dhs_14.35
//
doṣasevanaiḥ nāśo bhavati
doṣāṇāṃ sevanaṃ
dṛṣṭamavidyāsampravartakam /
varjanīyāḥ sadā kleśāḥ sevyaṃ jñānamanuttamam //
Dhs_14.36 //
jñānena muktirbhavati
jñānena muktirbhavati na ca
kleśairihocyate /
jñānāgninā hi dahayante kleśakāṣṭhā na śeṣataḥ // Dhs_14.37
//
kāmamayajñānaṃ kleśajanakam
kleśaiḥ kimartha saṃruddhā jālinī
viṣa(yai) ratā /
punaḥ kāmamayaṃ jñānaṃ cakṣuḥpaṭalabādhakam // Dhs_14.38
//
rāganindā
nirvāṇayati sambuddhavākyabhaiṣajyabhojanaiḥ
/
saddharmasenāpatinā rāgasenā vigarhitāḥ // Dhs_14.39 //
śubhā vāṇī
prayoktavyā
udīritā śubhā vāṇī niścetavyā prayatnataḥ /
catvāro hi
viparyāsā budbudavaccakāsate /
lokadharmāstathā cāṣṭau nāśayantyakhilaṃ jagat
// Dhs_14.40 //
jñānaplavaḥ santaraṇasamarthaḥ
jālinīprabhavā
nadyo vitarkaśatadustarāḥ /
jñānaplavaṃ samāruhya taranti munayaḥ śivāḥ //
Dhs_14.41 //
keṣāṃ muktirna vidyate?
mūḍhā ye bhūtamanaso narāḥ
kāmasya sevinaḥ /
sadā ca pañcabhiḥ sthānairmuktisteṣāṃ na vidyate //
Dhs_14.42 //
ayoniśomanaskārairyo vahniḥ samudīryate /
sa
yoniśomanaskāravarṣaṇaiḥ pratikalpate // Dhs_14.43 //
avidyāsaṃbhavam
andhatvaṃ kathaṃ dūrībhavet?
andhatvaṃ cirakālotthamavidyāsambhavaṃ nṛṇām
/
tadalpakāle jātena pradīpena na paśyati // Dhs_14.44 //
jñānalokena
trayo doṣāḥ vinaśyanti
rāgamūḍhā vipacyante narake mandamedhasaḥ
/
jñāninastu na naśyanti nirvāṇagamanā yathā /
trayo do(ṣā) vinaśyanti
jñānalokena dehinām // Dhs_14.45 //
tasmādaśeṣavijñānaśīlakṣāntirato bhavet
/
amūḍhānāṃ praṇaśyanti trayo doṣāḥ śarīriṇām // Dhs_14.46 //
jñānānalena
mandaśca kleśendhana mahāttviṣaḥ /
vyādhinirmagnatanavaḥ śayyāveṣṭanagocarāḥ
// Dhs_14.47 //
yatra yāti paraṃ vedaṃ manomohamayaṃ phalam /
yāni
duḥkhānyanekānyanekā bhujyate gatiḥ // Dhs_14.48 //
pañcakaiḥ
prāṇibhinityametanmohasya ceṣṭitam /
trayo vā nirjitā doṣā yairidaṃ dahyate
jagat // Dhs_14.49 //
jñānayogena sukhaṃ bhavati
tamagniṃ
jñānayogena nirvāpya sukhito bhavet /
tasmājjñānāgninā nityaṃ nirdahet
kleśaparvatam /
kleśaparvatadagdhasya sukhaṃ padamavasthitam // Dhs_14.50
//
// iti saṃyojanavargaścaturdaśaḥ //
(15)
pāpavargaḥ
pāpaphalasya ajñātā paritāpaṃ labhate
kriyamāṇasya
pāpasya vijñeyaṃ kaṭukaṃ phalam /
yo na jānāti mūḍhātmā paścāt sa paritapyate
// Dhs_15.1 //
(phalaṃ ca) labhate puruṣaḥ sarvapāpasya karmaṇaḥ /
tasmāt
pāpaṃ na seveta yadīcchet sukhamātmanaḥ // Dhs_15.2 //
alpādapi mahāghorāt
narakāt pāpacetasaḥ /
muktyartha (tāni) pāpāni bhūyo mohavaśaṃ gatāḥ //
Dhs_15.3 //
na viśvaseddhi pāpasyā(lpatāṃ) narakagāmikām /
alpena vahninā
śaile dahayante sarvato drumāḥ // Dhs_15.4 //
nāsti pāpasamo
śatruḥ
pāpena narakaṃ yāti pāpena paridahyate /
pāpena naiti nirvāṇaṃ
nāsti pāpasamo ripuḥ // Dhs_15.5 //
pāpācāro hi puruṣo na kvacit sukhamedhate
/
(pāpaṃ) tasmānna seveta yadīcchet sukhamātmanaḥ // Dhs_15.6
//
sādhukāraṃ ca sādhūnāṃ pāpamārgasya duṣkaram /
kurvantaḥ pāpakān sattvā
modante(laghucetasaḥ) // Dhs_15.7 //
vipākakaṭukaḥ paścāt paritāpo
'lpacetasaḥ /
kuto 'pacitagātrasya karmaṇo dṛśyate phalam // Dhs_15.8
//
tasmāt pāpaṃ na kurvīta kaṣṭā pāpasya vedanā /
pāpaṃ pāpavipākaṃ ca
pāpināṃ pacyate dhruvam // Dhs_15.9 //
na hi pāpaṃ na pāpasya tasmāt pāpaṃ
vivarjayet /
parivarjitapāpasya na pāpād bhayamasti hi // Dhs_15.10
//
svakṛtaṃ bādhate pāpaṃ parīkṣyaṃ naiva bhujyate /
kalyāṇasya phalaṃ
sādhu kaṣṭaṃ pāpasya pacyate // Dhs_15.11 //
kṛtvā tu puruṣaḥ pāpaṃ kalyāṇaṃ
nānusevate /
na śastrāgniprapātebhyo duḥkhaṃ syāt tādṛśaṃ nṛṇām // Dhs_15.12
//
yathā niṣevitaṃ mithyāpāpaṃ pāpeṣu kalpyate /
vinivarjitapāpasya nityaṃ
ca śubhacetasaḥ // Dhs_15.13 //
śāntasya bhikṣornirvāṇaṃ
nātidūram
(dehino) śāntavaktrasya nirvāṇaṃ nātidūrataḥ /
tīvrāt
tīvrataraṃ yānti narāḥ kukṛtakāriṇaḥ // Dhs_15.14 //
sukhāt sukhataraṃ yānti
narāḥ sukṛtakāriṇaḥ /
na hi tīvrasya pāpasya sukhaṃ phalamavāpyate //
Dhs_15.15 //
sukhasya vā phala tīvraṃ viparītaṃ na pacyate /
anādimati
saṃsāre sukṛtānāṃ phalaṃ sukham // Dhs_15.16 //
karmaṇāṃ sukṛtānāṃ ca tathā
duḥkhaphalaṃ smṛtam /
pāpaṃ pāpānugaṃ dṛṣṭaṃ śubhasya ca śubhaṃ tathā //
Dhs_15.17 //
pāpī narakeṣupapadyate
pāpācāraḥ śubhadveṣī
narakeṣūpapadyate /
parivarjitapāpasya nityaṃ ca śubhacetasaḥ // Dhs_15.18
//
hastāvalambi nirvāṇamadṛṣṭaṃ tadanāvilam /
ādimadhyāntakalyāṇā dharmā
nityaṃ sukhodayāḥ // Dhs_15.19 //
tasmāt pāpaṃ
vivarjayet
ādimadhyāntakaṭukaṃ phalaṃ pāpasya karmaṇaḥ /
tasmāt pāpaṃ
sadā varjyamālambyañca śubhaṃ sadā // Dhs_15.20 //
parivarjitapāpasya
nityaṃ sukhamavasthitam /
anādimati saṃsāre dagdhāḥ pāpaiḥ punarnarāḥ
/
khedaṃ kasmānna gacchanti bālā mohavaśānugāḥ // Dhs_15.21
//
āpātamadhuraṃ pāpaṃ pariṇāme 'gnisannibham /
pāpakārī tu puruṣaḥ
sarvaloke vigarhitaḥ /
śubhakārī sadā śāntastasmāt pāpaṃ vivarjayet //
Dhs_15.22 //
dhīraistattvanidarśakaiḥ pāpavivarjanam
aniṣṭamahitaṃ dṛṣṭaṃ
vipāke kaṭuvedanam /
pāpaṃ pāpavipākaṃ ca tasmād dhīmān vivarjayet //
Dhs_15.23 //
asti pāpaṃ dhruvaṃ pāpe pāpamasti na pātakam /
pāpāceṣṭā
kṣayāpekṣā kṛpā cittasugāmitā // Dhs_15.24 //
pāpaṃ pāpāśritaṃ nityaṃ dharmo
dharmāśritastathā /
unnayatyuktametaddhi dhīraistattvanidarśakaiḥ //
Dhs_15.25 //
pāpavirahitāḥ paramaṃ sukhaṃ prāpnuvanti
acetanā
dhruvaṃ bālā yeṣāṃ duścaritaṃ priyam /
vinivarjitapāpāstu gacchanti paramāṃ
gatim // Dhs_15.26 //
atīva vañcanāghorā niyatā pāpagāminī /
mānuṣyaṃ
durlabhaṃ prāpya yasya pāpaṃ priyaṃ bahu // Dhs_15.27
//
śubhāśubhaphalayoḥ pariṇāmabhedaḥ
pāpād virajyate yastu śubhe
vātīva rajyate /
sa sukhāt sukhamāpnoti nivṛttiṃ vā prayāti hi // Dhs_15.28
//
naro bhavati dhanyo 'yaṃ yaḥ śubhānyupasevate /
sa tvadhanyatamo loke
yaḥ pāpamupasevate // Dhs_15.29 //
ādimadhyāntanidhanaṃ sadbhireva vigarhitam
/
pāpaṃ pāpānugaṃ dṛṣṭaṃ narakāyopakalpyate // Dhs_15.30 //
śubhakarmā
sukhamāpnoti devalokaṃ ca gacchati
atīva śobhate loke śubhakarmā jitendriyaḥ
/
kāyasya bhedāt satataṃ devaloke sa jāyate // Dhs_15.31 //
pāpasya
pariṇāmaḥ sudāruṇaḥ
duṣkṛtasyānubaddhaṃ hi duṣkṛtaṃ
phalamucyate
sukṛtasya tathā dṛṣṭaṃ phalaṃ sukhavipākajam
/
bījasyāśuvibhītasya pariṇāmaḥ sudāruṇaḥ // Dhs_15.32 //
nimittaṃ sadṛśaṃ
dṛṣṭaṃ phalaṃ pāpasya karmaṇaḥ /
pāpenākṛṣyate jantuḥ durgatau baḍiśairiva //
Dhs_15.33 //
baḍiśairmucyate mīnaḥ pāpaṃ pāpānna mucyate /
dina pīḍāpi
pāpasya sarvathā duḥkhakārikā // Dhs_15.34 //
amedhyasya yathā gandhaḥ
pratikūlo hi dehinām /
śubhasya vāsanā ramyā vipraṇaṣṭasya durgatau //
Dhs_15.35 //
vileṣu vāsanaṃ yadvat puṣpe naṣṭe pradṛśyate /
calatyayaṃ
pāpakārī nityaṃ kāmavaśānugaḥ // Dhs_15.36 //
ke
śubhacāriṇaḥ?
ālasyānṛtiko nityaṃ nāsau kalyāṇamarhati /
anantā rajanī
teṣāṃ (yeṣāṃ) pāpe sthitaṃ manaḥ // Dhs_15.37 //
prabhātaṃ rajanī teṣāṃ yeṣāṃ
pāpe sthirā matiḥ /
anīrṣyakāḥ sakalyāṇāḥ puruṣāḥ śubhacāriṇaḥ // Dhs_15.38
//
alpapāpī sukhamāpnute
ye na pāpātmano bhūtāste nityaṃ
koṭacāriṇaḥ /
alpabhārā yathā nāvā plavate na nimajjati // Dhs_15.39
//
pāpīmitreṇa duḥkhaṃ bhavati
tathālpapāpapuruṣaḥ plavate na
nimajjati /
na pāpamitrasaṃsargāt puruṣaḥ sukhavān bhavet // Dhs_15.40
//
pāpamitraṃ samāsādya sarvānalaparo bhavet /
karmārambha vidhijño yo
nityaṃ sūkṣmārtha (darśakaḥ) // Dhs_15.41 //
nāsau limpati pāpena paṅkena
gaganaṃ yathā /
aśrutaṃ puruṣaḥ śṛṇvan śrutañcāpi bhaved dṛḍham // Dhs_15.42
//
paṇḍitalakṣaṇam
pāpaṃ ca varjayed dhīmān pretya deveṣu jāyate
/
guṇadoṣaparijñānammetat paṇḍitalakṣaṇam // Dhs_15.43
//
mūḍhalakṣaṇam
guṇadoṣāparijñānametanmūḍhasya lakṣaṇam
/
guṇeṣu guṇasañcāro doṣeṣu ca tathaiva ca // Dhs_15.44
//
mūḍhāmūḍhayorlakṣaṇam
sadoṣaguṇatattvajño nityaṃ bhavati
śokabhāk /
pāpakarttā (tu) puruṣaḥ śatruvaccātmanaḥ sthitaḥ // Dhs_15.45
//
śubhakarttā tathā puṃso mitravat pratipadyate /
tamonirayabhūmiṣvamṛto
'yaṃ pratipadyate // Dhs_15.46 //
yasya pāparatā buddhirnityaṃ viṣayatatparā
/
viṣayārāmacapalā nityaṃ rāgānucāriṇī // Dhs_15.47 //
yasya buddhirna
dharmeṣu narasya duḥkhabhāginaḥ /
hetutaśca mahāduḥkhāntahetorvahnisaṃyutāt
// Dhs_15.48 //
kṣīṇapāpā vayaṃ sarve bhūyo lokamihāgatāḥ /
sukṛtasya
phalaṃ sādhu hyanekaguṇamaṇḍitam // Dhs_15.49 //
duṣkṛtasya phalaṃ duḥkhaṃ
visaṃvādakamiṣyate /
te vayaṃ sukhaduḥkhābhyāṃ bhūyāma bhavasaṅkaṭe //
Dhs_15.50 //
karmavāyusamudbhrāntāḥ samudrasya yathormayaḥ /
kṛtaṃ
pāpeṣvamanasaḥ pāpaiḥ rakṣanti ye janāḥ // Dhs_15.51 //
te tasya hetornarakaṃ
prayāntyaśubhacāriṇaḥ /
tasmāttu narakānmuktāḥ te gacchanti triviṣṭapam //
Dhs_15.52 //
te hi duḥkhaṃ (na)saṃsmṛtya punaḥ kāmavaśānugāḥ
/
kharībhūtamidaṃ cittaṃ dolādolaiḥ sukhāsukhaiḥ // Dhs_15.53 //
viyogo
'yaṃ parīghāto na ca duḥkhairna vidyate /
apāradārasaṃyukta indriyaiḥ
parivañcitaḥ // Dhs_15.54 //
tṛṣṇāpāśavaśagaḥ saṃsāre
bhramati
jano bhramati saṃsāre tṛṣṇāpāśavaśānugaḥ /
narakāt
pretabhuvanaṃ tiryagyoniṣu pretataḥ // Dhs_15.55 //
tiryagbhyo nākabhuvanaṃ
nākād bhūyo nṛjātiṣu /
ekakarmaparibhrānto jagad bhramati cakravat //
Dhs_15.56 //
sarva duḥkham
na ca khedavaśaṃ yānti(hyabhyāsa)
vaśamāgatāḥ /
rakṣanti nākabhuvanaṃ virajyante tathā sukhaiḥ // Dhs_15.57
//
sukhāt sukhaparibhrāntā bhramanti bhramacāriṇaḥ /
duḥkhaṃ
padmasahasrāṇi padmakoṭiśatāni ca // Dhs_15.58 //
(tāni) duḥkhāni bhuṅktāni
na ca kliśyanti bāliśāḥ /
na sukhaṃ vidyate loke sarvaduḥkhaiḥ pariplutam //
Dhs_15.59 //
duḥkhasya hetuḥ bhavati
udvegaṃ naiva gacchanti
prāṇino mohapīḍitāḥ /
duḥkhena khidyate bālo duḥkhahetau ca vartate //
Dhs_15.60 //
hetau śataphalaṃ dṛṣṭaṃ bījaṃ prati yathā phalaiḥ
/
sukhaduḥkhakaśābaddhāḥ prāṇinastribhavānugāḥ // Dhs_15.61 //
na yānti
paramaṃ kṣemaṃ sarvaduḥkhavivarjitam /
smaryate (hi) yadā duḥkhaṃ tadā
vidhyati dehinam // Dhs_15.62 //
vismṛte ca punarduḥkhe caranti vigatajvarāḥ
/
nārakaṃ tu sadā duḥkhaṃ smṛtaṃ bhavati dehibhiḥ // Dhs_15.63 //
tadā
kṛṣṇamidaṃ saukhyamanumānena tiṣṭhati /
tadeva viditaṃ matvā jagat sarva
samanvitam // Dhs_15.64 //
śreyasi kriyatāṃ buddhirdoṣebhyo vinivāryate
/
kṣaṇādhikāracapalaṃ jīvitaṃ veti vartate // Dhs_15.65 //
kṣīyante cāpi
karmāṇi tasmācchreyaḥparo bhavet /
cittavegaṃ manaḥ sarva jīvitaṃ veti
vartate // Dhs_15.66 //
anāgatād duḥkhāt jñānī na bibheti
tasmānna
jīvikāhetau pāpaṃ kuryādvicakṣaṇaḥ /
anāgatasya duḥkhasya na vibheti
mahājanaḥ // Dhs_15.67 //
yenā(sya) pacyate pāpaṃ mohapāpavaśaṅgatam
/
mohitaḥ pāpakairdhamairaśubhaiḥ śuklavarjitaiḥ // Dhs_15.68
//
mūḍhaḥ pāpavaśād narakaṃ gacchati
nīyate narakaṃ mūḍho yatra
pāpaṃ vipacyate /
yasya pāpād bhayaṃ nāsti sa pāpaṃ kurute bahu // Dhs_15.69
//
sa pāpānantasandagdhaḥ paścānnarakamāpnute /
(api) sūkṣmāgnikaṇikā
yathā dāhāya kalpate // Dhs_15.70 //
pāpavirahitāḥ
sukhamicchanti
anyairapi tathā pāpairnarakaṃ yāntyabuddhayaḥ
/
apāpabhīrutā tasmāt kartavyā sukhamicchatā // Dhs_15.71 //
hiṃsā
mithyāvaco 'brahmacarya bhūyaḥ sukhodayam /
āhrīkyamanapatrāpyamauddhatyaṃ
pāpamitratā // Dhs_15.72 //
viṣāgnisadṛśaṃ pāpam
viṣāgnisadṛśā
hayete tebhyo rakṣet prayatnataḥ /
duḥkhaṃ hi māradharmo 'yaṃ sukhaṃ
dharmasamantataḥ // Dhs_15.73
//
sukhaduḥkhayorlakṣaṇam
lakṣaṇaṃ(sukha) duḥkhānāṃ
vidustattvavido janāḥ /
satyaṃ dānaṃ tathā kṣāntiḥ sadā cāpāpamitratā
/
maitrī sadābhibhūteṣu prasthānaṃ tridivasya (hi) // Dhs_15.74 //
//
iti pāpavargaḥ pañcadaśaḥ //
(16) narakavargaḥ
aṣṭau
narakāgnayaḥ
kṛtvā duṣkṛtakarmāṇi sattvā viṣamajīvinaḥ /
yā gatiḥ
pretya gacchantī tānapāyān (hi me) śṛṇu // Dhs_16.1 //
sañjīvaṃ kāmasūtraṃ ca
sampātaṃ dvau ca rauravau /
tamoparaṃ mahācitrapatanaṃ ca pratāpanam //
Dhs_16.2 //
ityete narakā aṣṭāvākhyātā duratikramāḥ
/
raudrakarmābhisaṅkīrṇāḥ pratyekaṃ kṣobhadā (matāḥ) // Dhs_16.3
//
narakāgnīnāṃ bhayānakatvam
catuḥskandhāścaturdvārā vibhaktā
bhāgaśo mitāḥ /
ayaḥ prākāraparyantā ayasā pratiduḥkhitāḥ // Dhs_16.4
//
taptāyomayasaṃ bhūmirjvalantī tejasodgatā /
anekayojanaśataṃ dahati
svaciṃṣā(bhṛśam) // Dhs_16.5 //
kandarpadamanā ghorā arciṣmanto durāsadāḥ
/
romaharṣaṇarūpāste 'pyāhurduḥkhā bhayānakāḥ // Dhs_16.6 //
narake
patitā bhṛśaṃ tapyante
ete patanti narake ūrdhvapādā avāṅmukhāḥ
/
ṛṣīṇāmativaktāraḥ saṃyatānāṃ tapasvinām // Dhs_16.7 //
te punastatra
pacyante taptāmbhasi kṛtā iva /
krandamānā divārātrau, nagā vāteritā iva //
Dhs_16.8 //
praṇadanti mahānādaṃ tīvraduḥkhaiḥ pratāpitāḥ /
sarvā diśaśca
dhāvanti nārakaiḥ puruṣairdrutāḥ // Dhs_16.9 //
kudṛṣṭyā mohayitvārthe
mohapāśāvṛto janaḥ /
prāpnoti narakaṃ ghoraṃ kāraṇodadhisaṃvṛtaḥ // Dhs_16.10
//
kudṛṣṭyā dagdhasarvasvo manuṣyaḥ puruṣādhamaḥ /
tathā baddho 'sti
narake mānināṃ ghorakāraṇam // Dhs_16.11 //
ye mithyāvaśamāpannāḥ puruṣā
mandamedhasaḥ /
te sarve narakaṃ yānti cittairhi parivañcitāḥ // Dhs_16.12
//
kukṛtaphalam
yastvayā duṣkṛtaṃ pūrva kṛtaṃ cittānuvartinā
/
tasya bhuṅktaphalaṃ mūḍha vipākottama (māpsyasi) // Dhs_16.13 //
hāryāṇi
paricittāni, saṃsevyāḥ parayoṣitaḥ /
hrasvā (hi) jantavo nityaṃ
svacittaparivañcitāḥ // Dhs_16.14 //
tasya karmavipākasya vaśa eva tvamāgataḥ
/
kiṃ krandasi svayaṃ kṛtvā kukarma puruṣādhama! // Dhs_16.15 //
ye narāḥ
kukṛtaṃ kṛtvā pañcatvaṃ yāntyamedhasaḥ /
yeṣāṃ tu niṣphalaṃ janma bījamuptaṃ
yathoṣare // Dhs_16.16 //
alpamādhuryasaṃyuktān kāmān kaṭuvipākinaḥ
/
sevate yastvasau mūḍhaḥ sa yāti tamaso tamaḥ // Dhs_16.17 //
kiṃ kṛtaṃ
mūḍha bhavatā putradārasukhārthinā /
dahasye narake caikaḥ
svakarmaphalavañcitaḥ // Dhs_16.18 //
keṣāṃ duṣkaraṃ jīvanam?
yaḥ
putradāravaśagaḥ sevate duṣkaraṃ naraḥ /
sa yāti narakatvaṃ (ca) pāpaṃ
tadanubhūyate // Dhs_16.19 //
na dārā na sutā nārtha na mitrāṇi kathañcana
/
mṛtyukāle samutpanne rakṣanti samupasthitāḥ // Dhs_16.20 //
yeṣāṃ
sāṃkleśikaṃ cittaṃ tṛṣṇayā parivañcitam /
sahāyatā kutasteṣāṃ kasmāt (tvaṃ)
paritapyase? // Dhs_16.21 //
hṛto 'si pūrvaviṣayaistṛṣṇayā parivañcitaḥ
/
kiṃ krandasi svayaṃ kṛtvā kukṛtaṃ mūḍhacetanaḥ // Dhs_16.22 //
na
tathāgnirna śastrāṇi na viṣaṃ nārayaḥ sthitāḥ /
bādhate puruṣaṃ loke yathā
duṣkṛtyamātmajam // Dhs_16.23 //
pakṣiṇāṃ nīḍavāsavat
bhavacakram
digbhāge hi yathā gatvā saṃśrayante vanaspatīn /
vihagāḥ
kālamutthāya tathā prāṇisamāgamaḥ // Dhs_16.24 //
nāśayitvā paraṃ dravyaṃ
kṛtvā lokavyatikramaṃ /
kiṃ karotyaśubhaṃ karma mohena parivañcitaḥ //
Dhs_16.25 //
yena yāti parāṃ śāntiṃ yena yātyasurālayam /
tatra hetuḥ
paraṃ mohastamasāmapi yat tamaḥ // Dhs_16.26 //
kuṭumbāya kṛtaṃ pāpaṃ
narake pātayati
putradāramayaiḥ pāśaiścānītā narakālayam /
yadartha
kriyate pāpaṃ yuṣmābhiścittavañcitaiḥ // Dhs_16.27 //
mitrāṇi putrāḥ (pitarau
kiṃ) bandhujanabāndhavāḥ /
yeṣāmarthe kṛtaṃ pāpaṃ bhavadbhirmandabuddhibhiḥ
// Dhs_16.28 //
nūnamātmā na te kānto babhūva narabhūmiṣu /
yena tvayā
kṛtaṃ pāpaṃ putrārthena narādhamaḥ // Dhs_16.29 //
yena pūrvakṛtaṃ pāpaṃ
paścānna paritapyate /
sa yāti narakaṃ ghoraṃ putrakāraṇavañcitaḥ //
Dhs_16.30 //
pāpakarmaphalam
kiṃ kariṣyanti putrāste kiṃ dārāḥ kiṃ
ca bāndhavāḥ /
dahasyanādinarake vahniḥ karma dunotyasau // Dhs_16.31
//
svayaṃ kṛtvāśubhaṃ karmāsukhodayamaninditaḥ /
tapyase 'pi vṛthādhānaḥ
paścānmohena vañcikaḥ // Dhs_16.32 //
rāgadveṣānugāḥ pāpaṃ mohena
parivañcitāḥ /
aghaṃ prayānti te sarve putradārasukhārthinaḥ // Dhs_16.33
//
antargatena ca punarbahiḥsthena ca vahninā /
dahyamāno(hi)duḥkhena
narake pāpakarmaṇā // Dhs_16.34 //
vaśaṃ prāptāḥ svacittasya sarva eva
viḍambitāḥ /
kiṃ krandasi vṛthā nāde vahninā paritāpitaḥ // Dhs_16.35
//
pāpānugaphalaṃ dṛṣṭam
atha pāpāni karmāṇi kṛtavānasi manyase
/
durmate tatra mā kranda kiṃ vṛthā paridevase // Dhs_16.36 //
pāpeṣu
rakṣyate mūḍhaḥ kāraṇāśuci rakṣyate /
pāpānugaphalaṃ dṛṣṭaṃ
hetupratyayasambhavam // Dhs_16.37 //
kasmānna sevito dharmaḥ pāpañca nahi
varjitam /
pāpād bahiśca puruṣo narakaṃ naiva paśyati // Dhs_16.38 //
yo
na vindanti mūḍhātmā phalaṃ pāpasya karttṛkam /
so 'vaśyaṃ labhate doṣān
kathaṃ bhokṣyasi durmate // Dhs_16.39 //
pāpena vañcita pūrvaṃ pāpena
paridahyate /
na kariṣyasi pāpāni tvaduḥkhenaiva yāsyasi // Dhs_16.40
//
kṛtavānasi pāpāni śubhāni na kathañcana /
pāpena dahyate tasmādaśubhe
na manaḥ kṛthāḥ // Dhs_16.41 //
kiṃ duḥkhādapi duḥkham?
