8. Rāhulattheragāthā

295. “Ubhayeneva sampanno, rāhulabhaddoti maṃ vidū;

yañcamhi putto buddhassa, yañca dhammesu cakkhumā.

296. “Yañca me āsavā khīṇā, yañca natthi punabbhavo;

arahā dakkhiṇeyyomhi, tevijjo amataddaso.

297. “Kāmandhā jālapacchannā, taṇhāchādanachāditā;

pamattabandhunā baddhā, macchāva kumināmukhe.

298. “Taṃ kāmaṃ ahamujjhitvā, chetvā mārassa bandhanaṃ;

samūlaṃ taṇhamabbuyh, sītibhūtosmi nibbuto”ti.

… Rāhulo thero….