8. Āluvadāyakatthera-apadānaṃ

31. “Pabbate himavantamhi, mahāsindhu sudassanā;

tatthaddasaṃ vītarāgaṃ, suppabhāsaṃ sudassanaṃ.

32. “Paramopasame yuttaṃ, disvā vimhitamānaso;

āluvaṃ tassa pādāsiṃ, pasanno sehi pāṇibhi.

33. “Ekattiṃse ito kappe, yaṃ phalamadadiṃ tadā;

duggatiṃ nābhijānāmi, āluvassa idaṃ phalaṃ.

34. “Paṭisambhidā catasso…pe… kataṃ buddhassa sāsanaṃ”;

itthaṃ sudaṃ āyasmā āluvadāyako thero imā gāthāyo abhāsitthāti;

āluvadāyakattherassāpadānaṃ aṭṭhamaṃ;