nāsti
duḥkhādato duḥkhaṃ yaḥ pāpamanusevate /
tasmāt pāpaṃ na seveta yadi duḥkhaṃ
na vāñchasi // Dhs_16.42 //
kuṭumbijanānāṃ
spaṣṭoktiḥ
tasyāntarhṛdaye bimbaṃ kintu śāntirna vidyate
/
kāruṇyāspadabhūtāḥ smo nāsmākaṃ karuṇāhṛdi // Dhs_16.43 //
yathā kṛtaṃ
bhavadbhiśca pāpaṃ mohāvṛtairbahu /
tad vaḥ pradhāvate gāḍhaṃ na ca ye tatra
hetavaḥ // Dhs_16.44 //
śīlaṃ na rakṣitaṃ mūḍha pāpaṃ ca bahu sañcitam
/
sambhūtasya ca pāpasya phalametadupasthitam // Dhs_16.45 //
na vayaṃ
kāraṇaṃ tatra yūyameva hi kāraṇam /
yaḥ pāpaṃ kurute karma sa hetustasya
karmaṇaḥ // Dhs_16.46 //
bhavadbhiryat kṛtaṃ pāpaṃ tṛṣṇāśāpaviḍambitaiḥ
/
tad vo prapadyate ghoraṃ kimasmān paribhāṣata // Dhs_16.47 //
nākṛtaṃ
pacyate pāpaṃ na pāpaṃ syādahetukam /
yena yaddhi kṛtaṃ pāpaṃ tasya tat
paripacyate // Dhs_16.48 //
pāpī narakaṃ yāti
tad bhavantaḥ
kriyāhīnā madyapānena vañcitāḥ /
patitā narake tīvre kiṃ vṛthā paritapyatha
// Dhs_16.49 //
te yūyaṃ kāmaparamāḥ ghoraṃ narakamāgatāḥ /
kāraṇeṣvapi
tīvreṣu kiṃ tathā paritapyatha // Dhs_16.50 //
yadā kṛtāni pāpāni bhavadbhiḥ
kāmamohitaiḥ /
tadā kasmānna nikṛṣṭaṃ kimadya paritapyatha // Dhs_16.51
//
hetubhūto hi narako mṛṣāvādasya deśitaḥ /
heturvai sevitaṃ pūrva
niṣphalaṃ paridevatha // Dhs_16.52 //
nārthena labhate satyaṃ na
kṛcchreṇopapadyate /
tasmāt satyaṃ parityajya mṛṣāvādeṣu rajyase // Dhs_16.53
//
pūrveṣu pāpamahitaṃ bhavatā mūḍhacetasā /
kṛtaṃ bhavadbhiḥ kukṛtaṃ
(duṣkṛtyaṃ) paripacyate // Dhs_16.54 //
pāpakṣayād vinirmukto narakaṃ
nopalabhyate /
nākrandamānāḥ puruṣāḥ vimucyante kathañcana // Dhs_16.55
//
pāpakartṛ phalaṃ svayameva bhuṅkte
kiṃ krandatha vṛthā mūḍhā
vañcitāḥ svena karmaṇā /
muñcitā vañcitā bālā vṛthā krandantyabuddhayaḥ //
Dhs_16.56 //
ahitairhitarūpaistvaṃ mitrarūpaiśca śatrubhiḥ /
vipralabdho
'si bho martya! gacchannasi mahat tamaḥ // Dhs_16.57 //
nānyaḥ śatruryathā
karma duṣkṛtaṃ tava pāpakam /
karmaṇā trividhenātha nīyase yamasādhanam //
Dhs_16.58 //
kasmādasi tato mūḍha, vañcitaḥ putrasaṃjñakaiḥ /
na dānādiṣu
buddhistaiḥ kṛtā (te) mohavañcitā // Dhs_16.59 //
asmāṃllokātparaṃ lokaṃ
śatrupṛṣṭhorago yathā /
śatrūṇāṃ prathamaḥ śatruḥ sarvapāpanidarśakaḥ //
Dhs_16.60 //
viṣāgniśastrapratima! svayaṃ hi duṣkṛtaṃ kṛtam /
tvayā kṛtāni
karmāṇi tvamevamanubhokṣyase // Dhs_16.61 //
yasya śāntaṃ sadā cittaṃ
viṣayairyo na hanyate /
na hyavasthāmimāṃ yānti tathātvamanupaśyasi //
Dhs_16.62 //
narakasya dhvaniṃ śrutvā kathaṃ krandasi durmate! /
kiṃ
punaryatra vahnistvāṃ dhakṣyati śuṣkakāṣṭhavat // Dhs_16.63 //
na dagdhā
vahninā ye ca dagdhāste kukṛtaiḥ svakaiḥ /
vahnistu śāmyate kvāpi
duṣkṛtāgnirna śāmyati // Dhs_16.64 //
nāgnirniryāti lokāntaṃ nāgnispṛṣṭo naro
(mṛtaḥ) /
kukṛtāgnimayaṃ pāpaṃ yad dhakṣyati hi tattvataḥ // Dhs_16.65
//
kukṛtāgnividagdhā ye te dagdhā narake narāḥ /
pāpāgnivarjitā ye tu na
teṣāṃ narakodayaḥ /
yadyātmanaḥ priyo nityaṃ vibheṣi narakād yadi //
Dhs_16.66 //
vivarjaya svapāpāni tato duḥkhaṃ na yāsyasi /
yānti pāpamaye
nityaṃ(narā) mohavaśānugāḥ // Dhs_16.67 //
prāpnoṣi narakaṃ ghoraṃ kimaśrūṇi
vimuñcasi? /
duḥkhaṃ duḥkhavipākaṃ ca duḥkhāntagamanaṃ tathā // Dhs_16.68
//
sukṛtaṃ nādimadhyāntaśobhanaṃ paripacyate /
nātra loke tvayāpāpaṃ
yatkṛtaṃ sukṛtaṃ (muhuḥ) // Dhs_16.69 //
tasya tīvravipākasya
phalamadyopabhokṣyase /
hetupratyayasādṛśyaṃ viparītaṃ na kalpyate //
Dhs_16.70 //
hetuḥ kṛto yathā pūrva tathā phalamavāpsyasi /
yathā tava
tathānyeṣāṃ prāṇarakṣā prayatnataḥ // Dhs_16.71 //
kasmāt prāṇātipātāste
kṛtāḥ pāpānuvartinā /
prāṇatyāgena puruṣairyad dhanaṃ samupārjitam //
Dhs_16.72 //
karmodayakṛtaṃ tatte yattvayā samupārjitam /
sarveṣāṃ dayitā
dārāḥ prāṇebhyo 'pi garīyasaḥ // Dhs_16.73 //
tattvayā rāgaraktena
kasmādapakṛtāvanāt /
buddhervyāmohajanakaṃ dharmāṇāṃ dūṣaṇaṃ param //
Dhs_16.74 //
dharmapānaṃ tvayā kārya karmānuparivarjitam
/
jihvāviṣasamutthaṃ yat sarvāpratyayakārakam // Dhs_16.75 //
mṛṣāvādaṃ
tvayā pāpaṃ karmānuparivarjitam /
evaṃ pañcavidheyeṣu yasmāt tvamanuraktavān
// Dhs_16.76 //
tasmāt saṃmukṣya mā rodi kiṃ vṛthā paridevase /
viṣayaṃ
pāpakā dharmā yasmānnu parivañcitaḥ // Dhs_16.77 //
tasmāt prāpnoṣi narakaṃ
jvālāmālākulaṃ mahat /
etat tṛṣṇāgninā sarva pradīptaṃ bhuvanatrayam //
Dhs_16.78 //
dharmācaraṇe sāvahitena bhavitavyam
dṛṣṭvā nācarito
dharmaḥ kimadya paritapyase /
(śrutvā) te madhuraṃ cittaṃ kāmamandirakaṃ
vacaḥ // Dhs_16.79 //
udīrite mahāpāpe tasmai tatphalamāgatam /
sa kṛtvā
pāpakaṃ karma niyatā pāpavedanā // Dhs_16.80 //
karuṇaṃ vikalaṃ dīnaṃ kimadya
paritapyase /
karmakṣayeṇa narakāt mucyante pāpakāriṇaḥ // Dhs_16.81
//
vikrośamagnā bahuśo na mucyante kathañcana /
aniṣṭaṃ pāpakaṃ karma
kṛtvā rogavaśe sthitāḥ // Dhs_16.82 //
ajñānino
'śubhamācaranti
paridevati yo mūḍho vṛthā sa paridevati
/
anāgataphalajño yaḥ pratyutpannaśubhe rataḥ // Dhs_16.83 //
krośate
narake nāsau yathā tvamanutapyase /
mayā kṛtāni karmāṇi phaladāni mamaiva hi
// Dhs_16.84 //
rogeṇa śatruṇā dagdhaḥ paścānnarakamāgataḥ
/
pramādabhūmiraśubhā rāgadagdhasya dehinaḥ // Dhs_16.85 //
tena pāśena
baddho 'haṃ gato 'vasthāmimāṃ bhṛśam /
durācāraratānāṃ tu nṛṇāmasya phalaṃ
kaṭu // Dhs_16.86 //
ajñānabādhito 'smīti svakṛtaṃ bhujyate mayā
/
nirdayānāṃ sughorāṇāṃ pāpānāṃ vaśamāgataḥ // Dhs_16.87 //
muktiḥ kathaṃ
syāt?
muktirasmāt kathaṃ syādvai duḥkhasaṃsārasāgarāt /
duḥkhād
duḥkhataraṃ karma mayedaṃ paripacyate // Dhs_16.88 //
sukhāvāptiṃ na paśyāmi
kṣemaṃ vā narakasya me /
jīvalokādahaṃ bhraṣṭo abuddha iva mārgataḥ //
Dhs_16.89 //
jīvo 'yaṃ vivaśo bhūtvā vikṛtaiḥ parivāritaḥ /
jvālāmālākulaṃ
sarvamantarikṣaṃ nirantaram // Dhs_16.90 //
diśaśca tridiśaścaiva pṛthi(vī)
ca nirantarā /
kṛpaṇo 'jñānago duḥkhī nivāsaṃ nopalakṣaye // Dhs_16.91
//
kṣuradhārāvitaptasya nṛpasyāsyātibhīṣaṇam /
kāntāre bāhyamānasya niḥ
sahāyasya sarvataḥ /
trātāraṃ nāvagacchāmi yo 'smād duḥkhāt pramocayet //
Dhs_16.92 //
niḥśaktiravaśo duḥkhī vahninā paritāpitaḥ /
nīye 'haṃ vivaśaḥ
kvāpi bāhubandhanayantritaḥ // Dhs_16.93 //
na vārthā nāpi mitrāṇi na putrā
na ca yoṣitaḥ /
trāyante vyasanādasmāt kṛtaghnā bata te mama // Dhs_16.94
//
adharmacāriṇo na kvāpi śaraṇam
nirānandasya na sukhaṃ duḥkhaṃ
(gṛhṇāmi sarvaśaḥ) /
mṛtyupāśena baddhasya śaraṇaṃ nopalakṣyate // Dhs_16.95
//
saṃkruddhā iva te, krūrā bhaviṣyanti samantataḥ /
nirānandā diśaḥ sarvā
vyālaiśca parivāritā // Dhs_16.96 //
narakaṃ pātakasyaiva pateyaṃ
dhṛtibhāvataḥ /
yacca yaccehaṃ paśyāmi jaṅgamaṃ sthāvaraṃ tathā /
tat
sarva vyākulaṃ caiva vahninā paridīpitam // Dhs_16.97 //
nādhigacchāmi
śaraṇaṃ niḥsahāyo 'smi sarvataḥ /
ghore tamasi majjāsi sāgare ca hṛtaplavaḥ
// Dhs_16.98 //
gaganaṃ naiva paśyāmi nakṣatragrahatārakam /
viparītamidaṃ
sarva tamasā parivāritam // Dhs_16.99 //
pañcendriyāṇi sarvāṇi viratāni hi
sarvataḥ /
krakacaistu tadā sarva śarīraṃ paripāṭayate // Dhs_16.100
//
nādhigacchāmi śaraṇaṃ kāmaṃ bandho bhaviṣyati /
vardhante duḥkhanikarā
sarvataḥ parivārataḥ // Dhs_16.101 //
muhurmuhuśca vardhante
vedanāñcitadehajāḥ /
duḥkhaiśca (parivardhante) nissahāyaṃ ca sarvataḥ //
Dhs_16.102 //
samīkṣya karmajaṃ nityaṃ dhyeyo hetuḥ punaḥ punaḥ
/
kathayanti sukhaṃ vṛddhāḥ svakarmaphalajairdṛḍham // Dhs_16.103 //
yat
pūrva karaṇīyaṃ te tatpaścāt paricintyase /
mohena vañcitaḥ pūrvaṃ kimadya
paritapyase /
kiṃ punaḥ pāpakartturyaḥ kaṭukaṃ paripacyate // Dhs_16.104
//
anekaduḥkhahetūtthaṃ tava duḥkhaṃ bhaviṣyati /
trāṇaṃ naiva (ca)
yatrāsti vinā karmaparikṣayāt // Dhs_16.105 //
evaṃ satyasya nāśena
yamadūtairanekaśaḥ /
nīyate narakaṃ ghoraṃ karmapāśavaśaṅgataḥ // Dhs_16.106
//
catuṣkoṇaścaturdvāro vibhakto bhāgaśo mitaḥ /
pacyate yatra vivaśā
nārakeyā hyanekaśaḥ // Dhs_16.107 //
bhedaprāyeṇa bahuśo yattvayā kathitaṃ
bahu /
kalmaṣaṃ bhūtadharmāṇāṃ tasyaitat phalamāgatam // Dhs_16.108
//
paiśunyasevino narakaṃ yānti
bhasmībhavanti te nityaṃ
mitrasvajanabāndhavaiḥ /
eṣāmabhimataṃ duṣṭaṃ paiśunyaṃ sadvigarhitam //
Dhs_16.109 //
tasmānna carito dharmaḥ paiśunyaṃ ca na varjitam /
paiśunyaṃ
saphalaṃ bhuktvā kimadya paritapyase // Dhs_16.110 //
jihvādhanavinirmuktaṃ
tīkṣṇaṃ viṣamamucchritam /
pāruṣyamiti sandṛṣṭamaho! tatphalamīdṛśam //
Dhs_16.111 //
sattvaṃ pāruṣyaparamaṃ ghoraṃ narakamāgatam /
jihvāyātaṃ
tavākṛtyai kimadya paridevase // Dhs_16.112 //
sahastraguṇaparyantaḥ svato
hṛdayasambhavaḥ /
kṣutpipāsāmayo vahniḥ samādahati mārutam // Dhs_16.113
//
paruṣavāco narakasya cāntaram
yadantaraṃ himāgnyorhi
merusarṣapayośca yat /
tadantaraṃ jihvayoktyā narake jvalanasya ca //
Dhs_16.114 //
narakaprabhavo vahnirna kvāpyanyatra prāpyate
/
kṣutpipāsāmayo vahnirdeveṣvapyupalabhyate // Dhs_16.115 //
yo hyataḥ
kāraṇāttīkṣṇo vahnirbhavati nārakaḥ /
na tathā sa prabhavati yathā
vahnistadudbhavaḥ // Dhs_16.116 //
pūrvottarā baddhapadaṃ
nirarthakamasaṅgatam /
vistrabdha yattvayā proktaṃ tasyaitatphalamāgatam //
Dhs_16.117 //
pareṣāṃ sampadaṃ dṛṣṭvā mama syāditi cintitam /
tamo
'bhikhyāsamutthasya viṣasya phalamāgatam // Dhs_16.118 //
vyāpārānaladagdho
'si mānuṣyaṃ puruṣādhama! /
dahanād dahanaṃ prāpto tapyase ca vikatthyase //
Dhs_16.119 //
vyāpāraparamohe tu narakāyopapattaye /
rajjvaitayaiva baddho
'si puruṣaḥ parikrandase // Dhs_16.120 //
vyāpādenākṛṣṭo 'si ghoraṃ
narakamāgataḥ /
karmakṣayād bhavenmokṣo narakācca vimokṣyase // Dhs_16.121
//
adharmakathanaṃ dahatyeva
adharmo dharmarūpeṇa sādhurūpeṇa
pāpakam /
yat tvayā kathitaṃ pūrva tat tvāṃ dahati nānalaḥ // Dhs_16.122
//
kathaṃ tattvavinaṣṭānāṃ dharmādharmanicchatām /
deśitaṃ vivaraṃ pāpaṃ
niyataṃ pāpagāmikam // Dhs_16.123 //
(yas)tvayā varjito dharmaḥ sādhavaścāpi
ninditāḥ /
yattvayopārjitaṃ kṛṣṭaṃ tattvayādya vipacyate // Dhs_16.124
//
tṛṣṇāviṣayayuktena mohavegena sarvadā /
yataḥ sadharmavinayaiḥ kiṃ
tathā paridevase // Dhs_16.125 //
sa bhavet pāpakṛnnityaṃ mohapāśavaśaṅgataḥ
/
ki tapyase rodiṣi ca karma kṛtvā sudāruṇam // Dhs_16.126
//
hetupratyayamūḍhasya dharmādharmeṣu sarvadā /
prāpto 'si narakaṃ ghoraṃ
nārakāgraṃ sudāruṇam // Dhs_16.127 //
kāmavaśānugā narakaṃ
yānti
kāmaiḥ kramati saṃyuktairyanna bhavati ceṣṭitam /
sukṛtaṃ
karmavirasaṃ phalametadupasthitam // Dhs_16.128 //
kṣapayitvā pramādena
sukhāsaktena cetasā /
sukṛta narakaṃ yānti devāḥ kāmavaśānugāḥ // Dhs_16.129
//
āryāpavādakā narakaṃ yānti
āryāpavādakā ye ca ye ca
karmaphaladviṣaḥ /
te mṛtvā narakaṃ yānti ye ca mithyāvinītakāḥ // Dhs_16.130
//
dharmavañcakā eva narakagāminaḥ
jananīgṛhapāpīyā ye cānye
dharmavañcakāḥ /
teṣāmiṣṭakarā loke narakasya ca gāminaḥ // Dhs_16.131
//
pāparatā duḥkhamanubhavanti
ye cānye sukhasaṃsaktā nityaṃ
pāparatā narāḥ /
duḥkhād duḥkhaṃ tu te yānti cittena parivañcitāḥ //
Dhs_16.132 //
avadyakāryāṇi narake pātayanti
tasmādavadyakārye na
matiṃ (kuryāt kathañcana) /
hīnānyavadyakāryāṇi narake pātayanti ca //
Dhs_16.133 //
ataḥ kuśalakarmāṇi karttavyāni
(karmāṇi) kuryāt
kuśalāni nityaṃ parārthabaddhena manorathena /
(hitaḥ sadaivaṃ narakasya
rodhī) / sevyo 'pavargo daśadharma eṣaḥ // Dhs_16.134 //
// iti
narakavargaḥ ṣoḍaśaḥ //
(17) pretavargaḥ
adānasya kutaḥ
sukham?
adāntasya kutaḥ śāntiranuptasya kutaḥ phalam? /
adīpikā
prabhā nāsti adānasya kutaḥ sukham // Dhs_17.1 //
hṛcchāntirhi tathā nāsti
nayanārthasya dehinaḥ /
dānena virahāt tadvat sukhaṃ pretairna labhyate //
Dhs_17.2 //
kukarmī pretalokaṃ gacchati
yaṃ pretya pretalokasya
triloke ca yathādhamāḥ /
bhrameṇa paramodvignāstanmātsaryakṛtaṃ phalam //
Dhs_17.3 //
na dātrā labhyate kiñcit kṛtanāśo na vidyate
/
svakarmaphalabhoktāraḥ prāṇinaḥ karmabhoginaḥ // Dhs_17.4 //
tava
yatkukṛtaṃ dagdhāḥ pretyalokeṣvavasthitāḥ /
kṣutpipāsāmayeneha vahninā
paridīpitāḥ // Dhs_17.5 //
kadā tu viṣayo 'smākaṃ bhaviṣyati sukhodayaḥ
/
paridāhāt kadā cāsmāt parimokṣo bhaviṣyati // Dhs_17.6
//
mārgāmārgavihīno duḥkhita eva jīvati
mārgāmārgavivikto 'haṃ na
jñātaṃ karmaṇaḥ phalam /
kṣutpipāsāmayo vahnirajñātaḥ prakaṭodayaḥ //
Dhs_17.7 //
kleśāndhakāravadanā nirāśāstyaktajīvikāḥ
/
tvaksnāyujālabaddhāḥ sma jīvāmo bata duḥkhitāḥ // Dhs_17.8 //
na trātā
sarvato 'smākaṃ hanta kṛcchragatā vayam /
utpanneṣu manuṣyeṣu khaṇḍitāḥ svena
karmaṇā // Dhs_17.9 //
kasmānna carito dharmo ratnadīpeṣu sañcitaḥ /
yaḥ
karoti śubhaṃ nityamaśubhaṃ na ca sarvadā // Dhs_17.10 //
samadṛṣṭipathenaiti
svargasopānamāśritaḥ /
yeṣāmarthe kṛtaṃ pāpaṃ kleśayan mānasaṃ bahu //
Dhs_17.11 //
anena te gatāḥ sarve bhavānāṃ trāsane sthitaḥ /
baddho 'si
bandhanaistīvrairyamadattairadhiṣṭhitaḥ // Dhs_17.12
//
pāparajjvākṛṣyamāṇaḥ svakṛtaṃ bhunakti
prāpto 'si tamaso ghoraṃ
yamalokaṃ durāsadam /
ihopabhokṣyase karma yattvayā kukṛtaṃ kṛtam //
Dhs_17.13 //
svakṛtaṃ bhujyate bāla! pareṣāṃ naiva bhujyate /
ākṛṣyamāṇa
eṣo 'tra pāparajjvā sughorayā // Dhs_17.14 //
analaḥ pretalokasya
kṣutpipāsāmayo mahān
nāgniśastraviṣāṇāṃ hi nipātastādṛśaḥ kaṭuḥ // Dhs_17.15
//
kṣutpipāsāmayāgneśca nipāto yādṛśaḥ (kaṭuḥ) /
na kṣaṇo nāpi hi lavo na
muhūrto na śarvarī // Dhs_17.16 //
duḥkhānvitā vayam
yatra
saukhyaṃ bhavenmṛtyurnityaṃ duḥkhāvṛtā vayam /
duḥkhād duḥkhataraṃ prāpto
duḥkhaheturniṣevitaḥ // Dhs_17.17 //
duḥkhāt kadācinmokṣaḥ syād bhaviṣyati
sukhodayaḥ /
notsave dṛśyate toyaṃ taḍāgeṣu ca śuṣyati // Dhs_17.18
//
karmaphalasvarūpanirūpaṇam
sarito nāśamāyāsuḥ kathaṃ dhāvāmahe
cayam /
te vayaṃ śuṣkasalilāḥ saśailavanakānanāḥ // Dhs_17.19
//
paridhāvāmahe bhūmau nityaṃ salilakāṃkṣiṇaḥ /
te vayaṃ dagdhatanavaḥ
kṣutpipāsāhatā narāḥ // Dhs_17.20 //
śaraṇaṃ nādhigacchāmaḥ kaṣṭaṃ
vyasanamāgatāḥ /
vajradaṃṣṭrairmahātīkṣṇaiḥ kākolūkaiśca sammataḥ //
Dhs_17.21 //
abhidruto na paśyāmi śaraṇaṃ saukhyadāyakam /
pratibimbamidaṃ
tasya karmaṇaḥ samupasthitam // Dhs_17.22 //
kṛtaṃ karma yathāsmābhistathedaṃ
phalamāgatam /
karmavāyuragā baddhāḥ karmasūtreṇa pācitāḥ // Dhs_17.23
//
karmakṣayādṛte na muktiḥ
palāyanaṃ na paśyāma ṛte
karmakṣayāditi /
yasya pāpānyaniṣṭāni vahnivat tāni paśyati // Dhs_17.24
//
kīdṛśaṃ pretabhavanam?
sa naiti pretabhavanaṃ
kṣutpipāsānalāvṛtam /
muhurmuhuḥ pravardhante vedanā narakodbhavāḥ //
Dhs_17.25 //
jvālāmālākulasyaiva śailasya sadṛśā vayam /
jvalitaḥ śāmyate
śailaḥ salilenaiva sarvathā // Dhs_17.26 //
sa samudropamo vahnirammākaṃ
naiva śāmyati /
kasmin kṣaṇe samudbhūtastṛṣṇāvāyusahāyavān // Dhs_17.27
//
karmāgnirnirdahatyasmān parivāryasamantataḥ /
te vayaṃ pāpakarmāṇaḥ
śukladharmavivarjitāḥ // Dhs_17.28 //
pretalokamimaṃ prāptāḥ svargasya
phalamohitāḥ /
kṣutpipāsāmayo vahnirdvitīyaścāgnisambhavaḥ // Dhs_17.29
//
kukarmaṇaiva mudgarāśimayā janāḥ pretabhavanaṃ
gacchanti
mudgarāśimayā(dārāḥ) na putrāḥ na ca bāndhavāḥ /
vañcito
'smi svacittena karmaṇā parivañcitā // Dhs_17.30 //
prāpto 'smi pretabhavanaṃ
mitrajñātinirākṛtaḥ /
na dārāḥ nāpi mitrāṇi na putrāḥ nāpi bāndhavāḥ //
Dhs_17.31 //
kukṛtaphalanirūpaṇam
trāyate karmapāśena nīyamānaṃ
balīyasā /
nānyastrātā yathā karma trividhaṃ bhujyate mayā // Dhs_17.32
//
dānaṃ śīlaṃ śrutaṃ cāpi trividhaṃ parikīrtitam /
mohajālavṛteneha
yanmayā kukṛtaṃ kṛtam // Dhs_17.33 //
śubhakarmaṇaiva pretalokāt
muktirbhavati
karmaṇo hetubhūtasya yatkṛtaṃ phalamāgatam /
yadi
mucyāmahe pāpāt pretalokād durāsadāt // Dhs_17.34 //
aśubhāni kukarmāṇi
vivarjayet
na bhūyaḥ pāpakaṃ karma kariṣyāmi kathañcana
/
uṣṇānyuṣṇavipākāni mahāpīḍākarāṇi ca /
kukarmāṇyaśubhānīha tasmāttāni
vivarjayet // Dhs_17.35 //
// iti pretavargaḥ saptadaśaḥ
//
(18) tiryagvargaḥ
paradrohaṃ kadāpi na
kuryāt
bhakṣaṇaṃ bhavadanyonyavadhabandhāvarodhanam /
tiryagyoniṃ
samāsādya tasmād drohaṃ vivarjayet // Dhs_18.1 //
mohopahatacittāśca
śīladānavivarjitāḥ /
tiryagyonau va jāyante bālāstṛṣṇāviḍambitāḥ // Dhs_18.2
//
gamyāgamyaṃ na vindanti bhakṣyābhakṣyaṃ tathaiva ca
/
kāryākāryabahirbhūtā dharmādharmatiraskṛtāḥ // Dhs_18.3
//
pañcendriyajarāmūḍhāstṛṣṇāpāśavaśānugāḥ
/
krodherṣyāmatisaṃgrastāstiryagyonyupagā narāḥ // Dhs_18.4
//
paryeṣṭyupahatā martyāḥ pramādopahatāḥ surāḥ /
kṣuttarṣavyasanāḥ pretāḥ
kāraṇātte ca nārakāḥ // Dhs_18.5 //
ke
tiryagyoniparāyaṇāḥ?
parasparabadhātyuktāstiryagyoniparāyaṇāḥ
evaṃ
bahuvidhaistaistairvyasanairākulaṃ jagat // Dhs_18.6 //
mātsaryopahato
duṣkṛta na kuryāt
na kuryāda duṣkṛtaṃ karma mātsaryopahataḥ param
/
mātsaryopahatā yānti pretāstiryakṣu jantavaḥ // Dhs_18.7 //
keṣāṃ
saphalaṃ janma?
