10. (Dutiya)-devasabhattheragāthā

100. “Sammappadhānasampanno, satipaṭṭhānagocaro;

vimuttikusumasañchanno, parinibbissatyanāsavo”ti.

… Devasabho thero….

Vaggo dasamo niṭṭhito.

Tassuddānaṃ–

Paripuṇṇako ca vijayo, erako mettajī muni;
cakkhupālo khaṇḍasumano, tisso ca abhayo tathā;
uttiyo ca mahāpañño, thero devasabhopi cāti.

11. Ekādasamavaggo

1. Belaṭṭhānikattheragāthā

101. “Hitvā gihittaṃ anavositatto, mukhanaṅgalī odariko kusīto;

mahāvarāhova nivāpapuṭṭho, punappunaṃ gabbhamupeti mando”ti.

… Belaṭṭhāniko thero….