7. Citakapūjakatthera-apadānaṃ

38. “Parinibbute bhagavati, jalajuttamanāmake;

āropitamhi citake, sālapupphamapūjayiṃ.

39. “Satasahassito kappe, yaṃ pupphamabhipūjayiṃ;

duggatiṃ nābhijānāmi, citapūjāyidaṃ phalaṃ.

40. “Kilesā jhāpitā mayhaṃ…pe… viharāmi anāsavo;

41. “svāgataṃ vata me āsi…pe… kataṃ buddhassa sāsanaṃ;

42. “paṭisambhidā catasso…pe… kataṃ buddhassa sāsanaṃ”;

itthaṃ sudaṃ āyasmā citakapūjako thero imā gāthāyo abhāsitthāti;

citakapūjakattherassāpadānaṃ sattamaṃ;