teṣāṃ hi saphalaṃ janma teṣāṃ buddhiravañcitā /
te ca
pūjyāḥ sadā sadbhiryeṣāṃ dharme sadā matiḥ // Dhs_18.8
//
jñānarathāvarūḍhairmuktirbhavati
evaṃ tridoṣākṛtakarmasāraṃ
jagad bhramatyeva durāvagādham /
karoti yastasya ca śuddhasattvo 'vamānanāṃ
jñānarathāvarūḍhaḥ // Dhs_18.9 //
// iti tiryagvargo 'ṣṭādaśaḥ
//
(19) kṣadhāvargaḥ
kṣudhāpīḍitā narā aśubhaṃ
kurvanti
saṃsāre prāyaśo duḥkhaṃ traidhātukakṣudhāmayam /
yeneme
pīḍitāḥ sattvāḥ kurvantyaśubhamātmanaḥ // Dhs_19.1 //
svadehe yuktito
vahnirbubhukṣetyadhīyate /
śeṣo dahati lokān vai kalpānala iva drumān //
Dhs_19.2 //
lokottaramimaṃ vahniṃ gacchantamanugacchati
/
nātmanirvāṇasandṛṣṭaṃ kalpāntaraśatairapi // Dhs_19.3 //
nānalasya hi
tadvīrya kṣudhāyā yādṛśaṃ balam /
traidhātukamidaṃ kṛtsnamāhāraṃ prati
vartate // Dhs_19.4 //
mohayed vividhā cintā loke manujasambhavāḥ /
tāḥ
sarvā bhojanārthāya bhavanti tribhavārṇave // Dhs_19.5
//
duḥkhamanirvacanīyam
antarābhavasaṃsthasya kṛṣyamāṇasya
karmabhiḥ /
dīrghāgamasya yad duḥkhaṃ na tad varṇayituṃ kṣamam // Dhs_19.6
//
avidyendhanamagnasya dahyamānasya coṣmaṇā /
garbhasthasya hi yad duḥkha
na tad varṇayituṃ kṣamam // Dhs_19.7 //
āhārarasagṛddhasya nityaṃ
tadgatacetasaḥ /
yad duḥkhaṃ paragṛddhasya na ca varṇayituṃ kṣamam //
Dhs_19.8 //
dṛḍhā vidagdhamanasaḥ kāme vā taptacetasaḥ /
yad
bhavatyadhikaṃ duḥkhaṃ na tad varṇayituṃ kṣamam // Dhs_19.9 //
apriyaiḥ saha
saṃsargo viṣayāstasya nityaśaḥ /
praṇaṣṭe hṛdi yad duḥkhaṃ na tad varṇayituṃ
kṣamam // Dhs_19.10 //
tṛṣṇāviṣavidagdhasya nityaṃ paryeṣaṇātmakam
/
āmṛtyu yad bhave duḥkhaṃ na tad varṇayituṃ kṣamam // Dhs_19.11
//
avyucchinnaṃ bahuvidhaṃ yad duḥkhaṃ pāpamitrajam /
apāyajanakaṃ yasya
na tad varṇayituṃ kṣamam // Dhs_19.12 //
vyasanaṃ putradārāṇāṃ yad dṛṣṭ(vā)
hṛdi jāyate /
narakāṇāṃ mahāmārgo na tad varṇayituṃ kṣamam // Dhs_19.13
//
kṣutpipāsāvidagdhasya dīpyamānasya vahninā /
yad duḥkhaṃ naṣṭamanaso na
tad varṇayituṃ kṣamam // Dhs_19.14 //
ajastraṃ paribhūtasya
mitrajñātisuhṛjjanaiḥ /
yad bhavecchokajaṃ duḥkhaṃ na tad varṇayituṃ kṣamam
// Dhs_19.15 //
dārapralambanagataṃ duścalaṃ priyacetasaḥ /
yad duḥkhaṃ
jīrṇakāyasya na tad varṇayituṃ kṣamam // Dhs_19.16 //
mṛtyunā hriyamāṇasya
tasmāṃllokātmano rasāt /
yad duḥkhaṃ jāyate vṛttau na tad varṇayituṃ kṣamam
// Dhs_19.17 //
dānairaśubhanāśaḥ
yat kurvantyaśubhaṃ bālā yacca
gacchati durgatim /
tadāharati dānena kathayanti manīṣiṇaḥ // Dhs_19.18
//
ataḥ sukṛteṣu manaḥ kāryam
pratiduṣkṛtakarmāṇi varjanīyāni
sarvadā /
sukṛteṣu manaḥ kārya dānaśīlavibhūṣitam // Dhs_19.19 //
//
iti kṣudhāvarga ekonaviṃśaḥ //
(20) kausīdyavargaḥ
kausīdyena
jñānahāniḥ
kausīdyamatimāyā ca dambhaḥ pāruṣyameva ca /
niyātabhūmayo
dṛṣṭā jñānasya ca vivarjanam // Dhs_20.1 //
saṃśleṣaścāpyasādhūnāṃ sādhūnāṃ
varjanaṃ tathā /
nāśasya hetavaḥ śaktā mithyādarśanameva ca // Dhs_20.2
//
adeśakālasaṃraṃbho vācyāvācyamajānataḥ /
anarthabhūmayo hyetā
visrambhaścāpi tanmayaḥ // Dhs_20.3 //
anarthabhūmayaḥ
yena tena
ca samprītiḥ yatra tatra ca bhojanam /
lāghavaṃ janayatyante 'praśaṃsā
cātmanastathā // Dhs_20.4 //
dhairyanāśaḥ smṛtibhraṃśo virodhaḥ pārthivena ca
/
akrāntamṛtyavo hyete krūratā manasi sthitā // Dhs_20.5
//
akarmāphalatattvajño dharmādharmavahiṣkṛtaḥ /
puruṣaḥ sādhunirmuktaḥ
prapātagamanāśayaḥ // Dhs_20.6 //
kausīdyamatinidrā ca rasanā gṛhyate tathā
/
puṃdveṣayonayaḥ proktāḥ pāruṣyavacanaṃ tathā // Dhs_20.7 //
lobho
'pamānasya kāraṇam
atilobho 'pamānaśca atimānaśca cāpalam
/
dharmavarjyā kāmasevā mohasya paridīpikāḥ // Dhs_20.8 //
doṣāṇāṃ
mūlaṃ kausīdyam
trayāṇāmiha doṣāṇāṃ kausīdyaṃ mūlamucyate
/
vīryārambheṇa duṣyante doṣā manasi sambhavāḥ // Dhs_20.9
//
vīryārambheṇa hi phalaṃ hyavaśyamupabhujyate /
nyāyenārabdhatattvasya
karmaṇo dṛśyate phalam // Dhs_20.10 //
karmaṇastrividhasyāsya phalaṃ
trividhamucyate /
trirāśiniyataṃ tacca triśūlaṃ tribhavānugam // Dhs_20.11
//
kausīdyasevino durgatiḥ
pāpasevī pracaṇḍo yaḥ kausīdyamapi
sevate /
dharmavidveṣakaḥ krūro 'nutpathānupadhāvati // Dhs_20.12 //
yasya
tasya ca santuṣṭo yasya tasya prakupyati /
yatra tatra ca saṃsakto sa mūḍha
iti kathyate // Dhs_20.13 //
kausīdyaṃ (yat) svamanasaḥ pramādaviṣamūrcchitam
/
prapātaṃ taṃ ca saṃrabdhamavisaṃvādakaṃ param // Dhs_20.14
//
vīryārambhe mahāpāpakausīdyamalavarjitāḥ /
vimukterupabhoktāraste janāḥ
sukhabhāginaḥ // Dhs_20.15 //
kausīdyaṃ sarvadharmāṇāmajarāmarakārakam
/
tena doṣeṇa mahatā narā duḥkhasya bhāginaḥ // Dhs_20.16 //
sahāyaśca
sukhāveśī tasmāt tat parivarjayet /
tena viddho hi puruṣaḥ svadhistutyaḥ
samantataḥ // Dhs_20.17 //
kusīdasyālpabhāgasya mohāpahṛtacetasaḥ
/
kutsitaḥ svajanaiḥ sarvairna gatirvidyate śivā // Dhs_20.18
//
kausīdyarataḥ pāpībhavati
kausīdyapāpasaṃsargīstyānamiddhaṃ
tathaiva ca /
mokṣadvāravighātāya bhavantyete mahābhayāḥ // Dhs_20.19
//
duḥkhasyaitāni harmyāṇi
āhrīkyamanapatrāpyamauddhatyaṃ
pāpamitratā /
duḥkhasyaitāni harmyāṇi tebhyo rakṣennu paṇḍitaḥ //
Dhs_20.20 //
kausīdyenābhibhūtā ye nirārambhā gatitviṣaḥ
/
socchvāsamaraṇaṃ teṣāṃ jīvitaṃ cāpi niṣphalam // Dhs_20.21 //
jīvamānā
na jīvanti kausīdyopahatā narāḥ /
mṛtyoratyadhikaṃ hyetat kausīdyamiti
manyate // Dhs_20.22 //
ārabdhavīryā eva bhavasāgaraṃ
taranti
kausīdyapaṅkamagnā ye magnāste duḥkhasaṃstare /
ārabdhavīryā
ye puṃsaste tīrṇā bhavasāgarāt // Dhs_20.23 //
kausīdyānmandavīryo yaḥ sadā
pāparataśca yaḥ /
sa jīvamāno 'pi mṛto mṛtastu narakāya saḥ // Dhs_20.24
//
mānavānāṃ nirdhanatve kausīdyaṃ kāraṇam
nirdhanāḥ
paśubhistulyāste narā duḥkhabhāginaḥ /
parapiṇḍāśino dīnāḥ kausīdyaṃ tatra
kāraṇam // Dhs_20.25 //
prāyaśastu kusīdānāṃ paradāropajīvinām
/
ratābhilāṣo 'tyadhiko maithune ca sadā ratiḥ // Dhs_20.26 //
te
tattvakārikā riktāḥ kevalāhāratatparāḥ /
mṛtyukāle samutpanne dahyante svena
cetasā // Dhs_20.27 //
śītoṣṇaṃ ca sahantyete kṣutpipāse tathaiva ca
/
gātrāntā ca kriyā kāryā yātrā dharmāya sarvadā // Dhs_20.28 //
ataḥ
kausīdye na matiḥ kāryā
na kausīdye matiṃ kuryāt kuśīle śīlakāmukaḥ
/
saṃsāre sīdati nityaṃ na ca duḥkhāt pramucyate // Dhs_20.29
//
kudīdānvitaḥ lokavañcito bhavati
paribhūya satāṃ madhye
kusīdāllokavañcitaḥ /
vañcitaśca bhavatyante śarmaṇo vā vimucyate //
Dhs_20.30 //
dharmeṇa vimuktirbhavati
vīryavān smṛtisaṃlabdha
ekāntanirataḥ sadā /
vimuktapāpakaidharmairmokṣaṃ prāpnoti yatnataḥ //
Dhs_20.31 //
kukarmeṣu matiḥ na kāryā
evaṃvidhā duḥkhaparamparā
hi, sattvaḥ kukarmeṣu (matiṃ) na kuryāt /
loke tridoṣānalasampradīpte, kuryāt
parāṃ śāntikṛpā mṛte na // Dhs_20.32 //
// iti kausīdyavargo viṃśaḥ
//
cittañca vāk tathā karma saṃyojanantu pāpakam
/
narakapretatiryakkṣutkausīdyāni vidurdaśa //
// iti dvitīyam udānam
//
atha tṛtīyam udānam
(karuṇādānaśīlāni kṣāntirvīryamathāpi ca
/
dhyānaṃ prajñātha nirvāṇo mano bhikṣuśca te daśa // )
(21)
karuṇāvargaḥ
karuṇā māteva hitakāriṇī bhavati
kṛpā sarveṣu bhūteṣu
māteva hitakāriṇī /
yāṃ samāśritya puruṣāḥ prayānti sukhamuttamam // Dhs_21.1
//
dayānveṣīha puruṣaḥ sarvasattvahite rataḥ /
pūjanīyaḥ satāṃ yāti pretya
svarge ca modate // Dhs_21.2 //
dayāvantaḥ sadāvarta sarvabhūtahite ratam
/
tamevaṃ puruṣaṃ nityaṃ praṇamanti divaukasaḥ // Dhs_21.3
//
karuṇānvito devalokaṃ gacchati
prayāti devalokaṃ ca śīlavān
karuṇānvitaḥ /
kṛpānvitaḥ sa puruṣo candramā iva śobhate // Dhs_21.4
//
sukhārthinā karuṇā sevitavyā
āśrayanti ca bhūtāni gataśokā
gatavyathā /
tasmād dayāprayatnena sevitavyā sukhārthinā // Dhs_21.5
//
kāruṇyena yaśavṛddhirbhavati
yasya vāk kāyacitte (ca) kāruṇyena
vibhūṣite /
tasya mitramayā lokā bhavanti yaśasā vṛtāḥ // Dhs_21.6
//
kāruṇyārdrasya viduṣo nirvāṇaṃ yāti
kāruṇyārdrasya viduṣo
nityaṃ mṛdvindriyasya ca /
samyagdṛṣṭiprayatnasya nirvāṇaṃ nāti dūrataḥ //
Dhs_21.7 //
kāruṇyavibhūṣitā manuṣyalokaṃ devavad
bhūṣayanti
manuṣyaloke te devā ye kāruṇyena vibhūṣitāḥ /
kāruṇyena
daridrā ye te daridrāḥ satāṃ matāḥ // Dhs_21.8 //
mṛdvāśayā martyāḥ
sādhavaḥ
mṛdvāśayā hi ye martyāḥ sādhuvat kāñcanopamāḥ
/
kāruṇyamakṣayaṃ yeṣāṃ sadā manasi vartate // Dhs_21.9 //
ke
dharmaparāyaṇā bhavanti?
te ca sattvāḥ sadodyuktā nityaṃ dharmaparāyaṇāḥ
/
yeṣāṃ kāruṇyadīpena hṛdayaṃ samprakāśitam // Dhs_21.10 //
na rātrau na
divā teṣāṃ dharmo hi vinivartate /
yeṣāṃ sarvāsvavasthāsu karuṇābhirataṃ
matam // Dhs_21.11 //
kāruṇyaṃ śītalaṃ cittam
kāruṇyaśītalaṃ
cittaṃ sarvasattvahite ratam /
bhuktvā saukhyaṃ nirupamaṃ paścād gacchati
nirvṛtim // Dhs_21.12 //
kāruṇyamavināśi dhanam
kāruṇyaṃ munibhiḥ
śastaṃ kāruṇyaṃ nirmalaṃ saraḥ /
kāruṇyaṃ doṣanirghāti kāruṇyaṃ dhanamavyayam
// Dhs_21.13 //
guṇānāṃ bhūṣaṇaṃ cāgraṃ sarvadoṣavighātakam /
kāruṇyārdrā
hi paramaṃ prayānti dhanamacyutam // Dhs_21.14 //
kāruṇyaṃ (vai) dhanaṃ
yasmānmādhuryapayasā yutam /
na dāhaḥ krodhajastasya hṛdaye sampravartate //
Dhs_21.15 //
kāruṇyanāvamāruhya janā bhavasāgaraṃ
taranti
kāruṇyanāvamāruhya prītirdhairyaparāyaṇaḥ /
tridoṣormimahāvege
bhrāmyate bhavasāgare // Dhs_21.16 //
karuṇāyāḥ
paribhāṣā
guṇānāmadvayaṃ śreṣṭhaṃ vinā cittena bhūṣaṇam /
sādhūnāṃ
dayitaṃ nityaṃ kāruṇyamiti kathyate // Dhs_21.17 //
mārdavaṃ yasya hṛdaye
vilīnamiva kāñcanam /
sa jano hi tu kalpānte duḥkhādāśu vimucyate //
Dhs_21.18 //
dayāloḥ śreyāṃsi rohanti
yasya pātrīkṛtaṃ cittaṃ
mārdaveṇa samantataḥ /
śreyāṃsi tasya rohanti kedāra iva śālayaḥ // Dhs_21.19
//
cetogṛhe nidhānaṃ tadavyayaṃ (sarva)dehinaḥ /
nirvāsayati dāridrayaṃ
nṛṇāmadhyāśayaṃ mahat // Dhs_21.20 //
tīkṣṇendriyasyāśāntasya nidhyānasya
vicāriṇaḥ /
viṣayeṣu pramattasya duḥkhaṃ naiva pradhāvati // Dhs_21.21
//
maitreṇa cetasā nityamanukampādayā parāḥ /
te hetuphalatattvajñā
duḥkhapāśād vinirgatāḥ // Dhs_21.22 //
na saṅkalpe mano yeṣāṃ ramate
doṣavarjitam /
te doṣabhayanirmuktāḥ padaṃ gacchantyanuttaram // Dhs_21.23
//
kṣāntikriyāsamāyukte mitravānakutobhayaḥ /
priyo bhavati loke 'smin
paścād deveṣu modate // Dhs_21.24 //
dayāratnaṃ sadā
sevyam
mātṛvat pitṛvaccaiva sarvalokasya te janāḥ /
dayāratnaṃ sadā
yeṣāṃ manasi sthitamuttamam // Dhs_21.25 //
kṛpaiva sukhasya
mūlamasti
sukhasya ca paraṃ mūlaṃ kṛpaiva parikīrtitā /
(hṛdi) yasya
kṛpā nāsti sa duḥkhī parikīrtyate // Dhs_21.26 //
maitrī eva
sukhāvahā
ekasatyottaraṃ brahma ekasyānuttaraṃ śivam /
ekavidyā paraṃ
mātā maitrī caikā sukhāvahā // Dhs_21.27 //
ahiṃsakā eva
dhanyāḥ
ahiṃsakāḥ sadā dhanyāḥ saddṛṣṭiḥ paramā śubhā /
etad ṛju sadā
satyaṃ pāpānāṃ cāpi varjanam // Dhs_21.28 //
karuṇāyā
māhātmyam
karttavyaḥ puruṣaistasmāt kṛpāsaṃvegamānasaiḥ
/
dānaśīlakṣamāmaitrījñānābhyāsaśca nirmalaḥ // Dhs_21.29 //
// iti
karuṇāvarga ekaviṃśaḥ //
(22)
dānavargaḥ
śuddhāśuddhadānaparibhāṣā
guṇadvādaśasaṃyuktaṃ
malairdvādaśabhirvinā /
dānaṃ bhavati śuddhaṃ tad viparītaṃ sakalmaṣam //
Dhs_22.1 //
dānarahitā eva puruṣādhamāḥ
devānāmatha (vā) nṛṇāṃ
dhanasya balamuttamam /
dānena rahitā pāde patanti puruṣādhamāḥ // Dhs_22.2
//
lobhamātsaryamalināḥ putradāravaśānugāḥ /
manujā nidhanaṃ yānti
kevalāhārakāṃkṣiṇaḥ // Dhs_22.3 //
lobhagranthivimokṣāya yāñcāvṛkṣakṣayāya ca
/
tamonicayanāśāya pradānamiha dīyate // Dhs_22.4 //
dātā paralokaṃ
gacchati
aghatāṃ carate dānaṃ dātāpi tadanantaram /
mārgasandarśavad
dānaṃ paralokaṃ samṛcchati // Dhs_22.5 //
dānāmbhasi narāḥ snātvā
śīlormiparibhāvite /
jñānavistīrṇa(vimalaṃ) pāraṃ duḥkhasya yānti vai //
Dhs_22.6 //
doṣanāśakāḥ trayo dīpāḥ
puruṣeṇa trayo dīpāḥ prajvālyā
hitamicchatā /
dānaṃ śīlaṃ tathā jñānamete doṣavināśakāḥ // Dhs_22.7
//
tṛṣṇāvivarṇā durgandhivitarkormijhaṣākule /
duḥkhārṇave plutā hyete
jñānaśīleṣu rakṣitāḥ // Dhs_22.8 //
kleśasya bheṣajaṃ dānaṃ, śīlaṃ,
jñānam
kleśavyādhinihantārastrayo vai bheṣajāḥ smṛtāḥ /
dānaṃ śīlaṃ
tathā jñānamete nityaṃ sukhāvahāḥ // Dhs_22.9 //
pramādaviṣamaṃ (cittaṃ)
saṃkalpakuṭilaṃ laghu /
vadhyate bandhanairetaistribhirjñānādibhirnṛṇām //
Dhs_22.10 //
doṣāgnibhiḥ (sadā) pluṣṭo yairidaṃ dahyate tadā
/
dānādijñānayogena hatvā gacchati nirvṛtim // Dhs_22.11 //
na dānajñāna
śīleṣu yeṣāṃ sammiśritā matiḥ /
te nityaduḥkhitāḥ sattvāḥ sukhaṃ teṣāṃ na
vidyate // Dhs_22.12 //
dātāro mātsaryamalavarjitā
bhavanti
adānavrīḍitasukhāścittadoṣeṇa vañcitāḥ /
bhavanti vibudhāḥ
hitvā tasmād dānaparo bhavet // Dhs_22.13 //
dānotkarṣakramairyuktāḥ
mātsaryamalavarjitāḥ /
bhavanti hṛṣṭamanaso devāḥ krīḍāparāyaṇāḥ // Dhs_22.14
//
kṣutpipāsāmayo vahnirya pradhānaṃ pradhāvati /
mātsarya vai phalaṃ
sarva taduktaṃ tattvabuddhibhiḥ // Dhs_22.15 //
dānapraśaṃsā
yo
dadāti sukhaṃ tasya nīyate jāyate sukham /
sukhaṃ bhavati dānāddhi tasmād
dānaṃ praśasyate // Dhs_22.16 //
lokālokakaraṃ dānaṃ gacchantamanugacchati
/
gataṃ ca mantradānena yujyate bhadravatsalaiḥ // Dhs_22.17
//
avisaṃvādakaṃ sthānametaduktaṃ tathāgataiḥ /
avisaṃvādakatvācca nityaṃ
dānaparo bhavet // Dhs_22.18 //
dānī bhavārṇavaṃ
tarati
mātsaryāriṃ vinirjitya kṛtvā cittaṃ śubhānvitam /
ye
prayacchanti dānāni te taranti bhavārṇavam // Dhs_22.19 //
kṣayaistu
trividhairdānaṃ triṣukāraṃ tridhārjitam /
tasya kṣatānvitasyaivaṃ phalaṃ
dṛṣṭaṃ tricakṣuṣā // Dhs_22.20 //
kaḥ mārgaḥ sukhāvahaḥ?
dānamādau
sadā deyaṃ śīlaṃ labhyaṃ prayatnataḥ /
tṛṣṇā jñānena hantavyā mārga eṣa
sukhāvahaḥ // Dhs_22.21 //
anityā pāpikā tṛṣṇā lokasyāhitakārikā /
na
śakyaṃ tadvinā śreyaḥ prāptuṃ padamanuttamam // Dhs_22.22 //
adānasya
pariṇāmaḥ
adāne na manaḥ kārya nityaṃ dānarato bhavet /
adānāt
kṣutpipāsābhyāṃ dahyate pretabhūmiṣu // Dhs_22.23 //
dānena śīlarakṣā
sadā kāryā
rājā bhavati dānena cakravartī sudhārmikaḥ /
dānabhūmiṃ
samāśritya śīlaṃ rakṣanti paṇḍitāḥ // Dhs_22.24 //
śīlavānapi kālajño 'jñānād
(vai) parimucyate /
duḥkhanairyāṇiko mārgaḥ śasto 'yaṃ munipuṃgavaiḥ //
Dhs_22.25 //
taṃ viditvā mahāvīro nityaṃ dānarato bhavet /
adā(nā)dapi
deveṣu devā hi na sukhā matāḥ // Dhs_22.26 //
dānī yatra kutrāpi vasan
sukhī bhavati
ājanmavipine martyā bhavanti sukhabhāginaḥ /
dānasya
tatphalaṃ sarvacetanābhāvitasya hi // Dhs_22.27 //
tiryakṣvapi samutpannā
bhavanti sukhabhāginaḥ /
tatsarva dānajaṃ saukhyaṃ kathayanti manīṣiṇaḥ //
Dhs_22.28 //
yat pretāḥ pretabhavane bhavatyākārabhojinaḥ /
svayaṃ kṛtasya
dānasya phalaṃ bhavati tādṛśam // Dhs_22.29 //
dānavirahitasya durdaśā
bhavati
(na)dadyāt kṣutpipāse ca dahyante yena dehinaḥ /
sarvadā na
tapastābhyāṃ phalaṃ bhavati śītalam // Dhs_22.30 //
pramādī mṛtyusamaye
dāhaṃ prāpnoti
pūrva pramādacārī yo na dānādiṣu vartate /
sa
paścānmṛtyusamaye dahyate svena cetasā // Dhs_22.31 //
dānasya
phalam
priyo bhavati dānena cetasāmapi tuṣyati /
paścād bhavati sa
śrīmān dānasya phalamīdṛśam // Dhs_22.32 //
yatra dānādi
cittasyāstyupabhogāya sarvadā /
tatra nirdhanataiṣā vā dayayā parirakṣitam //
Dhs_22.33 //
yad bhujyate sadā cittaṃ gurubhyaścāpi dīyate /
yad vanaṃ
śobhanaṃ dṛṣṭaṃ viparītaṃ yathā tṛṇam // Dhs_22.34 //
durbalānāṃ sadārtānāṃ
sattvānāṃ cakṣuranvitam /
dānaṃ niḥkalpasaṃyantramasmiṃlloke paratra ca //
Dhs_22.35 //
manuṣyabhūmau dānasya phalam
manuṣyabhūmau dānāni
dattvā yānti śubhāṃ gatim /
na devā dānapatayaḥ phalabhūmirasau matā //
Dhs_22.36 //
karmamāhātmyam
karmabhūmirmanuṣyāṇāṃ phalabhūmiḥ
surālayaḥ /
karmāyattaṃ phalaṃ sarva na phalaṃ syādahetukam // Dhs_22.37
//
ko mṛtaiḥ samaḥ?
dhyānādhyayananirmukto dānaśīlavivarjitaḥ
/
suvarṇakaṃkaṇairyukto jīvannapi mṛtaiḥ samaḥ // Dhs_22.38 //
sa jīvati
hi loke 'smin yo dharmamanuvartate /
dharmamūḍhaḥ sadā mūḍho jīvannapi mṛtaiḥ
samaḥ // Dhs_22.39 //
ajñānī tu bāliśa eva
manuṣyacarmaṇā
channastiryag bhavati bāliśaḥ /
yasya jñānapradīpena hṛdayaṃ nāvabhāsitam //
Dhs_22.40 //
bhavatyetāvatā puruṣaḥ yaḥ śīlamanuvartate /
śīlabhraṣṭaḥ
pumān sarvaścābhistutyo 'parākramaḥ // Dhs_22.41 //
dānahīnaḥ
pretavigrahavān
dānahīnaḥ pramādī (ca) pāpacārī calendriyaḥ /
nāsau
martya iti jñeyaḥ preto vigrahavānayam // Dhs_22.42 //
jñānena hīno mṛta
eva
jñānaśīlavinirmukto dānaratnavivarjitaḥ /
jīvamāno 'pi puruṣo mṛta
ityabhidhīyate // Dhs_22.43 //
ko devaḥ?
dānaśīlatapodhyānād
vīryasmṛtisamādhimān /
puruṣaḥ puruṣaireje devairapi sa vandyate // Dhs_22.44
//
guṇavāṃstu naro vandyaḥ nirguṇaḥ paśubhiḥ samaḥ /
guṇāguṇavidhijño yaḥ
sa deva iti kathyate // Dhs_22.45 //
keṣāṃ saphalaṃ
jīvanam?
