2. Uttamātherīgāthā

42. “Catukkhattuṃ pañcakkhattuṃ, vihārā upanikkhamiṃ;

aladdhā cetaso santiṃ, citte avasavattinī.

43. “Sā bhikkhuniṃ upagacchiṃ, yā me saddhāyikā ahu;

sā me dhammamadesesi, khandhāyatanadhātuyo.

44. “Tassā dhammaṃ suṇitvāna, yathā maṃ anusāsi sā;

sattāhaṃ ekapallaṅkena, nisīdiṃ pītisukhasamappitā [nisīdiṃ sukhasamappitā (sī.)];
aṭṭhamiyā pāde pasāresiṃ, tamokhandhaṃ padāliyā”ti.

… Uttamā therī….