sujīvitaṃ bhavettasya yasya tyāge sthitaṃ manaḥ /
nahi
tyāgavinirmuktaṃ jīvitaṃ jīvanaṃ matam // Dhs_22.46 //
dānaṃ nityaṃ
sukhāvaham
pañcagatyupapannānāṃ sattvānāṃ svena karmaṇā /
mātṛvat
pitṛvad dṛṣṭaṃ dānaṃ nityaṃ sukhāvaham // Dhs_22.47 //
dānaratā
bhavasaṅkaṭānmucyante
etāṃ bhūmimavasthāpya sattvo dānarato bhavet
/
dānaśīlaratā nityaṃ mucyante bhavasaṅkaṭāt // Dhs_22.48 //
// iti
dānavargo dvāviṃśaḥ //
(23) śīlavargaḥ
śīlaṃ sūrya iva
śobhate
dhanānāmuttamaṃ śīlaṃ sūryo jyotiṣmatāmiva /
vihāya gacchati
dhanaṃ śīlaṃ sthitamivāgrataḥ // Dhs_23.1 //
śīlena tridaśān yāti
dhyānagocarameva vā /
nāsti śīlasamaṃ jyotirasmiṃlloke paratra ca // Dhs_23.2
//
alpena hetunā svarga prāpnoti svargakāmikaḥ /
tasmād duścaritaṃ hitvā
nityaṃ sucarito bhavet // Dhs_23.3 //
cetanābhāvitaṃ dānaṃ śīlaṃ ca
parirakṣitam /
nīyate devasandattaṃ pañcakāmaguṇānvitam // Dhs_23.4
//
surakṣitena śīlenaiva sukhaṃ prāptuṃ śakyate
na mātā na pitā
nārthā dayitā nāpi bāndhavāḥ /
na sukhā (ste) tathā dṛṣṭā yathā śīlaṃ
surakṣitam // Dhs_23.5 //
śīlavān puruṣo sukhamavāpnute
śīlaṃ
trāṇamihāmutra śīlaṃ gatirihottamam /
śīlavān puruṣo nityaṃ sukhāt
sukhamavāpnute // Dhs_23.6 //
dānaśīlasamācārā ye narā śubhacāriṇaḥ /
te
yānti devasadanaṃ racitāḥ svena karmaṇā // Dhs_23.7 //
nidhānamavyayaṃ śīlaṃ
śīlasaukhyamatarkitam /
śīlādhikā hi puruṣā nityaṃ sukhavihāriṇaḥ // Dhs_23.8
//
śīlaṃ rakṣatu medhāvī yathā yānaṃ sukhatrayam /
praśaṃsāvṛttalābhaṃ ca
pretya svarge ca modate // Dhs_23.9 //
śīlavān nirvāṇaṃ
prāpnoti
śīlavān yo hi puruṣaḥ śīlamevāti sevate /
sasukho nirvṛttiṃ
yāti yatra mṛtyurna vidyate // Dhs_23.10 //
anādimati saṃsāre
tṛṣṇāmohādibhirvṛte /
jyotirbhūta sadāśīlaṃ tasmācchīlamanāvilam // Dhs_23.11
//
śīlaṃ dhanamasaṃhārya rājacaurodakādibhiḥ /
tasmācchīlaṃ sadā sevyaṃ
dauḥśīlyaṃ ca vigarhitam // Dhs_23.12 //
śīlābhiratapuruṣaḥ nirvāṇaṃ hyantike
sthitam /
śīlavān puruṣo dhanyaḥ śīlavāṃścāpi sevyate // Dhs_23.13
//
ravivad bhrājate śīlaṃ dauḥśīlyaṃ caiva garhitam /
nirmalaṃ
vītakāntāraṃ nirjvaraṃ vītakāṅkṣi ca // Dhs_23.14
//
śīlapraśastasambuddhairnirvāṇapuragāmikam /
āyuryāti dhruvaṃ dhīmān
nityaṃ śīlenaṃ vṛṃhitam // Dhs_23.15 //
śīlarahitāḥ paśubhiḥ
samāḥ
na bibhenmṛtyukāle ca śīlena parirakṣitaḥ /
śīlamādyantakalyāṇaṃ
sarvasaukhyapravartakam /
śīlavān puruṣo dhanyo dauḥśīlyābhirataḥ paśuḥ //
Dhs_23.16 //
tīraṃ naiva samāyānti puruṣāḥ śīlavarjitāḥ /
kāryākārya na
vindanti tasmācchīlaṃ samācaret // Dhs_23.17 //
śīlavastreṇa ye channāste
channāḥ puruṣā matāḥ /
śīlena varjitā ye tu nagnāste paśubhiḥ samāḥ //
Dhs_23.18 //
śīlavān puruṣaḥ svarga gacchati
śīlavān puruṣaḥ
svagamudyānamiva gacchati /
bandhuvanmanyate tatra śīlavān (su) pramāgataḥ //
Dhs_23.19 //
śuciśīlasamācārāḥ śubhadharmasamanvitāḥ /
devalokopagāsteṣu
janāḥ sukṛtakāriṇaḥ // Dhs_23.20 //
śīlena paribṛṃhitā guṇā
vardhante
yo na prārthayate kāmān śīlavān puruṣaḥ sadā /
guṇāstasya
pravardhante śīlena paribṛṃhitāḥ // Dhs_23.21 //
śīlaṃ svargasya
sopānam
mahārghamuttamaṃ śīlamasmiṃlloke paratra ca /
tasmāt prahāya
traiguṇyaṃ śīlameva sadā caret // Dhs_23.22 //
devebhyo rocate taddhi trāṇaṃ
śīlaṃ śubhānvitam /
bhāvitaṃ paramaṃ dhanyaṃ paralokopagāmikam // Dhs_23.23
//
śīlavān yadi jānīyāt phalaṃ śīlasya yādṛśam // Dhs_23.24 //
śastraṃ
sutīkṣṇamādāya vāṇaṃ chindyādihātmanaḥ /
astropamasya nindyasya
abhisaukhyasamanvitam // Dhs_23.25 //
śīlasya phalaṃ sugatena
pradarśitam
phalaṃ śīlasya vimalaṃ sugatena pradarśitam /
ādau śastaṃ
tathā madhye nidhane śastameva tat // Dhs_23.26 //
phalaṃ śīlasya vipulaṃ
sukhāt sukhamuttamam /
śīlacaryā paraṃ saukhyaṃ dhanacaryā na tādṛśī //
Dhs_23.27 //
narā dhanena hīyante śīlena na kathañcana /
śocate
puruṣastena pṛthak vā tadvirājate // Dhs_23.28 //
śubhaṃ tasmānmunivaraiḥ
praśastaṃ sārvagāmikam /
udyānamiva gacchanti puruṣāḥ śubhacāriṇaḥ
/
devalokasamaṃ teṣāṃ saukhyānāmākaraṃ (param) // Dhs_23.29
//
svargagamanārtha śīlaṃ samācaret
suśīlitasya śīlasya
bhakṣitasyāpyanekaśaḥ /
phalaṃ vipacyate svargastasmācchīlaṃ samācaret //
Dhs_23.30 //
śīlaṃ svargasya sopānamākaraṃ sukhanirvṛte /
śīlavarjī hi
puruṣo na kvacit sukhamedhate // Dhs_23.31 //
śīlavān asaṃkhyāni
saukhyāni labhate
śīlāmbhasā prasannena viprakīrṇena sarvadā /
snātvā
gacchanti puruṣā devaloke ca nirvṛte /
yaddivyamālyābharaṇairdivyaiḥ
saukhyaiḥ samanvitāḥ // Dhs_23.32 //
ramate devabhavane tat sarva
śubhahetukam /
asaṃkhyāni ca saukhyāni vardhamānāni sarvadā // Dhs_23.33
//
labhate puruṣaḥ sarva yaḥ śīlamanuvartate /
śubhacārī sadā satyaḥ
pūjyate so 'parājitaḥ // Dhs_23.34 //
anekasaukhyadāyakaṃ
śīlamācaraṇīyam
śubhena śobhate martyaḥ pūjyate rājabhiḥ sadā
/
śubhena śobhate martyastasmācchīlaṃ samācaret // Dhs_23.35
//
anekasaukhyajanakaṃ sarvamāśvāsakārakam /
śīlaṃ sucaritaṃ kārya
duṣkṛtaṃ ca vivarjayet // Dhs_23.36 //
ye dānaśīlakarttāraḥ
svargatadgatamānasāḥ /
teṣāṃ sakalmaṣaṃ śīlaṃ viṣamiśraṃ yathaudanam //
Dhs_23.37 //
nānāvidhasya śīlasya rakṣitasyāpyanekaśaḥ
/
śubhakāryavipākāya deveṣu paripacyate // Dhs_23.38 //
śīlāmbhasā
prasanneṣu saṅkīrṇeṣu ca sarvadā /
snātvā gacchanti manujā devāṃścātyantikaṃ
sukham // Dhs_23.39 //
dānaśīlāḥ sadā dāntāḥ sarvabhūtahite ratāḥ
/
jñānayuktā maitracitā gatāste devasammitim // Dhs_23.40 //
hatadoṣāḥ
kriyāvantaḥ śīlaratnena bhūṣitāḥ /
sarvasattvadayāvantaḥ suralokeṣu te budhāḥ
// Dhs_23.41 //
viśuddhakāñcanaprakhyā nirdhmātamalakalmaṣāḥ /
samyak
karma susaṃlagnā devalokeṣu te budhāḥ // Dhs_23.42 //
sarvasattvadayāvantaḥ
sarvasattvahitaiṣiṇaḥ /
sarvapāpaviraktā ye teṣāṃ vāsaḥ surālaye // Dhs_23.43
//
ahanyahani ye śīlaṃ rakṣanti suparīkṣakāḥ /
ahanyahani teṣāṃ hi sukhaṃ
bhavati naikaśaḥ // Dhs_23.44 //
śīlavājinamārūḍhā devabhavanaṃ
prayānti
śīlavājinamārūḍhāḥ puruṣāstattvacintakāḥ /
prayānti
devabhavanaṃ krīḍāyuktamanekaśaḥ // Dhs_23.45 //
yā krīḍā devabhavane yacca
saukhyamanuttamam /
tat samagrasya śīlasya phalamuktaṃ tathāgataiḥ //
Dhs_23.46 //
devasukhaṃ śīlajameva
yaddivyamālyābharaṇā
divyāmbaravibhūṣitāḥ /
krīḍanti vibudhāḥ sarve tatsarva śubhahetukam //
Dhs_23.47 //
padmotpalavane ramye vanopavanabhūṣite /
svarge ramanti ye
devāstat sarva śubhajaṃ phalam // Dhs_23.48 //
yadākāśa
ivātasthurdivyaratnavibhūṣitāḥ /
virājante 'malā devāstacchīlasya mahat
phalam // Dhs_23.49 //
yatkānaneṣu ramyeṣu citreṣu puṣpiteṣu ca /
ramanti
giripṛṣṭheṣu surāstacchīlajaṃ phalam // Dhs_23.50 //
svagṛhaṃ hi yathā
martyāḥ praviśanti gatavyathāḥ /
tathā śīlasamācārāḥ prayānti tridivaṃ narāḥ
// Dhs_23.51 //
etat sujīvitaṃ śreṣṭhaṃ yacchīlaparirakṣaṇam /
maraṇānāṃ
paraṃ mṛtyuḥ yacchīlaparivarjanam // Dhs_23.52 //
śīlamanupamaṃ
kāryam
etān guṇān sadā matvā priyatvamapi cātmanaḥ /
śīlaṃ surakṣitaṃ
kārya dauḥśīlyaṃ ca vivarjayet // Dhs_23.53 //
śīlacārī sadā dāntaḥ
kṣamāvāṃśca sudarśanaḥ /
sopānamiva cārūḍhaṃ prayātyānandasannidhim //
Dhs_23.54 //
śīlena plavabhūtena saṃsārottaraṇam
phalaṃ śīlasya tu
sukhaṃ devalokeṣu pacyate /
śīlena plavabhūtena saṃsārāduttaranti ca //
Dhs_23.55 //
śīlāmbhasā viśuddhā ye svāyattā dhīracetasaḥ
/
jāmbūnadamayaiḥ puṣpaiste 'trārcanti divaukasaḥ // Dhs_23.56 //
ye
navādātamanaso nityaṃ śīlena bhūṣitāḥ /
te yānti devasadanaṃ yatra
saukhyamanantakam // Dhs_23.57 //
saukhyāt saukhyataraṃ yānti narāḥ
sukṛtakāriṇaḥ /
krīḍanti devasadane śīlena paribṛṃhitāḥ // Dhs_23.58
//
śīlasopānamārūḍhāḥ sugatiṃ prayānti
śīlasopānamāruhya jñānena
paribṛṃhitāḥ /
narāḥ prayānti sugatiṃ jñānena ca parāyaṇā // Dhs_23.59
//
suprasannena manasāśīlaṃ yadabhirakṣitam /
tasya śīlasya śītasva
sukhametadupasthitam // Dhs_23.60 //
śīlasya pariṇāmo
sukhadāyakaḥ
surakṣitasya śīlasya bhāvitasyāpyanekaśaḥ /
pariṇāme
sukhībhūtvā nirvāṇaṃ cādhigacchati // Dhs_23.61 //
śīlaṃ rakṣatyupāyena
śīlaṃ nayati saṅgatim /
tasmācchīlaṃ sadā rakṣyaṃ pariṇāmo 'sya śītalaḥ
// Dhs_23.62 //
mṛtyukāle samutpanne śīlavānakutobhayaḥ /
na me durgatinā
trāṇaṃ śīlaṃ hi trāṇamuttamam // Dhs_23.63 //
kutsitaśīlasya kutsitaḥ
pariṇāmaḥ
kācābhrapaṭalaṃ yasya śīlaṃ bhavati kutsitam /
sa kutsitena
śīlena kutsito jāyate naraḥ // Dhs_23.64 //
śīlavirahitaḥ mūḍho bhavati
svargamapi na yāti
śīlamūlena labdhvedaṃ sukhaṃ svargeṣu dehibhiḥ
/
tṛṣṇākṣayo na bhavati sa paścāt paritapyate // Dhs_23.65
//
tasmācchīlavatā nityaṃ śīlameva viśiṣyate /
niḥśīlaḥ puruṣo mūḍho na
svargamadhirohati // Dhs_23.66 //
pañcakāmopamaṃ divyaṃ yadidaṃ bhujyate
sukham /
tacchīlasya viśuddhasya prāpyate hi phalaṃ mahat // Dhs_23.67
//
yattejaḥ kāñcanasyāsya meruparvataśālinaḥ /
tacchīlatejasastejaḥ kalāṃ
nārhati ṣoḍaśīm // Dhs_23.68 //
dīpyamānaiḥ sadā śīlaiḥ
nirdhātukanakatviṣā /
saṃyuktāstridivaṃ yānti paṇḍitā svena karmaṇā //
Dhs_23.69 //
trividhaśīlasya trividhaṃ phalam
hīnamadhyaviśiṣṭasya
śīlasya trividhasya vai /
phalaṃ hi trividhaṃ dṛṣṭaṃ hīnamadhyottamaṃ tathā
// Dhs_23.70 //
pramādarahitaṃ śīlamapramādopabṛṃhitam /
nityaṃ tat
sukhadaṃ dṛṣṭaṃ dharmateyaṃ vyavasthitā // Dhs_23.71 //
śīlaprabhayā
sūryasahastrasyādi parābhavaḥ
śīlodbhavā yā vimalā prabhā bhavati dehinām
/
na sā sūryasahastrasya saṃyuktasya bhaviṣyati // Dhs_23.72 //
śīlaṃ
saptavidhaṃ ramyaṃ yo rakṣati narottamaḥ /
sa kāmaṃ bhuñjati phalaṃ sugatena
ca deśitam // Dhs_23.73 //
śīlacaryā vinā svarga na
yānti
śīlacaryā samāśritya samyagdarśanatatparaḥ /
martyalokād divaṃ
yānti na kaṣṭaṃ tapacāriṇaḥ // Dhs_23.74 //
yacchīlaṃ śīlasaṃsparśa pariṇāme
'pi śītalam /
niṣevate sadāmūḍhaḥ sa paścāt paritapyate // Dhs_23.75
//
saptavidhena śīlena devasānnidhyaṃ prāpyate
śīlaṃ saptavidhaṃ
dhanyamavisaṃvādakaṃ padam /
śīlena rakṣitaḥ puruṣo devānāmantikaṃ gataḥ //
Dhs_23.76 //
śīlena śobhanaṃ phalaṃ milati
yathā pakṣairdṛḍhaiḥ
pakṣī svedacchatraṃ nihanti (vai) /
tathā naro dṛḍhaḥ śīlairdevalokāya
kalpyate // Dhs_23.77 //
śrutimātraṃ ca (tacchīlaṃ) ramyād ramyataraṃ ca tat
/
labhate puruṣaḥ kartā phalaṃ śīlasya śobhanam // Dhs_23.78
//
dānaśīlataporatnaṃ hṛdayaiśca samāśritam /
devatā vā manuṣyo vā labhate
paramaṃ padam // Dhs_23.79 //
antarbahiśca niḥsārāḥ puruṣā dharmavarjitāḥ
/
saṃsārāt phalakāṅkṣibhyaḥ saddharmo na (ca) rocate // Dhs_23.80
//
antarbahiśca ye sārāste narā vastuto dṛḍhāḥ /
ye dharmacāriṇaḥ śāntāḥ
parasattvahitaiṣiṇaḥ // Dhs_23.81 //
anuttaraḥ śīlavatāṃ
sugandhaḥ
na ketakī campakapuṣpagandhā, tamālake nāgarucaśca gandhaḥ
/
prayānti gandhā hiṃ yathā sureṇa, anuttaraḥ śīlavatāṃ sugandhaḥ //
Dhs_23.82 //
dauḥśīlyaṃ sadā varjyam
tasmācchīlaṃ sadā kārya
dānajñānatapodhanaiḥ /
dauḥśīlyaṃ ca sadā varjyaviṣaśastrānalopanam //
Dhs_23.83 //
śīlena eva sukhamavāpnute
evaṃ surakṣitaṃ śīlaṃ narān
nayati saṅgatim /
na hi śīlādṛte kaścit padaṃ sukhamavāpnute // Dhs_23.84
//
devaguṇasadṛśaṃ śīlaṃ sadācaret
tasmād devaguṇaṃ matvā śīlameva
sadācaret /
na śīlasadṛśaṃ kiñcidanyat trāṇamihāsti vai // Dhs_23.85
//
// iti śīlavargastrayoviṃśaḥ //
(24)
kṣāntivargaḥ
kṣamābhūṣaṇenaiva bhūṣito bhavati pumān
kṣāntyā
vibhūṣitaḥ jīva bhūṣito netarairdhanaiḥ /
dhanaṃ vinā samāyāti kṣāntiṃ naiva
kathañcana // Dhs_24.1 //
kṣamāvān puruṣaḥ sarvapriyo bhavati dehinām
/
pūjyate daivatairnityaṃ tasmāt kṣāntiḥ parantapa ! // Dhs_24.2
//
kṣamāvān puruṣaḥ sarvatra pūjyate
kṣamāvān puruṣaḥ sarvaiḥ
krodhadoṣairvivarjitaḥ /
yaśasā pūjyate nityamiha loke paratra ca // Dhs_24.3
//
kṣāntidhanaṃ sarvottamam
kṣāntirdhanaṃ dhanaṃ
śīlaprajñāvardhanameva ca /
dhanānyanyāni śastāni na hitasya kathañcana //
Dhs_24.4 //
sadbhiḥ kṣamāvāneva pūjyate
pūjyate satataṃ
sadbhiryaśasā caiva pūjyate /
kṣamāvān puruṣaḥ sarvastamāt kṣāntiparo bhavet
// Dhs_24.5 //
krodhaviṣasya kṣamaiva bheṣajam
kṣāntiḥ
krodhaviṣasyāsya bheṣajaṃ paramaṃ matam /
kṣāntyāvināśitaḥ krodho
'narthāyopajāyate // Dhs_24.6 //
jñānaśīlābhibhūtānāṃ bāliśānāṃ viśeṣataḥ
/
pratīpakārya kurute kṣāntirmārganidarśikā // Dhs_24.7 //
kṣamāvanta
eva loke dhaninaḥ
sa dharmadhanahīnānāṃ bhramatāṃ gatipañcake /
yeṣāṃ
kṣāntimayaṃ dravyaṃ te loke dhaninaḥ smṛtāḥ // Dhs_24.8 //
tamonicayakāntāre
dṛḍhakrodhena dustare /
kṣāntyā yathā smṛtāḥ sadbhistaranti khula mānavāḥ //
Dhs_24.9 //
saddharmapāṭhanaṣṭānāṃ deśikā kṣāntiruttamā
/
apāyabhayabhītānāṃ na bhayaṃ kṣāntirucyate // Dhs_24.10 //
nṛṇāṃ
kṣāntiḥ sukhāvahā
sukhāvahā sadā nṛṇāṃ duḥkhasya ca vighātikā
/
kṣemasamprāpikā nityaṃ viśvāsaguṇakārikā // Dhs_24.11 //
śubhāsti nāyikā
dhanyā hyaśubhebhyo vivarjitā /
mokṣasaṃdeśikā puṃsāṃ saṃsārabhayanāśikā //
Dhs_24.12 //
kṣāntiḥ narakāgnivināśikā svargasopānabhūtā
ca
svargasopānabhūtā sā narakāgnivināśikā /
trāyate pretalokātsā
tiryagyonau tathaiva ca // Dhs_24.13 //
kṣāntiḥ
sanmārgāmṛtadīpikā
sā guṇaudhaiḥ sadā pūrṇā śivā bhavati dehinām /
sā
praśaste sukhe prāpte kṣāntiḥ kāryā prayatnataḥ /
sarvalokasya māteva
sanmārgāmṛtadīpikā // Dhs_24.14 //
// iti kṣāntivargaścaturviṃśaḥ
//
(25) vīryavargaḥ
deśakriyāyuktāni kāryāṇi
siddhayanti
deśakālopapannasya kriyātithyocitasya ca
/
nyāyenārabhyamāṇasya vīryasya sakalaṃ phalam // Dhs_25.1
//
nyāyadeśakriyāhīnā adharmeṇa vivarjitāḥ /
sīdanti kāryanikarā vīryeṇa
parivarjitāḥ // Dhs_25.2 //
ārabdhavīryā mokṣaṃ
prāpnuvanti
dhyānenārabdhavīryeṇa mokṣaṃ gacchanti paṇḍitāḥ
/
bhavakṣipta ivākāro devaloke prayānti ca // Dhs_25.3 //
yānyārabdhāni
kāryāṇi vīryavad balinā nṛṇā /
tāni tāni prasiddhāni vipulāni bhavanti ca //
Dhs_25.4 //
ye 'rthā lokottare siddhā ye ca lokeṣu sammatāḥ /
te vīryeṇa
prasādhyante vīryahīnā na jātu vai // Dhs_25.5 //
mandavīrya cirotsāhaṃ
saddharmeṇa vivarjitam /
naro viśati lokaṃ (ca) śaśāṅkamiva kalmaṣam //
Dhs_25.6 //
vīryavattā paramāṃ gatiṃ pradadāti
āryāṣṭāṅgena
mārgeṇa na jñānaparipālitaḥ /
vīryavattāmahotsāho prayāti paramāṃ gatim //
Dhs_25.7 //
bodhiḥ vīryeṇāvāpyate
vīryaṇāvāpyate bodhiḥ svavīryeṇa
tathā mahī /
arhattvaṃ vīryavadbhiśca tasmānnāgnisamā gatiḥ // Dhs_25.8
//
uttamasthānaprāptyartha vīryārambhe matiḥ kāryā
tasmād devān
guṇān matvā vīryavān niyatendriyaḥ /
vīryārambhe matiṃ kuryārnnāsti
vīryasamarthanam // Dhs_25.9 //
vīryārthī smṛtimān yaśca naro jñānaparāyaṇaḥ
/
prayātyanuttamaṃ sthānaṃ jarāmaraṇavarjitam // Dhs_25.10 //
// iti
vīryavargaḥ pañcaviṃśaḥ //
(26) dhyānavargaḥ
svasthaḥ
kaḥ?
asaṃsaktamaternityaṃ nityaṃ dhyānavihāriṇaḥ /
viśuddhamanaso
nityamekāgrabhiratasya ca // Dhs_26.1 //
yasyaikāgrakaraṃ cittaṃ tasya doṣā
na bādhakāḥ /
sa doṣabhayanirmuktaḥ svastha ityabhidhīyate // Dhs_26.2
//
ekāgrābhiratañceto vivekamanudhāvati /
sarvatarkavinirmuktaḥ svastha
ityabhidhīyate // Dhs_26.3 //
cittasyaikāgratāṃ varṇayati
yasya
cittaṃ dhruvaṃ śāntaṃ nirvāṇābhirataṃ sadā /
na tasyendriyajā doṣā bhavasya
śubhahetavaḥ // Dhs_26.4 //
yacca dhyānakṛtaṃ saukhyaṃ yacca (cittaṃ)
samādhijam /
cittaṃ tatsarvamekāgramate bhavati dehinaḥ // Dhs_26.5
//
yatiḥ alaukikaṃ sukhaṃ bhuṅkte
ekārāmasya yatino yat sukhaṃ
jāyate hṛdi /
yat saukhyamativijñeyaṃ na saukhyaṃ laukikaṃ matam // Dhs_26.6
//
kīdṛśaṃ cittaṃ śāntiṃ samadhigacchati?
ekāgrābhirataṃ cittaṃ
viśuddhākṛtameva ca /
doṣajālavinirmuktaṃ śāntiṃ samadhigacchati // Dhs_26.7
//
jñānāmbhasā tṛṣṇāgniṃ hanti
ekāntamanasā nityaṃ
saṃkṣiptendriyapañcakaiḥ /
tṛṣṇāgninātivṛddhaṃ ca hanti jñānāmbhasā budhaḥ //
Dhs_26.8 //
tasya tṛṣṇāvimuktasya viśuddhasya sukhaiṣiṇaḥ /
akṣayaṃ
cāvyayaṃ caiva padaṃ hi sthitamagrataḥ // Dhs_26.9 //
nirvāṇapuragāmi
vartma
vitarkakuṭilaṃ ceto yatra yatropapadyate /
ekālambanayuktena
dhārya tena samādhinā /
tasmādetat paraṃ vartma nirvāṇapuragāmikam //
Dhs_26.10 //
manonigrahaphalam
etadagraṃ manaḥ kṣutvā
hanyādarisamūhakam /
mano hīdaṃ vinirgṛhya (sa) vetti dhyānajairdṛḍhaiḥ //
Dhs_26.11 //
nirupamaṃ dhyānajaṃ sukham
(tatra sthitāḥ narāḥ
śreṣṭhāḥ śraddhāvanto manīṣiṇaḥ) /
prayānti paramaṃ sthānamaśokaṃ
hatakilviṣam // Dhs_26.12 //
nirviṣaskasya tuṣṭasya nirāgasyāpi
dhīmataḥ
yat sukhaṃ dhyānajaṃ bhāti kutastasyopamā parā // Dhs_26.13
//
dhyānaiḥ paramaṃ padaṃ prāpyate
etatsāraṃ sudhīrāṇāṃ yogināṃ
pāragāminām /
yadevedaṃ manaḥ śrutvā prayānti padamacyutam // Dhs_26.14
//
// iti dhyānavargaḥ ṣaḍviṃśaḥ //
(27)
prajñāvargaḥ
prajñā māteva hitakāriṇī
dharmānusāriṇī prajñā
vīryeṇa parivṛṃhitā /
samādhibalasaṃyuktā māteva hitakāriṇī // Dhs_27.1
//
prajñā gatipañcakāt trāyate
sā hi santrāyate sarvān puruṣān
gatipañcakāt /
na mātā na pitā tatra gacchantamanugacchati // Dhs_27.2
//
prajñāśikharamāruhya śīlakandaraśobhanam /
bhavadoṣamidaṃ sarva paśyati
(jñāna) bhūṣaṇaḥ // Dhs_27.3 //
samādhinā bhavārṇavaṃ
tarati
indriyāṇīndriyārthebhyo yadā vindanti tatpadam /
tadā samādhinā
jñāna bhavasāgaramuttaret // Dhs_27.4
//
dānaśīlatapodhyānairjñānamevāgramucyate /
apavargād yadā jñānaṃ
jñānaśīle sukhāvahe // Dhs_27.5 //
prajñā aṣṭamo
mārgastathāgatenopadiṣṭaḥ
cakṣuṣāṃ ca parā dṛṣṭā prajñoktā (yā)sunirmalā
/
mārgāṇāṃ cāṣṭamo mārgaḥ śivaḥ proktastathāgataiḥ // Dhs_27.6
//
prajñābalaṃ sarvottamam
caturṇā caiva satyānāmagre dve tu
prakīrtite /
bālānāṃ ca sadā dṛṣṭaṃ prajñābalamihottamam // Dhs_27.7
//
janmapadvatirjñānaśastreṇa chettavyā
jñānaśastreṇa tikṣṇena
latā chedyā durāsadā /
hantavyā doṣanivahāśchettavyā janmapaddhatiḥ //
Dhs_27.8 //
na jñānātparo bandhuḥ
amṛtānāṃ paraṃ jñānaṃ śreyasāṃ
nidhiruttamam /
na jñānācca paraṃ bandhurna jñānāddhanamuttamam // Dhs_27.9
//
jñānaśīlayutā prajñā sevitavyā
jñānaśīlayutāvṛddhā vītarāgā
gataspṛhāḥ /
sevitavyāḥ sadā santastattvamārganidarśakāḥ // Dhs_27.10
//
kleśādīn prajñāśastreṇa vidārayet
prajñāvajreṇa tīkṣṇena
mahodayavasena ca /
mahāyogarathārūḍhaḥ kleśādīn pravidārayet // Dhs_27.11
//
// iti prajñāvargaḥ saptaviṃśaḥ //
(28)
nirvāṇavargaḥ
kleśakṣaya eva nirvāṇamārgaḥ
kleśakṣayāt paraṃ
saukhyaṃ kathayanti manīṣiṇaḥ /
eṣa nirvāṇago mārgaḥ kathitastattvadarśakaiḥ
// Dhs_28.1 //
tatpadaṃ śāśvataṃ juṣṭaṃ kathayanti tathāgatāḥ /
yatra
janma na mṛtyurna vidyate duḥkhasambhavaḥ // Dhs_28.2
//
vibhūtasyāpramattasya śāntasya vanacāriṇaḥ /
alolupasya vīrasya
nirvāṇasya vibhūtayaḥ // Dhs_28.3 //
viṣayeṣvapramatto nirvāṇaṃ nāticiraṃ
prāpnoti
mitrāmitraprahīṇasya bhavarāgavivarjinaḥ
/
viṣayeṣvapramattasya nirvāṇaṃ nātidūrataḥ // Dhs_28.4 //
śubhakarttṛ
nirvāṇaṃ prāpnoti
śubhakāryeṣu saktasya maitrīkāruṇyabhāvinaḥ
/
saṃsārabhayabhītasya nirvāṇaṃ nātidūrataḥ // Dhs_28.5
//
kausīdyavirahitaḥ tvaritaṃ nirvāṇaṃ yāti
kleśakṣayavidhijñasya
nairātmyasyāpi tasya ca /
kausīdyāccaiva muktasya nirvāṇaṃ nātidūrataḥ //
Dhs_28.6 //
vaśyendriyasya śāntasya nirvāṇaṃ
samīpataram
catuḥsatyavidhijñasya tridoṣavadhasevinaḥ /
vaśyendriyasya
śāntasya nirvāṇaṃ nātidūrataḥ // Dhs_28.7 //
sukhaduḥkhapāśairmukto muniḥ
pāraga ucyate
sukhaduḥkhamayaiḥ pāśairyasya ceto na hanyate /
sa
doṣabhayanirmuktaḥ pārago munirucyate // Dhs_28.8 //
śubhānveṣī
nirvāṇamadhigacchati
puruṣo 'pāyabhīruśca pramādabalavarjakaḥ
/
śubhakārī śubhānveṣī nirvāṇamadhigacchati // Dhs_28.9 //
// iti
nirvāṇavargo 'ṣṭāviṃśaḥ //
(29)
mārgavargaḥ
āryacatuṣṭayopāsakaḥ pāraṃ gacchati
satyāni catvāri
śivāni tāni, subhāvitānyeva samīkṣya vidvān /
sucintako jātijarābhayebhyaḥ,
pramucyaye pāramupaiti śāntaḥ // Dhs_29.1 //
kāmeṣu saktaḥ
bhavabhogabaddhaḥ bhavati
acintako yastu vibhūtabuddhiḥ kāmeṣu sakto
bhavabhogabaddhaḥ /
sa bandhanaiḥ kāmamayairnibaddho, na mucyate
jātijarābhayebhyaḥ // Dhs_29.2 //
bhavārṇave sukhadraṣṭā ante narakaṃ
yāti
vicintya yo duḥkhamidaṃ viśālaṃ, na khedamāyāti bhavārṇavebhyaḥ
/
sa kāmavāṇairnihato hi mūḍhaḥ, kaṣṭāmavasthāṃ narake 'pi yāti // Dhs_29.3
//
ābhyantaraṃ kṣemasukhaṃ ca hitvā, kiṃ kāmabhogābhiratā hi bālāḥ
/
naite bijānanti bhayaṃ ca tīvramabhyeti mṛtyurjvalanaprakāśaḥ // Dhs_29.4
//
tattvamārgapradarśakaiḥ kimuktam?
anityaduḥkhaśūnyo 'yamātmā
kārakavarjitaḥ /
saṃsāraḥ kathito buddhaiḥ tattvamārgapradarśakaiḥ //
Dhs_29.5 //
tena sarvamidaṃ tattvajñānaṃ jñeyaṃ samāsataḥ
/
jñānajñeyavinirmuktaṃ tṛtīyaṃ nopalabhyate // Dhs_29.6 //
kaḥ
tattvavidhijñaḥ?
antapāravidhijño yaḥ ṣoḍaśākāratattvavit
/
ūrdhvagatividhijño hi kṣāntitattvavicakṣaṇaḥ // Dhs_29.7
//
tattvavideva dharmatāmanuviśati
agralokaikadharmajñaḥ
samanantaratattvavit /
sa dharmatāmanuviśed yathā (ca) na vikampate //
Dhs_29.8 //
dvayopāyavinirmukto naṣṭān nāśayate muhuḥ
/
naṣṭapāpagatirvīraḥ strotāpanno nirucyate // Dhs_29.9 //
srotāṃsya
kuśalā dharmā jīryante pāpagāminaḥ /
mokṣāgninā pratapyante srotāpanno
bhavatyataḥ // Dhs_29.10 //
prasrabdhijaṃ mahodarkamuktaṃ saṃsāramokṣakam
/
tṛṣṇākṣayasukhaṃ dṛṣṭaṃ satyataḥ sukhakārakam // Dhs_29.11 //
kaḥ
sadaiva sukhī bhavati?
nāvabadhnāti yaṃ tṛṣṇā na vitarkairvihasyate
/
samprāptabhavapārastu sukhī bhavati sarvadā // Dhs_29.12 //
ārya
mārgacatuṣṭayam anyonyaphalasambhūtam
anyonyaphalasambhūta sarvataḥ
sampravartate /
tadeva kāraṇaṃ jñeyamāryamārgacatuṣṭayam // Dhs_29.13
//
āryasatyeṣu viditaḥ puruṣo vidyate dhruvam /
viṣayeṣu hi saṃghuṣṭaṃ
jagad bhramati cakravat // Dhs_29.14 //
kaḥ śreṣṭho mārgaḥ?
sa
mārgo deśakaḥ śreṣṭho yo mārgo bhāṣitaḥ śivaḥ /
yena mārgeṇa prācīnā
(dhruvaṃ) yātā manīṣiṇaḥ // Dhs_29.15 //
triśaraṇagata eva sukhaṃ
jīvati
sujīvitaṃ bhavet tasya yasya buddhau sthitaṃ manaḥ /
nahi
buddhivinirmuktaṃ jīvitaṃ jīvitaṃ bhavet // Dhs_29.16 //
sujīvitaṃ bhavet
tasya yasya dharme sthitaṃ manaḥ /
nahi dharmavinirmuktaṃ jīvitaṃ jīvitaṃ
bhavet // Dhs_29.17 //
sujīvitaṃ bhavet tasya yasya saṅghe sthitaṃ manaḥ
/
nahi saṅghavinirmuktaṃ jīvitaṃ jīvitaṃ bhavet // Dhs_29.18 //
keṣāṃ
sujīvitaṃ jīvanam?
sujīvitaṃ bhavet tasya yasya satye sthitaṃ manaḥ
/
nahi satyavinirmuktaṃ jīvitaṃ jīvitaṃ bhavet // Dhs_29.19 //
sujīvitaṃ
bhavet tasya yasya mārge sthitaṃ manaḥ /
nahi mārgavinirmuktaṃ jīvitaṃ
jīvitaṃ bhavet // Dhs_29.20 //
nirvāṇagamane yasya nityaṃ buddhiravasthitā
/
sa doṣādeva nirmukto na devaḥ krīḍati svayam // Dhs_29.21 //
kīdṛśī
krīḍā sukhodbhāvikā?
yā bhavavyāpinī krīḍā nityamekāgracetasaḥ /
sā
sukhodbhāvikā krīḍā na krīḍā rāgakārikā // Dhs_29.22 //
kena mārgeṇa
śivaṃ sthānaṃ milati?
sukhādīniha satyāni yathā dāntena vindati /
tadā
kṣemaṃ śivaṃ sthānaṃ prāpnoti puruṣottamaḥ // Dhs_29.23 //
// iti
mārgavarga ekonatriṃśaḥ //
(30) bhikṣuvargaḥ
ādarśo bhikṣuḥ
lokamārgadarśakaḥ
yo hinasti na bhūtāni mitravettā sadākṣayaḥ
/
pitṛvat sarvabhūtāni lokastamanupaśyati // Dhs_30.1 //
adattādānavirato
nityaṃ jñānī jitendriyaḥ /
praśāntadehakarmā (ca) tīrṇasambhavasaṅkramaḥ //
Dhs_30.2 //
nāpyālekhyagatā nāpi cakṣuṣā sā nirīkṣyate /
hatakāmo
dṛṣṭasatyo muktastādṛśa ucyate // Dhs_30.3 //
samaloṣṭāśmakanakaḥ vītaśokaḥ
samāhitaḥ /
na kleśoragasampṛktaḥ sa saukhyaṃ dhruvamāpnuyāt // Dhs_30.4
//
kaḥ bhikṣurvidyate?
arthānarthasamo yasya lābhālābhau tathaiva
ca /
sukhaduḥkhasamāyuktaḥ bhikṣuḥ sa khalu kathyate // Dhs_30.5
//
mitrāmitraprahīṇo yaḥ samacetā jitendriyaḥ /
vibheti yo na viṣayaiḥ
vijñeyastādṛśo yatiḥ // Dhs_30.6 //
viṣayadveṣī
nirvāṇamadhigacchati
viṣamatvāddhi viṣayān dveṣṭi dhīro gatavyathaḥ
/
na tasya dūre nirvāṇaṃ samyaksambuddhadeśitam // Dhs_30.7
//
udayavyayatattvajñaḥ samyagdṛṣṭiralolupaḥ /
himavāniva niṣkramya
saṃsārānmuktahetukaḥ // Dhs_30.8 //
tṛṇacandanatulyo hi samatṛṣṇāmbarāśinaḥ
/
sa kauśeyasaṅghaṭitatṛṣṇayā naiva bādhate // Dhs_30.9
//
lābhasatkārasantuṣṭaḥ santuṣṭastṛṇasaṃstaraiḥ /
vahnivallābhasatkāraṃ
yaḥ paśyati sa paśyati // Dhs_30.10 //
buddhadeśitāḥ
bhikṣudharmāḥ
vāhyate yo na viṣayaistṛṇanadyā na vāhayate
/
svakarmaphalatattvajñaḥ sa bhikṣurbuddhadeśitaḥ // Dhs_30.11 //
nātītaṃ
śocate yo hi buddhayā (caiva) gataspṛhaḥ /
pratyutpannakriyāyogī na
buddhistasya lipyate // Dhs_30.12 //
nirvāṇe (ca) matiryasya dharme nityaṃ
sthitā bhavet /
na vartate sa saṃsāre śukladharmasamāvṛtaḥ // Dhs_30.13
//
nāvilaṃ kriyate yasya cittaṃ vidyāgnikalpayā /
dāruvadviṣayā yasya
tasya duḥkhaṃ na vidyate // Dhs_30.14 //
indriyāṇi vaśe yasya cendriyeṣu
vaśānugaḥ /
hriyate yaḥ pumarthaino nikaṣastādṛśo muniḥ // Dhs_30.15
//
sādhuvaddhimano yasya kṣamāvān priyadarśanaḥ /
prahlādayati cetāṃsi sa
nṛṇāṃ śaśivanmuniḥ // Dhs_30.16 //
aruṇābhirato yastu harmyāgreṣu na rajyati
/
santuṣṭaḥ pāṃśukūlena bhikṣurbhikṣārato bhavet // Dhs_30.17 //
śānto
dāntaḥ sudhīrarthāt tattvavit sukhaduḥkhayoḥ /
sa yātyuttamamadhvānaṃ yatra
gatvā na śocati // Dhs_30.18 //
ṛjumatpātakānyasya nityaṃ dhyānaparāyaṇaḥ
/
prākṛtaiśca malai(rhīnaḥ) sa yogī satyavartmani // Dhs_30.19
//
sarvendriyavighātī yaḥ sarvabhūtahite rataḥ /
śānto dāntendriyaḥ
svastho bhikṣurbhavati tādṛśaḥ // Dhs_30.20 //
ṣaḍindriyarathārūḍho
rāgaśatrunivārakaḥ /
prajñādhīraḥ kriyāvān yaḥ sa śāntipadamaśnute //
Dhs_30.21 //
araṇyavāsī santuṣṭo bhūmivāsī samāhitaḥ /
dhunāti pāpako
dharmaścāyurmeghānivāmbaraḥ // Dhs_30.22 //
śubhaṃ vā dehakarmāntaḥ
śubhacaryāsu saṃrataḥ /
tattvadṛṣṭiḥ kriyādakṣo nāśayanmārasādhanam //
Dhs_30.23 //
dayālurbhikṣurnirvāṇamārge sthito bhavati
rāgātyaye
na bādheta śubhacittaṃ gatālayam /
maitryā kāruṇyabahulo bhikṣurnairyyāṇike
sthitaḥ // Dhs_30.24 //
yasya rūpādayo neṣṭā viṣayā bandhahetave /
sa yāti
paramāṃ śāntiṃ yatra gatvā na śocyate // Dhs_30.25 //
hetupratyayatattvajñaḥ
sūkṣmārthe kṛtaniścayaḥ /
mokṣasrotasyabhiratastṛṣṇayā naiva rajyate //
Dhs_30.26 //
yo nādatte 'śubhaṃ karma śubhakarmarataḥ sadā
/
candrāṃśunirmalagatiryogī bhavati tādṛśaḥ // Dhs_30.27 //
pradahan
pāpakān dharmān śuṣkendhanamivānalaḥ /
vibhrājate tribhuvane muktapāyo
gatavyathaḥ // Dhs_30.28 //
mokṣe 'sti yasya tu mano na saṃsāre kathañcana
/
nāsau badhnāti saṃsāre muktaḥ pakṣī yathāmbare // Dhs_30.29
//
vedanodayatattvajño vedanāphalaniścayaḥ /
sa mukta iti
vijñeyastattvavid ṛtavāṃśca saḥ // Dhs_30.30 //
tathāpyete sukhaduḥkhe
mṛṣṭāmṛṣṭairna lipyate /
dīptaṃ paśyati saṃsāraṃ yaḥ sa yogī satāṃ mataḥ //
Dhs_30.31 //
bhikṣurbhavati kīdṛśaḥ?
athāmūḍhamatirnityaṃ nityaṃ
dharmaparāyaṇaḥ /
bhikṣuvṛttāvabhirato bhikṣurbhavati tādṛśaḥ // Dhs_30.32
//
na tṛptirdarśanārāmaiḥ sādhūnāṃ darśane ratiḥ /
niṣkrāntagṛhakalmāṣo
bhikṣurbhavati tādṛśaḥ // Dhs_30.33 //
na nṛtyagītasandarśī (satyaṃ) ca
punarīkṣate /
saṃrakṣito śmaśāneṣu bhikṣurbhavati tādṛśaḥ // Dhs_30.34
//
ekāhaṃ paramaṃ piṇḍamādatte 'nyatra kāṅkṣati /
tribhāgakukṣisantuṣṭo
bhikṣurbhavati tādṛśaḥ // Dhs_30.35 //
vastrottamavivarjī yaḥ pāṃsukūleṣu
rajyate /
muktāhāravihāro yo bhikṣurbhavati tādṛśaḥ // Dhs_30.36
//
karmāṇyārabhate yo na nirāśaḥ sa ca karmasu /
niruddhako noparato
bhikṣurbhavati tādṛśaḥ // Dhs_30.37 //
kāyakoṭivinirmukto
mohadhvāntavivarjitaḥ /
aliptaḥ pāpakairdharmaibhikṣurbhavati tādṛśaḥ //
Dhs_30.38 //
sarvāśayajanānītaḥ sarvāśayavivarjitaḥ /
sarvāśayavinirmukto
bhikṣurbhavati tādṛśaḥ // Dhs_30.39 //
āryāṣṭāṅgena mārgeṇa nirvāṇapurataḥ
sthitaḥ /
sarvārthadharmatā hyeṣā bhikṣurbhavati tādṛśaḥ // Dhs_30.40
//
śāntendriyo dṛḍhamatiḥ kāmapākavivarjitaḥ /
ekāgrasaṃsthitamanā
bhikṣurbhavati tādṛśaḥ // Dhs_30.41 //
bhūmisaṅkramaṇajño yo
bhūmitattvanidarśakaḥ /
bhūmeḥ parāparajño yo bhikṣurbhavati tādṛśaḥ //
Dhs_30.42 //
sambhavāsambhavān dharmān hetupratyayasambhavān /
jānīte
vidhivat sarvān bhikṣurbhavati tādṛśaḥ // Dhs_30.43 //
brahmacārī ṛtujñānī
styānamiddhavivarjitaḥ /
kalpodagro 'vanau dakṣo bhikṣurbhavati tādṛśaḥ //
Dhs_30.44 //
śamasthovipaśyanāśca caturdhyānarataśca yaḥ /
ālaye
muditārāmo bhikṣurbhavati tādṛśaḥ // Dhs_30.45 //
pakṣiṇo gaganasthasya
chāyevānugataḥ sadā /
saddharmasyānujīvī sa bhikṣurbhavati tādṛśaḥ //
Dhs_30.46 //
kleśopakleśabadhakaḥ samadarśī śubhānvitaḥ /
anāpānavidhijño
yo bhikṣurbhavati tādṛśaḥ // Dhs_30.47 //
anukramavidhijño yo yogavit
tattvadarśakaḥ /
pārāpāravidhijño yo bhikṣurbhavati tādṛśaḥ // Dhs_30.48
//
yo na hṛṣyati harṣeṣu bhayeṣu na bibheti ca /
mukto
harṣabhayodvegairbhikṣurbhavati tādṛśaḥ // Dhs_30.49 //
janmamaraṇatattvajñaḥ
surāsuranamaskṛtaḥ /
parāvarajñaḥ sattvānāṃ bhikṣurbhavati tādṛśaḥ //
Dhs_30.50 //
saṅghāṭimātrasaṃhṛṣṭaḥ sañcayeṣu na rajyate /
alpeccho
brahmacārī yo bhikṣurbhavati tādṛśaḥ // Dhs_30.51 //
ekāśī vṛkṣamūle yaḥ sadā
dhyānaṃ samīhate /
lābhasatkāravirato bhikṣurbhavati tādṛśaḥ // Dhs_30.52
//
upekṣākaruṇārāgo mokṣadoṣavivarjitaḥ /
nirdagdhadoṣasarvasvo
bhikṣurbhavati tādṛśaḥ // Dhs_30.53 //
mandavīryakusīdānāṃ bhikṣūṇāṃ
darśanāya ca /
nānyayogābhirakto yo bhikṣurbhavati tādṛśaḥ // Dhs_30.54
//
kausīdyābhirato bhikṣuḥ nahi kalyāṇamarhati
na śayyāsanasambhogī
bhikṣurbuddhena bhāṣitaḥ /
kausīdyabhirato yastu nāsau kalyāṇamarhati //
Dhs_30.55 //
kleśānāṃ mūlapākaṃ hi kausīdyaṃ yasya vidyate /
tasya duḥkhaṃ
mahāghoraṃ saṃsāre sampravartate // Dhs_30.56 //
kausīdyameva yasyāsti tasya
dharmo na vidyate /
kevalaṃ vastramātreṇa 'bhikṣuḥ' sa iti kathyate //
Dhs_30.57 //
bhikṣurbhavati na tādṛśaḥ
nādhyāpane ratiryasya na
dhyānenāśu rakṣati /
kevalaṃ vastumātreṇa bhikṣurbhavati tādṛśaḥ // Dhs_30.58
//
vihārābhirato yastu na rato dharmagocare
/
strīmadyalolupamatibhikṣurasti na tādṛśaḥ // Dhs_30.59
//
(bhavenmatiryasya nityaṃ vividhe) pāpakarmaṇi /
sa bhikṣurdeśito
buddhaiḥ na bhoktā svakagocare // Dhs_30.60 //
varamāśīviṣaviṣaṃ kathitaṃ
tāmrameva ca /
bhuktasyātyantaduḥśīlairadhikaṃ pāpabhojanam // Dhs_30.61
//
yo hi nārhati piṇḍāya nāsau piṇḍāya kalpate /
yasya piṇḍikṛtāḥ kleśāḥ
sarpā iva vileśayāḥ // Dhs_30.62 //
sa bhikṣuḥ piṇḍabhojī syānna
strīdarśanatatparaḥ /
bandhakaṃ yadi cātmānaṃ kṛtvā paraśubhakṣatim //
Dhs_30.63 //
bhikṣurdurguṇānāṃ svarūpam
kathaṃ sa bhikṣurvijñeyaḥ
saṅgharatnapradūṣakaḥ /
yasyeṣṭā lābhasatkārā viṣayā yasya sammatāḥ //
Dhs_30.64 //
nāridarśanasākāṅkṣī na bhikṣurna gṛhīva saḥ /
rājaseviṣu
sṛṣṭāśo madyapaḥ krodhanastathā // Dhs_30.65 //
sadā bhikṣurbañcayate
dāyakānnanu cetasā /
upāyanānyupādāya rājadvārāśritā hi ye /
saṃrabdhā
gṛhibhiḥ sārdha yathā nāgā vanāśritāḥ // Dhs_30.66 //
tasmāt tāneva puṣṇanti
vāterṣyāste samāgatāḥ /
putradārān parityajya ye śāntā ratnamāśritāḥ //
Dhs_30.67 //
bhikṣorguṇānāṃ māhātmyam
prahāya doṣān yo bhikṣurasti
darśanatattvavit /
rūpādiskandhatattvajño mokṣāya yatate sadā // Dhs_30.68
//
dharmāvabodhābhirato dhyānārāmavihāravān
tattvalakṣaṇasambodhāt
prāpnuyāt padamavyayam // Dhs_30.69 //
maitryārāmo hi satatamudyukto
dharmagocare /
tattvalakṣaṇatattvajño bhikṣurbhavati tādṛśaḥ // Dhs_30.70
//
yoniśastu matiryasya kāmakrodhairna hanyate /
sa bhikṣuriti vijñeyo
viparītastato 'nyathā // Dhs_30.71 //
sarvabhūtadṛḍhaḥ śāntaḥ
sarvasaṅgativarjitaḥ /
sarvabandhananirmukto bhikṣurbhavati tattvavit //
Dhs_30.72 //
karmaṇi yasya vijñānaviṣayairyo na hanyate /
nirmalaḥ syāt
kanakavat santuṣṭo bhikṣurucyate // Dhs_30.73 //
priyāpriye mano yasya na
lepamanugacchati /
saṅkalpānāṃ vidhijño yaḥ sarvapāpavivarjitaḥ // Dhs_30.74
//
anyasaṃduṣṭacarito dharmaśīlo jitendriyaḥ /
ahīnasatvo matimān
bhikṣurbhavati tādṛśaḥ // Dhs_30.75 //
śāstre śāstrārthavijñāne matiryasya
sadā ratā /
na pānabhojanarataḥ sa bhikṣuḥ śāntamānasaḥ // Dhs_30.76
//
bhikṣoḥ svarūpanirūpaṇam
vanāraṇyavihāreṣu śmaśāne tṛṇasaṃstare
/
ramate yasya tu mano bhikṣurbhavati tādṛśaḥ // Dhs_30.77 //
doṣāṇāṃ
karmatattvajñaḥ phalavit pariśeṣataḥ /
hetupratyayatattvajño bhikṣuḥ syād
vītakalmaṣaḥ // Dhs_30.78 //
(hata) kilviṣakāntāro hatadoṣo jitendriyaḥ
/
punarbhavavidhijño yo bhikṣuḥ śāntamanāḥ (smṛta) // Dhs_30.79
//
notkarṣo hṛṣṭahṛdaye nindayā naiva rūṣyati /
samudratulyagāmbhīryo
yogavān bhikṣurucyate // Dhs_30.80 //
āveṇiko dṛḍhamatiḥ sūkṣmavādī na
lolupaḥ /
kāmavādī samo dakṣaḥ sa bhikṣuḥ śānta ucyate // Dhs_30.81
//
kāmadhātūpagān hetūn rūpadhātau tathaiva ca /
āruṣyeṣu ca tattvajñaḥ
śāstrā bhikṣuḥ sa ucyate // Dhs_30.82 //
na laukikakathāsaktaḥ śatrudoṣabadhe
sadā /
viṣavad yasya viṣayāḥ sa bhikṣurdeśito budhaiḥ // Dhs_30.83
//
śuddhā yasya (hi)kāmeṣu matirbhavati nityaśaḥ /
sa
nirmuktamatirbhikṣurmuktaḥ saṃsārabandhanāt // Dhs_30.84
//
dhyānādhyayanakarmaṇyaḥ kausīdyaṃ yasya dūrataḥ /
hitakārī ca sattvānām
āraṇyo bhikṣurucyate // Dhs_30.85 //
praśnottaramatiryasya pratibhāvan
jitendriyaḥ /
sa dharmaḥ kathito jñeyo viparītastṛṇaiḥ samaḥ // Dhs_30.86
//
buddhaśāsane kīdṛg bhikṣuḥ śastaḥ?
kāyamānasabhīryasya sarvadā
naiva khidyate /
sarvakṛtyakaro jñeyo yaḥ saṅghāya ca tatparaḥ // Dhs_30.87
//
na parārtha na lobhārtha yaśo 'rtha kurute na tu /
saṅghakārye
matiryasya sa muktaḥ sarvabandhanaiḥ // Dhs_30.88 //
na svargārtha matiryasya
lābhārtha yaśase na vā /
nirvāṇārtha kriyā sarvā sa bhikṣuḥ srota ucyate //
Dhs_30.89 //
pāpebhyo nityavirataḥ satkṛtyeṣu rataḥ sadā /
na
pāpamitrasaṃsargī bhikṣuḥ syād buddhaśāsane // Dhs_30.90 //
maitryā
bhāvitacittasya dakṣasya ṛjucetasaḥ /
śikṣāpadeṣu raktasya nirvāṇaṃ
nātidūrataḥ // Dhs_30.91 //
jarāmaraṇaśīlasya saṃsāravimukhasya ca
/
dhyāne 'pi na pramattasya nirvāṇaṃ nātidūrataḥ // Dhs_30.92
//
anityatāvidhijñasya śūnyatāvatkriyāvataḥ /
dhyānotkarṣavidhijñasya
nirvāṇaṃ nātidūrataḥ // Dhs_30.93 //
dhīro 'yamagracoro 'yaṃ yo 'yaṃ
bhikṣurasaṃvṛtaḥ /
antaḥpurīvarasrāvī bahiścīvarasaṃvṛtaḥ // Dhs_30.94
//
dharmavinayād rikto bhikṣurduḥkhabhāgī bhavedeva
yathā
yatnamayo rāśiḥ sarvo 'sāraśca durbalaḥ /
evaṃ sañcarati rikto vitatho
bhikṣuvādikaḥ // Dhs_30.95 //
sa nārakeyo duḥśīlaḥ saṅgharatnabahiṣkṛtaḥ
/
kāyasya bhedānnarakaṃ nīyate cittavañcitaḥ // Dhs_30.96 //
vañcito
dharmavinayād yāti tat svena karmaṇā /
malinastamasā baddho duḥkhabhāgī
bhaviṣyati // Dhs_30.97 //
aprāvṛtaḥ śubhadhaman nagnaḥ sādhujugupsitaḥ
/
nayate narakaṃ ghoraṃ yathā dharmabahiṣkṛtaḥ // Dhs_30.98 //
aśobhanasya
nicayo duḥkhadvāramanāvṛtam /
saṃsārabandhanaṃ tīvraṃ dauḥśīlyamiti kathyate
// Dhs_30.99 //
asaṃvareṇa yo dagdhaḥ sa dagdho vahninā bhṛśam /
tasya
saṃvarakṣīṇasya vinipāto dhruvaṃ sthitaḥ // Dhs_30.100
//
kukartṛbhikṣurapi narakaṃ yāti
manasā saṃvarasthena svācāraiḥ
saṃvarāyate /
samūḍhacaryāmāruhya narakāyopakalpate // Dhs_30.101
//
aśubhaṃ vardhate tasya divārātrau ca sarvataḥ /
yasya śīlamayaṃ ratnaṃ
dauḥśīlyena nivāritam // Dhs_30.102 //
dharmaśūnyasya riktasya tamasā
saṃvṛtasya ca /
vidyate 'saṃvarastasya yo na śaucāya kalpate // Dhs_30.103
//
asaṃvaramayaḥ pāśo malinaḥ sādhuvarjitaḥ /
ākarṣati sa duḥśīlān
pāpiṣṭhān śīlavarjitān // Dhs_30.104 //
asaṃvaraiśca dauḥśīlyaiḥ pāpaiśca
saha saṅgatiḥ /
dūtakā narakasyaite kāmānāmapi sevakāḥ // Dhs_30.105
//
asaṃvṛtaprasūtasya capalasya viśeṣataḥ /
pāpakarmābhiyuktasya narakaṃ
nātidūrataḥ // Dhs_30.106 //
kimete nāvagacchanti karmaṇāṃ sadṛśaṃ phalam
/
akṣipātāya mūḍhāya durmatau (ye) vimohitāḥ // Dhs_30.107 //
ahanyahani
vardhante pāpanadyo durāsadāḥ /
duḥkhormimālāścapalāḥ pāpiṣṭhajanahāriṇaḥ //
Dhs_30.108 //
na teṣāṃ sukaraṃ janma na teṣāṃ sukaraṃ manaḥ /
aśīlāḥ
puruṣā ye vā śukladharmavivarjitāḥ // Dhs_30.109 //
dharmo 'tyuccaḥ śubho
mārgaḥ
atyuccaśca śubho mārgaḥ sa 'dharma' iti kathyate /
taṃ
prāpyamanujaḥ śīghraṃ prayāti padamacyutam // Dhs_30.110 //
tato 'pavādāḥ
sādhyante śaktimantaḥ sukhāstu ye /
saṃvarasya sadā dāsāsteṣāṃ duḥkhaṃ na
vidyate /
dauḥśīlyaparamo hyeṣa malinīkurute nṛṇām // Dhs_30.111 //
ye
śaikṣyapadavibhraṣṭā bhāgino narakasya te /
evaṃ jñātvā naraḥ sarva saṃvaraṃ
pratipadyate // Dhs_30.112 //
śubhadharmī bhikṣurnirvāṇaṃ nāticiraṃ
prāpnoti
bhavārṇasya sarvasya setubhūto hi saṃvaraḥ
/
śuddhājīvaviśuddhasya śāntavaktrasya karmaṇaḥ // Dhs_30.113 //
dhyāyino
vipramuktasya nirvāṇaṃ nātidūrataḥ /
dhūrdharasyāpramattasya
śmaśānavanasevinaḥ // Dhs_30.114 //
śāyino bhūtale nityaṃ nirvāṇaṃ
nātidūrataḥ /
pāṃśuśayyāvalambāṃsapātamekaṃ sajarjaram // Dhs_30.115
//
santoṣaḥ phalamūlaiśca sa sukhī buddhasambhavaḥ /
vipramuktasya
kāmebhyaḥ santoṣo hītarasya ca // Dhs_30.116 //
savimuktakacittasya nirvāṇaṃ
nātidūrataḥ /
kuhakāmalamuktasya rajo vā tasya tāyinaḥ // Dhs_30.117
//
ākāśasamacittasya nirvāṇaṃ nātidūrataḥ /
bahubaddhapadairyuktā vijñeyā
(bhava)cārikā // Dhs_30.118 //
nāśikā brahmacaryasya nirvāṇagatiduḥkhikā
/
sevyate yā janairnityaṃ prākṛtaiḥ śīlavarjitaiḥ // Dhs_30.119
//
ajastraṃ parivarjyā sā dhyāyibhistattvadarśibhiḥ /
daurbalyamūlamekā sā
manaskārapraṇāśikā // Dhs_30.120 //
nāśinī brahmacaryasya narakasya
pradarśikā /
bhraṃśikā svargamārgasya duḥkhasāgaraśoṣikā // Dhs_30.121
//
dūtikā pretalokasya tiryagyoninipātikā /
nāmnā saṅgaṇikā sevā saṃsāre
bandhamātṛkā // Dhs_30.122 //
dhyānādhyayanaśaktaiva varjyā nityaṃ hi
bhikṣubhiḥ /
dhyānādhyayananirmukto nimittābhirataḥ sadā // Dhs_30.123
//
paradharmo bhayāvahaḥ
vivarjitaḥ śubhairdharmairapāpagamanāya
saḥ /
svadharma yaḥ parityajya paradharmeṣu rajyate // Dhs_30.124
//
dharmadvayaparibhraṣṭo vinipātāya kalpate /
svagṛhaṃ yaḥ parityajya
paraveśyāni tiṣṭhati // Dhs_30.125 //
sadāyaṃ lāghavaṃ yāti nidhanaṃ cāśu
gacchati /
tathā yo vimatirbhūto vidvanmānī janecchayā // Dhs_30.126
//
svadharmaviratiṃ kṛtvā paradharmeṣu vartate /
adharme cāśayastasya
paraliṅgopajīvinaḥ // Dhs_30.127 //
tṛṇavidyābhilipto 'yaṃ pretaḥ pāpeṣu
pacyate /
yaśo 'ntaṃ padamāsthāya pāpakarmaṇi vartate // Dhs_30.128
//
nāsau bhikṣurihocyate
śaśvat sa patito dṛṣṭaḥ śāsanāntāt
pravartate /
nispṛhaḥ kāmacaryāsu nirāmodaḥ pravarjitaḥ //
ārabdhavīryaḥ
santuṣṭo dhyāyī bhikṣurihocyate // Dhs_30.129 //
na ca kāmeṣu saṃsakto
nityāhāravihāravān /
kāṣāyasaṃvṛtaḥ kṣauro nāsau bhikṣurihocyate //
Dhs_30.130 //
nimittabodhako (yastu) nakṣatragaticintakaḥ
/
rājasevāpramattaśca na sa bhikṣurihocyate // Dhs_30.131 //
vaidyakarmāṇi
kurvaśca śruti saṅgrathanaṃ tathā /
saṅkīrṇā dinacaryā ca kurvan bhikṣuḥ
praṇaśyati // Dhs_30.132 //
dhyānādhyayanavidveṣī rataḥ saṅgaṇikāsu ca
/
lobhasatkāralābhaṃ ca kurvan bhikṣuḥ praṇaśyati // Dhs_30.133
//
suvarṇadhātusaṃsakto bahumitraratiśca yaḥ /
anyalābhābhilāṣito bhikṣuḥ
patati śāsanāt // Dhs_30.134 //
tapasaḥ saṅganirmukto na pāpagaṇasevakaḥ
/
saktūdakena santuṣṭaḥ sa bhikṣurniṣṭhuraḥ smṛtaḥ // Dhs_30.135
//
kaḥ śuddho bhikṣuḥ?
āgatān viṣayān sarvān tyajati jvalanopamān
/
viśuddhadoṣo maṇivacchuddho bhikṣurihocyate // Dhs_30.136
//
antarbahirviśuddhātmā jñānādibhiralaṅkṛtaḥ /
śraddhayā śīlavastreṇa
kriyāvān bhikṣurucyate // Dhs_30.137 //
lobhadharmavyatīto yaḥ sthito
merurivācalaḥ /
sarvalokapriyaḥ śāntaḥ pārago bhikṣurucyate // Dhs_30.138
//
trirātrivāsī kutrāpi kuśāsanavidhārakaḥ /
girigahvarasevī ca vimukto
bhikṣurucyate // Dhs_30.139 //
pāpabhīrurasaṃsparśī saṃvṛtaḥ ca susaṃvṛtaḥ
/
jñānasevī sthiraḥ śānta ekākī bhikṣurucyate // Dhs_30.140 //
acalaḥ
priyavādī ca pāpamitravivarjitaḥ /
aśaktaḥ sarvakṛtyeṣu mukto bhikṣurihocyate
// Dhs_30.141 //
rājasevā kukaṣāyoktisevā
rājasevā vigarhyāsti
bhikṣoścāraṇyavāsinaḥ /
kukaṣāyoktisevāsau mṛtyutaskarajīvikā // Dhs_30.142
//
na hi rājasevako bhikṣuryaḥ sevyo devatairapi /
na hiṃsāsavasaṃsṛṣṭo
mahate 'śucisevakaḥ // Dhs_30.143 //
bhikṣoḥ rājasevā na
śobhate
nirmalasya nirāmasya nispṛhasya ca dehinaḥ
/
saṃsārabhayabhītasya rājasevā na śobhate // Dhs_30.144
//
vanāraṇyaśmaśāneṣu palvalo giribhūmiṣu /
prāntabhūmiṣu grāmasya sthitaḥ
bhikṣuḥ praśobhate // Dhs_30.145 //
vanāraṇyaśmaśāneṣu bhikṣurna rājasevayā
/
dhyānādhyayananirmuktaḥ kavalāhārabhojitā /
na bhikṣuriti vijñeyaḥ
piśācasamamānasaḥ // Dhs_30.146 //
dhyānāddhi vimalaṃ saukhyaṃ pravadanti
manīṣiṇaḥ /
na tatsukhātsukhaṃ cānyadasti loke kathañcana // Dhs_30.147
//
taduttamadhyānasukhaṃ muktvā yaḥ puruṣādhamaḥ /
raseṣu ramate bālastena
mūḍho vihanyate // Dhs_30.148 //
viṣayairbhrāmitasyāsya nityaṃ tadgatacetasaḥ
/
vardhante 'kuśalā dharmāḥ paralokāpakarṣakāḥ // Dhs_30.149
//
ātmajño bhikṣurnirvāṇamadhigacchati
ātmano yānahīnaśca
gurupṛcchanakastathā /
bhikṣurudyuktavīryaśca nirvāṇamadhigacchati //
Dhs_30.150 //
śrutaṃ yāvad bhavatyeva tāvadeva prabhāṣate /
ātmajño
mānahīnaśca bhikṣurbhavati tattvavid // Dhs_30.151 //
mānāpamānahīno yo
mārgāmārgavicakṣaṇaḥ /
svaparārthavidhijño yaḥ sa tuṣṭo bhikṣurucyate //
Dhs_30.152 //
māninaḥ kutaḥ śāntiḥ?
māninaḥ
krūramanasaścapalasyālpamedhasaḥ /
lābhasatkārayātasya kutaḥ
śāntirbhaviṣyati? // Dhs_30.153 //
prasannācārayuktasya jñānagocarasevinaḥ
/
saṃsāradoṣabhītasya pravrajyā saphalā matā // Dhs_30.154
//
svabhāvaparabhāveṣu yasya buddhirnamuñcati /
na karmaṇyavipāke ca
mārgāmārge tathaiva ca // Dhs_30.155 //
nivāsopahato bhikṣuḥ sukhaṃ na
vindati
sadācāraviyuktasya sukhaduḥkhābhayasya ca /
nivāsopahato
bhikṣurbālavad dṛśyate paraiḥ // Dhs_30.156 //
tṛṇavallaghutāṃ yāti
svārthācca parihīyate /
nivāsopahato bhikṣuḥ parihīṇavane sthitaḥ //
Dhs_30.157 //
dhyānādhyayanakṛtyeṣu mano naiva pravartate /
nivāsopahato
bhikṣurjanasañcayatatparaḥ // Dhs_30.158 //
sañcayavyagramanasā jīvitaṃ
parihīyate /
kṣiṇoti retasaṃ svasya jīvitaṃ naiva gacchati // Dhs_30.159
//
kaḥ durgatiṃ yāti?
na ca vindati yat kṛtvā sukhamanyatra
bhujyate /
nivāsopahato bhikṣurjanasañcayatatparaḥ /
pāpāni yāti nityaṃ sa
tena gacchati durgatim // Dhs_30.160 //
śrāmaṇyadharmasya
mahattvam
anabhipretamanaso nirāśasya ca dehinaḥ
/
sarvasaṅgavimuktasya śrāmaṇyaṃ saphalaṃ matam // Dhs_30.161
//
girigahvaravṛkṣeṣu nityaṃ dhyānavihāriṇaḥ /
prasīdati śubhaṃ jñānaṃ
dauḥśīlyaparivarjitam // Dhs_30.162 //
keṣāṃ saphalaṃ
jīvanam?
sarvasaṅgavinirmukto viṣayairna ca vañcitaḥ /
(sa) bhikṣu
niṣphalo jñeyaḥ śuṣkendhanamivānalaḥ // Dhs_30.163 //
nirvāṇābhiratasya
bhikṣoḥ praśaṃsā
nirvāṇābhirato yo hi bhītasya vibhavārṇavāt
/
bhikṣurbhavati śuddhātmā na nivāsena karhicit // Dhs_30.164 //
tṛṣṇā
eva anarthakarī
lobhamoheṣu ye śaktāste śaktā tṛṣṇayā sadā
/
tṛṣṇābandhanabaddhānāṃ nāyaṃ loko na cāparaḥ // Dhs_30.165
//
dharmajño durgati na labhate
asaṃśaktā matiryasya mithyākarmasu
sarvadā /
apakṣapātī dharmajño na sa gacchati durgatim // Dhs_30.166
//
kaḥ munirucyate?
doṣapaṅkemano yasya na limpati kathañcana
/
ekārāmavihārīyo nirāśo munirucyate // Dhs_30.167 //
nirmukto vimalācāro
nivṛttamalakalmaṣaḥ /
mukto yo viṣayaiḥ sarvairāraṇyo munirucyate //
Dhs_30.168 //
lokadharmairna nirvedaṃ samāyāti kathañcana
/
sukhaduḥkhasamaprajño nirmalo munirucyate // Dhs_30.169 //
santoṣaḥ
paramo(dharmo) nityaṃ kāmavivarjitaḥ /
nirāmayaḥ kṛcchrajīvī
śucirmunirihocyate // Dhs_30.170 //
nayenna tena saṃśleṣaṃ yatra
yatrānugacchati /
ekacārī dṛḍhamatiḥ kriyāvān munirucyate // Dhs_30.171
//
śubhāśubhānāṃ sarveṣāṃ karmaṇāṃ phalatattvavit /
śubhāśubhaparityāgī
loke 'sau munirucyate // Dhs_30.172 //
udyukto doṣanāśāya nityakāmagatiḥ
smṛtaḥ /
udayavyayatattvajño buddhimān munirucyate // Dhs_30.173
//
deśakālavidāṃ śreṣṭho 'dvayavādī jitendriyaḥ /
saṃsārabhayabhīto 'yaṃ
praśānto munirucyate // Dhs_30.174 //
kaḥ bhikṣuḥ
nirvāṇamadhigacchati?
ekārāmagato bhikṣuḥ saṃkṣiptendriyapañcakaḥ
/
dehalakṣaṇatattvajño nirvāṇamadhigacchati // Dhs_30.175 //
vīryavān
(satyavāk) bhikṣurnityaṃ doṣavivarjitaḥ /
udyānamiva krīḍāyā
nirvāṇamadhigacchati // Dhs_30.176 //
kalyāṇadharmī bhava
dagdhe
kleśe vayaṃ dagdhā vanaṃ dagdhaṃ yathāgninā /
kalyāṇadharme saṃraktā na raktā
kāmabhojane // Dhs_30.177 //
māyayā janāḥ vañcakāḥ bhavanti
nityaṃ
prāptyutsukā ye (hi) nityaṃ svajanasaṃratāḥ /
māyayā vañcakā (ye tu) mūḍhāste
dharmavartmani // Dhs_30.178 //
śubhakarmaṇi manaḥ
kāryaḥ
ramaṇīyānyaraṇyāni tatraiva ramate manaḥ /
ramante vītarāgāste
na tu kāmagaveṣiṇaḥ // Dhs_30.179 //
sa kathābhirato yastu rato
viṣayatṛṣṇayoḥ /
na yāsyati puraṃ śāntaṃ yo ca mṛtyuṃ na vindati //
Dhs_30.180 //
advayavādī bhava
yo 'tyantaśāntamanasā nityaṃ
dhyānaparāyaṇaḥ /
ādimadhyāntakalyāṇo nityamadvayagocaraḥ // Dhs_30.181
//
// iti bhikṣuvargastriṃśaḥ
//
karuṇādānaśīlānikṣāntirvīryamathāpi ca /
dhyānaṃ prajñātha nirvāṇo
mano bhikṣuśca te daśa //
// iti tṛtīyam udānam //
atha
caturtham udānam
(puṇyadevasukhairmitrarājastutibhiranvitāḥ
/
saddharmasmṛtivaipulyai gṛhīto 'yaṃ samuccayaḥ // ) //
(31)
puṇyavargaḥ
puṇyapraśaṃsā
ramaṇīyāni puṇyāni phalaṃ teṣāṃ paraṃ
śubham /
tasmāt kuruta puṇyāni nāsti puṇyasamaṃ dhanam // Dhs_31.1
//
puṇyaṃ nidhānamakṣayyaṃ puṇyaṃ ratnamanuttamam /
pradīpasadṛśaṃ puṇyaṃ
mātṛvat pitṛvat sadā // Dhs_31.2 //
puṇyaṃ kṛtvā gatā devāḥ puṇyaṃ nayati
sadgatim /
puṇyaṃ kṛtvā narā loke modante tridive hi (te) // Dhs_31.3
//
puṇyaṃ paraṃ sukham
puṇyādhikā hi puruṣā bhavanti sukhinaḥ sadā
/
tasmāt kuruta puṇyāni nāsti puṇyasamaṃ sukham // Dhs_31.4 //
puṇyaṃ
kṛtvā gatā devāḥ puṇyapriyadhanasya ca /
hetubhūtaṃ sadā dṛṣṭaṃ tasmāt puṇyaṃ
paraṃ sukham // Dhs_31.5 //
puṇyādṛte sukhamasaṃbhavam
puṇyaṃ
nityottamaṃ dṛṣṭaṃ chāyāvadanugāmikam /
tasmāt sukhaṃ paraṃ puṇyaṃ nāsti
puṇyādṛte sukham // Dhs_31.6
//
puṇyāpuṇyaphalayorantaram
puṇyottīrṇāḥ punardevā patanti
sukṛtānugāḥ /
puṇyāpuṇyaphalo lokastasmāt puṇyaṃ samācaret // Dhs_31.7
//
apuṇyanindā
ye puṇyahīnā durdāntā nityaṃ kugatigāminaḥ
/
kutasteṣāṃ sukhaṃ dṛṣṭaṃ sikatāsu yathā ghṛtam // Dhs_31.8 //
vittena
vañcitā mūḍhāḥ puṇyena parivañcitāḥ /
na teṣāṃ vidyate śarma duḥkhaṃ
teṣāmanuttaram // Dhs_31.9 //
puṇyavaśād devalokaṃ
gacchati
mānuṣyaṃ sukṛtaṃ hyetat kṛte bhavati dehinaḥ /
tena
karmavipākena svargalokeṣu jāyate // Dhs_31.10 //
priyo bhavati yasyātmā
yasya saukhye sthitā matiḥ /
sa karotu mahatpuṇyaṃ devalokopapattaye //
Dhs_31.11 //
dharmacārī puruṣa eva sukhamavāpnute
dharmacārī hi
puruṣaḥ sukhāt sukhamavāpnute /
nirmalaśca parāṃ śāntiṃ kṣipramevādhigacchati
/
tasmāt kuruta puṇyāni (yannityaṃ) sāṃpracāyikam // Dhs_31.12
//
puṇyakarttṛ avyayaṃ sukhamaśnute
puṇyakārī sadā dānto padaṃ
gacchati cāvyayam /
ramaṇīyāni puṇyāni karaṇīyānyanekaśaḥ // Dhs_31.13
//
puṇyasya vaicitryaṃ dharmasya upādeyatā ca
vicitraṃ hi kṛtaṃ
puṇyaṃ vicitraṃ paripacyate /
dharmādharmapradhānasya jīvalokasya sarvataḥ
/
śamatrāṇo yathā dharmastasmād dharmarato bhavet // Dhs_31.14
//
adharmī duḥkhaṃ prāpnoti
yo (hi) dharma parityajya ramate
kukṛte naraḥ /
tasya duṣkṛtadagdhasya duḥkhaṃ bhavati nityaśaḥ // Dhs_31.15
//
dharme eva manaḥ kāryam
yāvannābhyeti maraṇaṃ yāvat
sakalacintanam /
tāvad dharme manaḥ kāryamupaśāntirbhaviṣyati // Dhs_31.16
//
paropakartṛ nirvāṇapuraṃ yāti
yo hi deśayate dharma pareṣāṃ
hitakāṅkṣayā /
sa mātā sa pitā caiva nirvāṇapuradeśakaḥ // Dhs_31.17
//
śāstuḥ subhāṣitamamūlyam
śubhādhikaparaścaikaḥ yo deśayati
deśikaḥ /
sa gatyantaramārgajño nātho bhavati dehinām /
na mūlyaṃ vidyate
śāstuḥ subhāṣitapadasya vai // Dhs_31.18 //
sādhāraṇadravyād
dharmadravyasya vailakṣaṇyam
na padaṃ labhate śāntaṃ yad
dhanairupalabhyate /
dravyaṃ sādhāraṇaṃ dṛṣṭaṃ na dharmo buddhibandhanam //
Dhs_31.19 //
dharmadravyamakṣuṇṇamasti
dravyaṃ vinaśyati nṛṇāṃ
dharmadravyaṃ na jātu vai /
ābhyantarasahastrāṇi dharma eko 'nugacchati //
Dhs_31.20 //
na dhanaṃ padamapyekaṃ gacchantamanugacchati /
hīyate
draviṇaṃ teṣāṃ rājacaurokāgnibhiḥ /
dharmavittaṃ na tacchakyamapahartu
kathañcana // Dhs_31.21 //
ato dharmaparo bhavet
acireṇāpi kālena
bhuktvā saukhyamanekaśaḥ /
bhavatyavaśyaṃ patanaṃ tasmād dharmaparo bhavet //
Dhs_31.22 //
dharma ekaḥ paraṃ trāṇaṃ dharma ekaḥ parā gatiḥ /
dharmeṇa
pūrvavartyeṣa maraṇaṃ cāpyadharmataḥ // Dhs_31.23 //
dharmacāriṇaḥ
praśaṃsā
varaṃ dharmo dharmacārī dharmameva niṣevate /
sa sukhāt
sukhamāpnoti na duḥkhamanupaśyati // Dhs_31.24 //
adharmacāriṇo
nindā
adharmacārī puruṣo yadādharma niṣevate /
sa tadā duḥkhamāpnoti
narakeṣu punaḥ punaḥ // Dhs_31.25
//
nirvāṇamahattvam
ratnatrayaprasādasya bhāvitasyāpyanekaśaḥ
/
phalaṃ bhavati nirvāṇaṃ pūrvasvargopajīvinaḥ // Dhs_31.26
//
ātmanaiva puṇyamācaraṇīyam
ātmanā kriyate puṇyamātmanā
pratipadyate /
sukhaṃ vā yadi vā duḥkhamātmanaivopabhujyate // Dhs_31.27
//
śīlavataḥ puṇyaprabhāvo vipulaḥ
nadīstrota ivājastraṃ puruṣasya
pravartate /
puṇyaprabhāvo vipulo yasya śīle rataṃ manaḥ // Dhs_31.28
//
bhavajanyaṃ phalaṃ yasya (yasmai) dharmo na rocate /
dharmo hi nayati
svarga dharmacārī sukhānvitaḥ // Dhs_31.29 //
dharmādṛte puruṣaḥ narakaṃ
yāti
etadeva hi paryāptaṃ yad dharmaparipālanam /
dharmādṛte hi puruṣo
narakānupadhāvati // Dhs_31.30 //
dharmavigarhaṇānmaraṇaṃ
śreyaḥ
śreyo bhaveddhi maraṇaṃ na tu dharmavigarhaṇam /
dharmeṇa
varjito lokaḥ saṃsāre sarvadā bhramet // Dhs_31.31 //
dharmavirahitasya
duḥkhamayaṃ jīvanam
dharmacakṣurvimuktasya mohenākrāntacetasaḥ /
vṛthā
saukhyamidaṃ dṛṣṭaṃ dṛṣṭvā yāto yathāparaḥ // Dhs_31.32 //
dharmāṅkuro manaḥ
kṣetre naiva rohatyacetasaḥ /
yasya śīlapradā buddhiḥ dharmācaraṇatatparā //
Dhs_31.33 //
śubhena saviśuddhena bhāvitena prayatnataḥ /
prayānti tat
padaṃ śāntaṃ yatra duḥkhaṃ na vidyate // Dhs_31.34 //
indriyavaśī māraṃ
nātivartate
indriyāṇāṃ vaśe yastu viṣayeṣu tathaiva ca /
sa
sarvabandhanairbaddhaḥ sa māraṃ nātivartate // Dhs_31.35
//
pāpakairdharmairalipta eva svasthaḥ
aliptapāpakairdharmaiḥ
nirdhanāt kanakadyutiḥ /
sa muktabhavakāntāraḥ svastho bhavati sarvataḥ //
Dhs_31.36 //
buddhādīnāṃ pūjayā nirvāṇalābhaḥ
buddho yeṣāṃ
bahumato nityaṃ dharmaśca gocaraḥ /
śuśrūṣācāryapādānāṃ śraddadhānaśca
karmaṇām // Dhs_31.37 //
triratnapūjayā nityaṃ sadbuddhiśca (su) nirmalā
/
mātāpitṛṇāṃ pūjātaḥ nirvāṇapuragāminām // Dhs_31.38
//
pravrajyābhāvadharmāśca sameṣāṃ samprakīrtitāḥ /
brahmacaryāttacaryāṇāṃ
sarvasaukhyāgrakārakāḥ // Dhs_31.39 //
dharmadānaṃ
sarvottamam
dānānāmuttamaṃ dānaṃ dharmadānaṃ prakathyate /
udyogānāṃ
sadā dhyānaṃ yena gacchati nirvṛtim // Dhs_31.40 //
agrayastathāgataḥ
proktaḥ
ūrdhvādhastiryaguktasya lokasyānekakarmaṇaḥ
/
agrayastathāgataḥ prokto dharmāṇāṃ tattvadarśakaḥ // Dhs_31.41
//
vargāṇāṃ cārthasaṅghore pravaraḥ śānta ucyate /
kṣetrāṇāṃ trividhaṃ
puṇyaṃ guṇaduḥkhobhayaṃ tataḥ // Dhs_31.42 //
mātā pitṛsamaḥ pūjya upādhyāyaḥ
sadā bhavet /
sa unmīlayate cakṣurvaśagocaratāṃ prati // Dhs_31.43
//
niḥsukhā viṣayā matāḥ
agrāhyā vā sadā dṛṣṭā muninā
tattvadarśinā /
sukhasya bhūmayo hyetā niḥsukhā viṣayā matāḥ // Dhs_31.44
//
yadyevaṃ kurute dharma nirmalaṃ mārgadarśinam /
saukhyaṃ tasya
bhavennityaṃ na saukhyaṃ devabhūmiṣu // Dhs_31.45 //
bhavāntareṣu sukṛtaṃ
pṛṣṭhato dehināṃ sthitam /
sa āhūya prayatnena sevitavyaḥ sadā naraiḥ //
Dhs_31.46 //
anāgate bhayaṃ yo hi paśyati buddhacakṣuṣā /
sa paṇḍitaḥ sadā
dhīro mūrkhatvādatibhīrukaḥ // Dhs_31.47 //
vipattijaṃ bhayaṃ dṛṣṭvā (mārga)
paśyati buddhimān /
sa hi vighne tu samprāpte na viṣādena bādhyate //
Dhs_31.48 //
atha mūḍhamatirnityaṃ viṣayāneva sevate /
vimohitaḥ sa
viṣayaiḥ paścāttāpena dahyate // Dhs_31.49 //
samagraṃ janma puṇyāni
karaṇīyāni
yāvat samagraṃ janmedaṃ jñānaṃ yāti vināvilam /
tāvat
kuruta puṇyāni duḥkhaṃ hayakṛtapuṇyatā // Dhs_31.50 //
kṣayaṃ prayānti
puṇyāni tvaritaṃ yāti jīvitam /
dharmasaṅgrahaṇe yatnaḥ karttavyastuṣite
suraiḥ // Dhs_31.51 //
yo hi dharma parityajya pramādopahato naraḥ /
na
sañcinoti puṇyāni sa paścādapi tapyate // Dhs_31.52 //
na yāvadāyāti jarā na
vyādhiḥ saha mṛtyunā /
tāvat kāryāṇi puṇyāni mā paścāt paritapyatha //
Dhs_31.53 //
asaṅgṛhītapuṇyasya pramādopahatasya ca /
narake kāraṇaṃ
duḥkhaṃ pramādastvāṃ haniṣyati // Dhs_31.54 //
kiṃ tasya jīvitenārthaḥ kiṃ
bhāgyaiḥ kiṃ ca bāndhavaiḥ /
sabalendriyatāṃ prāpya yo na dharmarataḥ sadā //
Dhs_31.55 //
ahanyahani karttavyaṃ dharmasaṅgrahaṇe manaḥ /
viratiścāpi
pāpebhyaḥ sādhūnāṃ darśane na ca // Dhs_31.56 //
śīlena yaḥ suro janma
labdhvedaṃ kāmamohitaḥ /
na sañcinoti puṇyāni sa bhavaṃ nātivartate //
Dhs_31.57 //
dharmaratāḥ sadā vandyāḥ
jñānārambhābhiratayaḥ
śīlaratnavibhūṣitāḥ /
kāmarāgāddhi ye bhītā devānāṃ devasammatāḥ // Dhs_31.58
//
devāste hi sadā vandyā ye dharme niratāḥ sadā /
ye tu nityaṃ
bhavāsaktāste sarve nidhanaṃ gatāḥ // Dhs_31.59 //
dharmasetumimaṃ prāpya
pārāvāragataṃ mahat /
na sañcarati yastūrṇa bhavānnaiva pramucyate //
Dhs_31.60 //
śubhaṃ naiva praṇaśyati
śubhānucāridharmaiśca śubhaṃ
bhavati sarvadā /
kalpakoṭisahastreṇa śubhaṃ naiva praṇaśyati // Dhs_31.61
//
puṇyaprāptyarthe karaṇīyāni karttavyāni
saṅgṛhītaṃ sadā śīlaṃ
jñānaṃ ca parivartitam /
dānaṃ cābhikṣayā dattaṃ bhavati svarasātmakam //
Dhs_31.62 //
sadaiva guṇāḥ sevyāḥ
doṣāstrayaḥ praṇaśyanti
tribhirdānādibhirnṛṇām /
tasmād doṣān parityajya guṇāḥ sevyāḥ prayatnataḥ //
Dhs_31.63 //
jñānena laukikaṃ duḥkhaṃ naśyati
saṃsargo
dharmaśīlānāṃ jñānārambhaḥ prayatnataḥ /
naśyati bhavajaṃ
duḥkhamarkapādairyathā tamaḥ // Dhs_31.64 //
abhyupeyo devarato devatābhiśca
vandyate /
prāpya janmāntara cāpi nirvṛtiṃ cāśu gacchati // Dhs_31.65
//
// iti puṇyavarga ekatriṃśaḥ //
(32)
devavargaḥ
saugatamārge carantaḥ puruṣā devatulyāḥ
panthāno muninā
śāstre uktā ye tattvadarśinā /
taistu samprasthitāste (hi) puruṣā
devasammatāḥ // Dhs_32.1 //
sugatokto mārgaḥ
satyaṃ hi dānaṃ ca
tathaiva maitrī sattveṣu rakṣā priyavāditā ca /
samyaktvadṛṣṭirvimalaṃ
manaśca panthānamāhustridivasya buddhāḥ // Dhs_32.2 //
śukladharmasamāyuktaḥ
śuklacittasamanvitaḥ /
sukhāt sukhataraṃ yāti jyotirjyotiḥparāyaṇaḥ //
Dhs_32.3 //
jyoti(hi)rjyotiṣā pūrṇa dīpo dīpāntarād yathā /
tasmāddhi
paramāṃllokān prayātā samprapadyate // Dhs_32.4 //
ācāravān
devānāmantikaṃ vrajet
yasya śuddhaṃ sadā cittaṃ nirmalaṃ maṇivat sadā
/
sa śānto nirmamo dhīmān devānāmantikaṃ vrajet // Dhs_32.5
//
dhyānaśīlasamādhibhyo yasya cittaṃ śubhānvitam /
sa dhīmān
kāñcanaprakhyo devānāmantikaṃ vrajet // Dhs_32.6 //
prāṇātipātād virataḥ
sarvasattvadayāparaḥ /
ṛtusroto 'nukampāśca devānāmantikaṃ vrajet // Dhs_32.7
//
śrutavān sarvalokasya krūrakarmavivarjitaḥ /
aliptaḥ
pāpakairdharmairdevānāmantikaṃ vrajet // Dhs_32.8 //
tṛṇavat kāñcanaṃ yasya
kāmā yasya viṣopamāḥ /
sa kāmavarjako dhīmān devānāmantikaṃ vrajet //
Dhs_32.9 //
nākṛṣyate manaḥ kāmairviṣayai rāgahetubhiḥ
/
samantātbhavakāntārairdevānāmantikaṃ vrajet // Dhs_32.10 //
bhinnāḥ
paramparā ādau mitravān dhanabāndhavaḥ /
yaḥ karoti susaṃśliṣṭā
devānāmantikaṃ vrajet // Dhs_32.11 //
yasya buddhisthitaṃ veśma na buddhiḥ
kvāpi rāgiṇī /
sa jitārirviśuddhātmā devānāmantikaṃ vrajet // Dhs_32.12
//
praśastakāyakarmānto yaḥ pāpavirataḥ sukhī /
sa kāmavirato dhyāyī
devānāmantikaṃ vrajet // Dhs_32.13 //
pāpamitravinirmuktastṛṣṇāviṣavivarjitaḥ
/
na baddhaḥ strībhayaiḥ pāśairdevānāmantikaṃ vrajet // Dhs_32.14
//
prayatnavādī yo dharme dānaśīlasamādhimān /
nityodyukto
dṛḍhamatirdevānāmantikaṃ vrajet // Dhs_32.15 //
samyagbandhano yena
pāśaśchinno yathāsinā /
sacchinnapāśaḥ svavaśī devānāmantikaṃ vrajet //
Dhs_32.16 //
śubhakarmavipākena devaloke udbhavaḥ
manuṣyabhūtā ye
sattvāścaranti sukṛtāvahāḥ /
tena karmavipākena suraloke prasūyate //
Dhs_32.17 //
dharmapathāśritā eva balinaḥ
manuṣyāṇāṃ balād devā
devānāṃ balino narāḥ /
anyonyabalino te ye saddharmapathamāsthitāḥ //
Dhs_32.18 //
tistro 'pāyabhūmayaḥ
devānāṃ sugatirmartyāḥ martyānāṃ
sugatiḥ surāḥ /
apāyabhūmayastisraḥ śubhakarmavivarjitāḥ // Dhs_32.19
//
sarva sukhaṃ dharmādhīnam
dharmādhīnaṃ sukhaṃ sarva dharmādhīnā
hi nirvṛtiḥ /
dharmaḥ supteṣu jāgarti dharmo hi paramā gatiḥ // Dhs_32.20
//
devairasurā jitāḥ
dharmeṇa nirjito 'dharmaḥ satyenānṛtiko jitaḥ
/
jñānena varjito moho devaistu hyasurā jitāḥ // Dhs_32.21
//
devalokaṃ sukhodayam
sopānabhūtā ye tāni karmāṇi tridivasya hi
/
yoniṃ tyaktvā narā yānti devalokaṃ sukhodayam // Dhs_32.22
//
vāksaṃyamena budhāstridivaṃ sukhaṃ bhuñjanti
caturvidho
vāṅniyamaḥ ko 'pi trividhapañcadhā /
saptasopānamārūpyaṃ gacchanti tridivaṃ
budhāḥ // Dhs_32.23 //
prabhayā te ca divyantaḥ svaśarīreṇa jātayā
/
ramante svargabhuvane rañjitāḥ svena karmaṇā // Dhs_32.24
//
śīlameva śubhasya kāraṇam
nityāmodavihārā(ye) nityaṃ
saukhyavihāriṇaḥ /
yad devā devabhavane śīlaṃ tatra hi kāraṇam // Dhs_32.25
//
yadapsaraḥ parivṛtā yat sūryaśaśisannibhāḥ /
devāḥ samantād deveṣu
tatsarvaśubhahetukam // Dhs_32.26 //
yadīpsitaṃ sambhavati sambhūtaṃ ca na
hīyate /
vartate ca śubhaṃ nityaṃ tat sarva śubhahetukam // Dhs_32.27
//
śubhacārī devānāṃ samatāṃ vrajet
śubhacārī sadā dānī
sarvabhūtadayārataḥ /
dānamaitryā sadā yukto devānāṃ samatāṃ vrajet //
Dhs_32.28 //
prāṇātipātād virataḥ sarvasattvadayāparaḥ
/
samyagājīvakarmānto devānāṃ saṅgatiṃ vrajet // Dhs_32.29 //
adatte na
ratiḥ kiñcid dāne cāsya sadāmatiḥ /
śāntendriyamatirdhīmān devasaṅgatimaśnute
// Dhs_32.30 //
mithyākāmairvimukto yaḥ satpathābhirataḥ sadā
/
nirvāṇakāṃkṣī vimalo devānāmantikaṃ vrajet // Dhs_32.31 //
vimanaskaṃ hi
yat prīte puruṣe kurute laghu /
madyavarjī paraṃ dhīro devānāmantikaṃ vrajet
// Dhs_32.32 //
pramādavirahitaḥ sukhamāpnoti
sukha (prāṇo) hi yo
devaḥ pramādaṃ nānusevate /
sukhāt sukhamavāpnoti nirvṛttiṃ cādhigacchati //
Dhs_32.33 //
kṣayāvasānaṃ tat saukhyaṃ nirvāṇamiti śāśvatam /
tat
saprāpyavimāneṣu rājante puruṣottamāḥ // Dhs_32.34 //
uccāduccaro
merustasmāduccaṃ sadā sukham /
śubhena niyato janturakaniṣṭhān surān (jayet)
// Dhs_32.35 //
niravadye kutastṛptirdevaloke viśeṣataḥ /
atīva saukhyaṃ
labhate kasmād deveṣu sarvadā // Dhs_32.36 //
kaḥ
saukhyamupalabhyate?
tṛṣṇāgniparidagdhena na saukhyamupalabhyate
/
evaṃ sukṛtadagdhena na saukhyamupalabhyate // Dhs_32.37 //
trividhaṃ
sukṛtaṃ kṛtvā triprakāraṃ trihetukam /
etadagryaṃ tribhūmiṣṭhaṃ (triguṇaṃ ca)
phalaṃ mahat // Dhs_32.38 //
ahiṃsādānaparamā ye saddharmaparāyaṇāḥ
/
satyakṣāntidamairyuktāḥ tridivaṃ(te) samāgatāḥ // Dhs_32.39
//
divyābharaṇasampannā divyamālyavibhūṣitāḥ /
yad devā divyamatayaḥ
(kurvanti) śubhameva tat // Dhs_32.40 //
devānāṃ
yanmahatsaukhyaṃ(na)nyūnādhikyamāsthitam /
nyūnamadhyaṃ tu yasyaitat phalaṃ
puṇyasya dṛśyate // Dhs_32.41 //
puṇyakartā devalokaṃ
gacchati
yena yāvaddhi yat puṇyaṃ kṛtaṃ bhavati dehinā /
tasya
tāvaddhi tat saukhyaṃ devalokeṣu pacyate // Dhs_32.42
//
śīlasaṃrakṣaṇamāvaśyakam
svāgataṃ tava bho bhadra! sukṛtaṃ
kṛtavānasi /
saptadhā rakṣitaṃ śīlaṃ tasyaitat phalamāgatam // Dhs_32.43
//
ramasva saha daivataiḥ
vanopavanaśaileṣu padmākaravaneṣu ca
/
harmyāgreṣu ramasva (tvaṃ kāñcaneṣu) sadaivataḥ // Dhs_32.44
//
vanopavanaśaileṣu vaidūryaśikhareṣu ca /
vanādriṣu ca naikeṣu ramasva
saha daivataiḥ // Dhs_32.45 //
kalpavṛkṣeṣu ramyeṣu nadīprastravaṇeṣu ca
/
saritsu ca viśālāsu (ramasva) saha daivataiḥ // Dhs_32.46
//
strotasvinyādiyukteṣu parvateṣu nadīṣu ca /
nagareṣu mahārtheṣu ramasva
saha daivataiḥ // Dhs_32.47 //
madagandhipraroheṣu nīlotpalavaneṣu ca
/
yakṣasadmasu ramyeṣu ramasva saha daivataiḥ // Dhs_32.48 //
bhūmibhāgeṣu
cānteṣu ratnākaravaneṣu ca /
vimāneṣu ca ramyeṣu ramasva saha daivataiḥ //
Dhs_32.49 //
pañcāṅgikena tūryeṇa manaḥprahlādakāriṇā /
nṛtyamānaḥ sukhī
nityaṃ ramasva saha daivataiḥ // Dhs_32.50 //
śīlabījaṃ śodhayitvā śīleṣu
vividheṣu ca /
krīḍa tvaṃ vividhairdivyairyathārthamanusevase // Dhs_32.51
//
yatprabhāmālino devā ramante vividhaiḥ sukhaiḥ /
tacchubhasya phalaṃ
dṛṣṭaṃ nirmalasya viśeṣataḥ // Dhs_32.52 //
yadetairvividhaiḥ saukhyairdevāḥ
krīḍantyanekaśaḥ /
na vayaṃ hetavastatra (tatra hetuḥ) purākṛtam // Dhs_32.53
//
kūṭāgārāṇi sarvāṇi karmacitrāṇi sarvadā /
bhunakti devo deveṣu
satkṛtenopabṛṃhitaḥ // Dhs_32.54 //
pāśatrayavimuktasya pañcabhiḥ pālitasya
vai /
ekadharmavyatītasya devaloko mahīyate // Dhs_32.55
//
pramudyaccetasāṃ puṃsāṃ spaṣṭaceṣṭā samāhitā /
āgatā devasadanaṃ
svakarmaphalasākṣiṇī // Dhs_32.56 //
sukṛtaphalam
uparyupari
saukhyāni (tathā ca) sukṛtasya vai /
bhuñjanti vibudhāḥ svarga yaddhi
pūrvakṛtānugam // Dhs_32.57 //
sākṣibhūtā ime sarvakarmaṇāṃ vividhā drumāḥ
/
nirantaraṃ susadṛśaṃ kathayanti manīṣiṇaḥ // Dhs_32.58 //
bhāgyaṃ
phalati sarvatra
yena yena vipākena yatra yatropapadyate /
puruṣo
labhate svasya prārabdhasya śubhāśubham // Dhs_32.59 //
śubhakarmaṇā
prāṇī nityaṃ deveṣu jāyate
śubhena karmaṇā janturnityaṃ deveṣu jāyate
/
tathāśubhena narake patanti puruṣādhamāḥ // Dhs_32.60 //
kāmino
maraṇaṃ nāvagacchanti
śubhāśubhābhyāṃ saṃraktāḥ kāminaḥ kāmamohitāḥ
/
nāvagacchanti maraṇaṃ yadavaśyaṃ bhaviṣyati // Dhs_32.61
//
śubhāśubhavipāko 'yaṃ yo vṛkṣeṣūpalabhyate /
na saukhyād viramantyete
manaḥ saukhyena mohitāḥ // Dhs_32.62 //
sukṛtaṃ kṛtvā mānavāḥ deveṣu
yānti
trividhaṃ sukṛtaṃ kṛtvā bhāvayitvā ca saptadhā /
trisaṃkhyākān
ripūn hatvā yānti deveṣu mānavāḥ // Dhs_32.63 //
kaḥ devānāmantikaṃ
vrajet?
nāsūyati kriyākleśān na ca nandīmasūyati /
sa nandyasūyakaḥ
śuddho devānāmantikaṃ gataḥ // Dhs_32.64 //
vinindya mātsaryamidaṃ
duḥkhasyāyatanaṃ mahat /
samaṃ ca trividhaṃ dattvā devānāmantikaṃ gataḥ //
Dhs_32.65 //
prāṇināṃ praṇayaṃ nityaṃ rakṣayitvānukampayā /
maitracittaḥ
sadā dānto devānāmantikaṃ gataḥ // Dhs_32.66 //
adattaṃ ca dhanaṃ dattvā
dattvānandaṃ ca sarvataḥ /
cetanābhāvitamatirdevānāmantikaṃ vrajet //
Dhs_32.67 //
mātṛvat paradārāṃśca dṛṣṭvā tattvārthacintakaḥ /
alipto
pāpakairdharmairdevānāmantikaṃ vrajet // Dhs_32.68 //
(kṛtaḥ)
svacittaprītyartha jihvāraṇisamudbhavaḥ /
kathyate sa mṛṣāvādastaṃ hitvā
sugatiṃ vrajet // Dhs_32.69 //
paiśūnyaṃ ca sadā hitvā maitryanarthakaraṃ
padam /
ślakṣṇaprabhaḥ ślakṣṇamatiḥ devānāmantikaṃ vrajet // Dhs_32.70
//
pāruṣyaṃ śatruvaddhīro varjayatyeva sarvadā /
ślakṣṇaprabhāmatirnityaṃ
sarveṣu gatigāmikaḥ // Dhs_32.71 //
adharmo yasya jihvāgre na bhūto na
bhaviṣyati /
sadā duṣkālatattvajño devānāmantikaṃ vrajet // Dhs_32.72
//
yenedaṃ rakṣitaṃ śīlaṃ saptadhā buddhadeśitam /
sa dhīraḥ śīlatattvajño
devānāmantikaṃ vrajet // Dhs_32.73 //
kaḥ saphalaḥ
dharmajñaḥ?
vividhakarmavaśagaṃ janmedaṃ labhate suraiḥ /
tatprāpya yo
na dharmajñaḥ sa paścāt paritapyate // Dhs_32.74 //
sukarmaṇā śubhajaṃ
phalam
vanopavanaramyo 'yaṃ latāvedikamaṇḍapaḥ /
yadvicitramayo
lokastat sarva śubhajaṃ phalam // Dhs_32.75 //
yena yena yathā karma kṛtaṃ
bhavati śobhanam /
tasya tasya tathā dṛṣṭaṃ phalaṃ tadanugāmikam // Dhs_32.76
//
pratyakṣaṃ dṛśyate devairhīnamadhyottamaṃ sukham /
yena yena yathā
cīrṇaṃ tasya tasya tathā phalam // Dhs_32.77 //
kukarmaṇā duḥkhajaṃ
phalam
vicitraveṣāḥ saṃmūḍhā devā mohavaśānugāḥ /
tannāśānmanasā mūḍhā
na paśyanti mahadbhayam // Dhs_32.78 //
vicitrakāmaratayo
vicitraphalakāṅkṣiṇaḥ /
na vā kurvanti karmāṇi te 'surā mūḍhacetasaḥ //
Dhs_32.79 //
ke premaparāyaṇāḥ?
phalaṃ yeṣāṃ priyaṃ cittaṃ na ca
śīle ratā matiḥ /
te pradīpaṃ parityajya premālokaparāyaṇāḥ // Dhs_32.80
//
hetuphalatattvajñāḥ sukhino bhavanti
ye
hetuphalasādṛśyenecchanti surasattamān /
te hetuphalatattvajñā bhavanti
sukhabhāginaḥ // Dhs_32.81 //
jñānādeva muktiḥ
vinābījaṃ phalaṃ
nāsti vinā dīpaṃ kutaḥ prabhā? /
vinā śīlaiḥ kutaḥ svargo muktirjñānaṃ vinā
kutaḥ? // Dhs_32.82 //
kaḥ dhīmataḥ?
tatsukhaṃ tadvimuktasya
gatakāṅkṣasya tāyinaḥ /
vimuktakāmatṛṣṇasya nirmamasya ca dhīmataḥ //
Dhs_32.83 //
sukarmaiḥ sukhaṃ bhavatyeva
yadidaṃ karmajaṃ saukhyaṃ
sarva (tajjñeya) kalmaṣam /
yaṃ neṣṭakaṃ bhavatyeva tat sarvamamalaṃ smṛtam
// Dhs_32.84 //
devalokasya varṇanam
yo manorathakṛtsnasya
bahirantaśca (sarvataḥ) /
sarvālokaḥ sadāloko devatāgaṇasevitaḥ // Dhs_32.85
//
virājate girivaro ratnamāṇikyasannibhaḥ /
prabhūtasalilo yaśca
padminībhiḥ samāvṛtaḥ // Dhs_32.86 //
vanopavanaramyo 'yaṃ mṛgapakṣiniṣevitaḥ
/
kandarodarasaṃrambho bhitvā gaganamutthitaḥ // Dhs_32.87 //
kutra
devataiḥ sevyate?
sevyate devatairnityaṃ divyamālyavibhūṣitaiḥ
/
nṛtyagītaprakṛṣṭābhirdevatābhiśca sarvataḥ // Dhs_32.88 //
pañcāṅgikena
tūryeṇa prerita iva lakṣyate /
śirobhūto mahāramyaḥ prabhāmālī samantataḥ //
Dhs_32.89 //
sukṛtena śubhenāyaṃ karmaṇādhiguṇena vai /
yaṃ samāśritya
krīḍanti devavṛndāni sarvataḥ // Dhs_32.90 //
ke svarga
gacchanti?
dānaśīlayutā vṛddhā nityaṃ tadgatamānasāḥ /
ye bhavanti
sadā dāntāste janāḥsvargagāminaḥ // Dhs_32.91 //
saṃkṣiptamanasaḥ śāntāste
janāḥ svargagāminaḥ /
vairiṇāṃ viṣayo nityaṃ praśāntamanasastu ye //
Dhs_32.92 //
(vītarāgā vītamohāste janāḥ) svargagāminaḥ /
bhavābhavena
tīvreṇa bādhate (yatra) sādhanam /
sudāntamānasāṃ dhīrāste janāḥ
svargagāminaḥ // Dhs_32.93 //
satyamārgavilambena hayatīva sukhabhāginaḥ
/
sārāsāravidhijñāśca te janāḥ svargagāminaḥ // Dhs_32.94 //
saṃsāre ye na
rakṣanti svamano (nanu) dehinaḥ /
nirvāṇābhiratā nityaṃ te janāḥ
svargagāminaḥ // Dhs_32.95 //
vṛkṣamūle śmaśāne vā tathā ca girikandare
/
dhyāyinaḥ sattvamanasaste janāḥ svargagāminaḥ // Dhs_32.96 //
mātrajñā
deśakālajñāḥ pāpamitra(vi)varjitāḥ /
maitreṇa cetasā ye tu te janāḥ
svargagāminaḥ // Dhs_32.97 //
na snānadarśanaratā narāḥ manmathavāriṇā
/
ekāntagāminaḥ śāntāste janāḥ svargagāminaḥ // Dhs_32.98 //
kṣaṇe kṣaṇe
sadā kāyaṃ paśyantyaśucisambhavam /
kāryākāryavidhijñā ye te janāḥ
svargagāminaḥ // Dhs_32.99 //
dharmāṇāṃ dharmatāṃ ye ca paśyanti vividhā
samāḥ /
na ca rakṣanti saṃsāre te janāḥ svargagāminaḥ // Dhs_32.100
//
vedanā madhyatattvāntamanekavidhasambhavam /
paśyanti ca na rakṣanti te
janāḥ svargagāminaḥ // Dhs_32.101 //
māyopamaṃ ca kṣaṇikaṃ
gandharvanagaropamam /
ye jānanti (sadā) cittāḥ te janāḥ svargagāminaḥ //
Dhs_32.102 //
ekalakṣaṇatattvajñā vilakṣaṇavidaḥ svayam
/
nirvāṇarāgamanasaste janāḥ svargagāminaḥ // Dhs_32.103 //
mātṛvat
paradārān ye pitṛvat sarvadehinaḥ /
paśyanti ye bhayaṃ loke te janāḥ
svargagāminaḥ // Dhs_32.104 //
śūnyavargagato nityaṃ sattvānāṃ priyavādinaḥ
/
akrūrā ṛddhimanasaste janāḥ svargagāminaḥ // Dhs_32.105
//
kāṣṭhavalloṣṭhavat sarva paravittasamīkṣakāḥ /
saṃtuṣṭāḥ svena cittena
te janāḥ svargagāminaḥ // Dhs_32.106 //
na rātrau na divā yeṣāṃ
kausīdyadyutiriṣyate /
nityodyuktavihārā ye te janāḥ svargagāminaḥ //
Dhs_32.107 //
kaukṛtyaṃ styānamiddhaṃ ca kausīdyaṃ ca viśeṣataḥ
/
varjayanti sadā dhanyāste janāḥ svargagāminaḥ // Dhs_32.108
//
dauḥśīlyaṃ pañcarandhrebhyaḥ pariśuddhamanekadhā /
saṃkṣipanti sadā
duḥkhaṃ te janāḥ svargagāminaḥ // Dhs_32.109 //
upādānacatuṣṭvajñāḥ satyāni
ca tathaiva ca /
ye paśyanti budhāḥ prajñāṃ te janāḥ svargagāminaḥ //
Dhs_32.110 //
duḥkhaṃ duḥkhavipākaśca duḥkheṣu ca manaśca yat /
paśyanti
ye sadā tattvaṃ te janāḥ svargagāminaḥ // Dhs_32.111 //
tīvravyasanamāpannā
ye (ca) dharmāvimuñcakāḥ /
śāntāśca dharmamatayaste janāḥ svargagāminaḥ //
Dhs_32.112 //
śuklāvadātaṃ ye vastraṃ pāṃsukūlaṃ tathaiva ca
/
piṇḍapātaratā nityaṃ te janāḥ svargagāminaḥ // Dhs_32.113 //
adaṇḍāḥ
śāntamanaso nityaṃ dhyānavihāriṇaḥ /
naiṣkarmyaniratāḥ sarve te janāḥ
svargagāminaḥ // Dhs_32.114 //
mṛṣṭaṃ ca yadi vāṅmṛṣṭaṃ yathecchāvidhimāgatam
/
santuṣyanti na kupyanti te janāḥ svargagāminaḥ // Dhs_32.115
//
śuklāvadātaṃ ye vastraṃ pāṃsukūlaṃ tathaiva ca /
saṃvṛtau caiva
saṃtuṣṭāste janāḥ svargagāminaḥ // Dhs_32.116 //
śayyātale yathā bhūmau
harmyāgre vā tathāpare /
na duṣyanti (na hṛṣyanti) te janāḥ svargagāminaḥ //
Dhs_32.117 //
cakṣurviṣayamāpannaṃ yatkarma sāmparāyikam /
tattvato ye
prapaśyanti te janāḥ svargagāminaḥ // Dhs_32.118 //
apriyaṃ vā priyaṃ vāpi ye
śrutvā tīvrasambhramāt /
akṣubdhamatayo muktāste janāḥ svargagāminaḥ //
Dhs_32.119 //
ṣaḍindriyāṇi sarvāṇi viṣayāṃstu tathaiva ca /
saṃkṣipanti na
rakṣanti te janāḥ svargagāminaḥ // Dhs_32.120 //
yathā karma kṛtaṃ
sarvamaviśeṣeṇa tattvataḥ /
paśyantyamanaso dhanyāste janāḥ svargagāminaḥ //
Dhs_32.121 //
karmaṇāṃ ca vipākaṃ ca kṛtaṃ (ye dhīracetasā) /
bibhyatīha
sadā duḥkhete janāḥ svargagāminaḥ // Dhs_32.122 //
ityetāni mahārthāni nityaṃ
duḥkhakarāṇi ca /
kurvanti vidhivat sarva te janāḥ svargagāminaḥ //
Dhs_32.123 //
// iti devavargo dvātriṃśaḥ //
(33)
sukhavargaḥ
sukhasvarūpanirūpaṇam
anuttareṣu saukhyeṣu
dhyānopātteṣu ye ratāḥ /
teṣāṃ sukhaṃ yathāvat syāt nirvāṇapuradarśakam //
Dhs_33.1 //
navena sukhaduḥkhena purāṇamabhihanyate /
devasyaitannavenaiva
purāṇamabhihanyate // Dhs_33.2 //
dhū(ma) miśraṃ yathā kāṣṭhaṃ vi(ṣṭhā)
miśraṃ yathodanam /
tathā sukhamidaṃ sarvamasvatvaṃ nāvagamyate // Dhs_33.3
//
nirvāṇapuragāmināṃ sukham
tat sukhaṃ yad
vitṛṣṇānāmekāntasukhacāriṇām /
nirmohiṇāmarāgāṇāṃ nirvāṇapuragāminām //
Dhs_33.4 //
teṣāṃ vimalamādyantaṃ saukhyānāmapi tat sukham /
yeṣāṃ
tṛṣṇānugā cāśā sarvathā naiva cetasi // Dhs_33.5 //
saṅgṛhītasya cittasya
nirātmasya ca sarvataḥ /
kāryākāryeṣu mūḍhasya sukhaṃ nityamupasthitam //
Dhs_33.6 //
kaḥ śreṣṭhaḥ sukhī?
sā bahirnihatā yena
nandisaṃsārahetukī /
sa dhīraḥ pāragaḥ śreṣṭhaḥ sukhī nirvāṇamāśritaḥ //
Dhs_33.7 //
naitat sukhena tṛṣṇānāṃ yad rāgadveṣasaṃyutam /
yatra
rāgādinirmuktaṃ tat sukhaṃ nirmalaṃ matam // Dhs_33.8 //
kutra tṛṣṇā na
bādhate?
devaloke samāsādya yaḥ suro nāvamanyate /
sa sukhāt sukhatāṃ
yāti yatra tṛṣṇā na bādhate // Dhs_33.9 //
tadantyasukhi śreyo yatra
mṛtyurna vidyate /
mṛtyupāśairna baddhasya na sukhaṃ vidyate kvacit
/
yat sukhaṃ kāmajanakaṃ na tat saukhyaṃ satāṃ matam // Dhs_33.10 //
yatra
kāmavinirmuktastatsukhāt sukhamuttamam /
yat sukhaṃ janayet śreyaḥ
(payomiśraṃ) yathodanam // Dhs_33.11 //
yatra tṛṣṇāvinirmuktiḥ payomiśraṃ
yathodanam /
yathā padmavane gṛddhā yānti(te) kravyabhakṣiṇaḥ // Dhs_33.12
//
evaṃ śānteṣvaraṇyeṣu na bhāntyaśubhacāriṇaḥ /
kvacicchāntaṃ vanaṃ
ramyaṃ kvacid devāḥ pramādinaḥ // Dhs_33.13 //
kaḥ paramaṃ sukhaṃ
prāpnoti?
viparītaṃ na sadṛśaṃ bhānoḥ śītā yathā prabhā /
gatatṛṣṇasya
yat saukhyaṃ muktaduḥkhasya tāyinaḥ // Dhs_33.14 //
tasyāntareṇa saukhyasya
sukhametanna gaṇyate /
dhyāyinastvapramattasya muktapāpasya sarvadā //
Dhs_33.15 //
tat sukhaṃ tat paraṃ saukhyaṃ nedaṃ tṛṣṇāvidāṃ matam
/
munisevyaṃ vanamidaṃ sevitaṃ ca subhāṣitaiḥ // Dhs_33.16 //
nārhā
(yūyaṃ) rāgagaṇaṃ sevituṃ bho surottamāḥ /
yadetad bhavatāṃ saukhyametanna
khalu śāśvatam // Dhs_33.17 //
tat sukhaṃ paramaṃ śāntaṃ vītatṛṣṇai niṣevyate
/
niḥsevitaṃ vanamidaṃ ye gatāḥ paramaṃ padam // Dhs_33.18 //
yat prāpya
sarvaduḥkhasyacchedo bhavati sarvathā /
brahmacaryādanirmuṣṭāḥ śīlālāpena
vañcitāḥ // Dhs_33.19 //
bhikṣūṇāṃ vane vāsa eva
sukhāvahaḥ
nārhanti sevituṃ ramyaṃ vanaṃ śāntaṃ subhāṣitam /
śāntaṃ ca
bhāvitaṃ (caiva) ramate śubhagocare // Dhs_33.20 //
na rāgacāriṇāṃ cittaṃ
ramate vanagocare /
na rāgavyākulaṃ cittaṃ vaneṣu labhate dhṛtim // Dhs_33.21
//
kaḥ puruṣottamaḥ?
śravyāmūḍhā matiryasya nityaṃ tribhuvanaṃ
kare /
sa ratiṃ labhate śāntiṃ vane puruṣasattamaḥ // Dhs_33.22
//
sukhāya vanaṃ sevyam
sa kalparāgakuṭilo nityaṃ rāgādibhirvṛtaḥ
/
sa śāntiṃ naiva labhate vane śānte sukhāvahe // Dhs_33.23 //
yeṣāṃ tu
manasā nityaṃ vane dhyānaniyoginām /
vanaṃ teṣāṃ sadāramyaṃ na tu
rāgagaveṣiṇām // Dhs_33.24 //
vaneṣu bhāvitaṃ cittaṃ nagareṣu na kupyate
/
tasmād vanaṃ sadā sevyaṃ nagaraṃ naiva śasyate // Dhs_33.25
//
vikṣipyate hi nagare nṛṇāṃ rāgādibhirvṛtaḥ /
vikṣipta mohakuṭilaṃ vanaṃ
bhūyaḥ prasīdati // Dhs_33.26 //
tasmād vanaṃ paraṃ śāntaṃ yogināmālayaṃ
mahat /
saṃsevyaṃ vītamanasā yasya tad vītakalmaṣam // Dhs_33.27
//
ratiṃ mā kṛthā
praśāntendriyacittasya yā ratiryogino hṛdi
/
nāsau śaktiḥ sahasrasya (mānavānāṃ) bhaviṣyati // Dhs_33.28 //
yā
dhyāyino ratirdṛṣṭā vyavadānāya sarvadā /
na yāmeṣvapi sā dṛṣṭā nityaṃ
rāgānurāgiṇī // Dhs_33.29 //
ratiryā kāmavaśagā sā nityaṃ duḥkhasambhavā
/
yā tu kleśavaśāt prītiḥ (sā prītiḥ) śāśvatā nahi // Dhs_33.30 //
kaḥ
śreyaspadaṃ prāpnoti?
śreyo vaneṣu caritaṃ tattaduccaritaṃ nṛbhiḥ
/
yasmāt tat pratibaddhaṃ hi śreyasāṃ padamucyate // Dhs_33.31
//
susambhṛtena dharmeṇa rakṣiteneva cetasā /
sudṛṣṭaṃ labhate sthānaṃ
yatra doṣo na vidyate // Dhs_33.32 //
yaḥ kṣiptamanasā nityaṃ na ca
dharmaparāyaṇaḥ /
teṣāṃ vṛthā sukhamidaṃ gacchati na nivartate // Dhs_33.33
//
tattvajñā duḥkhaṃ na paśyanti
ye tu tattvavido dhīrāḥ paśyanti
jagataḥ sthitim /
anityaduḥkhaśūnyānāṃ teṣāṃ duḥkhaṃ na vidyate // Dhs_33.34
//
sukhadharmasya caraṇaṃ jñānasya ca niṣevaṇam /
ahiṃsā satyavacanaṃ
tadapyekāntataḥ sthitam // Dhs_33.35 //
kaḥ svarga
yāti?
ekadharmavyatītā ye ye 'dharmaparivañcakāḥ
/
tristhānalakṣaṇāviṣṭāste janāḥ svargagāminaḥ // Dhs_33.36
//
sukhasya svarūpam
udayavyayadharmāṇāmanityaṃ karmajaṃ hi tat
/
tat sukhaṃ sāstravaṃ nityaṃ na bhūtaṃ na bhaviṣyati // Dhs_33.37 //
tat
sukhaṃ tadvitṛṣṇasya nīrāgasya hi dehinaḥ /
muktirbhavati doṣasya pārasthasya
hi tāpinaḥ // Dhs_33.38 //
tat kiñcit sāsravaṃ saukhyaṃ tat sarva kṣaṇikaṃ
matam /
rāgabandhād vinirmuktaṃ tat sarva niścalaṃ sukham // Dhs_33.39
//
ye na kṣipanti duḥkhena sukhe yeṣāṃ na saṅgatiḥ /
te
duḥkhasukhanirmuktā nirvāṇasukhagāminaḥ // Dhs_33.40 //
anupāyena ye mūḍhāḥ
prārthayanti sukhaṃ sadā /
bālukābhiryathā tailaṃ yallabhyaṃ nityameva tat //
Dhs_33.41 //
na cetasā naraḥ prājño manorathaśatairapi /
śakro 'pi tat
sukhaṃ kartu yathā karma kṛtaṃ mahat // Dhs_33.42 //
sukhāya
dharmamācaret
sasukhaṃ yasya tu manaḥ saddharmānucaro bhavet
/
duḥkhairmuktyabhilāṣo 'yaṃ sa dharme kurute matim // Dhs_33.43
//
nāhetukaṃ sukhaṃ dṛṣṭaṃ duḥkhaṃ vā trividhātmakam /
sukhe duḥkhe
pṛthagbhāve tasmānnu sukṛta caret // Dhs_33.44 //
nedaṃ saukhyaṃ sadā
śastamadhruvaṃ vipralopi ca /
tṛṣṇāviṣeṇa sammiśraṃ viṣamiśraṃ yathodanam //
Dhs_33.45 //
tat saukhyaṃ (hi)satāṃ śastaṃ yatra mṛtyurna vidyate /
na ca
priyeṇa viśleṣo nāpriyeṇa samāgamaḥ // Dhs_33.46 //
kīdṛśaṃ sukhaṃ
duḥkhajanakam?
yadetat strīmayaṃ saukhyametad duḥkhāya kalpyate
/
tadbījavartakā dṛṣṭā narakeṣūpapattaye // Dhs_33.47 //
yat sukhaṃ
duḥkhajanakaṃ kathaṃ tat sukhamiṣyate?
duḥkhād duḥkhataraṃ jñeyaṃ
pariṇāmavaśena tat // Dhs_33.48 //
yadetad bhujyate saukhyametat kālena
naśyati /
sūryastāstaṅgatasyaivaṃ raśmayaḥ saha cāriṇaḥ // Dhs_33.49
//
vikṛtiṃ yasya (ca) manaḥ sukhaduḥkhairna gacchati /
sa dhīmān suraloke
ca gatvānyallabhate sukham // Dhs_33.50 //
bhuktaṃ sukhaṃ purāṇaṃ tu
hīnakarma karoti ca /
purāṇaṃ sukṛtaṃ śīrṇa mṛtyukāle na budhyate //
Dhs_33.51 //
sarva sukhamanityaṃ bhavati
yadidaṃ dṛśyate saukhyaṃ
manovākkāmajaṃbhṛśam /
anityaṃ tad vināśatvamacireṇa bhaviṣyati // Dhs_33.52
//
phenabudbudasaṅkāśaṃ marīcyudakasannibham /
cañcalormi sukhaṃ sarva
vinipāto bhavārṇave // Dhs_33.53 //
niṣpratīkāraviṣamaḥ sarvabhūtabhayāvahaḥ
/
cakravātapravego (vai) mṛtyurājaiṣa dhāvati // Dhs_33.54 //
nāśayitvā
sukhaṃ sarva nāśayitvā ca jīvitam /
karmasaṅkalpavāhyeṣu lokamanyatra neṣyati
// Dhs_33.55 //
yadatīva sukhaṃ nṛṇāṃ taddhi saukhyāya kalpyate
/
yannaiṣyati sukhaṃ kiñcit taddhi naiva vigaṇyate // Dhs_33.56
//
vartamānaṃ tu yat saukhyaṃ tṛṣṇāviṣavivarjitam /
sarva hyanātmajaṃ
duḥkhamanityaṃ saṃskṛtaṃ balam // Dhs_33.57 //
laukikaṃ sukhaṃ na
sukham
yad sukhaṃ triṣu lokeṣu na śastaṃ tattvadarśibhiḥ /
tena matvā
kathaṃ devā bhavanti vigatajvarāḥ? // Dhs_33.58 //
aviṣṭovatakālo 'yaṃ
bhairavo yāti sattvaram /
yo bhokṣyate surān sarvān śuṣkendhanamivānalaḥ //
Dhs_33.59 //
atiyāti sukhaṃ sarva kriyatāṃ śraiyasaṃ manaḥ /
mā paścāt
saṃbhavo yoge mṛtyukālo bhaviṣyati // Dhs_33.60 //
sukhamasthiraṃ
bhavati
janmāntarasahasreṣu yad muktaṃ karmajaṃ sukham
/
taraṅgasannibhaḥ kvāyaṃ(jānīyād) bāliśo 'sthiram // Dhs_33.61 //
kaḥ
sukhena prasīdati?
na sukhaistṛpyate bālastathā kāṣṭhairyathānalaḥ
/
tasmānna (sukha) saktasya sukhaṃ bhavati naiṣṭhikam // Dhs_33.62
//
viṣasya doṣamuktasya kāmadoṣānudarśinaḥ /
dhyāyinaścāpramatasya tat
sukhaṃ yadanāvilam // Dhs_33.63 //
sukhī bhavati tat prāpya na sukhaṃ
bhavajanmanaḥ /
bandhamiśraṃ viṣaṃ yadvad dharmasaukhyodayastathā //
Dhs_33.64 //
kāmavirahitaḥ sukhamaśnuvate
tasmāt tatsukhasaktānāṃ
nityaṃ kāmagaveṣiṇām /
bhavantyanekasaukhyā(ni)tasmāt kāmo na jāyate //
Dhs_33.65 //
jñānenaivendriyāṇi svagocare nivartante
nendriyāṇāṃ
jayaḥ śakyaḥ karttu viṣayagocare /
jñānena hi nivartante indriyāṇi svagocare
// Dhs_33.66 //
bālā eva gatipañcake bhramanti
duḥkhe
sukhābhisaṃsaktā nityaṃ bālā (haya)medhasaḥ /
viparyayā paribhrāntā bhramanti
gatipañcake // Dhs_33.67 //
kutra sukhaṃ duḥkhasadṛśaṃ
bhavati?
yadatyantasukhaṃ dṛṣṭaṃ tat sukhaṃ satyamucyate /
yatra
duḥkhaṃ vipākaṃ syāt tat sukhaṃ duḥkhameva tat // Dhs_33.68
//
pāpasyākaraṇameva sukham
anyāgatasya duḥkhasya pratighātayate
budhaḥ /
pāpasya hetujaṃ duḥkhaṃ pāpasyākaraṇaṃ sukham // Dhs_33.69
//
// iti sukhavargo trayastriṃśaḥ //
(34)
mitravargaḥ
kaḥ pāpānnivārayati?
tanmitraṃ mitramityuktaṃ
yanmitraṃ sāmparāyikam /
nivartayati yaḥ pāpād vyasanāccāpi rakṣati //
Dhs_34.1 //
praveśayati yannityaṃ taddhitaṃ sāmparāyikam /
mitraṃ bhavati
tannṛṇāṃ na mitraṃ pāpakārakam // Dhs_34.2 //
saṃsargajā doṣaguṇā
bhavanti
apūtiḥ pūtisaṃśleṣāt pūtirevopajāyate /
na pūtiḥ
pūtasaṃśleṣamapūtiṃ karttumarhati // Dhs_34.3 //
yādṛśena (hi) saṃśleṣaṃ
kurute puruṣaḥ sadā /
taddoṣāt sadṛśo dṛṣṭaḥ śubho vā yadi vāśubhaḥ //
Dhs_34.4 //
na śubhaṃ duḥkhakārakam
śubhārthī puruṣaḥ
sarvānaśubhānnaiva sevate /
tenāsau duḥkhamāpnoti na śubhaṃ duḥkhakāraṇam //
Dhs_34.5 //
guṇadoṣayorlakṣaṇam
saṃśleṣajā guṇāḥ dṛṣṭā doṣāḥ
saṃśleṣajātayaḥ /
lakṣaṇaṃ guṇadoṣāṇāmidamuktaṃ svabhāvajam // Dhs_34.6
//
yaśasā yujyate yo hi nityaṃ sādhusamāgamāt /
asādhu'saṅgamācchrīghraṃ
prayāti puruṣādhamaḥ // Dhs_34.7 //
satsaṅgatiphalam
etat sāraṃ
sadā kārya yadasādhuvivarjanam /
sādhubhiśca sadā vāso duṣṭāṇāṃ ca vivarjanam
// Dhs_34.8 //
doṣān samuddhareddhīmān guṇavṛddhiṃ samācaret /
(sādhu)
mitraṃ prakurvīta kausīdyavimukho bhavet // Dhs_34.9 //
na māninaṃ kusīdaṃ vā
nityaṃ sarvānuśaṅkinam /
liptapāpamatikrūraṃ mitraṃ kuryānna paṇḍitaḥ //
Dhs_34.10 //
udyuktaṃ mṛdujātīyaṃ dharmiṣṭhaṃ doṣavarjitam
/
samyagdṛṣṭiracapalaṃ mitraṃ seveta paṇḍitaḥ // Dhs_34.11 //
na pāpakaṃ
bhavenmitraṃ bhaveduttamapauruṣaḥ /
uttamaṃ bhajamānasya na doṣebhyo bhayaṃ
bhavet // Dhs_34.12 //
kaḥ laghutāṃ yāti?
rūpaiśvaryakulādīni
bhidyante (yasya) dehinaḥ /
bhayapradaṃ taṃ mātaṅgaḥ prayāntaṃ naiva paśyati
// Dhs_34.13 //
udvṛttaḥ puruṣo nityaṃ pramādākulitendriyaḥ /
laghutāṃ
yāti loke 'smin pretyapāpeṣu pacyate // Dhs_34.14 //
rūpaiśvaryamadārthā ye
te narāḥ pāpakāriṇaḥ /
teṣāṃ na suśamaṃ (karma) pretyapāpeṣu pacyate //
Dhs_34.15 //
rūpaiśvaryakulārthā ye na te tattvasya bhāginaḥ
/
atattvabuddhayo bālā na taranti bhavārṇavam // Dhs_34.16
//
jñānaśīlādiyutaṃ kulaṃ śreṣṭham
etatkulaṃ ye vibhavā yaccānyat
sukhamiṣyate /
sarvāṇyetānyanityāni tasmātteṣu na viśramet // Dhs_34.17
//
na jñānaśīlanirmuktaṃ kuśalaṃ yānti paṇḍitāḥ /
yeṣāṃ jñānaṃ ca śīlaṃ ca
te kule mahati sthitāḥ // Dhs_34.18 //
carituṃ cāmalaṃ śīlaṃ śīlameva
mahādbhutam /
mahākulaprasūtāste (paṇḍitāḥ) vaśamāninaḥ // Dhs_34.19
//
dānaśīlatapodhyānasatyaiśvaryaparākramaiḥ /
saṃyuktā ye kulīnāste ye na
dharmavivarjitāḥ // Dhs_34.20 //
naiśvaryajñānahīnasya na kulaṃ nāpi saṅgatiḥ
/
tasmātkulaṃ jñānamayaṃ jñānahīnaṃ na tat kulam // Dhs_34.21 //
//
iti mitravargaścatustriṃśaḥ //
(35) rājāvavādavargaḥ
dhārmiko
rājā svarga yāti
bhuvaṃ parijano paśyan dharmacārī jitendriyaḥ /
sa
rājā dhārmiko dhīmān svargalokopapattaye // Dhs_35.1 //
kaḥ lobhanirmukto
rājā?
niyataṃ yaḥ karaṃ kāle dharmeṇa paribhujyate /
sa rājā
lobhanirmukto yāmānāmadhipo bhavet // Dhs_35.2 //
rājñaḥ
svarūpam
kṣamāvān priyavākyo yaḥ krodhaharṣādidhārakaḥ /
sa mahīṃ
pālayettvenāṃ loke hi śreṣṭhatāṃ gataḥ // Dhs_35.3 //
apakṣapātinaḥ śraddhā
mitreṇa ca (vi)hanyate /
sa rājanyasabhājetā devalokāya kalpyate // Dhs_35.4
//
baddhadarśī mahātmā yo gurupūjaka eva ca /
alolo yo
dṛḍhamatirdevānāmantikaṃ vrajet // Dhs_35.5 //
pūrve yat pitṛbhirdattaṃ
devānupadiśanti ca /
na ca hiṃsati bhūtāni sa deveṣūpapadyate // Dhs_35.6
//
dānaśīle sadā dakṣo dharmavādī jitendriyaḥ /
sa matvāryāṃ mahīṃ kṛtsnāṃ
devalokaṃ mahīyate // Dhs_35.7 //
nādhārmikaṃ dhārayati dhārmikeṣu ca rakṣati
/
sa dharmaśīlasaṃśuddho devānāmantikaṃ vrajet // Dhs_35.8 //
na strīṇāṃ
vaśago rājā sādhūnāṃ ca vaset sadā /
sa nirmalamatirdhīraḥ suralokopapattaye
// Dhs_35.9 //
na sarvasya vacogrāhī priyaḥ sādhujanasya tu /
so
'mṛtastattvadarśīvā nākṛṣṭa iva rohati // Dhs_35.10 //
ko
yāmānāmadhipo?
yo dharmalobhamāyāti draviṇaṃ naiva lapsyate /
sa
lobhamalanirmukto yāmānāmadhipo bhavet // Dhs_35.11 //
na mithyādarśanenāpi
strītvadarśanatatparaḥ /
sa śuddha eva vimalo yāmānāmadhipo bhavet //
Dhs_35.12 //
kaḥ rājā devapriyo bhavati?
prājñaḥ śīle sadāyukto
dānenābhīkṣṇatāṃ gataḥ /
pravijitya mahīṃ kṛtsnāṃ pretya devapriyo bhavet //
Dhs_35.13 //
priyasya tu bhaved vākyaṃ stotrotsavakaraṃ param
/
āhlādayitvā vasudhāmante devopapattaye // Dhs_35.14 //
avisaṃvādakaṃ
vākyaṃ yasya merurivācalam /
satyasopānamāruhya devānāmantike gataḥ //
Dhs_35.15 //
hrāsavṛddhī ca bhūtānāmakasmāt kurute hi yaḥ /
sa rājā vai
paro devairdevaloke ca tiṣṭhati // Dhs_35.16 //
manuṣyāntaratattvajño yo
vetti hi balābalam /
sa dhībalābhyāṃ saṃyukto yāmānāmadhipo bhavet //
Dhs_35.17 //
traidhātukapadaṃ yacca ratnatrayamihocyate /
yastat pūjayate
rājā sa deveṣūpajāyate // Dhs_35.18 //
kālaṃ niyatadarśī yaḥ prajānāṃ ca hite
rataḥ /
sarvato bhadrakāntāro devānāmadhipaḥ smṛtaḥ // Dhs_35.19
//
nindāmalavinirmuktaḥ saṅgadoṣavivarjitaḥ /
jñānagocarasampūjyo niyataṃ
deva eva saḥ // Dhs_35.20 //
kaḥ svarga yāti?
kausīdyadoṣarahito
nityaṃ dṛḍhaparākramaḥ /
nāśayitvā sa doṣaughān pretya svargeṣu jāyate //
Dhs_35.21 //
sanmitraiḥ parivārito rājā devādhipo bhavati
hitāni
yasya mitrāṇi karmakartṛṇi nityaśaḥ /
sa mitraiḥ samparivṛto nṛpo devādhipo
bhavet // Dhs_35.22 //
nānuseveta durvṛttān vākkṣepeṇa ca varjitaḥ /
sa
sadyo viṣanirmuktaḥ surāṇāmadhipo bhavet // Dhs_35.23 //
krodhaharṣavighātāya
na ca pāpeṣu rakṣyate /
sa pāpapaṅkanidhautaḥ suralokādhipaḥ sadā //
Dhs_35.24 //
na śaktaḥ pānabhojyeṣu saṃsaktastu śubhe sadā /
sa
śuddhadharmasandarśī vibudho 'dhikatāṃ vrajet // Dhs_35.25 //
kaḥ
padamuttamaṃ prāpnoti?
sucintitaṃ cintayati (yo) dharmeṣu ca vartate
/
dharmodayena dṛṣṭena yathā yāti triviṣṭapam // Dhs_35.26 //
saṃsārād
dīrghasūtrād yastvaritaṃ dharmamācaret /
sa dīrghasūtranirmuktaḥ prayāti
padamuttamam // Dhs_35.27 //
dharmeṇa prajāpālakaḥ svargasukhaṃ
yāti
dharmeṇaiva prajā nityaṃ prapālayati (yo) nṛpaḥ /
sa dhārmikaḥ
praśastātmā suraloke mahīyate // Dhs_35.28 //
daśeme kuśalā dharmā
ihoktāstattvadarśinā /
yaste prakurute dharmān sa surādhipatāṃ vrajet //
Dhs_35.29 //
hetupratyayasandarśī mārgāmārgau tathaiva ca /
sa
dṛṣṭimalanirmukto vibudho 'dhikatāṃ gataḥ // Dhs_35.30
//
kīdṛśairguṇayutaiḥ rājā devānāmadhipo bhavati
yo devatāṃ
pūjayati yathā cāhni mahīpatiḥ /
sa devapūjito bhūyo devānāmadhipo bhavet //
Dhs_35.31 //
anāvilena manasā prasannaścādhidārakaḥ /
svasvadāraiśca
santuṣṭo devānāmadhipo bhavet // Dhs_35.32 //
kaḥ śīlavān?
hīyate
yo na viṣayaiḥ sarvabālāpahāribhiḥ /
sa śīlavān divaṃ yāti nityaṃ śīlena
rakṣitaḥ // Dhs_35.33 //
avidyāvarjakān nityaṃ sevate yaḥ sudhārmikān
/
saddharmacintakaḥ saukhyaṃ kalpate sura(saṃ)sadi // Dhs_35.34
//
(vyāpāraiḥ svasthacitto yaḥ) pārṣadālāpahāribhiḥ /
sa śīlavān divaṃ
yāti nityaṃ śīlena rakṣitaḥ // Dhs_35.35 //
saddharmī rājā eva
vasudhādhipatiḥ
sadvyāpārāddharmamimaṃ pālayan vasudhādhipaḥ
/
praśāsti ca mahīṃ kṛtsnāṃ yāmānāmadhipo bhavet // Dhs_35.36
//
satkarmaniratasya rājño bhṛtyo 'pi śobhate
satkarmanirato
bhṛtyo nṛpe sadguṇaśālini /
jano nirmalatāṃ yāti śaraccandra ivāmbare //
Dhs_35.37 //
kaḥ rājā devatulyo bhavati?
hetulakṣyavidhijñā ye
aviruddhāḥ parasparam /
samyaksvāmyarthakarttāraḥ devānāṃ vaśamāgatāḥ //
Dhs_35.38 //
// iti rājāvavādavargaḥ pañcatriṃśaḥ //
(36)
stutivargaḥ
buddhastutiḥ
samasattvāgravedāya sarvasattveṣu
bandhave /
sanmārgasārthavāhāya bhavabandhanabhedine // Dhs_36.1
//
(nā)nādṛṣṭivibhedāya sarvasaṃśayamocine /
samyagdṛṣṭiniveśāya namaḥ
sañjñānacakṣuṣe // Dhs_36.2 //
sarvasaṅkaṭabhedāya tridoṣamalaśodhine
/
namo nakṣatrabhūtāya sarvabījaphaloruhe // Dhs_36.3
//
sarvaprajñākarāgrāya sarvadhyānāgravedine /
sarvaratnottamāryāya namo
'lānāgradarśine // Dhs_36.4 //
iyaṃ sā lokanāśasya viprayuktasya tāpinaḥ
/
pratimā dṛśyate śāntā mokṣamudghāṭyakārikā // Dhs_36.5 //
samarcatīmāṃ
nityaṃ (yaḥ) puruṣaḥ śāntamānasaḥ /
sa mucyate bhavabhayānnivṛttiṃ
cādhigacchati // Dhs_36.6 //
etacchāntapadaṃ ramyametannaiṣṭhikamucyate
/
yadayaṃ bhāṣate dharma nirvāṇapuradeśikaḥ // Dhs_36.7 //
asya vākyaṃ
samālambya puruṣādhīnavikramāḥ /
ākarṣanti padaṃ nityaṃ yadanantasukhāvaham
// Dhs_36.8 //
etat pūrva samāruhaya puruṣāstattvacintakāḥ
/
trilokaughārṇavaṃ ghoraṃ taranti bhavasāgaram // Dhs_36.9 //
ayaṃ sa
cakṣurlokasya samantāddhi vicakṣuṣaḥ /
ayaṃ jyotiḥ paraṃ
jyotiryajjyotiḥkāṣṭhasambhavam // Dhs_36.10 //
kalpāntaṃ prāṇināṃ citte nṛṇāṃ
rāgādibhirmalaiḥ /
jñānatoyena mahatā śodhayatyeva vāṅnṛpaḥ // Dhs_36.11
//
yanna dṛṣṭaṃ padaṃ sarvaistīrthikairjñānapāṇibhiḥ /
tatpadaṃ
vimalairvākyaistvayā nṛṇāṃ pradarśitam // Dhs_36.12 //
pramādaparamo 'nātho
jano 'yaṃ tāritastvayā /
tīrṇaḥ pāragato nāthastārayatyaghanāśanāt //
Dhs_36.13 //
hitārtha sarvajagatastvamevaiko vyavasthitaḥ /
ahitānāṃ
hitāyaiva tvameva puruṣottamaḥ // Dhs_36.14 //
anādimati saṃsāre nṛṇāṃ
kleśāpahārakaiḥ /
tvayā viśodhito vākyaistamaḥ sūryodaye yathā // Dhs_36.15
//
akṣayaḥ sarvadharmāṇāṃ jñānalokakaro mahān /
tvamevaiko jagannātha
lokottaraguṇārṇavaḥ // Dhs_36.16 //
// iti stutivargaḥ ṣaṭtriṃśaḥ
//
puṇyadevasukhairmitrarājastutibhiranvitāḥ
/
saddharmasmṛtivaipulyai gṛhīto 'yaṃ samuccayaḥ //
// iti caturtham
udānam //
ye ca dharmā hetubhavā teṣāṃ tathāgato 'vadat /
teṣāṃ ca
yo nirodhaścaivaṃvādīmahāśramaṇaḥ //
puṇyamavāptamantrakleśaṃ
vibhidyājanavalāśrīkam /
yāvajjagadvyākulaṃ tarkaniṣṭhaiḥ samākulaṃ vetti
satyavacanaiḥ //
vaipulyamahāgambhīrodadhisūtravarād
bhikṣu(ṇā)avalokitasiṃhenoddhṛtamiti /
mohāśivādirahitasya vākyavidyasya
vipulārjanasya 'dharmasamuccayo' nāma dharmaparyāyaḥ samāptaḥ /
// iti
śubham //